34
4
1
港鐵銅鑼灣站 D4 出口, 步行約2分鐘
繼續閱讀
特色
浪漫情調
慶祝紀念日
包場派對
附加資料
只接受訂位
營業時間
星期一至日
18:30 - 23:30
以上資料只供參考, 請與餐廳確認詳情
係instagram搵到呢間私房菜，見到有唔少大公司都係呢到包場，於是決定係呢到搞個慶祝派對。當日大約五點幾到場做簡單佈置，set左兩張長檯，感覺不錯，在場員工都有幫忙佈置同比意見，很好既服務。晚餐大約七點開始，餐廳亦好配合預先夾好了的演講時間，以至由演講完到上菜也不會等得太久。餐廳會根據預算同口味去設計餐單，雖然預算不多，但餐廳都盡量滿足我既要求。煎西瓜其中一道最期待既菜式，從未食過熱既西瓜，亦都係其中一個要素決定來試試。西瓜有點焦味，有點像焦糖的味道，有點爽口，也有一點甜。一道菜有多種層次，果然不差。鵝肝沙律賣相好靚，彷似一件藝術品。先講鵝肝，煎得恰到好處，皮脆，入口即溶，雖然充滿罪惡感，但真的很好味。沙律菜也特別好味，用上自家製陳醋，較有意式風格，是一道令人滿意既菜式。白松露帶子刺身一道西日fusion菜式，望落簡單既一道菜，但食落口就感覺到白松露醬令帶子既鮮味提升，更令味道升至更高既層次，白松露係口內游走，有一種好幸福既感覺。皇室甜品自家製既brownie 同macaroon，特別要讚一下brownie，焗得好脆，好香口，朱古力味濃郁，甜而不膩，有水準。整體感覺不錯，服務貼心，食物方面也滿意，值得推介。
繼續閱讀
公司有位同事升職請食飯，叫我搵下餐廳舒服又唔會比人趕既餐廳。 我係openrice搵到呢間私房菜，睇相見環境都唔錯，有氣氛、又寬敞，於是預早一星期打電話去訂檯。原來餐廳會根據budget去set menu，最後我哋揀左Royal Supreme，共有8道菜。約左八點六位，店內環境好有情調，暗暗地適合慢慢食、慢慢傾。坐低無耐，有位官仔骨骨既男仔走過黎先同我地對一對menu，並由頭到尾講一次，仲會問我哋有冇人對某類食物有敏感，覺得幾窩心。第一道菜係煎西瓜拼煙燻蠔，賣相相當靚仔，個樣唔似西瓜，仲有小小似桂花糕同吞拿魚。入口嘅西瓜暖暖地，咬落爽口，西瓜嘅水湧出黎，混合埋洋蔥食，口感豐富。煙燻蠔原來係件多士，味道咸咸地，但原來係設計黎，因為聽介紹話要西瓜多士西瓜多士咁食先會食到出個變化。第二道菜係吞拿魚沙律，吞拿魚味香濃，味道正常，口感有點韌。沙律出奇地比較出色，特別鐘意佢個黑醋汁，令到沙律菜甜甜地。黑醋多數意大利人用來撈沙律，估唔到呢到有得試。第三道菜係牡丹蝦刺身，蝦身淋左松露油，色澤好睇。味道方面，夠鮮甜，又新鮮，肉質軟綿綿兼有彈性。餐湯係黑松露野菌湯，黑松露陣味好香，個湯好滑，陣菇菌味好濃烈，份量唔算多。牛角包味道甜甜地，脆身鬆化，有層蜜糖係面，好食。主菜係香煎海鱸魚，外皮脆身，咬落卜卜脆，肉質一般唔算太滑，淋上黑醋汁調味，第一次咁食又幾有趣。配菜份量適中，不過相對上幾道前菜就顯得比較單調，缺乏驚喜，味道還算可以。最後黎到甜品，皇室甜品 – 自家製甜品，分別有迷你朱古力布朗尼、迷你杏仁餅和馬卡龍。朱古力布朗尼味道香濃不甜膩，杏仁餅就一般，馬卡龍係檸檬味，跟出面專門店差不多。
繼續閱讀
BeautySearch 一向都對『私房菜』充滿期望，或許因為『私房菜』總給予BeautySearch一種神秘的感覺吧！不過，沒有門路又怎可尋獲值得品嚐的『私房菜』呢？早前，經朋友介紹下，BeautySearch 來到位於銅鑼灣的一間上樓私房菜《Royal Feast》，是一間帶有情調的西式私房菜。先來看看頭盤，賣相相當精緻，原來是餐廳的招牌菜「煎西瓜」配黑魚子醬多士，矜貴的黑魚子醬吸精度已相當高，細味下，味道新奇，一啖西瓜、一啖多士，味道與口感大不同，感覺十分有趣，令人驚喜！接著是BeautySearch最愛的「白松露帶子剌身」，帶子切片成5塊，口感柔軟，味說鮮甜，搭配白松露的清香味道，令味道層次大大提升，滋味滿分！「鵝肝沙律」也不錯喔！大大件的鵝肝，品質屬高檔次，外皮煎得脆身，入口即溶，油份沒有流失，juicy味美，沙律菜清爽新鮮，混搭店子自家製的黑醋汁，還有杏仁碎，令平凡的沙律增添咬口感，絕對有別於一般街外餐廳的做法。湯品方面，是「黑松露野菌湯」，口感非常豐富，整碗湯都充滿濃濃的菇味，搭配伴隨而上的牛角包，香口鬆化，堪稱最佳組合。「法式魚子醬蒸蛋」是另一道精緻的菜式，賣相標緻，感覺美美的，完全可以感受到主廚的用心，加上黑魚子醬，更顯高貴。甜品方面，有朱古力Brownie 搭配Macaroon，BeautySearch 一向喜愛朱古力，當然偏好Brownie，朱古力味香濃，而且咬落脆身，又不屬太甜，蠻不錯喔！
繼續閱讀
朋友生日，試下新野。 入到去環境較暗，幾有情調，叫左delux既8道餸，上菜speed合適，每道菜唔會相隔太耐時間，又唔會好急， director serve. 客人，抵細心，每道菜都會簡介一下。菜式比例大小ok,一定食得飽，每道菜都中上，鵝肝煎得合適，油份香濃。煎西瓜配上杏仁碎抵特別，冇想像過呢個配搭又幾match。rib eyes 不會過熟，剛好的medium。但食唔到太生既朋友就要預先提前同佢地講。最後甜品個brownies 好味，暖暖的，軟硬誦中，macaroon 好味，重幫我地朋友整左個生日牌，點埋煙花candle,食得好開心~
繼續閱讀
上星期收到Smartone sms，推介8道星級私房菜套餐，睇過下菜單覺得值得去試下。煎西瓜配魚子醬多士聽落有點奇怪，但又好奇想試下。西瓜有三粒，煎到香香地，好香。上面分別有洋蔥同杏仁片，洋蔥令西瓜更爽口，杏仁片提升左咬感。第一次咁食西瓜，唔錯！鵝肝沙律鵝肝外脆內軟，黑醋汁中和左油膩感。沙律份量唔算多，個醬汁有少少甜，可能因為有黑醋，幾好食。XO醬帶子侍應話呢道係fusion菜，帶子好大粒，份量十足。XO醬係餐廳自己炒，好香口，有少少辣。美中不足係粒帶子應該煎得耐左，有些少。龍蝦湯個湯好濃味，不過偏鹹，份量唔多，幾淡飲完。牛角包好好食，正！薑味雪葩薑味，味道okay，唔太甜，清一清個口。三文魚主菜係慢煮三文魚，皮脆肉嫩，煎既時間撐控得剛剛好，條魚既油份沒有流失，肉質保持潤澤，唔錯。皇室甜品有brownie同macaroons，brownie好食，脆身。好食，會再來！
繼續閱讀