6
4
0
港鐵葵芳站 D/ E 出口
繼續閱讀
開飯介紹
龍島美食店的產品以製作高級優質聞名，所有朱古力及蛋糕均由人手精心製造，以誠意為客人提供優質、新鮮及多元化的美食。
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
招牌菜
👦🏻其實好中意食Tiramisu😂個日👧🏻見平安夜又成日好想整比佢但又就唔岩時間😗行街見到有得買就買左整個小驚喜比👦🏻-🔸Tiramisu Deluxe Cup$38👅：❤❤️❤️(滿分為5個❤)面頭鋪滿朱古力粉🍫👧🏻嘅預計係有餅乾係入面點知…係冇的🌚成杯都係芝士Cream🧀有點失望喔但唯一一個優點係唔會覺得膩🤤而且都比較環保🧐用嘅杯唔係普通膠杯而係用陶瓷杯😍洗翻乾淨可以當杯用/種小盆栽🎍幾好喔❤️-💫整體評分：2.5/5呢個Tiramisu都係好普通同有點失望😂下次可能會試翻其他杯杯🤤或者最出名嘅朱古力🍫另外唔同店鋪嘅優惠唔同🤔要留意翻啦😝😝BTW👧🏻驚喜成功的😝😝
繼續閱讀
好耐無寫過朱古力系列食評，一來有啲朱古力小禮物無得寫，唔通收盒金莎都寫一大篇咩，二來有時喺朋友買嚟一大棚人一齊分享，咁就唔太方便影相、寫食評。最近過年前就收到朋友嘅大禮，龍島朱古力嘅「雞年賀歲朱古力及曲奇禮盒」，紅底金線年花包裝盒，連埋金絲帶，一片喜氣洋洋嘅感覺，送禮真喺非常得體。禮盒內包括10款朱古力，粒粒都唔同，立體造型並有唔少款式喺同賀年相關，此外，亦有10片曲奇，共5款口味，全獨立包裝，衛生方便。怕你收到盒禮盒唔知咩味打咩味，一大張示意圖就清楚不過。右邊喺朱古力，粒粒的骰，但造型別緻，10款口味包括番石榴軟心朱古力、榛子奇脆牛奶朱古力、杏仁糖碎純黑朱古力、福雞報喜榛子脆米純朱古力、福字牛奶軟心朱古力、富貴大吉橘味朱古力、大吉蘋果軟糖純朱古力、桃花黑加侖子朱古力、四兄弟原粒榛子純朱古力、威士忌酒心朱古力。小弟只試咗其中部份款式。番石榴軟心朱古力外層嘅朱古力殼做得夠薄，一口好脆口，內餡嘅番石榴軟心既柔滑，又帶有好出嘅番石榴味，真喺好食。福雞報喜榛子脆米純朱古力外形就自然最應節，呆呆嘅雞樣內裡喺榛子、脆米、純朱古力嘅組合，食落非常有口感。福字牛奶軟心朱古力依一粒除咗心朱古力面做咗個福字，其實，就唔算好特別，中間嘅軟心亦無番石榴嘅軟心咁滑。富貴大吉橘味朱古力除咗外形做成大吉之外，唔止有姿勢，仲好實際，中間嘅橙味朱古力好突出，真喺講得好有橙香。大吉蘋果軟糖純朱古力跟以上幾粒，依一粒做法又有少少唔同，中心都喺純朱古力，而蘋果味喺嚟自中間粒軟糖，煙煙韌韌，又幾好食。桃花黑加侖子朱古力跟富貴大吉橘味朱古力差唔多，除咗外形有少少別緻之外，味道上黑加侖子味香甜突出。四兄弟原粒榛子純朱古力比較難切開，就一啖放入口，薄薄嘅純朱古力外殼下包住香脆嘅原粒榛子，簡單而好食。而左邊一排喺曲奇， 5款口味分別喺金元寶原味曲奇、紫薯曲奇、士多啤梨雲石曲奇、朱古力糖薑曲奇、亞麻籽曲奇，因為每款口味有2片，所以，全部口味都試一片。金元寶原味曲奇原味嘅牛油曲奇，雖然牛油味唔算好犀利，但口感好鬆脆。紫薯曲奇一身紫衣，不過，無期待中咁有紫薯味，嚟得比較淡淡嘅紫薯而已。士多啤梨雲石曲奇5塊曲奇中，最靚就喺依一塊，做成雲石紋，味道帶少少士多啤梨香味，味道唔錯。朱古力糖薑曲奇咁多款，最得歡心要數依一塊，因為既有濃郁朱古力味，薑味又夠突出，個性最鮮明。亞麻籽曲奇曲奇內混有好多亞麻籽，咬落質感就更加鬆脆有口感。以往食過好幾次龍島嘅朱古力，都知有一定嘅質素，今次應該喺第一次食佢啲曲奇，估唔到同樣有水準，再次多謝朋友嘅餽贈。
繼續閱讀
一向都對龍島的芝士特別喜愛，喜歡龍島的芝士蛋糕特濃！這次試了一個黑松露芝士蛋糕，外型做得好看！加上黑松露的名字，更顯貴氣!芝士味好濃，蛋糕做得相當幼滑，可惜的是我真的不太懂欣賞黑松露的特別味道，雖然芝士味已經夠濃，但黑松露味更更濃⋯⋯⋯喜歡的會說香，不喜歡的會說臭喜歡黑松露的朋友可以一試～但我下次還是選擇其他味會適合我多點
繼續閱讀
去完旅行，胃口大開。對甜點的引誘力，沒法再抵擋了。經過了數次龍島，試過了數款曲奇，最終都是買了盒。這是一盒十款曲奇，約有55片。當中最愛咖啡味及黑芝麻味。前者曲奇夾雜著咖啡粒，香口撲鼻。後者，濃烈的芝麻味，吃完仍齒頰留香。記得是$186一盒，價錢不算便宜。不過仍可一試，最重要是曲奇不太甜
繼續閱讀
還有多篇雜七雜八的食記未出，不過心急關係，先出兩篇關於妹妹的蛋糕～其實是感謝啟明媽的心意，甜魔媽媽生日有雪糕月餅收，緊接妹妹生日又有蛋糕及月餅收。上週五與舊同事在舊公司附近吃完飯，收到一個信封千叮萬囑要馬上拆開，原來就是龍島美食店的甜美心意！好一段日子沒逛龍島了，原來它除了進駐新都會廣場，還新增了不少特色甜品：看！圖中的兔仔士多啤梨／荔枝軟芝士月餅 ($39@) 是不是很可愛？它們正正在禮物清單上，另外下方的十分像真蘋果／密瓜忌廉芝士 ($49@) 也是，連同綠茶燉蛋，好一份甜蜜厚禮～ 月餅及甜品帶回家，不用說最開心又是小兄妹。雖然當日還未到Chloe的生日，但甜魔一家已經搶先趁新鮮吃掉了成雙成對的兔子月餅。聰明的大家，估到Matthew會搶那一款來吃嗎？沒錯，有人喜歡Red，同時也喜歡Pink，所以率先就奪下粉紅色的兔仔士多啤梨軟芝士月餅。不說不知，其實甜魔媽媽對兔仔有份特別情意結，因為2011年出世的囝囝是屬兔的！見到為食豬開心的傻笑的樣子，甜魔媽媽心都甜了～剩下來，妹妹只好選擇白色的兔仔荔枝軟芝士月餅，不過這樣也好，全身粉紅的她不致於過份撞色了。在吃方面，囝囝比較自私，一開始又不肯分享食物... 唯有先試妹妹的荔枝味：講真，第一次試荔枝與軟芝士的組合，感覺不太夾，不過幾喜歡中間有粒芒果軟心朱古力，既清新又充滿玩味。月餅最底還有少量的海綿蛋糕，又鬆又香，這些就給妹妹吃了不少，為食妹很喜歡！後來在囝囝玩悶了後，也吃到了士多啤梨味的軟芝士月餅：大概吃慣了Strawberry Cheesecake的組合，覺得後一款明顯較討好，口味也會清新自然些；而月餅中間，也是同樣有著芒果軟心朱古力以及蛋糕底層。講口味，這對兔仔造型的軟芝士月餅當然不及雪糕月餅，不過定價比傳統月餅便宜多了，又有BB／幼兒適合食用的蛋糕底，挺適合爸媽們買給小朋友一同慶中秋呢！然後還有三款非常精美的蘋果忌廉芝士、密瓜忌廉芝士以及綠茶燉蛋。全部賣相美侖美奐，我們分別在當晚及翌朝將它們解決掉！ 兩款水果造型的忌廉芝士 ($49@) 都有著精緻可人、薄身的白朱古力外層，中間先是果味啫哩粒，中間再來軟滑帶果味的忌廉芝士，以及鬆軟海綿蛋糕，最底還有少量水果點綴。層次感十分豐富，很美味算不上，但一家人一起分享甜蜜，都幾開心的～面層是啫哩中間是忌廉芝士及海綿蛋糕 (妹妹又有份食啦~~)不過對於囝囝來講，無論是啫哩粒、忌廉芝士，還是蛋糕，都遠不及可愛的白朱古力外殼吸引，兩款都愛不釋手，玩到雙手都「痴立立」！！！最後還有綠茶燉蛋，那綠茶味不算很濃很突出，但勝在口味清幽，同時燉蛋質感十分細滑，也幾討好的。 再次多謝啟明媽的甜蜜心意 (當日她還有其他美食給囝囝... 遲些再記)，也特別貼上龍島月餅的資訊給大家參考，預祝大家都有甜蜜中秋～～～
繼續閱讀