是日食完正餐泰國菜..
我地來到呢間甜品店到食野...

心太軟真是十分好味..
而法式燉蛋也好好味
香蕉配雪糕同CAKE一CAKE也是OK好味, 但唔會叫SPECIAL
反而拿破崙和APPLE TAT配ICE-CREAM便麻麻了...尢其好似D皮唔夠鬆脆咁LAW, 但個擺碟幾靚

從外面看入來, 好似幾靚, BUT入到店子內既D裝修便應該要再執下了...

價錢也是一般有名甜品店既一樣...OK啦..

嚟到小店, 當然是 食 好好味的甜品, 詆下 心太軟有幾好味?


我試了 心太軟, 味道 不是 十分等別, 但是不似是用cheap朱古力來做的, 因為 朱古力的味道香濃.

做法恰到好處, 一切開中心 俟爆出朱古力流心.

入到長洲, 都可以試下 心太軟配雪糕 yummy

呢間舖的甜品 唔單只味道ok, 連擺碟都別出心裁, 但係價錢又唔係好貴, 消費唔會好高

經朋友介紹，說小店的甜品非常不錯，便決定去試一試。
環境ok，九龍城區算清靜，地方亦整潔。座下便立即點了心太軟及拿破侖，心裡充滿其侍....
心太軟熱辣辣很香濃，一义下去，裏面既朱古力立即湧出來，外層軟綿綿，內層熱辣辣，甜度適中，非常好味。可惜分量太少，我想我可以吃兩份！
拿破侖也很值得推介，酥皮做得很鬆化,吉士亦很滑，芒果肉香甜，每一部份都滿分！此店的確值得介紹！！
我想下次要試試其他的甜品！

我們兩人幫襯小店, 已經超過四個年頭, 一直認為以下幾樣事和物是沒有變的:
1. 西餐款式不多, 但味道很不錯, 只是一碟的份量方面, 連我這一個小女子也吃不飽......
2. 舖頭的洗手間搬到新舖後仍十分簡陋......
3. 酒店水準的甜品味道美味依然!!!
但......
昨晚與老公約9時重臨, 舖頭內一個顧客也沒有, 只有兩位女孩子職員, 連多年來一直坐鎮的甜品師傳也不見蹤影! 點了至愛的兩款甜品: 芝士撻配雪糕 & 朱古力布甸.
當甜品送到面前, 即時冷汗直冒, 單看外表, 已經與之前的有所不同, 再試一試味道: 芝士撻沒有芝士味, 芝士漿亦沒有流出來; 朱古力布甸更像一般餐廳貨式, 皮厚而少流漿, 更沒有了濃濃的朱古力味! 經典味道消失了......
是因為甜品師傅放大假, 還是真的換了人??? 遲些會再去求證一下......

時間 5:30
等位時間: 約0分鐘
食物 : Apple Pie 加雪糕 , 心太軟

Apple Pie 牛油味十足, 沒什蘋果香也欠質感, 應該係加熱成品上碟, 唔合格

心太軟 : 碟上畫上大白兔, 因為今日係中秋節, 真係唔捨得整花佢, 加分加分

外皮厚薄適中, 朱古力香濃但比較”希”身, 所以一瀉如注, 近排食得多唔好既心太軟, 呢個明顯已超班

今晚我嚟到小店直擊報導好好味的甜品有幾好味
朋友話呢間舖的甜品係好好食o架, 唔單只味道, 連擺碟都別出心裁, 但係價錢又唔係好貴, 一份甜品都係三十幾至四十幾蚊, 消費唔會好高
我份甜品係窩夫餅連雲呢拿雪糕, 窩夫餅有四件, 每件兩格, 有吉士汁同朱古力汁點嚟食, 不過我覺得窩夫的味道差咁樣野, 係沙糖, 如果加番多少少沙糖相信味道會更好
伴碟好靚, 有朱古力糖漿同士多啤梨粒砌成的花紋, 感覺好似去高級餐廳食甜品咁, 但係呢個價錢就好大眾化
見好多人都覺得朱古力布甸好味, 下次我都會試試

找資料找到了這間叫小店的甜品, 好多人都給了很好的評價

晚上十點去到, 仲有四枱客人, 我點了一份拿破倫, 這是我第一次食拿破倫的, 最上面, 中間同最底的一層像餅乾, 中間夾住士多啤梨, 蜜桃, cream 的餡料, 用义慢慢食, 味道不錯

伴碟都經過細心的擺放, 用煉奶圍住個拿破倫劃了一圈, 加上兩件士多啤梨肉, 令這甜品又好睇又好食!

價錢唔貴, 三十幾蚊一客, 街坊的價錢, 食得過!

order 之前, 我哋5估人攞住本meau好耐都決定唔到食咩. 呢到既甜品好似無出面既咁大路. 我哋最愛既cheescake反而只有一款, 所以係有限既選擇入面我哋揀左比較有興趣既野.

5個人, 一人點一個甜品, 叫左法式燉蛋, 冧酒布丁, cheescake, 香蕉pancake, 同埋心太軟.

除左心太軟之外, 其餘嗰4個都係普通啦... 唔會叫人回味囉.

但係.... 個心太軟簡直係大發現, 佢真係整得好好食.

一上枱佢仲係熱辣辣, 用支叉篤下佢, 佢入面接近滿瀉既朱古力就會係個頂到就瀉出黎咁. 話比我知裏面真係有大量既朱古力醬. 狠心d, 用叉叉開佢, 裏面熱辣辣既朱古力醬即刻流晒出黎. 佢朱古力醬既量多到可以將每一口蛋糕都沾滿朱古力醬~~~ 放入口之後你會發現係香濃既朱古力味! 每一啖都好似食緊粒朱古力咁. 正!!

雖然我個人認為5個甜品就只有心太軟得. 但係為左呢到既心太軟, 會再番黎囉.

九龍城勁食第二站, 小店甜品.
奇怪, 怎麼小店甜品經常換鋪位呢?
一心來吃心太軟, 然後發然小店也有賣 panna cotta.
一直念念不忘 IFC Isolar 那 panna cotta 的軟滑滋味。
於是二話不說，來一客心太軟，再加一客 panna cotta.
panna cotta 很快來了。看樣子就覺得有點不夠軟滑。　
一口吃下，過然太硬了，似乎魚膠粉下得過多了。
還記得愛做甜品的朋友說過，做panna cotta 最難的地方，是控制魚膠粉的份量。
味道方面，酒香不夠強烈，而奶味太重。整個感覺太heavy.
這個 panna cotta 是不合格了。好懷念 isola 那滑不溜口的奶凍~
至於心太軟，則保持一貫水準。

久未踏足九龍城, 今天突然想吃甜品, 跟MP說要到這裡吃, 本來MP也不太情願... 後來發生了一點事, 他也很好地遷就我,老遠跑來陪我及跟我吃甜品~ 而我相信MP本身是很餓的, 我倆因此一口氣點了5款甜品! 要不是我阻止, 他還想多點一款呢~ 多誇張!!

看過食評加上憑直覺地點了美味指數近乎爆燈的5款甜品:::
拿破侖餅 其實甚少吃拿破侖餅的經驗, 所以也不好說是否很正宗, 很值得推介... 但個人認為, 那數層酥皮的確做得很香鬆, 吃到很香的杏仁味~ 反而, custard cream未夠幼滑, 吉士味不夠突出, 這方面可以多下功夫

芝士撻配雪糕這真是本晚焦點! 我倆都是芝士迷, 對如此新鮮的甜品當然要一試~ 份量看似不太大, 但只要一吃便感到芝士的威力! 先說那撻皮, 是我最愛的牛油皮, 不過當然, 要是配酥皮的話也感覺怪怪吧?! 而牛油皮的硬度剛好, 又香牛油味, 光是個皮已討得我歡心
而芝士餡更是驚喜, 一切開那小撻, 芝士便一湧而出, 帶點奶香的芝士餡真叫我著迷~ 我倆要了芝麻雪糕, 正好消一點芝士的飽濟感~ all in all, 這個芝士撻絕對是我再光顧的原因之一

cat cake這是跟食評而點的... 其實我完全找不到名字跟甜品的共通之處~ 不過, 這個甜品相信是MP至愛~ 那兩小slide of朱古力餅是多麼多麼的濃郁! 與其說是"餅", 不如說是"磚".. 朱古力磚~ 其實那味道和質感很似曾相識, 似是在vanilla那裡吃過... 不過今次配以豆腐味雪糕, 又是中和甜膩的最佳方法~順帶一提, 這店很有心思地把雪糕盛載在朱古力做得的小"dull"內~但那是很甜的朱古力, 要吃掉就免了, 不過師傅的心思倒是值得一讚的...
當吃罷芝士撻加心太軟後, 我再也容不下它了, 就由MP把它KO!

朱古力布丁心太軟很受香港人歡迎, 這當然包括我和MP這兩個朱古力怪啦... 其實心太軟這個甜品很易做, 但坊間好吃的不多, 這裡出品的嘛... 論香濃程度是頗高分的, 因為很有自家製的感覺, 用料也算很足... 但時間掌握方面就略差一點, 始終焗得太熟, 以至流心程度不夠, 太厚身了,,, 但由於用料足的關係,吃罷肚皮脹脹的

tiramisuMP說看到有食評推介... 這是這晚第一個上枱的甜品, 也是唯一一個吃不完的甜品... 可能是杯裝的關係, layering欠奉, 也只有一層cream和淡淡的咖啡香, 稱不上好吃... 暫時吃過最值得懷念的始終是oliva的那一個...

這5款甜品就是二人的晚餐, 有人覺得甜品當正餐不健康, 各花入各眼, 吃得甜品多的人像是更開朗樂觀的... 所以吃罷之後我的不開心也一掃而空了~
開心的時候要吃甜的來慶祝, 不開心的時候要吃甜的來安慰自己... 這... 就是生活

她經過無數次軟硬兼施 , 今個下午我主動就範 , 上網搵西式甜品店 !!

食完午餐兩點幾嚟到 , 店內冷清清最岩我 , 但估佢唔到連侍應都冇 , 差d 要甜品師傅招呼!!

等咗兩分鐘侍應由街行返店舖 , 比咗用相簿做嘅 meun 我倆 , 有十多個選擇 ,點了 ...

Tiramisu 同埋 朱古力布甸

Tiramisu : 第一啖覺得有d過甜 , 繼續食落去就覺得甜味配以咖啡粉既味道好襯 ,
如果可以再雪凍d 感覺應該會更好

女友的朱古力布甸 : 脆口既蛋糕外殼包住啖啖濃郁既朱古力醬 .... 最特別係個蛋糕有種新奇嘅香口感覺 , 她食完個人心情好哂


本人對西式甜品無乜偏愛 , 最多都係食吓芝士餅 ... 呢間店有咁多好評 , 有賴於個性獨特又出色的製品支持 , 希望可以繼續保持啦 .... 一定會再幫襯不過可能會係幾個月後了

今日心情嘛嘛哋...
經過小店,吃翻個甜品開心下先
次次黎親呢度我都會叫一個tiramisu吃0架..
唔同其他dtiramisu嘅.. 距軟到成個雪糕咁 入口即融
好香巧克力味...簡直吃完開心翻..

做dancer唔可以太為食, 但係好食既食物又點會放過

食完泰菜, 經過小店, 俾個裝修同熱鬧氣氛吸引入去食, 有的在飲紅酒, 有的在食甜品, 地方感覺好似好relax咁

同女朋友兩份share一客拿破倫, 意外的驚喜, 好耐無食過咁western style 的甜品, 而家好多甜品舖都係芒果, 西瓜, 涼粉, 西米, 諸如此類! 一層一層鬆化的餅皮, 配合吉士醬, 芒果肉, cream, 甜度處理恰到好處, 焗餅的火喉又剛剛好, 優良的甜品口感!

除左食甜品, 此處都係同朋友談天說地的好地方, 斜對面的分店有西餐提供, 下次會同女友試試

小店, 名字簡單, 但食物水準一點都不簡單

小小一個甜品, 就知道小店係一間可以信賴的餐廳了, 同一般食到的tiramisu 外表有少少唔同, 小店的tiramisu 用一個圓底碗裝住, 味道做得很正宗, 有咖啡味之餘, 面頭舖上朱古力碎, 海綿似的蛋糕軟熟而味道好, 帶給我一點驚喜!

店內氣氛比較清靜, 可能九龍城已經沒有以往那種熱鬧, 連食甜品的人都不多了

今日第一次去小店, 本來都滿心期望, 點知入到去...
嘩~~係咪入錯地方呀, 以為食法國菜, 點解變左港式茶餐廳. D 餐具咁舊, D Waitress的態度咁差.真係嚇死人...
算, 我來都係為食野.
最重要都係D 食物好, appetizer 唔錯, Main dishes 也可以, 但最Buy 小店的仍是全世界都讚的Dessert.
叫了Cat cake, 佢好靚, 令我終於感到小店係有HEART啦.
如果有下次, 我會TRY TRY大家讚的朱古力Pudding=心太軟~~