趁著喜萬年要搬遷，特地來品嚐一下懷舊菜式。

環境其實頗擠迫，枱與枱之間的空間很少，因此整個樓面十分嘈吵，我們坐在一張大枱上，很難聊天。

服務也很有舊式酒樓的「水準」，例如我們點了一份煎藕餅，可是待應完全沒有告訴我們一客原來只有6件，我們一行12人根本不夠吃。

菜式方面倒是有好吃的、也有一般般的。

全體燒乳豬：豬的眼睛是兩顆紅色的小燈泡，很傳統。燒豬的皮很脆，不錯，但肉質不夠鬆化。

金錢雞：或許我真的不太喜歡內臟，這道菜不懂欣賞。

家鄉咸魚煎蓮藕餅：很普通，蓮藕味道不重。煲仔焗蠔：這個十分好吃！蠔十分鮮嫩多汁，而且每一隻也有手掌般大。調味的醬汁也很好吃，因此大家也把伴碟的洋蔥吃光。

焗魚腸：蛋焗得很香，而且魚腸也沒有怪味。

咕嚕肉：不過不失。

全晚最大的驚喜，是在甜品部分。蓮蓉西米布甸：喜萬年的蓮蓉非常香，能吃出是自家製作的，未吃進口已經感到陣陣蓮蓉的香氣。這個布甸實際上挺甜的，不過由於真的很好吃，所以大家也吃了很多。而且焦糖化的表皮最好吃了，香脆甜膩。壽包：既然蓮蓉有質素，壽包想當然的也是相當可口，面包的部份很鬆軟，配上香甜的蓮蓉真是絕配，即使吃了一整毎也不會太膩。

總括而言，一家酒樓最好吃的菜式居然是甜品，真是有點讓人掉眼鏡。

jan 04, 13............9人來食dinner............叫咗 :

1) 金牌乳豬全體 - 1隻 (預訂)
-皮很脆,肉嫩,juicy,很不錯
-但d包望落都倒胃,甩頭甩骨咁,所以我哋都無嘜人食d包2) 蝦多士
-蝦肉帶爽
-只喺個麵包油咗少少3) 炒豆苗
-清清哋
-相信豆苗炒前有拖過雞湯
-不油4) 家鄉咸魚煎蓮藕餅
-鹹魚味同上次1樣都喺唔強
-肉質都唔喺實,都ok的5) 焗魚腸
-表面有點煙韌,裡面唔夠濕潤,無甘潤嘅香味
-食友"匹"到嗰part有腥味6) 焗蠔
-個蠔都ok大,只喺裡面唔夠juicy
-味道ok的7) 牛肉煲仔飯
-呢個飯同餸嘅比例唔多得,飯多過d餸咁多
-唔喺個個好似我咁多飯少餸架嘛
-個牛肉飯有陳皮香,肉滑
-飯焦做唔到脆身嗰種,因為個煲size太大,所以無奈中間嘅飯好似蒸飯咁囉8) 鼎湖上素蒸粉果 - 1打
-質素同上次相近
-皮很薄,2啖就可以食晒1隻
-有木耳,菇菌咁,清清哋 9) 糖水 (送)
-同上次1樣,都喺紅豆沙,綠豆沙同紫米露10) 水果盤 (送)
-生果爽口,ok的

* 祝食友生日快樂

今次的生日飯局地點，由我來選，總覺十多人的聚會，吃中菜是比較合適，所以也朝著這方面去想，最終挑了親民的喜萬年酒樓，因為我想大家一起吃燒豬，會是很開心的事。

印象中這裡是人氣不錯的店子，所以晨咁早請拔兄訂了位，但原來，週五的晚上竟沒有幾檯客，不用訂檯也可以。反而，有些食物，如金錢雞、西米布甸等，是必須要預留，否則明天請早。

燒豬上桌，豬頭是舊式有閃燈的，大家馬上舉機拍攝，場面歡樂，我揀這裡的原因就是如此。原隻燒豬斬件，芝麻皮香脆，皮下脂肪適中，肉質嫩滑，帶有咸香，沾上微甜的乳豬醬，果然味美，難怪每檯都會點來吃。

靚女牙醫想吃蝦多士和咸魚煎藕餅，不妨各點一客。多士炸得香脆乾身，咬落沒有很油膩的感覺，蝦膠彈牙，還有點咸蛋黃，只嫌味道仍是稍為淡口一點，但問題不算很大；至於藕餅，有咸魚在內自然香，口感也不錯，沒投訴。

再來的兩款就不行了，先是紅酒煮生蠔，生蠔並不肥美，口感自然遜色，同時欠缺紅酒味道，大家都不欣賞。但更甚的是焗魚腸，香不香脆仍是其次，直頭是腥的，我只嚐了一點便放棄。

還有煲仔飯，牛肉是沒有問題，都有點陳皮味道，但米飯不夠香，似在吃蒸白飯，下了豉油也沒大幫助，就是飯焦亦未見討好，大家都沒有多吃。素菜反而好一點，蒜茸炒豆苗，蒜香雖不突出，起碼豆苗很嫩口，當然這也是吃豆苗的最佳時節。

另外的鼎湖上素粉果，看樣子是可以的，只是外皮晶瑩，然而一口咬下，便知道是味精掛帥的出品，因而又是不受歡迎。個人覺得，很多老牌酒家的點心師傅，下味精也是頗兇的，不知大家同意否?

店方敬送糖水，有紅豆沙、綠豆沙以及紫米露，我揀了前者，只能說是普通，不過沒收錢的就不多加挑剔。

最後，有生日蛋糕和一些外來的小食，希望我們的飯聚可以繼續維持，大家歡喜一萬年。

來追這裡，大家也知道要吃燒豬，所以也不多作介紹了．反而，我認為這裡的冬瓜盅也非常好喝．原隻大冬瓜賣相也很討好，湯底有火腿，蟹肉，非常清甜而且鮮味，伴隨有大量蟹肉，足料，因此也非常好喝．此等菜色已經愈來愈少人做了！

嫂子是個愛動 “舞” 之人，由於排舞場地在灣仔熙信大廈附近，所以「喜萬年」便順理成章地成為了她的飯堂。今年中秋，就由嫂嫂拍板，一家人來這老牌酒家吃晚飯慶祝。記憶所及，對上一次來「喜萬年」已是去年一月來吃年夜飯，雖已事隔年半有多，但酒樓裝潢變化不大，仍舊光猛闊落，走親民路線。原本以為會有 24 人出席，但因種種原故，最後只得 15 人分坐 2 圍。由於人丁單薄，嫂子提議每檯都點半席《良朋共聚海鮮宴》($1088)，另加金牌乳豬全體一隻 ($500)，分兩圍享用。「喜萬年」的即燒乳豬，向來備受好評，至於這晚每檯半隻的乳豬，眼睛鑲上火紅櫻桃閃燈，懷舊味十足。挾起一件入口，芝麻皮的乳豬，外層鬆脆甘香，而且豬皮下更連著適量脂肪和肉，吃來鹹香惹味，只是稍嫌肉質帶乾，略欠鬆化。至於那半席菜式，先端上的喜萬年乳豬拼盆，除主角乳豬外，還包括有燒排骨、豬腳仔、叉燒和生腸。個人最欣賞當然是乳豬，但燒排骨質素亦不俗，肉質嫩滑又夠蜜味；豬腳仔就偏鹹及淋身了一點；而叉燒由於並非半肥瘦關係，吃落稍欠油潤甘香；至於染了鮮橙色的生腸，嚼起來雖未至於口感全無，但總嫌未夠爽脆鮮滑，要吃出色的生腸，筆者首推仍是「鳳城」。餘下菜式，講真其實大都乏善足陳，不過亦簡單介紹一吓。蠔皇海鮑片雙蔬，其實就是蠔油鮑螺片燴草菇，並以西蘭花伴碟。螺片本身不太入味，幸而原粒草菇口感實淨，西蘭花亦夠爽脆，整體味道算 ok。 鮑參翅燴魚肚羮，本來已沒甚麼期望，怎知原來比想像中還要差，簡直是雷聲大、雨點小，湯羹用料實在太不濟，入口稀巴巴的，淡而無味。翡翠一口牛仔粒，以大量爽脆的西芹墊底，而面頭切成丁方狀的牛柳粒，炒得亦夠軟腍鬆化，口感不俗，只是肉味著實不多，當然如果可以再加點黑椒來提味就更好了。香煎百花腐皮卷，腐皮卷煎得金黃香口，吃來不太油膩，不過總覺得像在吃茶市點心般，莫非點心師傅中午弄起太多腐皮卷賣唔曬，只好當作晚市菜式？古法蒸游水大海斑，其實所謂古法，亦即是以冬菇、榨菜、已醃好的瘦肉絲和薑絲鋪放於魚身上同蒸，配料本來食味不錯，只可惜條海斑蒸得有點失準，魚肉仍黏骨。黃金沙焗海蝦，亦即加入了鹹蛋黃的酥炸黃金蝦，外層鹹蛋黃味道確實唔錯，香口惹味，可惜香味只留於表面，並沒穿透至蝦肉裡。四隻紅燒妙齡乳鴿，皮脆肉嫩、味道鮮美，酒樓在處理燒臘這一個環節上，的確比起做一般菜式更為出色。單尾的錦繡福建飯，材料還算豐富，而且獻汁味濃；至於精美甜蜜蜜，原來可於紅豆沙、綠豆沙、紫米露中任擇其一，和老公點紅點綠各一碗，糖水質感略稀，味道一般，還是吃點清甜水果作結。

友人睇完歐冠盃番嚟,同佢洗塵............jul 07, 12............9大1小來食dinner............叫咗 :

1) 酸菜豬肚
-很細碟,只挾得1件豬肚食
-沒有胡椒嘅做法,1貫的彈性,入味2) 金牌乳豬全體 - 1/2隻 (hk$420) 預訂
-估唔到仲會見到著燈嘅乳豬,坊間難找
-豬皮也算脆,肉嫩,脂肪層薄
-未喺10分好,但以呢個價$$$$,絶對唔差,食得過
-之後侍應幫忙將個頭拿去廚房斬開,肉更嫩滑
-只喺有1籠包皮部份唔多完整3) 冬瓜盅
-味清,自然,調味適中
-當天炎熱,可助下火4) 家鄉咸魚煎蓮藕餅 - +大
-1碟6件,所以+大咗
-咬落的確食到少少咸魚嘅鹹香
-不算油膩5) 潮蓮脆皮燒鵝 (hk$420) 預訂
-這是1隻巨鵝,大家都無諗到咁大隻,好彩有幾位有胃量嘅友人,所以只剩下好少
-很好肉,都算嫩,無overcook,不過無嘜鵝味
-要喺底部嘅肉索住d汁,就會惹味好多
-友人於是叫了碗上湯瀨粉,自製燒鵝瀨6) 竹笙羅漢上素豆腐 (hk$68)
-這個沒有成兜獻,所以入口可以食到原食材味道,無比獻汁蓋過7) 椒絲炒通菜
-炒得不錯,底下嘅汁很少8) 咕嚕肉
-外表少脆,肉喺1/2肥瘦
-個汁都唔假/過酸
-ok的9) 金銀蛋莧菜
-正常10) 鼎湖上素蒸粉果 - 1打 (hk$60)
-皮很薄,2啖就可以食晒1隻
-有木耳,菇菌咁,清清哋11) 上湯瀨粉

12) 白飯 x 2

13) 蓮蓉西米焗布甸 - 大 (hk$150) 預訂
-好大窩呀,唔知有無細窩d嘅呢?
-有部份焗焦咗
-個皮好煙韌,底下好香奶黃味
-蓮蓉唔算太甜
-都唔錯,抵食
-最後剩下來的由友人打包,唔好浪費14) 生果碟 (送)
-西瓜同哈蜜瓜都算清甜,潤潤喉15) 糖水 (送)
-有3款糖水 : 紅豆沙,綠豆沙同紫米露
-我揀咗紫米露,不太甜,小"杰",稱職

* 多謝友人嘅手信

* 這裡以前間唔中都會嚟飲茶..........不過dinner就喺第1次...........我哋都叫咗好多嘢.........每人都喺$220..........所以好抵食~~~

唔知大家有冇聽過喜萬年酒樓呢？
呢一間酒樓有咩咁特別？
其實喜萬年酒樓已經有三十幾年歷史
而且前世仲係夜總會酒家嚟
真係夠晒特別
當然...奶油包唔係介紹佢有幾特別啦
而係想講佢既食物

喜萬年酒樓分東西兩翼
兩邊既Design好似有d唔同
奶油包純粹只係睇到地毯同枱係唔同樣
當然一邊好似現代d
一邊既設計舊式d
如果大家想睇相...
Sorry...冇相睇
因為當日係奶油包姨媽牛一
奶油包唔係咁好意思四處影
只係影左食物

首先上場既係喜萬年乳豬全體
乳豬皮又薄又脆
食到唔停得口
真係招牌菜

第二味係潮蓮脆皮燒鵝
Um...奶油包覺得好一般
並唔似之前係Openrice見到d人寫到咁好食
個皮一d都唔脆
仲好Un...而且唔係少肥
係好多地方都好肥
真係有少少失望

第三味係家鄉雞蛋焗魚腸
真係唔食走寶
焗到金黃又脆口
連我呢個80後都忍唔住食多幾口

第四味同第五味係龍躉兩食
熟既魚奶油包一向都唔多食
唔係好知佢咩味
不過奶油包媽媽就話個頭腩唔好食
反而個天婦羅炸魚就好香口好好食
點解同一條魚會有兩個評價
=_=|||

再嚟一個紅酒XX蠔
好大隻...好肥美
而且仲有好多充滿汁既洋蔥
真係送飯一流

仲有一個超級推介
就係個湯
湯名係咩唔記得左
好似係叫杏汁煲豬肺
呢個同隻豬一樣
真係正到冇朋友
女仔特別岩飲
滋補養顏
個晚奶油包好唔客氣咁飲左三碗
溫馨提示：怕杏仁味既就唔岩飲
因為真係好大陣杏仁味
睇個湯既奶白色就知道

其實仲有幾個餸
不過冇咩特別
所以奶油包就唔介紹lu

因為係生日飯既關係
食完呢d咸既餸
就嚟個傳統壽包

其實...喜萬年酒樓既傳統壽包都幾好食
不過因為奶油包比較情繫『東海』
因此感覺好似冇咁好食

整體嚟講...
喜萬年酒樓值得俾80分
真係可以Encore多幾次

今天放假，要陪老爸往醫院做化療，謝天謝地，前幾次的針藥沒有大副作用，他行得走得，食得睡得，希望上天繼續保祐他，早沾勿藥。我先到他家接他往吃午膳，問他想吃甚麼，他說隨我意思，我帶他去「喜萬年」。「喜萬年」是老牌酒樓，在灣仔已經營超過三十年，原來老爸上次來時，「喜萬年」還在22樓，那已是N年前的事了，現已遷往一樓多年。

上到酒樓，人客不多，因為早上十一時半，早茶客已走，午市客未來，父子倆可寧靜地歎一盅兩件。酒樓仍沿用推車仔賣點心，售點員還邊推邊叫出點心名字。老爸想吃鳳爪排骨，我怕他不消化，吃四寶雞扎較好，但他只能吃兩件雞，腐皮，粟米仔，芋頭，魚肚都給了我，我很喜歡吃芋頭，尤其是靚的芋頭。這件切成長條形，非常粉，芋香迷人，美味得叫人再三回味，魚肚吸收了雞汁和雞油，軟滑可口，非一般酒樓用豬皮可比，雖是收大點$22，但物有所值，老爸亦讚件雞又腍又滑。又見點心車經過，我點了陳皮牛肉球，加了些少喼汁，牛肉球打得鬆軟彈牙，有馬蹄粒增加口感，但陳皮味不強，喼汁的微酸中和了肉的油膩感，一點要彈是牛肉球內顏色偏粉紅，狀似未熟透，令人疑惑。老爸想吃碟肉絲炒河，見他有胃口心感高興，河粉炒好端來，老爸驚嘆這麼大碟，當然收得你$62 碟炒河粉，材料值多少？只是肉絲，韭黃，銀芽，冬菇絲，和河粉，份量大一點也是正常，好過收你四十幾元，給你彈這麼細碟。老爸連盡四小碗，頻說炒得幾滑，須知河粉是極難炒之物，要炒得好，非有多年入廚經驗不可。不久，午市的人潮湧至，我們也要離座了，原來12:40前付賬還有九折呢！

香港新興食店不少,但其實也有唔少半世紀老字號保留特色菜,如前世為夜總會酒家的喜萬年,已經有近半世紀歷史了,如留意佢對燈光眼,絕對是經典,佢地的燒乳豬全體皮脆而肉也香嫩,炭燒的做法也不是間間舖頭會做,也比較剛獲一星的新斗記要精彩!

其实喜万年最出名的是乳猪，可惜没吃着，所以不大具有发言权~是同事请别人吃饭，我屁颠屁颠跟着蹭饭！
那就写写它家的早茶吧。比较过翠亨轩、潮庭、糖朝的早茶，喜万年确实稍显逊色。也许早茶并非他家的特色吧，也许我没尝过他家的乳猪，所以才觉得早茶很一般。。跟一般的茶楼没有太大分别，该有的菜式都有，说不上好坏的味道。