第一次來潮豐，之前吃過的友人同我講記緊散叫食物﹗

是日氣溫急降，卻枱凳放滿街，位位打邊爐，人人唔怕凍似的，情景相當震撼﹗

現場所見，不少食客都係叫一大碟的什麼肥牛餐、海鮮餐等，是相當大埋頭的拼盤，但望落牛肉同食物好似雜亂得要命﹗還是散叫，點了胡椒豬肚雞鍋，$148﹗湯頭濃白，胡椒味香噴噴，雞件多，豬肚亦腍，很不錯啊﹗一煲三個人食，吃完已半飽了﹗加多個大手切肥牛，$168。
牛肉切得厚身，看不出是牛味相當濃，少少韌，但味道是很不錯的﹗
見對面枱叫餐的全是半肥半瘦像煙肉的美國肥牛，還是散叫的好味﹗

加多個菜，五六支啤酒，埋單位位$180，尚算抵食了﹗

由大學光顧至今，潮豐一直是我的心頭好。
最愛它的火鍋，精髓是那手切本地牛和生蠔，很是滿足。
而它的打冷，也是水準之內，蠔餅一直是老師父主理的。

前一陣子，潮豐沒有再開了，非常失望，難道倒閉？
然後，知道它又重開了，從紅磡看演唱會後乘車到元朗。

結果令人失望，不再是回憶中的潮豐了。

來一個肥牛鍋，阿姐說出一堆火鍋湯底名......
"有沒有清湯, 有馬碲那個?"我問。
阿姐竟一頭霧水，說沒有，我少說也吃了那清湯６年了，難道易了手？
要了皮蛋莞西，結帳才知要加錢，一個不濟的湯底......

肥牛來了，又一波的失望。
男友說那牛只是牛輾，我吃著，也覺根本不是以前充滿牛香的本地牛肉，
很多筋、邊位，充本地牛也算了，還要選最差的，邊吃邊失望，比一般火鍋店還差
手打魚付，就是最普通那隻。
蠔，與以往不能比，那蝦極糟，全死掉的養蝦，小小霉霉的。
怎可以如此......

男友看了看老板，明白了，該是父傳子，弄得如斯田地
裝修"新"了，卻不是一回事，以前還有風味，現在只搞裝修，不務正業，食物非常不擠
不再來了，潮豐只活在回憶中。

一行七人去到, 要求俾大張大台, 問了幾個侍應, 都無人睬我地,
如果只好坐一張中台, 七個人逼到死死下
張台真係唔大, 一個gas爐, 兩碟火鍋料, 已經無位了,

什錦大窩, $208, 皮蛋湯底10蚊
牛肉的水準差到無倫, 仲話自己係牛肉店.. 唉
其他的料, 蠔, SIZE細得可憐
鵝腸雞腸一大堆, 食完包你超超超標, 所以我地只係食左少少就放棄
丸類的水準還好
九肚魚, 魚片, 魚腩各一件起, 兩件止
蝦有6隻
之後就係墊底的生菜了

九菜豬紅, 咸到無人有,
連埋幾罐汽水, 埋單 $490有找,
平均每人70蚊, 唔係貴, 但食唔飽囉,
連以前好出名的牛肉都失晒水準, 以後唔使考慮再來

元朗有好多街邊"打冷", 潮豐都ok
細蠔餅 $33,但係大蠔餅$38, 所以多數叫大, 好味!!
一月一日,三個朋友去左這裡打邊爐,
結果叫了細鍋 $168 湯底另加 $10, 豬骨湯底,有好多料,有D辣,
叫了大蠔餅+一碟牛肉,不錯都新鮮,不過好少,
每人一百,不錯,好飽,開心新年飯!!

2條友係元朗搵食
天寒地凍最 M 打邊爐
即時諗起潮豐 / 正記
結果選擇了潮豐
細鍋 $168 湯底另加 $10
細蠔餅 $33 好味
3支啤酒 2罐可樂
細窩兩個人都食唔哂
一般大路火鍋食物
最名貴係幾隻生蠔
牛柏葉已經唔係以前既黑色牛柏葉
價錢還記得早兩年細鍋只係 $128
烚烚吓~~往上看千萬不要高空擲物 (漒水)

炒蜆少肉..個程度好似叫人客玩揀殼...
鵝肉.好甜...有的怪俾辣椒油我送...哈哈
的服務生好少交流....態度唔差....
價錢160元...有的貴

26/1(六) 7:30pm
十年逢一閏到天水圍城拜訪御用牙醫後,我倆於寒風凜凜下等候輕鐵.北區的寒流確實不同凡響,寒氣直赤入身驅;那一刹的感覺可跟加國零下四十度的狀況看齊!

輕鐵踪影乍現,有如曙光初露;坐其到元朗找點吃的才返回市區.下車後,我倆沒啥頭緒的瞎逛著;良久止步於此區,督見不少食客於此嚴冬下仍樂此不疲於戶外用膳;從而推斷此店應殊不簡單!

我倆迫進店內的四人桌,但此四人桌絕對容不下四個人;環境滿狹窄的;觀看四周,清一色是火鍋狂迷;我倆背道而馳地吃打冷小菜,點了:蜆肉併鵝腸$45,方魚肉碎粥$30,豆豉鯪魚炒油麥菜$38,炸蠔餅$30

蜆肉併鵝腸--蜆肉味帶丁點雪味,體型也非肥美;反觀鵝腸爽口毫無油脂,屬佳品!

方魚肉碎粥--粥底味道討好,鹹度恰好;稍方魚份量及食味不算突出.而肉碎方面,肥肉較多以致油光滿面.

豆豉鯪魚炒油麥菜--用上一整罐鯪魚,相當闊綽!油麥菜粗壯爽甜,唯炒得稍重油分,不夠乾身!

炸蠔餅--兩大片蠔餅油分驚人,脆度亦談不上到家;可取是蠔仔鮮甜無沙.

服務的一環必須扣分,事原我倆打算點臘味炒芥蘭.餐牌上的標價$30,但老闆卻告知即炒價為$45;怎說也不成理罷!

沒驚喜的打冷店!

事隔一年再來幫襯, 嘩, 超唔掂

原本打算來打邊爐的
二人火鍋而家已經係$148
加價50%, 份量一樣, 所以無叫到

韮菜豬紅$28, 好咸, 只係勉強食左一半
墨魚拚大腸, 亦係好咸

原本都想叫多條大眼雞,
但聽到要$50蚊起, 加上望落又唔係大條
結果放棄左

價錢只係識加, 食物水準仲反而差左
唔值得再來幫襯

成日覺得元朗呢d新界地方唔會旺得去邊, 除左大x華, x記涼粉出名之外, 都無咩好食, 最重要既係就算要搵食都唔會去到咁山長水遠啦(流浮山另計, 嘻嘻!), 所以五六歲同阿爸阿媽黎過之後都未再踏足過半步!!!

上星期六同男友有d事做先死死氣氣揸車入黎成二十幾年無黎既地方, 除左我不嬲懵吓懵吓唔識路又兜錯路之外, 我已經唔諗街邊車位, 停車場幾乎好多都爆哂!!!

最令我surprise既係....唔知係唔係假期, 嘩! 旺既程度簡直同旺角有得比!!! 邊個角落都係人頭湧湧!!! 完全係我心目中兩個世界!!! 仲要d食肆90% (連齋鋪) 間間出面都有人等位, 好似唔使錢咁wor!!!

做完野本來我地去左交通廣場附近一個冬菇亭食飯, 但係一入鋪油煙實在太大喇, 出面又無位, 我驚我食都未食已經窒息死lor...之後我地行左去合益廣場附近又一個冬菇亭(滿漢小廚, 呢間下回分解!), 又無位! shit! 攰到就頂唔順, 行到潮豐, \"立\"一\"立\"有兩張檯, 一野就拉我男友坐低... 望到有幾檯客打邊爐, 我有d想, 但係都係食小菜...

菜牌無咩選擇, 叫左大既蠔餅, 鹵水豆腐同蒜蓉白菜仔.

1. 蠔餅所謂大一定唔會比出面大lor, 蠔仔既無蠔味, 粉又多, 唯一勁勁勁勁勁勁多既...係d油, 唔掂!
2. 鹵水豆腐, ok la
3. 蒜蓉白菜仔應該改名叫油浸白菜仔!!!

今次之行我對元朗200%改觀哂, 但係我唔會再選擇呢間食飯lor!!!

叫左兩支啤酒, 埋單好似$150左右

前幾年好喜歡來呢間度打邊爐
但可能生意越來越好, 又或者成本上漲啦
以致近來既水準越來越差.
好似尋日我同老婆兩個人去打邊爐
二人雜錦火窩由$98加到$108
湯底係沙爹湯, 但不及以前既湯底鮮味濃郁
個碟都係甘大個, 但上面每款既料都少左
以前基本上係食唔晒既,
尋日又唔係特別肚餓,
但食晒全部野都只係七八分飽,
埋單個時先發覺原來個湯底又要加收十蚊(以前係免費的)
加左二十蚊仲要食唔飽,
以後呢間野都唔會係打邊爐既首選