呢一日放左學之後，同個同學黎呢度食午餐啦。呢日都好彩，等左唔使一
分鐘就有得坐。落單既效率都係咁快，野食當然唔使一分鐘就黎哂啦。

炒蛋多士炒蛋真係好好食，好滑同蛋漿都幾多。食完又唔會滯，好
有蛋味，又大碟，好好味。多士都係一大塊厚多，牛油味好夠，當然唔
會落得太多啦。跟餐既火腿無乜特別，唔使講既。
叉燒意粉唔差既，一試就知係金寶忌廉湯。意粉整得好爽口，
叉燒都唔算太特別。
熱奶茶好有茶味，飲完都有陣茶香個口到。
凍燉蛋好香杏仁味，燉蛋又夠滑，真係好正。

雖然服務有時會因為效率而差左小小，不過我都受到。因為我地都係一日
為兩餐，快小小都無法啦。要吹水傾計就唔會黎呢度啦。

前晚上OPENRICE 見到好多人都話E間野好出名好好食
今日放學同班同學開開心心 諗住去食澳洲牛奶
一去到已經有個金啡色頭髮既哥哥 好大聲咁問我地:幾多位呀 快D啦~
總比佢果D 語氣嚇親 入到去好多人~~坐低 金啡色頭髮既哥哥用好差既語氣問我地食咩呀
心諗 d態度唔洗咁差呀 好似得罪左你咁
好啦我地每人都叫左個茶餐 之後我有個fd話唔飲野住 之後個waiter 哥哥 總係咁問左我地5次 飲咩呀飲咩呀~
我地已經話 冇位放野飲 佢總係咁話 (得啦 快d落啦 飲咩呀!!!!!!!!!!!(好大聲))
之後我個fd好無奈咁講左要杯野飲 不過諗諗下都係叫佢唔好落單住 之後佢無理人就好快咁走開左.... 係進食過程中 D waiter 係咁係我地身邊係咁走黎走去係咁望我地食完未 我都知E間野出名 (快食完快走) 但都令到我地食得好唔舒服
之後D野飲到左已經冇位放 個Waiter總叫我地自己拎住 快d食完快d飲.....好無奈...
我有個fd忍唔住同佢講 可唔可以唔要住先
最o咀真係 個waiter 哥哥話: 唔得啵~你自己拎住先啦~D態度真係差到飛起 黎幫親佢總要比佢串.....食咁多年野都未試過比waiter用咁既態度同我地講野....
最搞笑 聽到個waiter好大聲講: 我今日好燥低呀...
連在旁食緊野既人都o咀望住佢...
到最後個Waiter落錯左1杯野飲 之後叫佢換 佢總用好差既態度話: 下 冇得換架啵~係咁架啦~~~
我地成班真係食到火都黎 最後拿拿聲食埋走人...
對E間,本來好好食既餐廳 失晒信心 唔會再去食了
雖然D野係好食 但係D態度都唔洗咁差掛!?
E N D

我哋嚟到要排隊，但人龍行得幾快，我哋六個人就要等耐D，最後仲要分枱坐。
環境很迫，坐得不舒服，Waiter落單也十分之趕，我話要茶餐，佢立刻勁快地問，要通粉定意粉、炒蛋定煎蛋。食物好快就到，厚多士很軟熟，外脆內軟又多牛油，十分好味，炒蛋也很滑仲有蛋香，味道很好，义燒通粉就不過不失啦，以前嘅湯底好味D，而家就一般囉。奶茶也很香滑，阿華田就淡咗D。

Overall 食物不錯，Waiter都算有禮貌，但太趕令人有壓迫感，一邊食一邊感覺到周圍嘅人都好趕咁，啱啱開始食就有人企喺到等你個位，自己就不其然地食得超快，由坐低到離開只有15分鐘，感覺不好。真不知比什麼臉，以食物應有笑臉，以感覺就係喊臉，都係唔比喇。

我份人出名慢
食野慢慢食,
點知同朋友去著間超癲餐廳
呢間真係癲,即叫即上
根本整定晒
我慢慢食左3個字,飲埋杯茶打算走
點知就比人趕我叫我快d食完走-_-
食完碟野你收左先我飲埋咪走囉
做咩要趕客咁cheap!!
好食都冇用啦~d態度咁樣對客!!

哇哈哈 來澳洲牛奶公司吃一定要把它當成一個adventure 好好玩而且一定會被amazed的
他們的管理系統比任何一間用 six sigma 的公司更厲害更efficient
出錯？是不容許的
服務生一眼關七 警覺程度猶如G4
一個個站在身後 抬頭 舉手 三秒必有回應 好有安全感啊~~~~
快！狠！準！是一眾服務生的宗旨
流程smooth得可愛
沒禮貌麼 我又不覺得 我反而覺得好cool 好enjoy
特別是那位長得像演員大口青的亞叔
實在酷到頂點 有金庸武俠小說裡面的大俠情懷 對著妹妹小姐們也有其溫柔一面
座落於佐敦 澳洲牛奶公司附近極多芬蘭浴場 龍蛇混雜 服務生們的態度和背景互相輝映
其實只要做好功課 屁股坐下前就想清楚要吃甚麼
別影響亞叔們的流程運作 他們是不會給你不耐煩的臭臉的
這裡的炒蛋是全香港最好吃 處於半生半熟狀態的雞蛋超級滑嫩
火腿通粉和叉燒意粉都 no good 可以skip
所以我每次都是吃腿蛋治烘底加鮮奶
麵包外面脆脆裡面軟軟 烘底夠熱牛油溶 雞蛋滑嫩 那片火腿不過是個點綴
當然那瓶鮮奶是 kowloon dairy 九龍維記牛奶有限公司出品
所以其實稍移玉步到前面的7－11是可以用一半價錢 or less 品嚐 呵呵
澳洲牛奶公司 好犀利

聽人講左好多次呢間澳洲牛奶公司好出名,超多人,炒蛋超正,所以今天來這裏一試.

一入去原來得兩個餐揀,一個有通粉一個冇.我地叫左有通粉個餐.講你都唔信, 個餐一分鐘唔夠就來到,原來佢地廚房係咁煎蛋同煮通粉,正正係因為佢得咁少選擇,佢地根本唔需要理會有乜單, 只要樓面執埋一齊就掂.犀利!!

講番野食,個炒蛋又真係唔錯,好有蛋味,其他就不過不失,同其他茶餐廳冇乜分別. 不過值得一提是食完之後,侍應立即會同你收野,跟住俾張單你叫你埋單趕你走.這次晚餐一入去到出來都唔使二十分鐘.似乎這間茶餐廳只適合一個人來開餐. 如兩人或三五知己都是另覓選擇好了.

都唔係第一次黎食架啦, 尋日心血來照特登行去食個茶餐
晏晝4點幾無人等位, 但係都有好多人食緊...
咁好彩比我坐緊收銀o個邊o既卡位~

茶餐照舊叫通粉, 炒蛋, 同埋多士!
通粉味道很有雞湯味精, 連炒蛋都係同一個味
炒蛋份量好似少左D...比起叫熟蛋, 好似炒左都無雙蛋份量咁
下次都係叫返雙熟蛋~

多士一樣咁好食, 又厚, 又鬆軟!
侍應依然咁快, 未食完通粉就叫我落餐飲
手腳快o既同時.... 我坐o既卡位, 即門口一直行入去, 右邊卡位
侍應收左碗都會放o係o個度.....
就o係我食完個通粉, 侍應收左我個碟.........................轉身拎開放低之後

有隻正常體積o既蟑螂
好快咁o係地下行過..............
再走向前面張檯下面.......

我嚇窒左...

侍應手腳係好快
多士係好食

但係衛生情況.... 真係..........
雖然間間食肆都有咁o既可能
但係比食客見到..
真係好需要檢討下!

很抱歉, 因為蟑螂走動太快, 我趕唔切拎相機影低...
但事情真實無誤...
下次去食o既時候要三思

有人去左打邊爐, 我就同第2個去偷食!

叫左個常餐, 有叉燒意粉, 火腿炒蛋跟多士同餐飲

叉燒意粉 - d 意粉係好滑, 份量比較少, 大食既朋友應該唔夠食。叉燒普通。

火腿炒蛋跟多士 - 最值得提既係炒蛋(要叫佢轉, 如果唔係係煎蛋, 冇咁好味), 好滑好正

夜晚冇咁旺, 唔駛排隊, 亦都唔會趕你走。
上菜超快, 叫完唔駛一分鐘即刻有得食。
係坐得冇咁舒服, 地方狹窄左d。

叉燒意粉: D湯好似太多, 但意粉少, D叉燒好硬, 好似有D隔夜味

火腿煎雙蛋: 一般好味

多士: 厚切, 二件切成三角形, 新鮮即烘, 塗上牛油, 幾好味

凍檸茶: 凍飲+$2, 用矮身玻璃杯, 份量唔係好夠, 茶味一般
$$$: $30

初嘗澳洲牛奶公司的茶餐, 茶餐包括有叉燒通粉, 牛油厚多士, 火腿炒蛋和熱飲

其實這裡的叉燒通粉和炒蛋並不是勁好味, 值得一讚反然是"熱奶茶", 奶茶色澤很美, 茶和奶的比例剛剛好, 飲落很細滑, 十分滿足.

只是吃吃通粉多士奶茶便索價$28, 有點兒貴了一些.

見到呢間茶餐廳有咁多好評, 行開呢頭就來朝拜下先.

大約下午6 點左右入到去, 唔使等, 即刻有位. 叫左個茶餐試下:

多士 : 正, 牛油好香
炒蛋 : 正, 滑
牛肉通粉 : 普通, 牛肉冇咩牛味

不過記住要食晒你檯上面d野食先好叫野飲呀, 我地只係食完個通粉, 未食完個炒蛋想叫定杯熱飲o者, 咁就比d waiter 哥哥罵啦. 食物味道係幾好既, 不過今時今日咁既服務態度點得架. 再會唔會來食野? 真係好食都要諗過先.

以前住o係尖沙咀，都好近佐敦，我記得有段時間我就係日日行黎澳洲牛奶公司買蛋治吃。
因為佢D炒蛋真係好好食呢~~~
出面o個D炒蛋真係冇邊幾間炒得好似佢咁，同埋佢塊包又係比較厚，所以好中意食XDD

去親都係食蛋治、燉奶
o個時好似係$12份，而家唔知有冇變~
我覺得都算抵食，因為份三文治唔細，同埋都幾好食

不過如果係想搵地方慢慢坐下食野就嘛嘛地，因為一到食飯時間間野就超多人，我見好多人都好唔滿意D服務態度太好。
正常既，呢度明顯唔係sell服務，而且人一多D員工就好忙，感覺好似有D趕趕地客咁，不過佢地又唔係扮見你唔到、哩埋唔做野o個D...我覺得算係咁啦~

一點到，等5mins就有得食！
拿很多野入去，伙記有心地比多張凳我放野，gur曬啦！

兩人行
share2分野
茶餐：炒蛋好滑好正，比大快活好
茶餐：多士又厚又脆
茶餐：叉意，中意叉燒，意粉其實中意干食，下次食通粉
coffee，港式，正！
公司三文治，多料，但好像茶餐回味d，例如兩個餐都有蛋，但茶餐好很多很多

伙記唔洗寫都記得你過枱幾多錢！！

奇怪, 寫了近百編食評, 竟然冇寫過澳洲牛奶公司!? 這可不是我從未幫趁過, 只是近排少咗嚟食... 回想起第一次嚟食已是十三年前的事了, 但這店出色嘅炒蛋, 和街知巷聞的服務態度, 咁多年都能夠保持[水準}, 歷久不變! 認真利害!
今天我又如常叫咗快餐, 炒蛋多士, 凍奶茶, 另加一件油多多油. 炒蛋依然係滑不留口, 又夠蛋味! 厚多士烘得剛好, 外脆內軟. 而多油的油多認真和味, 好香嘅牛油!
儘管這裏侍應的步伐是那麽的快, 及那套別具一格的款待, 只要客人懂得那竅門, 就不會有問題了, 鬼叫我哋咁鐘意食佢d炒蛋咩!? 況且呢度係茶餐廳, 唔係五星級酒店呀!

平時諗唔到食咩都鍾意食茶餐
一黎可以LIGHT D
二黎有ALL DAY BREAKFAST 感覺
今晚放工行左陣尖咀
唔係太肚餓既關係, 又要去佐敦搭車
於是選擇呢度
最鍾意係個厚多士 平日茶餐廳D 多士薄得滯同埋唔鬆, 得個脆字
呢度牛油味加鬆脆感覺係一流
其次個太陽蛋都好好味
叉燒通就普通, 食唔出有咩物別, 但唔難食
凍檸茶就真係好飲, 少甜都唔澀
好滿足
相用GF1 影既, 好靚