Saw Kin Hing Tofu on Openrice before heading to Lamma so when I chanced to walk by it (I didn't think I would considering the address said "back street"), I wanted to give it a go - plus it's only $7, right?

I've tried a few daufu-fa here in Hong Kong and in Singapore, and I have to say - this one was pretty darn good. I'm not a connoisseur of daufu-fa at all, but the consistency was smooth and the syrup sweet, but not overkill. Let's just say it was still appetizing even when I added some of the sugar from the boxes on the table into my bowl. It makes a nice pit stop on your way to Sok Kwu Wan - freshen up with some cold (which is what I had) daufu-fa. Next time I pass through, I'll try the hot one

Oh, and "back street" just means walk as if you're walking towards Sok Kwu Wan and the beaches. You'll find it

無記錯好似係 7 蚊左右碗豆腐花...
同老婆去南丫島渡假..點都要試下e d 地道風味

天時暑熱行到累.....坐係果度...又真係幾好氣氛既...

以環境黎講.....果度可以算係有特色

以食物黎講...果度既野好一般

以價錢黎講...係離島e d 地方...算係合理

豆腐花 都無人地講到甘神奇 甘滑....
但就真係有豆味既...
d 黃糖應該有 混其他野....比其他地方好味

任係果度...不時好多蚊虫打擾....
比佢咬多幾咬...咩心情都無灑

聞名不如試食。

黎到 Lamma Island 去 beach 玩，當然要一試馳名阿婆豆花啦。

是日大熱天，實在吃不下一碗熱的豆花，來碗凍的。

運氣挺好啊，不用等位，阿婆亦親自主理 but 豆花。

婆婆 but 了滿滿的一碗出黎，再加點糖水，友人說不夠甜要再加黃糖，但我自己就覺得已經夠甜了。豆花雖不及大嶼山大佛下的山水豆花滑，但這裡的有種像冰沙的 texture 的豆花，別有一番風味。

凍豆花真的是消暑的良藥喔。

P.S. 始終是郊外地方，小心黃糖外的螞蟻喔。

今天是小弟第一次到南丫島，於是便決定由索罟灣出發步行到榕樹灣。沿途風景不錯但有很多大型蜘蛛(南丫島特產？)行山時要特別小心留意免得觸碰到牠們。行了一個多小時，終於到達了榕樹灣。行到大汗淋漓當然要揾個地方休息一下和吃點冰凍的食物幫助消暑，於是便揀了這間好多人介紹的阿婆豆腐花。山澗地方舖面麻麻尚可接受，入內點了一碗凍的豆腐花，只見它賣相麻麻，心想可能會很好味呢！不要被它外表騙倒。誰知一放落口便覺得它表裡如一，很差！我覺得一碗好味的豆腐花必定要滑和有濃郁的豆味！但這碗豆腐花既不香滑也沒有濃郁的豆味，很淡！真不知為何它會有這麽多笑臉？

想不到要走哪麼多路才找到呢~如果我知要行咁遠，我會想唔去囉!XD

一場黎到，叫左豆花同豆漿試。

點講呢?! D豆腐花係滑，但同人和呀果D唔一樣。好似豆腐，但係係甜既豆腐，而且冇咁浮，口感實在好多，好似食緊甜豆腐。
係咪好食D我都唔知 ==....因為佢唔係特別好食又唔係唔好食，總之各有各好食啦。
但overall我都係鐘意普通果D，係滑D，係同豆腐有分別。

豆漿就好麻麻，豆味唔濃，又稀，唔夠甜，真係唔係樣樣都得架!

提供既黃糖質素較差重好似撈過白砂糖添!

行到半路，見到有人排隊食豆腐花，就排埋一份~~~
今日係最熱既一日!!!
又係假期，好多人排隊...
終於到喇，咁熱梗係要碗凍豆腐花啦~~~
凍熱都係七蚊碗
食完再行真係涼左好多！

打算由榕樹灣行去索罟灣, 途徑必須經過是鼎鼎大名的建興亞婆豆腐花.

當然不會放過機會, 趁機品嚐一番.

因為天氣太焗, 所以要了杯凍豆漿.

豆味香濃而幼滑, 不過略為不夠凍 ... 可能天氣太焗熱 ... 哈哈.

眼見亞婆大汗淋漓, 真的佩服她的努力.

亞婆, 你係得既. 努力 . 加油

今日和朋友去了南丫島,天氣太熱了, 不得不要中途休息抖抖
途經呀婆豆花, 立刻坐低, 點了豆花豆漿

雖然熱, 但豆花我堅持要熱食, 吃了一啖, 不太特別, 滑比起大埔那間不算滑, 但豆香又好過大埔的, 算是中規中舉 而豆漿就比較淡了, 失望

食完了又要起程, 呀婆豆花, 雖然不太出色, 但總算是個中途休息的一個好地方

星期日, 兩口子來到南丫島relax一下. 首站是榕樹灣, 而飲食首站, 是馳名港九的建興亞婆豆腐花, 我又要食亞婆既豆腐了.

行了一會兒榕樹灣大街, 便轉角入去後街, 看看真正的離島風情. 行行下, 原來亞婆豆腐花都幾遠下, 離開哂榕樹灣村. 幾綞辛苦, 終於來到, 即時要了兩碗熱既豆腐花, 再加幾粒燒賣. 店子就是一間郊區路邊小食亭咁, 簡陋, 但有山風, 有樹蔭. 沒冷氣, 沒風扇, 都覺得非常涼快.

豆腐花, 論滑, 說真一句, 是不夠滑的. 不過豆味就好重, 好難得會食到帶豆香的豆腐花. 雖有點粗鞋, 但味道香口, 就不錯.而且成個豆腐花個精髓是個糖水汁. 帶著濃濃而不太辣既薑汁糖水. 第一碗, 我地唔識食, 落了黃糖, 加了甜味, 蓋過了其原有的薑汁味. 不過那份糖是兩溝糖, 是黃糖溝沙糖. 我們一人一碗之後, 因為豆味香, 二人決定來多一碗 share. 呢次我唔落糖食, 食其原味同薑汁糖水味. 這樣才能將豆腐花的豆香品嚐出來.

燒賣仔, 其實就是普通街邊食到的魚肉燒賣, 加點豉油, 加點辣. 填下肚, 不求美味. 我們邊吃邊討論行去邊好. 得知這兒是是去索罟灣同洪聖爺灣, 及風車的必經之路, 計一計, 食完豆腐花, 先去洪聖灣, 再行埋去索罟灣. 建興亞婆豆腐花, 地理位置上, 的確是一個中途加油站.

2010年5月28日 ( 香草原 - 1 )

南丫島行山之旅，從香港仔乘坐全記街渡，在模達灣登岸，行
程是經石排灣、蘆鬚城、洪聖爺灣至終點榕樹灣。

首先在洪聖爺灣探訪香草原後，經過亞媽豆腐花，再到亞婆豆
腐花，每次經過這裡，例必一吃。

豆腐花賣相粗糙，質感腍滑，入口即溶，口感，我還是喜歡大
埔亞婆豆腐花的幼滑質感，這裡的豆花帶點煙香味，是近期難
尋的味道，喜歡者稱之為焦香，不愛者稱之為燶味 ，我卻欣賞
這獨特的味道，如不愛這煙香者，不妨到大埔找另外的亞婆
吧！

這裡舀豆腐花，隨即會舀糖水，這裡的糖水有薑味，都幾甜啩
，我就啱了，不過，我還是喜歡普通糖味多過有薑味的，如要
選擇多糖或少糖，還是要早點揚聲好。

大自然環境舒暢，也帶來大自然的煩惱，偶爾隨風而來之落葉
細緻纖維，不幸之時也會落在碗內，蚊子間歇的騷擾，卻是少不了
，甜絲絲的味道，也惹來螞蟻的垂涎。

昨天(2010-06-13)，我與家人去行山，由索罟灣行往榕樹灣。就在過了洪聖爺沙灘後，不久就到建興亞婆豆腐花了。
豆腐花超滑，重豆味，加埋帶姜味糖水，冷和熱同售七元，抵吃！
但環境就一般，有蚊。地方清潔程度也屬一般。
不要緊啦！豆腐花好吃就得啦！最多吃完立刻起身走。

雖然去到已經被蚊子吃了好幾塊,
不過豆腐花真的很滑,很正!!抵番曬!!
低低既僵很夠,很香很好味!!!!
最滑的豆腐花!!!還跟婆婆拍照了!!
個婆婆很好人,還借出蚊怕水給食客!!
原來門口貼著open rice的獎狀

我叫左個凍豆腐花,,,點知佢一打開蓋,岩岩食到煲底,,,,
勁想話唔要囉
邊有人想食剩底既野先?
食落差唔多,可能真係有D人行完個幾鍾既山先食,所以先贊到天上有地下無吧...

打開黃糖,好在冇ants.....^ ^"
不過因為豆腐花係凍既,d黃糖唔溶,,,所以食豆腐花真係要叫個熱既先得
仲有我食唔到薑味,因為我本身鍾意d薑,食多d都唔拘,可能佢d薑味太少我食唔出啦

在「天虹」吃完海鮮，婦女兵團便向友人位於榕樹灣的居所進發。由索罟灣步行往榕樹灣要超過1個鐘，友人是南丫島地胆，自然由她作嚮導，沿途一路為我們介紹香火鼎盛的天后廟、二次大戰期間被日軍用作防禦點的神風洞、山頂觀景亭等。我們途經香草原，友人介紹這 Herboland 是由兩位年青設計師創立，他們甘願放棄設計事業，歸園田居，轉行為有機農夫，種植百里香、迷迭香、羅勒等香草，總算又增廣見識了。

雖然今日天氣算很熱，但行了好半天，大家都有點口渴兼疲累。友人提議我們坐下吃碗豆腐花，坐下後環顧四周，見木棚內貼有開飯熱店海報，才猛然醒起這是網上熱爆的「亞婆豆腐花」。

點了三碗凍豆腐花及一杯凍豆漿，枱上有黃糖供客人自行添加，豆腐花真的算十分滑，豆味亦未至於好濃，反而那淡淡的薑汁味直湧上咽喉，加上每放一匙凍豆花到口裡，就有一種透心涼的感覺，簡直是消暑妙品。至於友人的豆漿，雖則我沒嚐過，但見友人叫老闆下次要少放點糖，相信定必是過甜了。

友人們都是「惹蚊尤蜜」，倒反而我這個穿上熱褲的師奶能安然逃過蚊叮，如果你自問也是惹蚊一族，便要做好禦防措施了。由於友人好客搶着付賬，只好就此謝過。

到南丫島，我必然光顧亞婆豆腐花，吃有時也是一種習慣。

最好吃的豆腐花當然不是他，可以滑一點可以豆味濃一點，但不要跟亞婆計較，因為是這種味道才是南丫島的亞婆豆腐花。