鎮江骨米線,,,,但d鎮江骨4件...話多唔多,話少又唔少ge
湯底咸左少少呀~

當日都係12點幾就去到,..點知又係好多人......
環境又麻麻地,,.真係坐得幾迫
但我覺得有好多sell米線的食店,比呢間 八麵玲瓏更加優勝呀!!!
而且又唔係好抵食..25元 1個送..都唔明點解咁多人鐘意食..=v=

呢次的份量唔算少...
米線份量都算係岩岩好...
不過d肉夾在2件粗骨之間呢~真係好難才可以食到呀...
食果陣真係麻煩左d =v=

d鎮江骨醃得ok 的~

想不到我叫的檸水,d lemon 有5片咁多@口@

最後扲左份外賣meau黎睇~

當日去到都係12:05pm左右..
咁快已經就黎坐到full晒
看來這兒的人氣真係好勁咁呀...
我覺得環境真係不太好,坐得好迫,可能鋪位真係細啦.....
加上服務態度真係麻麻地呀..好似好敷衍了事咁樣....
又無咩禮貌!d waiter 係咁顧住自己吹水
完全忽略客人想點菜..............
點菜果陣想點蜜桃珍珠問幾多錢,
原來tea 時段先係<1元>優惠...
我話要好立克,.又以為我要點蜜桃珍珠.....
飲熱好立克.........普通質素

福建四寶~$26
比起其他米線店,都唔太抵食丫....=0=
d料真係唔多
有粒似係爆醬丸的東東,裡面d餡真係多,又幾彈牙tim,
但裡面d肉真係好多油bit晒出黎=口=

仲有好細隻的小雲吞.....好少芽菜
切到好似椰菜咁樣的洋蔥~d米線都幾滑,
但個湯底真係多左少少味精@~@
飲熱好立克~

一直以為這間玩食字的食肆是主打米線,那個下雨中午走來光顧, 看了菜牌才知道不但有米線,還有酸辣粉,更加有福建扁食, 失敬失敬!

既然有福建三寶那就再加個五香豬蹄肉配米粉作豐富午餐。福建三寶的第一寶是外層以鱔魚肉+豬肉餡的爆漿大魚丸,外層魚肉軟中帶爽,不會像貢丸般爽口也不是軟趴趴之流,中間豬肉餡混有蔥粒,調味比外層魚肉更濃,由於肉餡有點油份,一咬下去有爆漿之險; 第二寶的扁食,其實就像小雲吞,個子已經夠迷你,但肉餡更迷你,像普通雲吞皮的黃色外皮滑溜,肉餡小小的試不出真味,不過也蠻有趣的;最後一寶為燕丸, 味道跟上次在同區另一間福州小店所吃的相似,同是肉餡實淨外皮QQ, 味道也較突出,個人比較愛像波子的燕丸多一點。

外型像薰蹄的豬蹄肉五香味道並不明顯, 反而像醬油炆豬手多點,肥肉不肥膩,外皮也帶爽口, 要是不加熱應更彈牙和美味,可以另上的話會更好。

配菜有生的芽菜及椰菜絲, 吃來索索有聲,兩者也帶來非常爽口的感覺,中和了吃豬腳肉的膩滯感;湯底混了豬腳汁和蒜粒, 濃味和香味都增加不少,令我飲了不少!

凍奶茶有些微紅茶味, 只是多奶偏甜的配搭不是我的茶,反而待冰塊溶解後,甜度減低和稀釋了過多的奶味反而較佳。

幾位阿姐店員態度街坊,待客還未達到如店名般八面玲瓏,不過在這等小店已算可以接受了。

星期二去左食，同個fd每人叫左一樣鹵水雞冀肉燥飯/炸豬排米線/凍華田，好難食囉



鹵水雞冀肉燥飯 - d飯爛既一pet pet， 肉燥d味怪怪，鹵水雞冀咸到震，我同個FD每人食左少少就冇食到

炸豬排米線 - 米線ok，但配料比外面食個D米線鋪少，豬排炸得唔夠脆，但就厚身

凍華田 - 冇味，淡

呢間又愛又恨的食店.....
上海麵很彈牙，加 d 椰菜絲同芽菜起中間，都幾好，你知通常叫餸好少叫菜食嘛.....
雞扒 ~ 略嫌皮太厚，炸完隔一陣食皮會超硬
豬扒 ~ 無厚皮，味道和軟度都唔錯
水餃 ~ 比較普通
大腸 ~ 鹵得很入味，而且香料能蓋過大腸嘅"酥" 味，份量也很多
鎮江骨 ~ 酸酸哋幾特別，骨好淋，但有時骨大到吊住得小小肉，唔抵....哈~
福州魚丸 ~ 好一般
最緊要係嚟個酸辣湯等，酸同辣到適中，幾開胃.......
d 果汁幾好飲，唔會太多水溝，我就最鍾意飲西瓜汁~
但侍應態度好一般，有時仲會成班人大大聲傾偈，好似唔係好咁囉~~

朋友仔岩岩考完試...同佢去荃灣行下街...食下野relax下

四川酸辣紅薯粉配玫瑰雞翼:
湯底點左中酸辣...幾濃...酸辣度恰到好處...仲有d配料花生..芽菜..炸菜
紅薯粉晶瑩剔透, 入口爽...煙煙韌韌...好味
玫瑰雞翼 即係 玫瑰露酒醃雞翼 覺得個名有D取巧
味道OK既..但就老..同鞋左小小啦
跟餐仲有杯西瓜汁...不會"稀了了"...幾甜..岩岩中和到個辣味

個笑臉係比紅薯粉既 有機會再黎試多轉

打完球,來了這兒食飯(其實我係一早揾定資料呀....)
人哋話呢個鎮江骨好味,我一定嚟試下啦~
我叫咗鎮江骨酸辣湯底紅薯粉...
紅薯粉好得意,口感又好煙印... GOOD
鎮江骨既肉好淋一放入口即溶咁~ GOOD　
但酸辣湯底就差Ｄ，都唔係酸辣湯既。。。。。。
男友叫咗豬扒, 佢話好好味呀! HAHA ~

仲有果汁飲, 芒果奇異果好味呀...

又到晚飯時間，又唔想食得太飽，食碗粉麵算快靚正嘅選擇，今次經過兆和街，都有幾間嘢係食麵嘅，但最後揀咗「八麵玲瓏」，除咗睇落都多選擇外，D餸料又啱口味，而且一個麵餐都係$26（包嘢飲），價錢又夠大眾化，咁今餐就可以慳慳哋！

我要咗個五香豬蹄肉米線，睇樣似平時食開嘅鹵水牛展咁，食落同食分蹄又差唔多，睇番個餐牌介紹，可以話係個燻過嘅分蹄，老實講就真係唔係好覺得有煙燻味，但食落比分蹄煙韌D，而分蹄肉身就爽口D！

太座就揀咗個招牌鎮江肉排上海麵，酸甜味做得幾好，兩種味食得到而又唔會太嗆喉，佢個餐牌亦有介紹個肉排點整，係用鎮江陳醋、海鮮醬、酸梅醬醃製，酸甜得哩帶有濃香嘅醬料味，係個人嫌D肉排稍為炆得過咗火，肉質鬆身得滯，較為腍，少咗份肉質嘅質感，反而個上海麵有驚喜，如果點上海麵要等成5-10分鐘，因為係即拉，驚喜唔係食落彈牙爽口，而係麵身咬落有煙煙韌韌之感，有嚼頭，幾得意，真係不妨一試！

後尾因為都見佢抵食，又再幫襯多一次，哩次試咗個福建三寶米線，三寶係福州魚丸、福州燕丸、福州肉丸。魚丸即係好似D貢丸咁，外層彈牙嘅魚蛋包住豬肉碎餡，真係做到肉汁四濺，而且豬肉餡調味幾夠，Good！燕丸就話用蕃薯粉搓皮，再包豬肉碎做餡，細細粒，食落好似魚皮餃咁，所以感覺無咩特別；肉丸，用豬肉打成，都係無話好特別，都OK嘅，至少唔係話打到死死實實，咬落都算鬆化！

今日同我女朋友出黎搵資料 + 行街
上網見到呢間好評唔少, 就特登黎試下

點左: 雞扒米線 同埋 鎮江骨米線 + 香蕉奶

食物:
湯底: 又幾好味WO, 我地都係叫酸辣(少), 夠濃, 味精唔多
米線: 唔錯, 正常米線
雞扒: 卜卜跪, 熱辣辣, 但唔夠味
鎮江骨: 正常, 幾入味, 但冇咩肉, 好大舊骨
香蕉奶: 有蕉, 真係用蕉既! 抵讚! 但係一D 都唔凍, 如果凍凍地會好飲好多

服務:
待應真係好唔夠, 我去既時候冇咩人都上菜點菜好快
但係我地就走既時候炒場, 但係有個待應去左送外賣, 得返一個O係度, 唔夠囉, 20 個客一腳踢, 好慘既, 老闆唔該請多個
所以...得一個待應既時候, 有D 黑面, 但都會講多謝

環境:
幾乾淨, 衛生, 唔錯啦!

幾年前成日來食, 因為米線大碗又好味, 個餐加3蚊可轉西瓜汁;
後來味道差左, 菓汁鋪又周圍都有, 仲發現較近屋企既"魚魚魚"好味過佢, 已經好少來;
今日經過呢頭, 再比次機會佢睇下有無改善......

下午茶餐$22(平過以前), 但轉木瓜奶要加成8蚊, 咁不如在街外買一杯!?
所以只叫了"鎮江肉排米線"+"熱coffee"! 配清湯, 因為記得以前d辣湯真係辣死人!
"米線"同以前一樣咁大碗(係同正價一樣咁大碗), 亦似返最初咁好味, 湯又無味精, 正; (4分)
"肉排"亦好味返, 但以前有3件, 依家得2件 ; (4分)
肉類呢幾年加左成倍咁滯, 佢反而收平左, 比少d料將貨就價, 都算啦, 至緊要好味!
但杯咖啡好唔掂, 好似有陣"聲"味, 飲開即沖既"舊街場"咖啡好味過佢多多聲! (1分)

本來食物比4分, 但杯野真係要比1分, 所拉抵返, 平均比3分啦!
下次都係叫"好立克"or"華田"呢d即沖野穏陣......

總結: 下午茶餐$22蚊有咁大碗米線, 只要小心選擇飲品, 真係好抵! 當正餐都得! (不過tea只 到5:30pm, 留意!)

今日特登帯老公嚟荃灣食呢間炸豬扒,因為我覺得幾好味! 但要等位,D位好迫!

老公點咗炸豬扒酸辣上海麵及凍奶茶, ( $28)
老公覺得少辣唔夠辣 ,但炸豬扒非常鬆化! 又唔油,
D麵都好好食!

我點咗炸豬扒米線 (走辣)加香蕉奶 , ( $32)
香蕉奶甜度適中,香蕉味香 !

2008.12.28

今日見唔曬, 咪諗住去城市水塘行下…
2:10 pm 去到八麵玲瓏…岩岩好彩搵倒位..

坐低叫左牛栢菜, 豬蹄紅薯粉, 小辣…
另外叫左一碗鎮江骨, 雲吞紅薯粉..

先講牛栢菜, 好爽, 正…豬蹄煮得岩岩好..唔會太淋或太硬…
鎮江骨醃得好入味, 正…雲吞只係正常, 無乜特別…
第一次食紅薯粉…嘩…咁淋既..仲以為會係彈牙忝…
下次都係叫米線會穏陣d…
個人幾鍾意食米線, 吸汁, 口感又幾好..唔會好似米粉咁冒險…有時米粉都會刷口嘛..唉…
湯底雖然叫小辣, 但都好辣下…呢度既小辣會係出面既中辣或大辣…唔食得辣既朋友就唔好加辣loo..

野飲叫左熱朱古力...濃味..夠朱古力味同奶味...又大杯...好多食店都唔俾咁多料開野飲..有誠意...!!
去開荃灣會再黎…hehe….

(半個月前食評)

夜晚約左男友出街食, 由於要繼續戒口, 有好多野都唔食得, 諗下諗下就黎左呢間

豬腩肉米線(豬骨湯) - 豬腩肉份量都幾多下, 半肥瘦, 男友話食落覺得似肥牛, 肥左d, 但我就覺得幾好味! 好似好食過同類型鋪頭既腩肉 ^ ^ 可惜米線煮得太稔喇, 過左火

鎮江肉排紅薯粉(小辣) - 肉排整得好稔好入味, 酸酸甜甜, 不過可能係個人口味問題, 唔係好鐘意呢一款味道, 男友都覺得麻麻地. 紅薯粉同米線一樣, 都係煮得太稔, 一d煙韌都無, 建議要改善一下

無試到好多人讚好既果汁, 只要了杯熱好立克
完全無孤寒, 唔會係溝好多水好稀果隻, 不過粉又好似多得滯喇

總結黎講算普通, 米線/紅薯粉太稔扣左好多分!

BA。。。BA

招牌排骨上海麵：兩大舊酸酸甜甜的排骨，仲有鐘意佢既麵質，配菜有芽菜、酸菜
熱檸蜜：甜度調較合適，不錯！

豬頸肉上海麵：正啊。豬頸肉超瘦，一D都唔肥，仲要燒得好靚好香，好多塊，切得又薄喎，好味！凍咖啡：都幾大杯，老爸仲飲剩1/3...

$24，凍飲+$2


The Last 荃灣遊。。。

其實我一星期總有2日到荃灣食飯,經常路過此店,但都無入去一試
但在openrice經常見到人讚依間d粉好好味..所以去試下囉
上星期6同朋友來試下是否真的咁好食....感覺比想像中差
我叫左一個鎮江骨米線豬骨湯底套餐加6元轉食木瓜奶
朋友叫左個3乜乜餃上海麵酸辣湯底套餐飲凍央
待應好快地送左碗米線來...碗米線個碗真的好大可惜d米線好鬼淋
d鎮江骨有4舊咁多..味道ok啦不過d染色好勁下><搞到我碗米線都變左紅紅地
d湯飲落去同普通湯無乜特別...都唔似豬骨湯
到柸木瓜奶...eeeeeeeeee....一d都唔好飲又無奶味得dd木瓜味而且好杰下
我叫木瓜奶啵...點解好似無加奶落去..飲左2淡放棄了
朋友碗都好似好味d...因感覺d麵質幾好
佢話ok啵....但柸凍央唔掂勁甜
總括來講好普通囉...無乜特別
但..我唔會再來了
埋單2人60元正