21
12
5
港鐵九龍灣站 B 出口, 步行約7分鐘
繼續閱讀
營業時間
星期一至日
11:30 - 16:30
18:00 - 23:00
以上資料只供參考, 請與餐廳確認詳情
食家推介
忽然興起想食耐泰菜，見德福廣場只有一間泰菜館，去過下口癮吧。一份午餐連指定飲品$70-80，價錢中規中矩。2人行要左一份冬蔭公蝦湯米線，冬蔭公蝦炒飯，炸蝦餅，飲品就要左跟餐既香茅薑蜜。冬蔭公蝦湯米線:湯底顏色淺，相對地味道略淡而偏酸，雖然湯面有啲辣油但其實唔辣，湯底亦冇咩香料味，酸味較重; 配料有2隻蝦同切片雞脾菇，蝦冇咩鮮味，味道一般，米線份量屬適中。下次會試喇沙。冬蔭公蝦炒飯:配料都係有2隻蝦，都係冇咩蝦既鮮味; 有雞蛋碎炒底，飯粒分明炒到一粒粒，雖然偏油，但味道不失冬蔭公既香味亦可口，亦唔會偏酸偏辣，比冬蔭公湯米線好味因為湯米偏淡。蝦餅:外形似冬甩，雖然小小一個，但外皮炸得又香又酥脆，唯一係唔夠蝦既鮮味，但蝦膠打得彈牙，口感香脆!
繼續閱讀
今天同同事食FAREWELL飯, 我們訂左呢間泰國菜, 六個人每人點左一個午餐, 另外再叫左份生菜包同一碗炒通菜一齊食呀. 跟餐有飲品, 龍眼冰, 個杯唔同左喎, 好似細杯左, 但都好味的. 夠清甜.洛神花冰, 呢杯顏色好鮮艷的, 味道都好夠甜, 同事次次都話太甜. 不過好似利賓納咁, 好味, 加D水撈淡左仲好味.燒雞腿飯, 一碗例湯, 一碗燒雞腿, 一碗白飯, 如果可以多D汁就好啦, 不過燒雞腿都好香的, 啖啖肉, 好味道. 加埋D甜酸醬一齊食, GOOD.我食的海南雞飯都好豐富的, 這個餐不包飲品的, 但有一碟好大碟的雞, 一碗例湯, 一碗雞油飯, 例湯是冬瓜湯, 好味的, 雞肉都好淋好香好好味, 仲要有骨的, 雞油飯都係好香, 唔會好重雞油, 但好味道的, 仲有一碗醬(豉油, 薑蓉, 辣椒醬), 甜的豉油好香, 辣椒醬都唔算好辣的. 薑蓉好味道. 這個蟹肉炒粉絲賣相好吸引, 同事話嚟親呢度都會叫的, 佢可以食晒成碟, 真的好好味, 蟹肉夠多, 配料都多, 有雞蛋, 菜, 紅椒, 芽菜等, 炒得好乾身的, 好味呀.新加坡喇沙個樣都好吸引的, 個湯好似好辣, 但其實唔係好辣, 有蝦, 雞蛋, 豆腐卜, 芽菜等等材料, 同事話好味的, 湯底夠味, 唔會好淡, 蝦都爽口, 粉都彈牙的.冬蔭公喇沙, 這碗個樣明顯係辣D, 顏色好深, 同事話唔算太辣, 不過個湯的味道都幾好, 幾香, 幾濃味的, 有蝦, 香茅, 仲有其它一些冬蔭公的配料, 好惹味的.泰式生菜包, 生菜個樣好青綠, 新鮮呀, 肉係豬肉嚟架, 好味, 夠香, 同埋都幾辣的呀, 不過好惹味, 好味, 切到好細的肉碎加埋一些紫洋蔥及香料, 青檸檬等, 好好味的.馬拉盞炒通菜, 幼身的通菜, 都幾香口, 炒得夠惹味的, 好味.這間泰國菜都來了好幾次, 食晏限時一小時的, 都幾多人, 但上菜速度都好快, 同埋服務, 食物質素都係好的.
繼續閱讀
其實留意左呢間泰餐好耐，終於響呢日的起個心試下啦!~唔知點解星期一都要排一陣隊，可能收工晏左D~八點半倒就有位啦其實選擇都幾多，都幾齊全!叫左個冬陰公炒飯、黑椒炒雞、椰汁雞湯、野菌炒雜菜，仲叫左個甜品併盤!~冬陰公炒飯真係炒得好好，可以將冬陰公混埋飯一齊炒，又唔會太濕或者太乾，加埋隔離個檸，真係好正!~炒得好出色!~黑椒炒雞又不錯!送飯食真係好好，穫氣十分夠，但嚴佢油左少少!~加埋個椒炒，簡直無得彈!一餐飯總唔少得一個湯既，呢個要贊一贊，因為都比得幾多雞，唔會覺洩桌酸酸地好開胃~野菌炒雜菜食好多肥膩既野，總要叫反一個清清地既平衡反，不錯，響呢餐飯幾好既配搭!~甜品拼盤作一個結尾，簡直係美好!~芒果糯米飯好正，推介!~~
繼續閱讀
之前去德福食開嚐越,不過成日比較多人。最近留意到對面呢間泰國菜,門面幾靚,於是同屋企人一齊試下。 星期日午飯時間唔算多人，我地四個人有卡位坐，空間都算唔錯。睇餐牌都有好多款午餐選擇，有啲餐可以揀跟唔跟餐飲，都算靈活。我地四個一人叫左一個午餐一齊分享。跟餐可揀洛神花特飲，香茅薑蜜或龍眼蜜，凍熱皆可，唔駛加錢。 香芋海鮮焗飯($68)賣相唔錯，但味道唔算太濃。冬蔭公蝦金邊粉($68)湯底幾好味，唔太辣又鮮甜。喇沙($68)稍為辣左啲，不過椰香味濃，配料好味。青咖喱雞撈米線($68)，好有驚喜，連影相都唔記得。椰香同辣味配合得好好!米線另上，好彈牙!一定要再食! 總括黎講，呢個價錢，有咁嘅服務同食物質素，正!
繼續閱讀
同同事去完九展睇Sanrio Game Master，為食妹妹喺openrice搵到呢間泰菜，評價唔錯，而我又有差唔多成年冇食而黎試下！2個女仔好英咁叫左個3至4人餐，因為佢係平過個2人餐少少 ，而我地玩完又好餓～更加冇問題！菜好新鮮，味道唔錯，超微辣，幾惹味！我好鍾意食呢味，但成日唔記得佢叫咩，個湯好正～酸酸嘅湯浸住條魚，令魚味更鮮甜！呢個雞就乾左少少，但配佢個汁還可以嘅～炒粉絲，味道唔錯，又係幾惹味！整體味道係「骨」！值得推介！每一款食物味道適中，唔會太重味，有機會會再黎！
繼續閱讀