今日男友話冇去過田中食晚餐
所以就試下喇
7點半去到
哇哇哇
平日都咁多人既
要等
拎左飛先
揀定食咩
等左好耐先到我地叫野食
1直十五十六
唔知食咩好
最後ORDER左1份3文魚壽司
2件3文魚手卷
1份大蝦天婦羅同1份芝士饅魚卷
ORDER完仲要等入去坐
真係好旺
唔明點解佢地唔揀大間DDD既鋪頭
起碼唔洗咁多人等等下走左
等左1粒鐘
終於可以入去喇
1入到去
好快有野食
3文魚壽司好似元朗一般既壽司店咁
都係咁長
味道唔錯
飯就暖左小小
再上既係芝士饅魚卷
我唔知道原來係用芝麻架呢
自己同男友都唔鐘意芝麻
同埋入面舊鰻魚同芝士都好細舊
唔睇清楚都見唔到入面有鰻魚同芝士
黎款唔得
另外仲有天婦0羅
粉有小小厚
食左2舊已經好膩
下次食日本野真係唔可以再叫天婦羅
食唔到多
另外仲有1個3文魚手卷
黎個1見到真係要哇
好多3文魚呢
平時人地最多都係比2片3文魚姐
佢比夠4片
而且都唔薄
味道好好
推介
最後食左$132
另外1提既係WAITRESS既態度
幫人落ORDER個個態度好串咁
人地好聲好氣話想加單
佢個樣好似有人得罪佢咁
係度嫌麻煩
另外
岩岩放低筷子就比人收哂DDDD野
好似趕你走咁
但其實門口只有幾個人
而且我只係食左20分鐘-.-

或者會有下次幫襯既機會
視乎多唔多人啦

這家壽司店是第二次光臨..
常常有很多人在等候外賣和堂食..
他的賣點該是壽司大件吧!

第一次來的時候.. 可能正是晚飯時段..
壽司質量及味道真的不錯.. 很新鮮和甜美..
今次可能是差不多打烊關係.. 用料像沒有當初的好..
但整體上是好的.. 價格亦不算貴.. 和連鎖店差不多!

侍應生服務亦不錯.. 他們會提點你不要叫太多食物..
因為份量是比其他店舖多的.. 不用眼闊肚窄而浪費了!

都一段日子沒有打食評，懶了，吃什麼都不記得

是次與朋友到田中一嚐
點了：
三文魚手卷：肉質頗鮮，每份有三文魚4塊，不過太大件飯，不能與三文魚一同食用
帶子壽司：值得一試，鮮甜十分美味
鰻魚壽司：鰻魚凍了，肉質較硬身，不過份量相當足夠
小食（餃子，螺肉）味道不特別，只一般水平

本來預料田中門外的人龍會像平日般人山人海, 所以想好在隔壁的日本料理店用餐。下車走到門前, 出奇地竟然有幾張空桌, 我心想還真難得~ 於是和小榮第一次試試這間遠近馳名的田中。

由於只有二人, 今晚他的胃口也不大好, 所以只叫了幾味。

第一道上桌的是三文魚刺身 ($55.-)。(坐在我們另一邊的是一對情侶, 他們跟我們差不多時間入座, 他們的三文魚手卷比我們的刺身上桌較早, 一見如斯大份的手卷, 這才心叫不妙)

果然不錯, 厚切肥美三文魚刺身上場, 已經開始懷疑是不是點了太多菜。



第二道是我要的三文魚茶漬飯($29.-)。清清淡淡帶丁點茶漬味, 要不是三文魚太多, 我鐵定全吃光的!


第三道是他點的三文魚頭煲($55.- ?? 忘記了)。(傻佬以為份量只有一般三文魚頭湯大, 所以見一整煲有如煲仔菜般大份, 我們都不禁瞪著眼呆住了) 味道也是不錯, 總之很抵吃!


總括而言, 食物水準不錯, 上菜也算快, 不過要留意 燒物是即叫即燒, 要等15分鐘的 ! 如果人不多就不要點太多, 因為大家都知道田中限時 45 分鐘的嘛! : )

夜晚搭車經過田中, 都係好多人堆喺門口等位, 今日晏晝兩點去, 唔洗等位就入座, 以為執到寶啦, 點知.....

啲位超窄, 成日都要閃避侍應傳菜, 同埋啲客出出入入.

叫咗炸蝦反卷($39), 鹽燒三文魚邊($29)同埋燒青魚拉麵($39)

味道ok啦, 啲拉麵太淋, 湯冇味, 我諗自己煮啲xx一丁好味啲

一食完放低筷子, 啲待應就好快手執枱, 好似驚死你唔走咁, 都唔係繁忙時間啦, 駛唔駛咁趕呀?!

唔明點解夜晚咁多人等位....

昨天第二次去田中吃，上次感覺相當不錯，但隔了三個月似乎退步了...

點了三文魚手卷、帶子壽司、蟹籽沙律、和甜蝦刺身。

三文魚手卷：紫菜包得不夠實，飯太暖很易散；三文魚太重弄散了飯，根本無法蘸醬油，結果等於分開食飯同魚。
帶子壽司：味道很不錯，同樣有飯太易散的問題。
蟹籽沙律：同平時吃的沒甚麼分別，但份量是兩倍。
甜蝦刺身：沒有鮮味，得個大字。

等候時間約25分鐘（２人），算是很快了....服務不算差，但環境太擠迫。
味道是比上次差了，尤其是飯，令人失望...價錢比上次更貴，已不算抵食了。

6點已要排隊
三文魚壽司，長到。。。嚇親，跌左一塊落地
甜蝦壽司，個人本身不太好甜蝦的，都覺得正
帆立背壽司，三款食過最新鮮！！！
牛肉蛋飯。。。好大。。。仲有好老的牛肉。。。如果你look for飽肚就ok ge。。。味麻麻。。。

We have always wanted to try this place for so long but every time we come here it is either closed or have a HUGE crowd lining up outside for seats.

We came here not long before closing time so we got a table rightaway, and then here comes our very disappointiing dining experience. Why so?

1. The sushi and sashimi selection is very limited
2. The sushi is NOT fresh at all. It's WARM and MUSHY! The rice is hard and doesn't hold together at all
3. Price is the same as a similar restaurant but portion is MUCH smaller
4. Service is terrible! They kept on checking our bill and then threw the clipboard on our table, which was very irritating.

Apparently we are not the only unsatisfied customers. Given their decline in quality and increased competition in the area, it's likely that their 45 mins policy can soon be abolished.

曾經最愛的食堂~ 我唔會再唻了~
住了元朗區近十年, 一直都好鐘意田中, (以前係每星期一次以上)
但近年越做越差, 已半年冇去~
尋日見咁耐冇去, 又見佢都keep到咁多人等, 就俾多次機會佢啦~

點知一吃...係再差左.......
壽司飯係熱的... 係熱,唔係暖, 一夾即散...
魚生雪到冇哂味...

我明白田中一向係出名大件夾抵食~ 但係而家全個元朗都係咁上下價, 但係質素係好過田中的~
再加上而家唔知係唔係驚太多客, 除左食物差左, 服務仲挑戰我底線~ 不抽不啋~ 叫佢追單/加茶是煩到佢地的感覺~ 應該唔係我多疑卦...

初時日日都係元朗返工...日日搭車放工都經過呢間壽司店....

每次都有好大條人龍係門口等..!一問之下先知呢間係田中...!!

某日既lunch醒起就諗住去一試...

2:15入到去都冇咩人

叫左兩個魚生飯定食

3碟三文魚壽司

3件帶子壽司!

個魚生飯一放低我同2個同事都嘩左一聲...

因為真係幾大份....(我同我其中一個同事都唔細食架!)

其中一個飯係有魷魚既...開頭食一兩啖都冇咩野...但係之後食食下食到苦苦地...

其他材料都不過不失...ok!

不過有一塊跟餐既燒三文魚扒真係好好好好好好難食!

勁乾同冇魚味架!!!就咁淋d咖喱汁上面仲要涷冰冰架!

之後到壽司啦..

d壽司飯同白飯分別真係唔太大...冇咩味道...!(壽司飯上台時還是熱的...)

同埋三文魚既賣相唔太好....不過都ok新鮮!

帶子都幾好味!新鮮!

如果以價錢黎睇...呢度真係幾抵食..!

每人都係食左60蚊倒...

下次搵日會早d去試埋dinner!

7點半去到, 都係等30張枱, 大熱天時, 慘得過大把人等

第一次食, 想睇下究竟有咩咁利害

等左35mins 到啦, 正如大部份元朗日式食肆一樣, 好迫!

黎好, 樣樣都大d, 例如個壽司舊飯就比出面連鎖0個d 大一倍, 而件三文魚就有10cm 長, 19蚊兩件, 但價錢比起上黎都係抵...

3個人, 食左餃子, 豬排飯, 三文魚壽司, 三文魚扒烏冬, 百五蚊就飽晒

不過味道的實情-----

壽司厚但唔肥美, 咸點味精都幾重.......

要飽吃搵日早冇咁多人等都可以一試, 但係要食好野就可以搵下其他

不過今次係食大路野, 搵次食下d 招牌野睇下會唔會好d

從等位到離開說

在門口負責登記的女服務員就像生意不休做般，
我叫了很多聲後才幫我登記，也算
她那不屑的表情，囂張拔滬的問我：人齊未呀，未齊唔入得！
也算，也許是該店的政策
當叫到我的號碼時，我便上前應
那女服務員又問：你地兩個呀？
我：唔係，四個
女服務員：呢道寫兩個咋！
我：我點知你點寫，我一早同你講左四個啦
女服務員：唔使咁串，你等下啦！
那女服務員就對另外的那女服務員說：呢個客痴線嫁！
我那時真的『著了』！！

等了大約三十分鐘，終於可入場
場內十分擠湧，也許是大多人光顧
食物是需要在等位時點，
因為用膳時間只有４５分鐘，
如果要再加點餸，
只需要受一受氣，便可以『比錢佢使』
當然要加水也不能避免受氣

食物質素一般，
賣點與一眾元朗的日本餐廳一樣
都是夠大，沒什特別
叫了十一樣，
有刺身、天婦羅及壽司

埋單Cash Only

總結：客人需對該店的服務員杉杉有禮
　　　而服務員不服務是合情合理
　　　一句到尾，沒有下次！

昔日元朗美食,大家總會想起老婆餅,同圍村菜,現今多了一個成員 - 壽司.

何解呢?因為元朗系的壽司,同香港其他區域與別不同,就是一味鬥大.飯團大,刺身切得厚.總之一味鬥大.結果一間成功,其他對手便陸逐追隨,漸漸形成了元朗另一個獨有的飲食文化.

平生未吃過這一系壽司,已經說想試很久,這夜便聯同住在附近的朋友,抱著獵奇的心態,來到元朗壽司龍頭"田中".

作為同區的領導者,果然人氣最盛,天未黑的六點半,門外已有十幾人在聚集.時間尚早已是如此,去到黃金時間咪不得了?友人未到,小弟先拿定菜單,原來此店巴閉到要在入座前點定菜.好歹也吃了多年上中下等日本菜,這樣方式落單,也是第一次見.相信是同每人只限吃四十五分鐘有關.務求食客一坐下便上菜,食完就走,務求做多幾轉生意,掉過來去想,田中的老闆頗有生意頭腦.去吃日本菜要限時間,又是第一次見.

人齊才能入座,友人一到,等一會便有檯,計算由等位到入座的時間,大約二十分鐘.入到店內,環境極為狹窄,可能是人多之關係.坐低不久,先喝杯熱茶,近乎沒有味道的熱茶,同飲水沒有兩樣.又是第一次在日本料理內見.連杯茶也是如此,相信其他出品也不會好得去那裏.

先上的是帶子刺身,食落淋劈劈,味道不明顯,吃到最後的味道是帶點苦澀.正所謂入鄉隨俗,雖然個人不好三文魚,但來到田中,不吃三文魚壽司,道理同去北京不到長城,非好漢之所為也.眼見的三文魚壽司,賣相似金魚,三文魚很長,而且很厚,差一點便可用來做三文魚扒.底下的飯團同樣大舊,一口跟本吃不下,完全有違壽司本身的傳統.但是元朗系壽司就是如此,一場來到,便要嘗試去融入這個文化.接受與否是另一回事.

三文魚色水還可,曾多次在食評上說過,在魚生之中,以三文魚最為"陰濕".就算變壞也不會變色變味.這件三文魚係夠厚,吃落沒有油份,覺得有點點似塑膠.下面的壽司飯,是我手上的筷子中不能承受的重,結果,一夾就散晒!分開成幾截,蔚為奇觀.說回壽司飯本身,同杯茶一樣,近乎沒有味.而且是熱的.到最後為免掛上"無衣食"之名,便將飯團同三文魚放在碗上,倒些醬油去吊味,當魚生飯吃.

甜蝦一點也不甜,又是沒有味,蝦頭內的蝦膏更是很苦.友人見狀不敢下手.魷魚蟹子壽司基本上是二合為一,兩件壽司拍埋一起,面頭的魷魚相信是一同放入去.所以當拿一件走,另一件便倒塌下來,見狀不禁苦笑.海膽壽司的飯團又是熱的,主角海膽的質素,去到此地步已是意料中事.味道很有層次地先甘後臭.幸好點菜時沒有叫一大板.全夜覺得比較好一點,是鰻魚壽司,因為是熟食.鰻魚肉厚,燒汁味道也夠濃香.

由入座起計,晚上六點五十分入,七點十五分走.前後二十五分鐘.比去快餐店更快.步出門口,外面的人龍比早前更墟陷.我有點不明白,是否平就大晒?懶理好不好吃與否.就走過來甘心排隊個幾兩個鐘,來換取四十五分鐘有名無實的"快感"?這個不是田中麗奈,而是田中"例耐"呀.

日本歷史悠久的飲食文化,一下子被元朗扭曲成如此樣子.這樣又算不算因為幾十年前的日治時代慘痛歲月,而在意識形態上作出大報復?

尋日約左朋友去元朗食飯,朋友話想食日本野,o係元朗搵日本野食,直頭容易過搵7仔~~

不過少去元朗,雖然知道有好多日本野食,但邊間真係又新鮮又抵死都係靠睇openrice架咋~本黎想搵間唔太多喊面既,最緊要唔駛等好耐既,點知誤打誤撞又行到o黎田中,最後都係決定要試下佢究竟有咩咁吸引人!!!

所謂派籌,張籌就係張Menu,Menu比想像中少選擇,唔鐘意佢逼你諗好食咩先,入去前落定單,好似入到去唔俾人再order咁,以為order定入到去就有得食啦,又唔係喎,一樣要等,感覺好似局你等,拎完籌又要等叫number,order完又要再等叫number先入得,即係前後等2次~~~

正如上面講,入到去都唔係即有得食,咁都仲要限45分鐘?!就試下你有咩咁巴閉!!!

三文魚手卷無可否認佢既三文魚的確比元氣板前既厚身,但係o係元朗哩個日本菜競爭咁大既地區黎講,我唔認為特別抵食,亦唔見得好新鮮,,一般貨色,簡單來說無特別~~~你多多一塊半塊就話o者....

鰻魚手卷哩個比三文魚手卷更無特別,鰻魚唔見得特別長特別肥美,個汁又唔夠,都係個句,無咩特別!!!

餃子雞翼哩個係全晚最滿意既,個涵幾入味,雞翼外表個汁好似係鰻魚汁,不過嫌隻雞翼un左D,個唔夠滿,一啖就咬得哂,唔夠喉~價錢方面都係一般,唔平仲略嫌冀,平均成10蚊一隻.....

鯖魚叫左個燒鯖魚黎試試,哩個其實都OK,不過2個人食一條都幾多,初初食都仲OK,幾鮮甜,燒得剛剛好,但唔知係因為我後尾吱左檸檬汁既關係,定係食得多得滯,覺得有D苦,建議多D人食,每人試少少,少食多滋味呀嘛~

雜錦天婦羅原來好大兜,乜都有,2個人食唔哂.....真係無特別,又唔係特別脆,一般貨仔,硬係要講一樣好,就係唔算太油囉,不過無驚喜~

總括哩餐都係一般,都唔明點解咁多人排隊等,你話佢平就話o者,又唔係喎,特別好食,又唔覺喎,都唔明賣點係咩?!?!仲要咁奇怪既等位方法,有寶咩???段估我都唔會再o黎............因為真係無特別!!!!!

自從田中搬左黎之後
一直都未試過
咁岩有少少餓
再加上冇咩人等
個陣六點幾
所以入左去試下

一入到去
個侍應已急不及待叫我地落單
我地話等陣先
個一陣又再行過黎催我地落單
因為我地唔係太肚餓
同埋知佢既份量好多
所以我地叫左兩樣野食
個侍應話:兩樣咋?
我地係度諗兩樣唔得咩?

叫左海膽刺身
另外本身叫左個三文魚壽司(六件既)
但個侍應話個d好細件
話冇咩人叫
推介左我地要三文魚手卷

海膽刺身,好普通,唔見得有咩特別
至於個三文魚手卷,非常求其
入面三文魚好大塊
夾硬塞落去
好無美感可言
與其話係三文魚手卷
不如話係三文魚刺身再加一個冇餡既手卷...

服務一般
叫人落單好快
但冇人會過黎幫你加茶...

講真,唔覺得特別好食
又限時,只係份量多
如果要我排咁耐隊去等
值得嗎???