今日收工口癢癢想去食台灣野,
掛住N年之前黎過的易牙妙手,
食過個大腸麵線好正,
同場加映鐵板和風牛肉定食再加春卷

大腸麵線
每次黎到必食Item,
一黎好平,二黎好少地方整麵羹可以整到咁好食
蒜味好重但係好香,
三扒兩撥就吃完了
(吃這個一定要快,因為麵羹莓放涼了會好"水")

鐵板和風牛肉定食
原本影左相的,
但係太大煙張相反左,
鐵板和風牛肉定食比預期的好,
前菜,油菜同飲品都好好
牛肉幾嫩身,
不過油份多左少少

魯肉羹飯$24+10%

好好味!自從發現易牙妙手可以食到咁地道既野食之後~真係好似返左去台灣咁!
如果大家有食過高雄夜市既魠魚羹既話~而你又覺得好好味又想食既話~
絕對highly recommend黎食呢碗羹飯!超級正!完全唔知邊到會食到咁似台灣既羹~!
台北麵線就通街都搵到喇而家~但高雄既羹我諗除左易牙妙手都唔知邊到可以食到lu~may be返台灣食啦~哈哈
好香既乾蔥加左好多料~食哂一碗我覺得都岩岩好~可以叫少少小食既如果男仔既話~
必吃喔!每次黎我都係為左食佢咋!

豬既飯幾好, 翠玉瓜淋淋地, 啲汁甜甜地幾濃味

菜真係苦.. 個人認為好難食

佢既珍珠奶茶唔好飲... 好水... 同茶餐廳冇分別

由起身到中午都未食過野既我,極度肚餓下隨意地選了間較便宜既店..
叫左個LUNCH SET,三十几蚊又唔太貴,仲好飽啊~

ORDER左燒雞扒同牛肉飯..!2杯荔枝玉露~
2個飯都好好食,~不過個汁就咸左少少~雞扒唔"鞋" ~ VERY GD ! ,而牛肉我覺得少左D ,, ~ 但個肉感都唔錯啊~~~~
但荔枝玉露就唔好飲喇.,似糖水囉.乜唔係有荔枝肉係入面架咩...?!................

SERVICE就麻麻地.,冇話特別差,叫咪應,唔會主動..(可能我張枱太角位掛..............!?!?!?)

It was a Sunday evening approx. 7:30pm without making any dinner reservation, waited 10mins only (surprisingly fast, although some other people were waiting). Being a Taiwanese food lover, I have to say that I do have expectation when I decided to wait for the table cuz I haven't tried any quality TW food for months (since my last business trip to TW). Let's make my review simple... we ordered...

Things MUST NOT TRY !!!!!!!!
********************************
魯肉飯 ==> doesn't taste like 魯肉飯 at all if you taste it with your eyes closed.
鹽酥雞排 ==> Tasteless and the temperature was only warm
鐵板和風牛肉定食 ==> Beef jerky (Way over cooked cuz they serve a piece of well cooked stead on a iron-sizzling-plate !!)

This place is very cozy meaning crowded. If you have some secret to share with your partner, please go finding somewhere else instead... otherwise, you secret will be listened by customer A, B and C !!

Based on what I ordered last time
-----------------------------------------------
味道： Not authentic at all, but if you are not familiar with Taiwanese food, I think this would be acceptable

環境：Cozy = CROWDED !!
服務：SLOW, but quick when you ask for the bill !!
衛生：Acceptable !!
抵食： No comment !!

這是銅鑼灣較便宜,味道不錯的台灣店

鹵水牛腱冬粉$28
牛腱甚炆得入味 ''淋''度適宜
冬粉是頗特別的粉麵!愛吃'新品種'

魯肉燕子餃乾麵$32
這是朋友點的 試了他的燕子餃 味道還可以
不過是冷冷的 先煮了但沒翻熱
幸好看見麵是熱呼呼的

環境是好的,能不時看見街上的行人
而且靜靜的 可以談談天 吃吃東西

值得稱為是男服務生態度十分好
十分殷勤 不忙收豌 增添景暖茶

3點幾同個同事搵地方食飯,想食台灣野就黎左呢度喇.

皮蛋豆腐 多多肉鬆多多木魚皮蛋唔腥豆腐都算滑,好味
魷魚魯肉飯羹 叫左先知係湯飯,樣衰衰但食落又okay wo~魷魚好爽 魯肉如果多d仲好~
燕餃麻辣麵 同事話只係扮台灣燕餃...而且成碗麵得個油字
珍珠奶茶 奶味甜味都好重我鍾意嫁柑桔青擰就一般咁啦無咩特別

由於我地過左lunch hour先黎,無平時咁嘈坐得幾舒服可以慢慢吹水傾計,所以我都會俾個笑臉既

差不多八點到易牙妙手，好朋友考試成功，想同佢慶祝下，加上好朋友話，之前吃過幾次，覺得幾好。

叫左兩個餐，一個小食
兩個餐：
1. 鹽酥雞排定食　＋　珍珠奶茶
2. 鐵板和風牛肉定食　＋　珍珠奶茶
小食：
炸魷魚

雞排無乜味
和風牛肉太咸，似中式牛柳
炸魷魚都好咸，同埋太少，唔覺佢係魷魚，好朋友話勁唔抵
珍珠奶茶太多奶

原本推介這間餐廳的好朋友，都話牛好咸，雞好淡，應該話，我地的意見好一致

我睇番張單，先知原來那個是和風牛肉！！！和風牛肉？！！原來係咁架？？咸到唔想再食

今日睇番食評，發現近期好多人話好咸！！係咪因為最近水準差左呢？

我下次，唔會想再食！

另外想講，座位太近隔離枱，聽到晒隔離講咩．
仲有一位服務生的汗味太勁，佢似乎有噴香水，但都蓋不到佢的爛嗅汗味！每次送野食埋隔離枱，我同好朋友都會聞到佢的汗味！
建議開大ｄ冷氣，服務生就唔洗流晒汗咁啦！

長話短說，食物質素絕對可參考下面那位網友的食評，超級咸，那個定食的小食本身已沒有選擇，是什麼素翅，個個食了頭一啖已經咸到"拿" 喉嚨，個人即時認為本身想落糖調味，點知個廚師拎錯左鹽.. 所以咁咸, 但原來兩個星期前既顧客都已經中伏... 還有兩個牛肉面, 亦是很咸很咸, D面質可能不好, 索了湯的水份剩下鹽份..

佢究竟有無用心調味? 用心煮食的人絕不會弄這些食完會血壓高, 腎衰竭的食物.

最正常的是定食的菜, 不咸, 但很油, 很明顯是有一層油在"桌" 完菜的水上面.

叫定食時, 朋友想要一杯朱古力什麼珍珠之類的飲品, 居然要加十一元, 但定食牌上是沒有寫的, 問那個男侍應條數點計, 佢只回答 :

如果你唔想加錢既, 你地就揀呢D 啦! (然後指住D唔洗加錢既飲品, 就封左口) , 十分之串及狗眼看人低. 全間餐廳可以點菜的侍應好似只有佢, 叫其他點菜, 佢地只會refer返俾那個男的. 其他人仲要不停收碟 (雖然未食完) 十分disturbing !!

佢地既加一服務只在於勁收碟, 在你面前不停轉.

千祈唔好叫定食及單叫飲品, 因為飲品真的唔好飲.

唔明點解咁多好評, 用七十元在銅鑼灣可以有很多很多選擇.

餐牌太多太散, 侍應經常跌左一兩張在地上, 然後即刻執起點客人... 親眼看到兩次... 然後在我的餐牌上什至見到黑色鞋印 !!! 忙極都要顧一下衛生的.

bf 猛話佢食過一次,好食....

d set 全部係飯飯飯....只有係一 set 係'紅燒排骨麵',我望一望 menu,'紅燒排骨麵'/'紅燒牛肉麵',散叫一樣係 $39,咪問下個姐姐可唔可以轉囉...嘩...佢既黑面,不耐煩,真係今時今日少見,不過呢 d 係佢個人問題....而且國有國法...算數

咁我散叫紅燒牛肉麵,唔要 set 囉....入到台式料理,叫牛肉麵,應該無錯啩~!
點知....
第一,(((((((((((唔夠熱))))))))))))....咁點得呀?
第二,蘿蔔硬,紅蘿蔔又硬...最容易整既配菜,居然死左...
牛肉好,好淋....
個湯底,有陣好妖惹既甜味,好似落左糖咁
d 葱花俾晒最老,深綠色果段...即係葱渣

bf 食佢地唯一一個麻辣撈麵 set...我同佢都叫做食得下辣既...但係...太辣囉...(無大中細辣俾你揀)..

同埋..食一啖麵,抹一抹嘴,因為好多好多油

bf 叫既係 set ,有前菜
個涼拌素翅,應該叫做''鹽水涼拌素翅'',咸到呢...................

醉雞...一定一定,唔係用花雕醃既,無香味,只有酒精味...都唔知用左乜鬼土砲

成餐飯...只有牛肉麵 d 牛肉夠淋....無喇

問番 bf,原來佢上次黎只係食左魯肉飯

今日我同左以前既同學出去行街
臨走就黎左呢間飲杯野先
岩岩好5:30 叫左個下午茶

蜜汁雞翼
佢真係炖出黎既..不過唔知係咪為左等佢快d熱
我聽日叮叮聲 可能最後都係叮熱d先拎出黎
食頭兩隻都有d蜜汁味架 但係食食下就好似冇左咁
同埋我唔鐘意佢d芝麻
佢有四隻架..最尾特別細隻

珍珠奶茶
叫左少冰..但杯野d份量少左
我見到隔離台果d係多d既..
叫少冰就冇左一部份
好唔抵~~

今日個人打算去CWB嘅"少數民族文化節". 去之前搵咗間台灣野又想試下.
服務態度夠好, 我想換位都無問題(可能無咩人嘅關係吧).
之後我點咗Lunch Set:上海茶肉雲吞+魯肉飯+燙A菜 (油麥菜)+珍珠奶茶

魯肉飯: 正,好好食. 又夠味.又香.
上海茶肉雲吞: 一般, 唔係差.不過好似D湯落多咗鹽.
燙A菜 (油麥菜): 最正最好味係呢碟菜, 菜上有D配料帶出好多香味出黎.好食!!

Total:$34 + $13燙A菜 = $47 only !!!! 抵食

同事介紹..說他的午餐幾好..今就試試他的晚餐吧!!

見佢有2人套餐..但睇落去唔係咁吸引..都係散叫 ~~

燕餃魯肉撈麵...普通普通咁啦..冇咩特別!

醉雞泡飯..完全覺得好似係屋企食湯飯咁...飯好似一舊舊就咁放落d湯到咁..這就是泡飯嗎???

炸蝦餅..算是好食的一個!!

價錢算貴..但食物卻普通..有點桃源島的感覺..但人地平好多..

10/2 今晚兩個人黎左呢到食飯, 唔駛等位去到就有得入, 我地叫左炸豬扒配白飯, 汁燒雞配滷肉飯, 個餐包埋時菜, 叫左兩杯珍珠奶茶

炸豬扒配白飯 - 真係好炸囉, 豬扒超薄, 炸粉應該都算做厚啦, 因為咬落口只食到啲炸粉, 唔係好覺有豬扒喺裡面囉, 同埋超級燶既

汁燒雞配滷肉飯 - 呢個都算正常, 啲汁燒雞都可以食得下

時菜 - 凍既...(莫非呢碟係凍食既)

珍珠奶茶 - 麻麻地, 唔夠凍, 啲珍珠仲要大粒過條飲管, 啜唔到上黎!

放工後立刻趕往銅鑼灣與女朋友看家有喜事2009八點場，笑了一小時四十分鐘後也將近10點，所以就選擇了這間簡簡單單的易牙妙手為是晚晚飯的落腳點。

晚飯時段早就過了，所以店裡也是空空如也，只有數名客人，靜靜的感覺還不錯。拿起桌上的推介，寫著「巨人麵餐」四隻大字，本身也餓透了，所以我們也懶得細閱餐牌，想也不想就點了這個二人份量的套餐。套餐內容如下：

－二人份量雜錦麵食一碗：我們選了麵線，那隻碗真是挻大的，麵的份量也很合理，但是配料就相對比較少了，有貢丸、魚片、肉燥、燕餃凡等等，但就是各樣只有兩粒，湯底味道也偏淡，整體只屬普通，是個清淡之選。
－兩個小食：分別是清菜與大腸，清菜的醬料有點驚喜，可能是主食較淡所致；而大腸也就是普通的一碟鹵水大腸
－兩杯珍珠奶茶：也是普通得不能再普通的珍珠奶茶

食物真的很平凡，但全程吃得舒適，幽靜的環境容許我跟女朋友暢談了很久。
若然十點後還在銅鑼灣閒逛想找個地方傾計，這裡是個不錯的選擇。