既然今日出開中環，就黎試呢間一直都想食既大大塊PIZZA專門店。
我叫左個MARGHERITA PIZZA，另外再加BLACK OLIVE。
落完單，就見女侍應拎左個最基本既CHEESE PIZZA做底，然後係上面落我叫既PIZZA既料，再拎去爐到焗。
或者個日我早去，未到午膳既高峰期，間鋪唔係太多人，所以等左一個字左右就有得食啦。

一黎到，個PIZZA果然大塊，面頭睇落都好多料。雖然佢有拎返去焗熱，但係個PIZZA黎到既時候我都唔覺熱既甚至乎暖都唔到...)我諗佢焗個下都只係象徵式俾人睇下...

睇返張MENU，佢寫呢個PIZZA原本係有FRESH TOMATOES, BASIL, VIRGIN OLIVE OIL同GARLIC SAUCE，當然仲有我額外加既BLACK OLIVE。
FRESH TOMATOES冇咩特別，只係蕃茄切粒，不過我略嫌份量唔夠多，只有寥寥幾粒。相比起我額外加既BLACK OLIVE，個BLACK OLIVE可以話係氾濫。而BLACK OLIVE 都係平時食到既味，又係冇特別。或者我下次想要多D蕃茄應該加錢額外加？
個BASIL原來只係係個PIZZA面到"沈"D香草碎再拎去焗，我覺得敷衍左少少呢...(我見佢係調味料個位到都有提供香草碎俾客人自己加呢...)
唔知係咪我加左個BLACK OLIVE 既關係，個PIZZA我唔係好食得出VIRGIN OLIVE OIL既味...(呢個係我落單前冇諗清楚，或者我下次再叫呢個PIZZA既時候唔應該額外加BLACK OLIVE)
而GARLIC SAUCE呢，呢個我就真係食唔出，或者個侍應可以落重手少少...
做底既MOZZARELLA CHEESE唔會話過鹹，其實連芝士味都唔太重，可以話係食佢既煙韌口感。
HOMEMADE PIZZA SAUCE落既份量適中，亦唔會過酸過甜，OK。

講完D料，就輪到個餅底。佢既餅底的確唔算薄，甚至乎偏厚添。尤其是D邊邊位，厚度都有返咁上下。(唔怪之得好多人食完都話會好飽)
佢岩岩上枱，仲係微暖既時候，我都仲食到少少脆口既。
但係過多一陣，個PIZZA涼左之後，個餅底會變淋。若果拎走晒D料，淨係食個底既話，仲會覺得自己似係係到食緊麵包，不斷咬緊一塊偏厚既麵包。
雖然話係PIZZA，但係我真係覺得似係係一塊又大又厚既麵包上面放上唔同既餡料再拎去焗。

如果我下次突然間想食好多芝士，突然間好想放肆下，又嫌麻煩唔想落手落腳整野食，而又係PAISANO'S PIZZERIA附近經過既時候，或者都會再走入去試多次既
如果唔係既話，我寧願自己買袋麵包返黎，係上面放自己鍾意食既餡好似仲好食同好玩

這夜經過荷里活道正在盤算晚餐食乜時，突然聞到很香噴噴的pizza香，令本來已覺得餓的我就覺得更餓。原來眼前就是這間以特大pizza做招牌的Paisano's。雖然依稀記得之前吃過印象很一般，今天就再給他多次機會吧。一向吃薄餅都偏愛配料簡單一點的，這次就選了一件Cheese pizza。在櫃台付過款後，看著店員把一片薄餅放進焗爐加熱，幾分鐘後便ready到櫃台自取了。熱辣辣的薄餅依舊很大塊。味道呢？芝士不夠香，份量亦落得不夠。至於另一主角餅底吃起來感覺質感像麵包多於薄餅餅底，整體味道像在吃熱芝士麵包。仍是覺得一吃無妨，會否再吃就真的不知道了。

尋日(3-8-2012 Fri)晏晝,同男友行完展城館後,特登沿都爹利街上雪廠街,影藝穗,然後求祈沿雲咸街西行,因男友想食下午茶,又蘭X園嗎?不不不,男友話唔一定,行到中環警署見到只係食Pizza o既呢間,男友話入去睇睇先,開頭我o地見座位唔多,但行入啲原來重有o既,不過西斜同睇後巷,我o地唔想坐o個o度,行返出舖面,有張四人枱,但o係正開得好大聲o既電視機底,太嘈啦,於是走去對住警署o既位坐,男友由我決定買咩o野食.

我問收銀有冇套餐?佢答過o左2:00pm只係有跟啤酒o既套餐,咁high?咁我唯有散買,要一件唔知幾錢o既教父pizza,一罐百事可樂畀男友,一支Tropicana橙汁畀我自己,共$65.00.我返埋位得叫No.啦,睇睇張飛,原來pizza係$40.00,可樂同橙汁分別係$10.00同$15.00.

等o左一陣,我見冇乜動靜,就問一個女店員,我係點樣攞o野食?係咪等叫No.?佢答係,同時都提佢同事,即係佢o地根本冇為意有單.

我親眼睇住佢o地o係櫃入面拎件pizza入大焗爐翻熱,之後就叫No.

拎返o黎喇,大大件,食落,拉到芝士絲出o黎,辣肉腸唔太辣,茄醬都幾多但偏酸,我o地就加芝士粉同香草食.餅底唔係太厚,只係邊位至稍為厚啲,其實成件pizza同o係Pizza Hut食到o既有乜分別?

上週吃過新開張的Pubblico Pizzeria ，這週就來幾街之隔的Paisano's。兩間同樣自稱為正宗紐約薄餅店，供應大大個紐約式pizza。講起後者，記得從前坐巴士回家時總看見那位於擺花街的小鋪，滿溢的外國人客都是一片片一樽樽的好興奮。如今已站得好穩的Paisano's下至上環，上至西貢亦有分店，版圖更越劃越廣！但我卻是從未到訪－那片巨pizza實在巨得太恐怖了．冒著雨爬樓梯到天橋底的分店，店內的薄餅羣比雨勢還要大！在堂食的客人都拿著超級大片的在咬嚼，場面相當震撼．而且一片的尺寸亦比想像中的更大，比Pizzeria Pubblico的大三分一左右，而且厚身很多．配料有芝士，辣肉腸，素菜等大路選擇．本來想買兩片外賣回家的我立即打退堂鼓，只買一片巨形的Paisano's回家，一片要四十五元．店元也沒翻熱，就這樣包好就給我． 重重塞車終到家，手上的薄餅早已冷卻：經翻熱後，這片薄餅甚至比在店時更熱！餅底和Pubblico的雖都自稱是紐約pizza，但這裡的餅明顯比後者鬆厚得多，底部亦沒炭燒的痕跡，整體像蛋糕，或者麵包，感覺和本地的pizza hut厚批很像很像！幸好這片薄餅是分三份，否則肯定飽到不行！

至於配料，我點的是甚麼都有的Paisano's，口感和食味都不算豐富；茄醬酸咪咪的，各種腸都富咸香，但不覺有甚麼特別．芝士也是．說誠實點，這片薄餅的味道和在pizza hut，pizza box吃到的沒分別！不同的或許只有其尺寸吧．那我真的想不到有誰會希望在這裡吃到如此熟悉的味道，畢竟這裡主打New York Style Pizza的啊，不是港式pizza．．．

這裡的一片薄餅已能塞飽人，但如果你對味道有要求，又不介意付多一點錢，還是到一街之隔的Pizzeria Pubblico會吃得好一點．

Service was pretty ok (All new staff?), the pizza is nice and hot.
YEAH!! The Paisano is back! I will probably come here for lunch once or twice a week.

Used to visit the old shop quite often (Sai Kung & Central) but since the boss (Alfrenze? sorry mate not sure how to spell your name) doesnt stay in the shop, the staff became monkeys in the playground. Service not up to standard (Still remembered a guy named Ivan, he is amazing) and the food quality has changed. Anyway i have given it another go today just to test my luck.

這間以特大pizza做招牌菜的店還在擺花街舊址時經常經過，不過直到搬店仍一次也沒有光顧過。這日在附近走過，發現原來新店就在半山天橋底，對著舊中環警署的一個角位地鋪。身在不遠處的我已聞到陣陣焗餅的香氣，反正有點餓，一於就去食返次啦。店比我想像中大，有數十個座位，落地玻璃令人感覺空間感很足。地方打理得整潔。薄餅款式方面，正如一般薄餅店般除了可選預設的款式，亦可以自選配料。每塊約30多至40多元，視乎配料。此外，這店也有意粉和三文治等食物和生啤。看到櫃內一個個大薄餅，本來有想過問問店員那一款這新做起，因為總覺得這樣保著煖，味道會因不過熱辣辣而大打折扣。不過後來還是算了，直接從menu中選了我的最愛之一的margherita。雖然我有時都會花心，但說到薄餅，我始終偏愛配料款式簡單一點的。落單後等了一段時間仍未叫我號碼，這時才發現原來店員會把薄餅放回焗爐加熱。終於到我了，薄餅熱辣辣香噴噴，還有，果然很大塊。雖然說實的這個margherita看起來和吃起來都與我一向吃到的不太一樣，但新鮮出爐的包餅其實很難會不好吃。先說餅底，算薄身，吃起來香脆，但吃到餅邊就要考考牙力有點'un'。配料方面，芝士份量很多，比餅底要厚至少2、3倍，溶掉的芝士亦特別好吃。蕃茄用上大蕃茄切粒，而且味道很淡。至於我很喜愛兼應該是主角之一的basil羅勒不見了影縱，換來是超濃的蒜茸香和油油的橄欖油，讓我差點以為自己在吃蒜茸包呢。雖然這個熱辣辣'芝士蒜茸包'可算幾好吃，但現實點來說面對附近競爭對手，我下次再在附近想吃薄餅，如果一群人，我會考慮到下一條街一起吃，又或如果一個人，我會選擇上一條街的新店吃一片薄餅，皆因感到那些店的出品較接近我的個人口味喜好。