往年吃大閘蟹多是從五豐行訂貨,幾個人夾份買一籮回來再分贓,跟著你又搞佢又搞大食會,個個食完做餐懵洗餐死!
今年懶得去做,一於想食就齊齊出街食,乾手淨脚食完拍吓欏柚走人!
朋友間口碑最好是這裡夠經濟水準穩定,於是訂試一試!
佛跳牆----有花膠、原粒搖柱、花菇、散翅加多隻雞腳.一個較簡單版本的佛跳牆,始終大酒樓處理這類材料是較為熟練,花膠沒有腥味,其它材料也能食得入口不似一般湯渣,一個非常濃味的湯水!
蟹粉小籠飽----飽身有黃油滲出,一口咬下湯汁不算澎湃但鮮味十足!(友人上星期試過另一家酒樓的套餐,內裡的蟹粉小籠飽是腥味十足.)
大閘蟹----套餐每人有2隻,分開兩次上檯.第一輪五隻都係公(第二輪一樣),蟹身不算大型,反轉蟹奄有少量黃油流出,內裡藏膏量不俗!蟹膏味道比蟹乸濃,質感較為實及黏一點!這裡的質素很平均,每隻的蟹膏也差不多,第二輪亦如是.
蟹粉蒜蓉多士----其實不要蒜蓉也夠味,法包烘得脆身(唔係硬),不過這次蟹粉處理得一般,要趁熱食!因為凍得很快所以有點腥味.
牡丹蝦烏冬----烏冬本身其實問題不大,出事在灑在上面的櫻花蝦!食落苦苦地有燶味,看來有點似包裝零食貨色.
油菜----普通灼菜但加上大量的油!令到每條菜也被燈光照射得華麗地閃閃發光!
蕃薯薑丸子----薑味夠濃!
六、日收$328,星期一至五有八折埋單無加一無茶芥實牙實齒$260!

食大閘蟹未係最好時候,但已經急不及待!

每年呢個時候都好多食店都推出大閘蟹套餐,先嚟試吓呢間!

晚上九點幾到,全場爆滿,要坐走廊位! 冇計啦,咁鬼旺!

個魚翅蟹皇餐太貴啦! 要$438每位

叫咗個大閘蟹套餐, $328每位,星期一至五有八折$260.

蟹粉小籠包 - 招牌貨,唔會差,好味!

魚翅佛跳牆 - 好足料,裹面有翅,雞腳,冬菇,花膠,瑤柱,螺頭,不過冇咩特別 !

大閘蟹兩隻,(每位) 都係公, 羔較小,但依然美味 !

有樣野值得讚, 佢哋識得先嚟兩隻,等你食到咁上下再嚟其餘兩隻,咁d蟹就唔會凍咗!

生拆蟹粉蒜蓉包 - 味道配合得相當好! 正 !

上湯灼時菜 - 冇咩特別

牡丹蝦手打烏冬 - 好滑,己經好飽但太好味! 掃清 !

八起薑茶丸子 - 好似蕃薯糖水一樣,因為我鐘意食甜,我女友唔太鐘意,所以被我掃埋!

招呼週到,但因為坐走廊,所以要扣分!

埋單$656. 飽滿走人! 希望蟹乸當做個陣d 蟹會更好味 ! 一定會嚟食多次 !

琴晚同左女友同屋企人去左呢間店到食晚飯,入到
去都唔係太多人,好啦,叫左個半席餐,有飽魚,魚翅,
乳豬拼盆
金錢蝦
飽魚
紅燒雞絲翅
清蒸老虎班
瑤柱髮菜
炸子雞
伊麵
以上o既野食好有水準,而且做得幣緻,可惜份量得好
少,好似食極都唔飽,最後出場o既壽包,就可以解決呢
個問題,佢有成個男性成人o既拳頭咁大,形狀非常靚,
一搣開,d蓮蓉多到瀉出來,食到個心有一粒漏曬d蛋油
出來o既咸蛋黃,一切都好完美,食完岩岩好飽,不錯.
埋單一人都係百七蚊到,有咁o既質素,非法好,可以再來!!

星期日一家人係屋企都無嘢搞，有意思想去行街食下嘢．
啊媽有好嘢介紹，話係”都市閒情”到，介紹東海黃油蟹餐好低食．啊媽好想去試下．
加上係黃油蟹季節同九龍南線通車．
真係岩哂！一來出去都諗住食嘢，二來都想試坐下通車後會有幾快出到去．
我們一坐底就即叫左個黃油蟹套餐．(每人一個餐)

霸王鹽焗雞
味道同一般燒味一樣，無乜特別．

醬燒黑豚肉
D肉好滑，味道幾好．

黃油蟹小籠包
一咬D黃油蟹汁流入口中，味道正呀．

高湯大排翅
好有口感，大排翅完完整整，一淡咬落去，爽呀．

清蒸黃油蟹
果然名不虛傳，正呀．

原隻南非鮮鮑扣鵝掌
鵝掌就無乜特別味道，鮑魚就爽口彈牙，鮑魚汁好鮮味，Very Good．

白玉翡翠
Ok呀無乜油，又清清地，岩岩好和返D肥利嘢．

甜粟一口鍋貼
我就唔係太鐘意粟米，但係裡面一樣有黃油蟹汁，味道So Good．

杏汁雙皮奶
唔係太滑，唔夠熱，不過都有杏仁味，都算可以啦．


可能星期日太旺場，服務真係一般．無乜Services．
呢餐真係好食，雖然貴貴地，不過物有所值．

父親節一行四人訂枱食飯, 諗住東海應該唔會差得去邊, 真係估唔到咁差

order list:
鮮果大蝦沙律 (四人用)
花膠瑤柱羹
炸子雞半隻
濃湯小蝦浸娃娃菜
生煎豬仔骨
後加 - 乳豬拼叉燒

首先到0既, 係炸子雞, (沙律同湯都未到, 黎隻雞??) 都算啦, 隻雞0既size, 同去大x樂叫個海南雞差不多, 係大少少咁啦, 一食就知係冰鮮雞, 仲要收我百四蚊

跟住就到娃娃菜, 係全晚最正常同最好0既

然後就到沙律啦, 話就話四人用, 實際每人得兩湯匙咁大把囉, 味道一般, 份量少少, 重要唔係好凍, 可能係即場整啦

呢個時候, 仲未黎個湯喎, 係上豬仔骨啦; 呢個豬仔骨, 真係名副其實, 係骨多過肉, 份量當然又係細細碟咁啦

食到呢度, 好似都冇乜肉落過肚, 所以就加左個乳豬拼叉燒啦

呢個時候, 個湯終於黎, 大家一致覺得, 呢個所謂0既花膠琥柱羹, 同碗仔翅分別不大, 係冇咗d翅啫, 四個人, 一人一碗, 多謝百四

最後, 乳豬拼叉燒, 早之一早叫呢個就唔使煩, 又快又好味

總結: service唔得, 食物份量其細, 味道一般, 份量與價錢不成正比, 唔會再去

前幾天，阿媽見到東海有D黃油蟹套餐，好有興趣，於是提議去食，就confirmed左今晚去食.....

Book左7點半，去到唔係好多人，只有3成人。

order了一個4位用的$1188套餐 (免茶芥)：

- 黃油蟹粉小籠包 (每位1隻) --> 好味道呀！很香黃油蟹粉，很有肉汁
(食完所有dish 後，我們再order 半打來食，特價$12/隻....)

- 鮮蟹肉蛋白撞翅 (位上) --> 正！其實係因為依個翅，我suggest食個餐，個人喜好，我鍾意蛋白的，咁東海又真係做得好好味.....

-清蒸黃油蟹 (每位半隻) --> 反而這個就麻麻地，隻蟹唔夠黃油，應該未係當 "做"? 好彩是半隻，如果唔係就too much了....

- 日本遼參扣鵝掌 --> 都OK呀....

- 霸王鹽焗雞 (半隻) --> 普普通通，但很入味

- 上湯灼時蔬 --> 普通菜色，沒有什麼大問題

- 甜粟一口鍋貼 (每位兩隻) --> 依個比我想像中好，我麻麻地鍾意食鍋貼，不過東海"GIN" 得好好，個底好脆，又keep住D肉汁

- 杏汁雙皮奶 (位上) --> 我都幾鍾意杏汁味，又蒸得幾滑，OK！

- 送兩支180毫升的日本清酒

總括o黎講，我覺得好好味，而且份量剛剛好，初初食時都覺得會唔夠飽，但食食下，又覺得ok，我見一隻黃油蟹都要賣300幾蚊，咁我諗依個餐都叫做抵的.....

東海的食物真係唔錯，service都ok，美麗華依間的環境都坐得好舒服.....值得來！

一心o念住東海(午市)喝茶不錯...於是去試下晚飯啦
不過味道同賣相真係普普通通 lu...

第一味: 蒜香雞 - 比較好的一喋, 不錯, 雞件很入味, 但size太小啦 !!
第二味: 蝦子豆腐 - 味道很淡, 吃出有蝦子味, 豆腐滑
第三味: 蝦仁火腿炒扁豆 - 蝦仁很新鮮, 但抄lai冇乜'wok'氣呢, 暖的
第四味: 煎羊脾 - 幾好, 不錯, 值得試下, 中菜有西餐廳水準

總括lai講晚飯真係普普通通, 飲茶優先choice lar

As we did not want to seat outdoor at the Har Ka Hut (at 6/F) on a cold evening, we were lucky to find a large table for 9 persons at this restaurant for our family 團年飯 on a busy 24 January dinning evening .

Since we had 3 elderly persons (all around 75 years old), 2 young children (aged 5 and 8) and two family couples, we ordered a half set dinner (6-persons quantities) 金桃宴 (http://www.eastocean.com.hk/EastOceanSetGoldPeach.html). It was more than enough for 9 of us – HK$2680.

To our surprise, this set menu also included a small golden peach with longevity wishing “壽” on it. What a blessing dinner !

The food is what we expect from any good restaurant like東海. Despite some dishes were missing (or late coming), the servers' attentive service was also very impressive to us. We just did not mind this minor event as we could use up the waiting period to chat and relax.

每年都總會來東海食一次大閘蟹, 一來價錢唔貴, 二來東海招呼唔差

今年東海的大閘蟹餐, 只係 $288, 仲包晒茶芥加一

蟹粉小籠包, 超好味, 蟹味又濃, 比起頂太豐的超幾班, 90分
翅, 一般貨仔, 湯底ok, 菜膽多多, 魚翅約一兩, 而且係平價貨, 60分
蟹, 都算ok, 而且第二輪既蟹質素仲好仲多膏, 但唔夠香, 但以甘既價錢來講, 都叫合格有餘了 75分
蟹粉法包, 蟹粉好食, 但份量好少, 每片麵包只係夠揸薄薄的一層 70分
菜, 唔錯, 新鮮爽口 70分
烏冬, 有幾粒蝦仔係面, 烏冬幾有咬口, 65分
薑茶湯丸, 好味, 薑味夠, 湯丸既芝麻餡又唔太甜, 我食了六粒甘多

埋單真係 $288一位, 超晒值

呢一餐係去日本前攞完衫食既.....

果一日去到美麗華就心血來潮想食大閘蟹, 試一試今年東海既得唔得
呢一次係今年第三次食大閘蟹 - 鴻星既唔掂當 , 江記買返屋企自己整就好味但麻煩 , 唔知今次又點呢

經過上次鴻星既經驗

今次都係先叫個平餐試試.....288全包連加一

好喇, 落咗order.....睇下今餐食咩先

蟹粉小籠包 - 同之前係鴻星食既真係差得遠啦.....好好味.....好濃既蟹粉, 好香, 仲有多汁添

濃湯巴楚菇燉翅 - 味道都唔錯.....不過唔知多唔多味精呢

江蘇大閘蟹 - 一人兩隻既.....我同老婆既第一隻.....熱辣辣o架

入面都算幾多膏喎

第二隻啦.....

打開睇清楚.....真係好多膏喎.....好好味呀

生拆蟹蒜茸包 - 我最鍾意呢個

將啲蟹膏搽到滿滿咁落去o的蒜茸包度 .....食落感覺真係好幸福呀

上湯灼時蔬 - 一般既菜, 但食完咁多濃味既野, 清清地都唔錯o架

牡丹蝦手打烏冬 - 烏冬又滑又彈牙, 掂!!!
面頭仲有o的櫻花蝦, 好香

薑茶湯丸 - 薑味夠濃, 湯圓又好好味

服務: 好好.....食咗兩個幾鐘完全無人催過我地.....等我地可以舒舒服服慢慢食.....仲不時有人幫我地換碟同加茶

食完埋單每人$288(因為個套餐免茶錢免加一)

是日總結: 咁既價錢真係好抵食.....服務態度又好.....所以我同老婆食完之後再約埋mm三個人o黎食多次添......第二次一樣咁掂.....咁好水準, 下年一定會再幫襯啦

同朋友相約一起吃大閘蟹餐,

一時話出去 食 , 一D人怕貴,

一時話在家DIY, 一D人怕煩

不果. 最後都去唔成,為食的我非常非常苦惱!!!



同朋友相約一起吃大閘蟹餐,

一時話出去 食 , 一D人怕貴,

一時話在家DIY, 一D人怕煩

不果. 最後都去唔成,為食的我非常非常苦惱!!!

剛好有朋友從澳洲回來,佢又有興趣,唔好浪費時間這就訂位一起去!

7PM 到的時候有80%滿,還好有訂位!

濃湯巴楚菇燉翅 - 味道不錯,幾足
蟹粉小籠包 - 好多蟹粉!蟹油就OK,餡唔知係咪淨蟹肉呢,口感MAMA,又唔係好熱。
大閘蟹 - 第一隻蟹黃唔太好，問ＷＡＩＴＥＲ仲比人串。。。
　　　　但第二隻就好正！！
生拆蟹粉蒜蓉包 - 得意又幾好食!
上湯灼時蔬 - 普普通通！
辣辣的薑茶湯圓 - 薑茶就好辣又唔甜,不過就好暖身!

$288一個套餐, 免茶芥免加一　你仲想點！！

(15/11/08)每年都想吃一次大閘蟹,「東海」應該係出色之一卦…..?
與老公吃了「魚翅大閘蟹餐」。咨詢過”齋”賣一隻蟹(七兩)都要$330或是$350。似乎「焗」人幫襯這個餐。
鮑翅佛跳牆,有點驚喜,湯不是standard的酒家燉湯味,而是小裙翅、切左四分一的鮑魚件、花菇等等的 甜 潤 湯味道,仲有小火heat住,好細心。
太彫十六花彫酒,好正!甜!簡直係好似食小籠包要點醋一樣,如虎添翼!醇唔醇就唔知喇,不過酒精應該唔高,前年去粵江春飲的也很好,卻飲得醉醺醺。一壺兩人飲,好足夠!
蟹粉小籠包,好多蟹粉!蟹油就一般喇,餡唔知係咪淨蟹肉呢,口感濕濕腍腍。老公覺得「鴻星」更好。
江蘇大閘蟹皇(七兩),便宜點的餐,是每人五兩兩隻。靚唔靚講運氣既,我o個隻蟹黃多,老公o個隻蟹黃較少,但佢o個隻肉質鮮甜d。
生拆蟹粉蒜蓉包,味道平平,不過落點醋在蟹黃上,又好食好多喎!
上揚灼時疏。牡丹蝦手打烏冬,估唔到在酒家會有打烏冬,仲要整得幾煙韌!加埋奶白色的魚湯…….唔得喇,飽得要放棄了。
薑茶湯丸,芝麻湯丸無特別,薑茶就既辣又唔甜!
食大閘蟹,這是好選擇!

是日﹐約了小白的朋友於此處晚飯﹐很是美味。

點了海蝦一碟﹐蝦好新鮮﹐不夠來得呢間吃飯﹐海鮮唔新鮮又點可能啊。

雞一隻﹐連湯一起上﹐湯好多﹐應該係蒸出來的雞汁﹐雞肉保持鮮嫩﹐很滑。

枝竹羊腩煲﹐好多羊肉﹐皮好有咬口﹐煙煙韌韌﹐好正﹐腩汁好濃﹐夠香﹐配生菜煮﹐好吃。

菜心一碟﹐菜心比較普通﹐不夠菜夠新鮮﹐夠入味。

臘味堡仔飯﹐臘味分開上﹐不錯。飯有飯蕉﹐正啊。

湯水係好濃的湯﹐連湯料都可以吃埋。

恒指不停傾瀉, 反正身家都不受控制了...不如放空一切....去拆(蟹)餐飽....
見今年未食過大閘蟹....一行四人去東海食大閘蟹宴
$288一個套餐, 包加一茶芥....老實講...好抵...
蟹粉小籠包....最正!
套餐包兩隻蟹....size4-5兩左右...雖然膏唔算多...但鮮味都ok
由7:30 食到 10:30....食下食下就好飽...
振興經濟....值得推介....

因為有朋友由新加坡來香港，所以上openrice睇下有咩中菜既介紹，打算同朋友今晚一齊食。
咁岩俾我睇到呢間o係我兩年前擺酒既時候食過既酒樓，到今時今日睇番起呢間餐廳，仍然飄過好多唔開心既片段。
結婚係一生人一次既大事，當然想搞得好、食得好、令客人招乎周到，最緊要都係令一對新人留下美好回憶，所以搵邊間酒樓都真係好重要。
佢地既服務態度，o係飲宴黎講，真係完全唔合格，食物方面就更加唔掂，其他分店未去過我就唔敢講，不過去完一次美麗華商場既分店之後，實在非常反感，連其他分店都唔會再試。

講下食物既先：
乳豬 – 肥得好緊要,仲要係俾主家即食既都咁肥,完全食唔到皮既脆感,事後擺酒後我都有問番d朋友覺如何,佢地都話隻豬麻麻地(我都feel到佢地唔好意思講得咁盡)
雞絲竹笙魚翅 – 未食過咁多生粉,結到死既翅,仲要搵唔一條既魚翅絲,我親眼見住我老公既親戚食左兩啖,即刻擺返出去桌前既情竟,而我就死頂死晒去,廢事主人家都唔吃
雞 – 我媽o個圍話隻雞有d嗅,而我就冇食到,因為食到翅之後已經開始好忙,同埋已經恔恔地,打算完左之後要投訢下
甜品 – 唯一一樣係d朋友有提及過係最好食同埋款式較特別,其他既. .. 大家知咩事啦,都唔洗多問

服侍態度：
完全唔夠人手 –
(1)訂左18圍既酒菜,竟然連一個經理都成日唔係度,唔知去左邊?想搵佢處理d野,好似玩捉迷藏咁,搵極都搵唔到,冇人話事,d細既都唔會聽我地指揮,而我去過飲人地o個餐,就點都會有兩個經理stand by,隨時見到有咩都幫手

(2)侍應一人負責兩圍桌既人, 其實經理都唔見左人,仲要侍應都一人負責兩圍桌,問侍應野,佢就話咩都唔知,要問番經理,推得就推

(3)當擺完酒後,已經十一點幾十二點,原先想投訢佢地,不過我見我有好野服飾要執,好多手尾,所以都係唔同佢講咁多,唔俾tips佢地就算,當我簽完單後,返去繼續執野,點知襯我唔係度既時候,個經理反咬返我地唔俾tips,同我老爺講點都要俾TIPS,唔係就傾到俾為止,於是佢地就俾左500蚊先走得,廢事搞到唔開心咁喎 ……佢地既樣仲要係縑少o個隻,若果我知有呢件事,一定收返o個5百蚊呀。大家有咩宴會要搞既,真係要小心d揀,唔好令自己搞到個陰影連兩年後都仲記得呀