星期六，行過廟街，一定要去松記糖水食幻彩明珠 。中學時，成日會同同學去長沙灣間松記食糖水,幻彩明珠是我最愛!! 鮮雜果+涼粉+黑珍珠+大粒西米!!仲有芒果汁!! $16(又平又正)!!!
十年如一日,水準一流!! 不甜不"利"

今次仲叫了芒果西米,不過就太一"pat pat".

今日公司P老板請食甜品,3點多左右,秘書收到電話,話d甜品送緊黎,由佐敦分店送到黎element圓方office,秘書+我+多1個職員落去扲糖水,點知落到去8/F大堂,望落去7/F完全唔見外賣職員扲住d外賣.....之後等左成5-6分鐘..原來個職員0係 9/F 的士站果邊等我地...因為佢入唔到黎office大堂...@_@ 3人夾埋扲住26碗糖水甜品,返上去office一齊開餐喇,
我點左個 奇異果琉璃 $23
因為未試過什麼是琉璃 ,所以試下,見到份外賣menu張圖,好似一粒粒西米咁樣~外賣碗都幾大個!個蓋係蓋得好實,唔怕會漏出來~而且見到其他同事的湯丸還是熱騰騰的! 我果份奇異果琉璃 ,total 8-9片奇異果,新鮮及鮮甜!另外配一小碗似椰汁的東東....倒左少少落去,之後椰汁凝固左,反而口感得到有d「杰」, 個碗底部才見到奇異果,,令到西米唔算太爽口,唔係好似甜品的感覺.... 真係幾多琉璃,即係西米,但整體黎講,覺得單調左少少,不過食完都幾飽!

(由於呢次叫外賣,我未去過間甜品店,所以唔太知實際環境情況)

已經不知來第幾次了

特別最近更比較來得密

這間糖水店一向給人一種抵吃的感覺，長期永遠多人在門口等待

亦有唔憂做的感覺，因為連星期日都不營業

我就試過星期日一場來到碰釘了

甜品很大碗之餘，價錢也算合理

幻彩明珠及SUMMER，每次都是這兩款

兩者相差在多兩球雪糕及多了涼粉，雪糕應該是維記的

唯獨不太滿意SUMMER可以選擇的雪糕款式實在太少

朋友總愛吃杯杯冰系列，不過奇怪的是每次都是配料多過冰

(例如吃雜果杯杯冰，冰只有10分之2-3的量，應該多一點冰會比較好吧，畢竟叫這個都是想吃刨冰)

另外生果應該也是雪凍了的比較好，凍食甜品，如果配上冰凍生果，感覺相信會更好

其實也想試試其他款式

結帳那位阿姐真的看心情，有時黑面，有時有講有笑

襯還未夠鐘倒數，就例牌搵o的糖水o黎kill time

好多人，等o左半粒鐘先有位，期間一邊上網睇o下有咩推介


我要o左哈躍，甜味中挺，無咁o岩我呢個甜魔。pat 芒果汁可以，o的涼粉呀、糖水呀就味道欠奉但算清涼

同事的六寶丸，唔知點解佢食極都好似食唔出係咩味！？


食糖水都係舖內無咩人，慢慢歎會好好多

雖然已經六月,天氣有時涼有時熱
但我個心已經當左summer
來松記當然食summer......

因為真係又抵食又好味*
有兩個雪糕球+兩枝朱古力棒+下面底底既水果perfect match

唯一唔好就係人多....排隊-.-
坐得唔耐,算侍應唔趕你走自己都唔好意思

不過好食既野當然多人想食,
地方細自然要排隊
想食既就唯有等等或叫外賣

侍應好好,算有幾多人依然面露笑容
值得讚!!!

一行五人在北京酒樓食完飯後已肚滿腸肥，但愛吃甜品的春春提出要來松記食甜品，大家惟有捨命相陪，沿着吳淞街離遠已見松記門外的人龍，不過等了數分鐘，店員便指引到店中盡頭窄廊頭的四人枱，五個人坐實在太廹了，攪到一個人要用手捧着甜品來吃，在這樣擠迫的環境，外面又有大幫人在輪候，最好食完就走。

幻彩明珠 ($16)
這是春春吃的，物如其名真的是顏色鮮艷，但淋上濃芒果汁後都變成黄色了；材料都算幾豐富，有新鮮芒果、西瓜、奇異果、蜜瓜、涼粉、黑珍珠、大粒西米、芒果漿和淡奶等等；生果從外表看來幾新鮮，這裹的客流量大，材料新鮮是理所當然吧! 十六蚊有咁大碗都算價錢合理。

芒果水晶涼粉 ($19)
其它人包括我都選擇了這個水晶涼粉，所謂水晶涼粉其實是透明的大菜糕，材料好像沒有幻彩明珠般豐富，在大菜糕下面有不少生果，而生果包括芒果、西瓜、奇異果、椰漿、芒果漿和淡奶等等，每碗都跟一小碟椰漿及芒果漿，可隨個人喜好酙量加入碗中，其實配料跟幻彩明珠是差來多，不過大菜糕相對生果份量偏多，還是幻彩明珠賣相較覩、較討好。

相對新式甜品店，價錢不算好貴，但也不算好抵食。 個人對這類甜品店是較少幫襯，在夏日吃吃這類生果造的凍甜品消暑也不錯，不過如果要花長時間輪候，無論如何出名好食，也不是我的個人風格。

離開堂口, 係離開堂記先啱, 師傅都唔算十分飽, 但又諗唔到食咩好? 於是繼續同師妹四圍遊, 遊下遊下師傅口痕痕彈左句, 『不如食甜品?』師妹個咀當堂 『O』晒, 皆因師傅一向對甜品都麻麻地, 竟然會爆出一句咁樣嘅說話! 喺冇異議下師傅就帶師妹黎左呢間甜品店!

入到去都幾多人, 好彩有大把位, 坐底立即睇下有咩好食, 師傅見最近都幾開心就揀個貼切少少嘅開心世界, 而師妹諗左好耐, 好似樣樣都想食, 最後柯打左個琉璃之戀!

等左一陣就有得食, 師傅先講下自己個開心世界, 開心世界係以雜果堆切而成嘅甜品, 面上佈滿鮮果, 有西瓜, 香蕉, 杧果, 西瓜同杧果都多汁鮮甜, 而香蕉師傅就略嫌乾身, 鮮果下全部係大西米同白色涼粉, 大西米超級煙煙韌韌, 口感絕對一流, 而白色涼粉冇咩特別, 係大菜糕, 味道清清甜甜, 都幾爽口, 感覺唔差, 係杧果汁底比較杰, 入口較黏, 但整體黎講都唔錯, 食完都真係幾開心架; 至於師傅嘅琉璃之戀師傅都有試過少少, 西米爽口配上杧果汁底就幾鮮, 十分舒服, 而配上另一個汁(唔記得咩汁) 味道反而一般, 整體而言師傅覺得一般!

總括黎講甜品依然出色, 價錢經濟, 埋單五十幾蚊, 十分抵食; 師傅食埋甜品已經飽到飛起, 而且十分滿足, 兩款甜品要師傅揀, 還是開心世界較佳! 但如果要揀甜品店, 師傅第一選擇必定係呢間, 笑臉一定會比, 希望好快有下一次啦!

松記糖水 is one of the best 糖水 shop in HK
They only use very simple and cheap ingredients but the 糖水 is really fantastic
the fruit is fresh and when everything mixed together, the 糖水 is really delicious


Sunday is the one I like most
though the ice cream is from Daily farm only
but when it is mixed with the fruit and mango juice, it gives a special taste

but I was disappointed by the 咖啡木槺布甸
coz it is 木槺 + 咖啡布甸
not real 木槺布甸!!!

松記實是由細食到大, 中學放學成日去長沙灣食
近排係尖沙咀食完晚餐, 口痕就去左佐敦食 好掛住既 幻彩明珠

排隊就一定要, 但係番台番得好快,
等10位都係唔駛半個中, 太好。

幻彩明珠

唔駛5分中上台, 生果新鮮同多,
冇叫多芒果汁都非常之多, 樣樣野都好平均
好消暑既感覺
最緊要係 唔會食完覺得成肚水, 果然出色!!!

環境就唔係好逼,有私人空間影下相都好
服務態度好似好過長沙灣tim, 唔會點吹你走...

好鐘意去lee間食糖水*
因為佢好多款色^^"
最重要唔會因為太多花臣而搞到放唔到落口

來親都係食佢個summer....
因為唔洗20蚊...又有雪糕波又有朱古力nice~~~

係就係逼d...係就係多人左d...
不過食到好味既野...排隊排幾耐咩都抵番晒

service又好好wo....唔會因為人多唔理你~
盡量理晒個個客^^"nice~~

佢地外賣都做得幾快.....
order 完左無幾耐就出~~~
外賣仲快過堂食~~~
想快d有既就外賣啦^^

好鐘意食呢間糖水店,
係之前做 summer internship 個時成日買外賣返黎食既,
雖然銅鑼灣個間係近我多左,
但都係佐敦呢間好味d,
唔知係咪 d 水果來貨唔同呢..

次次都話要試新野,
但總係抗拒唔到楊枝甘露,
我鐘意少少奶, 多多芒果汁,
個種味係第二度食唔返~~

等天氣再熱多少少,
我會去食 "Summer"

次次出到嚟廟街食飯，飯後都一定會去松記食甜品，個人認為此店的甜品是平、靚、正~吃過晚餐後，當然要食返d甜品平衡一下~

芒果明珠: 平時食開"開心世界"，今次試吓哩個，又係掂喎!Base係涼粉、"蝌蚪"及大西米，再配以西瓜、芒果等什果同埋芒果蓉，味道very good!

Sunday: 女友揀咗哩個，因為佢為食想食雪糕~哩個Base係大西米同什果，另外仲有兩條黑白配再加兩球雪糕，揀咗朱古力碎曲奇及芒果味雪糕~芒果味雪糕真係超芒果，好正!

睇完璀燦煙花後，跟住同女友行番去廟街嗰邊嘅松記食糖水，好彩早到一步，到的時候沒有人排隊，唔使點等位

綿綿冰近期大行其道，女友也愛上了它~估不到松記也緊貼這個"冰潮"，推出綿綿冰，女友話試過糖百府嘅好好味，所以佢係都要試吓喎~

女友叫咗朱古力味綿綿冰，配朱古力醬加花心碎，佢話味道ok，唔會太甜，雖然刨出來的冰也是一瓣瓣的，不過唔夠糖百府嘅咁好味，d冰唔夠綿wor~

而我就叫返個好好味嘅"開心世界"，有煙煙韌韌的大粒西米，配以甜滑的椰汁，再放上了新鮮的芒果肉及西瓜，淋上好smooth的芒果醬，味道層次感強。哩個甜品有生果又有多種材料，好飽好滿足~

走嗰時店外好多人排隊呀~好誇張!連舖頭外面都開埋枱~今次真係好彩早到一步jar!!~

是日幫朋友慶祝生日後，大家專程由觀塘 APM 搭車出佐敦一嘗聞名已久既松記糖水~

大約 9 點幾左右到達，已經見門口有十幾人排隊等候入坐。拎完飛仔後，我地等左約 15mins 就有位，之後就入去坐低揀野食~

朋友講不如叫最出名的「幻彩明珠」，之後就隨便再點「琉璃之戀」同埋「哈囉」，等黎到時大家一齊 share 食~

令我最印象深刻的係佢果個「琉璃之戀」，因為真係好大碗，應該係正常糖水既雙倍，所以價錢都賣得貴 d ( $30.00 )，而另外 2 個只係 $16 咋！如果想用黎做正餐都可以飽肚架，哈哈.......

至於味道方面，「琉璃之戀」都係個人覺得最好食的，細細粒的珠好爽口，加上芒果醬同淡奶，真係講句︰「感覺好 fresh！」 同埋佢係 3 個入面最夠凍既~

而「幻彩明珠」，就因為個人不太喜歡有0趙口的珍珠，所以唔太愛好。而今日 d 芒果同奇異果都比較酸，所以就要再扣少少分，涼粉味道又唔太夾到，所以整體上呢個我覺得味道只係一般~

另外果個「哈囉」，朋友話入面既椰汁糕好好食，開始食果陣見到入面有紅豆食都幾開心，但之後到中段，可能因為已經飽既關係，見到 d 豆都感覺飽飽滯滯，好辛苦先至清碗~

大家食完坐多陣就埋單走人，總共都只係用左 $62 咋，都 ok 抵啦~

初會八王子後轉戰松記
一如既往要等位，都好剛剛食飽咗
我地叫咗（三色涼粉．幻彩明珠．麥米粥）
三色涼粉﹣我好鍾意食涼粉，有新食法一定試試，個隻白色涼粉有Ｄ椰汗味，好好食好特別
幻彩明珠﹣賣相好似芒果西米撈咁，不過最特別係有Ｄ硫璃珠，有咬口好特別
麥米粥﹣份量唔小最特別加好多粟米，幾好食
始終冇令我哋三劍俠失望
好快番學喇