34
19
2
營業時間
今日營業
07:30 - 23:00
星期一至日
07:30 - 23:00
公眾假期
07:30 - 23:00
*最後落單時間: 22:00
以上資料只供參考, 請與餐廳確認詳情
食家推介
呢度食嘅焗意粉同埋Pizza甜品都唔錯價錢亦都好相宜, 叫咗個意粉加$10就可以有一份香蕉班cake，其實食完個意粉都好飽， 但係鍾意食甜品嘅我點可以錯過呢😙個意粉都唔錯呀芝士味同白汁加埋都好match
繼續閱讀
Eurogogo 係唔算好多既連鎖西餐店，屋企人嫌價錢略貴。老實講，佢晚餐既性價比係唔高，不過我經常黎食佢既早餐，推薦農夫比得包餐加通粉，個包好食，出邊餐廳比較少有，成日食港早ABC餐既令一好選擇。令一個近期常食係吞拿魚法包餐，因為即叫即整，每次上黎熱騰騰，加上吞拿魚都唔少，呢個餐就包埋個通粉，食埋啱啱好，惟一美中不足既係間野除左通粉之外無其他麵食類選擇，咁多年都係咁，唔知有無機會改進下呢不過連鎖店都應該好難有咩聽意見啦！
繼續閱讀
年三十早上，同朋友去元朗行山，行山前首要任務係醫飽個肚先！殊不知大部分餐廳已經收爐，我地左撲右撲先搵到位於元朗廣場嘅euro go go，驟眼睇門外嘅餐牌都幾吸引，於是我地決定食呢間。排咗大約十分鐘之後就可以入座，我地一行二人被安排坐喺一張窄窄嘅二人枱，張枱窄到放兩個餐都有啲困難，如果大動作啲一定好易倒瀉野。我地各嗌咗一個早餐C：火腿香腸鮮茄濃通粉配熱脆牛角包，跟一杯熱飲，盛惠$48。本身睇佢個餐牌，以為碟通粉會好大碟，點知碗口甚淺、份量極少；惟一嘅安慰係牛角包夠大件脆口，但整體嚟講仍然係偏貴，性價比低，用一句成語嚟概括：華而不實。
繼續閱讀
早餐我成日都會黎食農夫彼德包。所以一定要推薦下。再嘆埋杯咖啡，真係一份享受。坦白講，呢間野性價比不錯，一來成日有優惠券買，變相八，九折左右，當然有人會覺得給綁住，不過都要佢食得落口先得既，二來d位夠寬落。唔會轉身整到人。加埋一路食一路睇新聞，坐幾耐都得。講返個彼德包先，好健康，蔬菜搭配為主，d菜好新鮮，非常好食。我次次都食佢。有時比較餓，就會叫多個通粉，個通粉細細碗，容易入口，不過如果要食多d旣人，可能未必夠飽。
繼續閱讀
雖然晚市堂食已於早前恢復，不過我同家人因工作習性，一星期內大部分日子都會外賣自取，或用外賣平台外送直送到家。今次家人想食西餐，自然就會想到Euro gogo, 雖然元朗西餐的選擇真係唔少，不過我地都幾鍾意食Euro gogo的Pizza及雞翼，簡單之餘亦美味。咁啱見到部分的Pizza款式有折扣，所以決定叫2種pizza, 一份係我再加另外半份係家人，再加一份雞翼及煙肉芝士焗磨菇就夠晒。份量唔會太少，2個人其實啱啱好
繼續閱讀