25/1(一) 7.30pm
正處於"警司警誡"階段的小老表再次重犯,跟家母再為其作心理輔導.一行四人到了躁進阿姨強力推介的"老二"晚膳.

一實俗氣小菜館,環境頗企理光猛.咱們點了灼魚皮,蒜蓉炒油麥菜,生菜蠔崧,茄子魚腩煲,椒鹽墨魚咀及涼瓜菜甫炒蛋.

灼魚皮--爽滑沒魚腥的魚皮添點薑蔥絲,芝麻及麻油已很不錯!

蒜蓉炒油麥菜--油水充足而嫩綠的油麥菜!

生菜包蠔崧--爽脆生菜裹住冬菇,馬碲,西芹,蠔豉及肉碎,層次多樣化而惹味,份量亦慷慨得很,成了翌日午餐果腹之物!

茄子魚腩煲--茄子炆得過於霉爛;而魚腩亦不相伯仲,糊口非常,一敗塗地的魚腩煲!

椒鹽墨魚咀--炸得乾爽香口的墨魚咀,質地乃恰如其分的彈口,亦是大地頭之作,打包作結!

涼瓜菜甫炒蛋--帶甘香及甜香的涼瓜菜甫炒蛋帶丁點蛋液的微濕,佐飯之選!

老闆娘及侍應有禮勤快,才三百塊的晚餐,坐亞望冠的"老二"!

好掛住以前係新蒲崗食開既和味館, 一早都係網上發現搬左梨呢度.但係到而家至梨食..好失望梨到竟然冇魚扣, 魚腸蒸旦同埋墨魚咀, 叫左以下菜
1) 生牛肉刺身 $188 都幾大碟
2) 台式絕技炒蛋 (唔錯)
3) 炸白飯魚 (好脆但好細碟)
4) 啫啫魚標煲 (好一般, 俾食評呃左)
5) 臭豆腐 (幾好食)
6) 水煮魚 半條 $68 (幾抵食不過唔夠辣)
7) 鐵板豆豉雞 (都可以)
8) 游水八找魚 (唔錯)
9) 魚皮 (仲係好得好似以前咁)
10) 椒鹽鴨下巴 (最唔得好咸)
11) 蝦醬炒飯 (好好食)

總括梨講都唔錯, 再加埋4枝大啤 6個人埋單700幾..差唔多啦

此店之主理人銷聲匿跡了幾年，在這裡重開，見舊舖名字是附加在正店名之旁的，幾特別。

趁是日跟食友們在附近打網球，順手又在這邊開飯。原以為是5、6人的小局，約下約下，也有成12人的一圍，人多可以吃多一點，試多一點，也真開心。

來幾支啤酒先，但見藍冰大大支都只賣12蚊，不作他選。先來幾味下酒小吃，炸白飯魚夠大條，也炸得透，如薯條般香脆，也有淡淡魚香，灑上淮鹽，鹹香可口；這裡的臭豆腐說是「秘製」的，細細件，四四方方的，幾香口，但吃起來不算很臭，30蚊一碟，有十多件，當作炸豆腐吃也未嚐不可；椒鹽烏魚扣已不知多久沒有吃過了，這裡賣的應也是新鮮貨，吃起來很爽口，有魚味但卻沒有什麼腥味，也是下酒良品，值得一試；幾味炸身也出色，唯獨覺得椒鹽墨魚咀麻麻地，炸得濕濕的不夠香口，吃起來也是腍腍的，毫不爽口，還可更好；

貪得意，來一客大的生牛肉。牛肉舖在大大的木桶內，幾壯觀的。吃起來很腍滑，但沒有問題，138蚊一大盤，也夠12人吃，牛肉的質數是可想而知的。過橋豬腸名字特別，其實是鐵板豬腸。上桌時是滋滋滾燙的，但吃起來豬腸是結實不鬆化，也沒有什麼味道的，幾難令人相信是新鮮貨；這裡的生炒骨寫成是「不可不吃」的，未試過真的以為是什麼好東西，吃過就知，普通貨色而已。味道過甜，骨多肉少，比較起質數好的，差得遠；頭抽浸雞是預訂的菜色，索價二百六十大洋，是全晚最昂貴的一味菜。雞件斬成小件，吃起來也嫩滑，不錯。個人而言，對幾款雞雜還最有興趣。成圍人吃來吃去也夠吃的，份量十足；啫啫魚標很美味，未點菜已問明，魚標是新鮮貨。吃起來軟滑，還幾厚身，雖然上汁上得不太夠，味道略淡，但卻是個人言，最滿意的一款；炒蛋在這裡，是以「絕技」來形容的，真的不試也不知，「絕」之何來。蛋煎得厚厚的，很夠乾身及鬆軟，內裡蛋汁充盈，味道果然不錯，這一味也值得一試。

最後來幾味飯麵，水準俱一般。蝦仁炒飯炒得乾身，但蝦仁是「玻璃蝦」之餘，連黑色的蝦腸也未除去的，叫人倒胃口；乾炒牛河非常的油膩，不說也以為是濕炒的，吃了幾口已要停手；豉油王炒麵夠香口，但味道卻是出奇的鹹。三味炒粉麵，俱有不同的缺點，一定程度上，反映了廚房的火侯。

幾位阿姐服務不錯，爽手又笑容滿面，值得一讚。

吃了滿滿的一桌菜，埋單每人一百一十二，已吃得飽飽。吃得高興，很是滿足。

我呢亭人, 注定有吸收無消耗. 好地地約咗班食友去打波, 之前日日好天, 無啦啦打波哥日就成朝落雨, 網球場封咗, 以為無打得啦, 就約朋友去尖咀飲野, 好喇約好哂喇, 佢又開番場, 咁巳經約咗朋友又唔好意思推. 於是乎飲完野拿拿臨飛的趕去高山球塲, 好彩仲有15分鐘, 可以欣賞到各食友的精糂球技. 諗諗下好彩自己無落場....我, 都係食力勁好多 ^_^"

做完啦啦隊, 大伙去老二庶開餐. 呢度由以前和味館嘅螺仔哥主理, 蟲就無得食嘞, 不過特別嘅菜式都唔少.

KC响庶, 食乜梗由佢發辦. 餐牌上都有唔少奇怪野, 特別係刺身, 有d都幾騎呢. 除咗玩野地叫咗客牛肉刺身, 其他的都叫做係正路野, 但正路得來都幾有風味同特色的.

大家嘻嘻哈哈, 飲飽又食醉, 雖然環境係地茂d, 但比起去d賴high賣卓頭show身份灑有錢的聚會, e的平民飯局, 就顯得更加可愛可取.

食咗:
1) 松花牛肉刺身 - 片得好薄, 帶少少油花, 都有d牛肉味, 不過成十幾人分呢碟野, 食極都仲有...叫呢味, 都係玩野嫁喇.

2) 上海炸臭豆腐 - 聞落幾臭但食落一d都唔臭, 無風味可言.

3) 炸白飯魚 - 酥脆好肉又甜美, 送啤酒一流

4) 椒鹽烏魚扣 - 即魚胃, 絕對係新鮮野, 口感極爽, 唔腥, 椒鹽推得夠, 好鬼惹味, 咁又送咗一大杯啤酒.

5) 椒鹽白龍珠 - 即墨魚咀, 酥香熱辣, 口感爽脆, 食到停唔到口.

6) 過江鐵板粉腸 - 雪藏野, 鬼咁鹹, 唔好叫.

7) 必吃咕嚕肉 - 肉質幾嫩, 但唔脆又過甜, 絕對唔係必吃.

8) 限量供應頭抽雞 - 阿姐話呢味所剩冇幾, 仲話佢地支頭抽係靚野. 要食趁早留, 賣得$260一隻, 梗有d期望. 咁好彩都真係好好味. 雞肉嫩滑, 入哂味, 醬汁鮮濃, 如果用來撈飯, 應該唔錯!

9) 酸菜豬雜鍋 - 豬雜比較鞋韌, 反而d粉皮索哂d汁, 滑嘟嘟好好味.

10) o者o者魚鰾 - 新鮮魚鰾, 爽嫩入味, 膠質豐腴, 又一佳品.

11) 台式絕技炒蛋 - 聽KC講原來蛋白同蛋黄分開發, 再輕輕撈埋一齊炒, 內有鹹菜頭, 口感軟熟多汁, 可惜太鹹.

12) 蝦醬炒飯 - 炒得夠乾身, 粒粒分明, 但我估螺仔哥唔記得落蝦醬...

13) 豉油王炒面 - 乾身夠味唔油膩, 唔錯.

14) 豬雜/潤炒河 - 冇乜印象

後話:
食食下螺仔哥走咄來同我地打招乎, 講講下仲應承整番餐蟲宴我地歎. 其實食蟲係我一直以來嘅心願. 响英國果陣見KC佢地搞咗局蟲宴, 不知幾羨慕, 點知返來香港前佢巳經執咗, 好怨對. 依家螺仔哥話肯特別為我地做一局, 真係開心到想喊...

可惜, 事至今次, 都係只聞樓梯響...

大夥兒打完波，要按排一頓極速補充熱量的晚餐，知道螺仔哥搬新舖後，地點又剛巧是同區的球場，自然要再次「和味」一番。

母親節前後，要找張十幾人的大檯也有難度，幸好是晚有兩張長檯，駁埋足夠容下一圍人，坐長檯吃當然無圓檯方便，幸然菜式一開二，分亦沒有遇上難度。

人多，亦可試多幾味，看看場上古怪招牌菜，如下：
1.台式絕技炒蛋
2.必吃咕嚕肉
3.限量供應頭抽雞
4.過江鐵板粉腸

抱著香港精神，以食行先，貪新亦戀舊的心態，叫了以上三味，奇怪菜中只有「抵食三文魚」無叫，謝天謝地。其他比較穩陣菜式分別有上海炸臭豆腐、炸白飯魚、松花牛肉刺身、椒鹽白龍珠、頭抽雞、椒鹽烏頭扣、酸菜豬雜鍋，聽說o者o者魚鰾是用鮮魚鰾，沒有不試之理。

先來幾味餐前炸物，上海炸臭豆腐，傳來臭味，吃來得個脆唔臭的，過下癮伴下酒，該不錯，炸白飯魚上了個蛋漿炸，魚夠大條，吃落有肉地，不錯不錯，接過另一邊吃剩的炸魚，繼續吃。

說來，在火鍋館吃生牛肉刺身也很是離奇，大盤刺身伴綠襯黑色豉油wasabi，經典！吃呢味，還是一塊肉夾一件洋蔥穩陣，牛肉薄而富油花，該是西冷肉，微微肉味與脂肪，試過，當過下口癮。

開始入正場，過江鐵板粉腸，唔知那來的過江雪藏粉腸，可能是過兩江由湖南南下來的貨色，醬汁爆得夠濃夠味，結果燈籠椒、洋蔥迅速清掉，只剩一堆越江而來的腳色。

到必吃咕嚕肉，平時每到之處，都例叫咕嚕肉，但這裡說到必吃，反而猶疑一番先點！說到底是必叫，還是要試，出到來是幾甜的芡汁浸著落碟有骨的肋排，厚漿難以炸得脆口，勝在肉無化學過，但亦無叫第二件的理由，討厭厚實的炸漿，師傅正懶鬼。

肯做烏魚扣的地方不多，要新鮮的烏魚胃，先做唔腥又爽嫩的效果，但要留到一定數量的魚扣，十個難，偏偏他又咁做，試試，炸後落椒鹽炒，又幾香口亦唔腥，美味，與之後新鮮魚鰾做的o者o者煲，夠味而帶爽黏的質感，加起來絕對是黃牌海鮮組合！

吃過幾味，到了最貴的限量供應頭抽雞，拿檯時靚姐已話靚仔頭抽雞得五隻（其時螺仔話只得三隻半），被他們大一大，無問價就話留啦！結果是收$260隻，是全晚最貴的一味，雞件兜得入味，醬汁濃而不鹹，靚姐話二百幾都抵啦，咱們用的是二百幾一支頭抽（心想是10L裝乎？），算吧，只要得好好味，管他是有機萬字醬油又或珠江橋牌，呢味是值得一叫招牌作。

其餘幾味炒飯麵，只有蝦醬炒飯想寫一寫，不是記它的好，而是記它沒有傳來蝦醬香，更沒蝦醬味，欺場。

至於絕技炒蛋，足半吋厚，切開後滲出蛋漿，蛋白與蛋黃獨自成文，形成兩重鬆嫩的組合，煎過蛋的，自然知道這蛋有多難做，下了醃蘿蔔頭菜等鹹料煎，很鹹，卻是出色及絕技作，此品該借用碟有骨的咕嚕肉前兩個字一用，是必叫招牌絕技炒（煎）蛋。

一系列古靈精怪菜，果然是螺仔風格，死性不改，不日再來，試埋真要立食的「招牌」作！

菜牌上有d菜式幾得別，好似驢肉、烏頭扣咁。叫咗好多碟，記得嘅有椒鹽烏頭扣，好香口同爽口。一個花椒田雞，唔太辣但夠晒麻香，正。椒鹽墨魚咀好大隻，味道都好好。其他小菜有鯇魚腩、炒芥蘭同埋排骨炒麵，其他有d 唔記得咗。小菜水準幾好，而且價錢實惠，食到捧住個肚加埋啤酒每人都唔駛一百蚊，值得再嚟。

昨晚(2月24日)去完黃埔,諗住搵野食,女朋友話想打邊爐, 就邊行邊搵, 但中間有d外表太差無入, 最後竟然行到呢間先入去~~ (都行左好遠下)

點左:

胡椒豬肚湯底<---好重胡椒味
手切本地牛(細) <--- 正
薄片牛舌<--- 正正
蟹子包心丸<--- ok 啦
墨魚滑<--- ok 啦
甜粟米<--- 甜,但皮厚
珊瑚蚌<--- 唔好叫,
炸魚皮<---好大碟,正
生蝦(12隻) <--- ok啦

2 x 氣水

Total : $405.00

都少少貴~~ 但水準唔錯~

新蒲崗嘅和味館一向係"食蟲"嘅勝地。喜愛各款蟲類嘅各方友好，定時定候就會响度聚首一堂。自己並唔係太好食蟲，所以未曾光顧。後來知道佢哋嘅其他小菜都幾得下，正想幫襯之際，佢哋已關門大吉...

隔咗一排，知道佢哋响土記食街附近捲土重來，但始終呢度唔太就腳，好難特登過嚟...

今次適逢其會，去探訪牧者嘅新居，原來就响附近。睇嚟再冇其他藉口啩...

唔打邊爐，齋叫小菜。望下餐牌，好多"蟲蟲"都唔見晒，淨係得番一味焗禾蟲。知道太座最怕呢味嘢，又唔知牧師一家啱唔啱食，算數罷啦...

隨便來個四餸，再加碟豉油皇炒麵。四個人食，好似過份咗D...

炒麵炒得乾身夠火喉，又夠件頭，相當不錯。美中不足係鹹咗少少...

再來生炒骨，都做得到掛醬嘅效果，碟底汁液唔多；排骨肥瘦度剛好，酸汁亦不死酸，若果皮炸得再脆口D就更好，但已經係一碟合格嘅生炒骨...

沙井蠔崧生菜包，有蠔豉自然惹味非常，再夾雜有大量冬菇粒，筍粒及肉粒，用生菜包嚟食，送酒恩物...

最後來個鐵板田雞，喳喳聲，鑊氣十足。田雞不太肥美，仲走過油，鮮味大減。算做係比較失色嘅一味...

噢...差D唔記得仲有個龍鬚蝦乾炒芽菜韭菜花。份量足，鑊氣夠，食到唔停得口....

飽飽。仲有淨餸留俾師母添...

就算冇咗蟲蟲，依然值得支持

食過2次1次打bin lo 1次小菜~2樣都唔錯~椒鹽鮮魷好正~幾十蚊個送差唔多~最好就係呢度有得玩大話"識"

自新蒲崗虫竇和味館結業之後,老闆螺仔哥月前在紅墈的庇利街東山再起,取名叫"老二和味館",為何加上"老二"兩個字?大約是老店地位,無可代替,這是個人之推斷.

年前的虫宴,記憶猶新,新店已經不如以往,虫類只得缽仔焗禾虫.其他的竹虫,木虫,和味龍,一律成為歷史.

相約久未見面的舊街坊K小姐宵夜,選址在此全因相就住在附近的她.可是當打開餐牌,她眉頭大皺...

K內臟我唔食,焗禾虫,我驚.)唯有點一些易入口的菜式,"Jer Jer"田雞,蒜香骨,尚有爆羊肉片.

鐵板田雞熱力沖天,爆得香口惹味,蒜香骨亦夠香脆,肉質鬆化,這兩道菜,送酒最佳.嫌東山羊太重,叫個爆羊肉片吧.羊肉有羊味,同時亦爆得夠香口.連其他配菜也不放過,統統吃清光.

與螺仔哥閒談,為何現在新店不再賣虫?螺仔哥道唉,而家很多食客已經不吃了.)我還有我!)螺仔哥回應多謝,或者遲下先再決定,會否再度推出虫的菜式吧.)相信很多人,也與我同一陣線.

連兩支冰凍啤酒,消費大約$180,埋單K小姐搶著埋,多謝.
另亦多謝妳家中雪櫃的兩罐Boddington.......

上兩次來都唔係呢班人經營的, d人好似轉晒.
講返食物, 沙白有苦味, 桂花蚌有"押"味, 鱔片沒鱔味, 肥牛沒血色, 得碟唐生菜可以正常dd....
食物唔好, 竟然仲加左d雜費, 芥醬每位$5 , 又要加一, 以前都唔收芥醬同加一的, 無啦啦轉左, 睇怕我一年半載都唔會再去.

平日去開都係叫本地手切牛肉($百幾蚊一碟)，一d一般火鍋野食同埋蟹粉丸。蟹粉丸即人地叫果d醬爆丸裡面係蟹粉，初初食覺得好新奇，食多左原來平日既凍肉店都有得賣。不過本地手切牛肉就真係幾正，不過佢睇心情，有時一碟正，再即叫一碟時就唔太正。都唔知佢攪咩野.....