20-5-2013(一）

是日晚上，約了他外出吃飯，選址在 富臨飯店阿一鮑魚。

過往去山東及泰國旅行，也曾於當地的阿一飯店用過膳，也曾到過 I-square 的阿一海景飯店吃晚飯；反而沒來過這兒，這次是我首次到來！過往對阿一旗下食肆有著良好的印象，所以是次都抱著期望去品嚐，可是結果又不是預期的好！♬♭♪〜 我怕就怕失望，其餘一切也不枉。。。 〜♬♭♪

主要想説說其兩道名菜。阿一鮑魚鵝掌，店舖聲稱是廿八頭吉鮑，其實我不太懂得去分辨。只知道鮑魚一定有溏心才是上品貨，把它切開後，只感覺其溏心程度不太理想，可能是煲不諗所致，囗感像吃年糕一樣煙煙韌靱；鵝掌的質感很滑，夠入味，唯略嫌它過於淋身。鮮蟹肉竹笙翅質感滑溜，啖啖翅有口感；唯味道過鹹，猜估是金華火腿或調味鹽下得太多所致。

♬♭♪〜 所有代價，通通捨割！心血都流光。。。 〜♬♭♪

一年內遇著兩個相同的人，最終，同樣事情的出現。我還是喜歡說清楚，總算有個交代啊！埋單共約 $4300。今天，沒再 AA 制，因說清楚後，我想主動請客！

此餐的味道合格有餘，只是我期望過高而已。。。

阿一的大名聽得多, 就是一直也沒有機會到訪, 對這間米芝蓮食府, 富豪飯堂一直也是充滿好奇心的, 時至今日終於有關會一訪了, 實在是很令人期待。阿一是塵落於一個十分便捷的位置, 就是正正在港鐵站的出口, 再走到對面便好, 大大的招牌 "富臨飯店"便會呈現於眼前, 餐廳樓高兩層, 相信阿一 (楊貫人師傅)正正是這兒的生招牌吧, 在店內也不難看到他的大照呢。天白菇扣掌伴唐生菜: 率先登場的是天白菰扣鵝掌, 盛器是一個大砂鍋。鵝掌肥大肉厚, 外皮略點帶爽口, 炆得完全入味。對天白菇的認知不深, 但入口就似是較為厚身的花菇, 又是令一入味之作, 爽香美味, 一吃難忘。雖然沒有吃到鮑魚, 但那個鮑汁的味道和質感也幾乎是無可挑剔的。其實鮑汁的分量真的很多, 為了盡享鮑汁的美味, 店方也附了新鮮的唐生菜, 用以沾那個出色的鮑汁--把唐生菜沾汁, 盡收鮑汁的精華, 簡單的食材也變得不平凡, 整體是好吃得令人難忘, 要不是後面還有更遠的路要走, 來碗白飯定必是上上之選。發財大好市: 由於是次的晚餐也是蛇年初次的開年飯, 能有一個好意頭的菜色也分外的有意思。賣相也吸引, 堆成一個很有氣勢的小塔, 材料有髮菜, 蠔豉, 還有豆苗。翠綠的豆苗配髮菜, 也很好吃。雖然吃髮菜不合乎環保主義, 畢竟過程也是有機會導致沙漠化的, 但吸收了湯汁精華的髮菜和豆苗也真是很討喜的, 而且那種口感也很精彩。窩貼香蕉龍躉球: 不得不讚嘆菜色的創意, 龍躉和香蕉的配合也真讓人意想不到。賣相和做法也似是蝦多士,墊底的也是炸多士, 只是蝦膠換上龍躉和香蕉。炸功亦算很不錯, 油氣不重, 而且也夠酥脆。龍躉的肉質很滑身, 想不到龍躉和香蕉的配合也可如此和諧,香蕉的微酸能補龍躉味道上的不足, 雖然龍躉的水準和味道比不上名人坊的出品, 但論創意還是值得一讚的。雙冬扣水魚煲: 其實我是從沒有吃過水魚的, 但總是道聽途說水魚賣相有點嚇人, 後來發現的確如此, 但切開一件件後其實還好, 就一試吧! 不太會分辨, 但聽食友說是鍋中的水魚多是帶裙邊的好貨色呢! 無可否認的是水魚的骨膠原真的很豐富, 入口全是黏黏的膠質, 味香, 感覺就是比較滋補。碧肉翠珊: 名字是十分典雅, 碧肉指的是蟹肉; 翠珊指的是青菜吧, 用的是菜莖嫩滑的部分, 入口的確是滑得令人驚嘆, 不知道是剝掉多少外圍我部分才會有此效果呢? 相比平常的幾乎不用怎麼多加嘴嚼, 伴上加了蟹肉的茨, 也富蟹肉香, 兩者相得益彰, 是一個清淡怡人但又不簡單的菜式。富臨脆皮雞: 吃中菜少不了在最後要來一隻雞吧，而這晚吃的是脆皮雞, 其脆皮程度是相當貼題, 雞皮是薄脆的, 一咬下去便發出輕微咔嚓的一聲, 帶點煙韌而且皮下油脂不多, 感覺沒那麼膩口, 也比較健康, 但稍嫌就是雞肉欠了一點肉香, 沒有想像中的出色, 比較可惜。整體而言, 富臨飯店阿一鮑魚的水準是出色的, 但可能是懷了極大的期望前來, 感覺有點未完全附合期望 (是因為沒有吃到招牌鮑魚嗎...?) 價位也是偏高的, 但整體也是很值得一試的。富豪飯堂, 也總算來過了。

消費: $690

阿一鲍魚驰名中外，我反己冇食過，見就搬, 一家人来試下，初七人日不算多人.裝修袋就係一哥D相和將狀，實力最緊要menu真係好貴普通菜式二佰幾一個，我地食經濟套餐得喇, 經濟得來加埋一都要二千一位先來鮮蟹肉竹笙翅, 蟹肉幾多翅幾粗下，果然真材實料, 不過D金華火腿重手得濟, 有D鹹廿八頭吉品鮑鹅掌, 我隻鲍唔夠糖心家姐隻唔錯, 煮到好淋唔會拖刀, 鹅掌超淋，入口好滑即溶, 得返D骨超得半隻生抽開邊蒸龍蝦, 新鮮好食有膏就更好富臨脆皮雞, 有雞味肉淋皮超脆超好食鮑汁生菜普通阿一抄飯, 好干身夠火喉正蛋白杏仁茶普通生果

好貴不過D材料係堅，等搬咗去新鋪有機會再試下

feb 16, 12...........有4圍局.............攪手安排咗 :

1) 沙律龍躉多士
-多士很鬆,唔油
-魚肉唔喺厚切,食到有魚味,並非frozen魚塊
-要蘸番d沙律醬先得..........否則多士味道會過淡2) 北菇扣鵝掌
-冬菇很厚肉,鵝掌也大,入晒味
-我心諗,洗唔洗要煮到咁多汁呀
-個汁喺有鮑汁,所以之後叫多碗白飯用嚟撈3) 雙東扣水魚
-除咗水魚外,仲有冬筍,冬菇同火腩
-我對水魚麻麻,可能喺佢個樣好醜陋啦.........好得人驚
-揀咗佢隻腳食,嫩,而且味道有點似食緊魚咁
-後來攪手見到哋個煲仲有水魚剩............就夾比我哋清咗佢.............佢話水魚好補..........尤其喺個殼同隻腳就更+要食...........如果唔食..........好浪費兼今晚好似無嚟過
-所以我都分到1塊群邊.........唔硬,似食緊成塊薄嘅骨膠原咁4) 帶子粉絲鳳蝦尾
-粉絲最好味,無腍晒,質感還在,亦有蒜蓉,所以多1份蒜香
-調味剛好
-帶子同蝦都爽口
-不錯5) 京蔥遼參燒豆腐
-遼參唔多
-味道ok的6) 豉油皇3蔥焗鱔球
-入口小脆身,好入味,鹹鹹甜甜的,好惹味
-先食到外表嘅調味,後食到鱔味
-忍唔住食咗2件7) 蜜汁煎金蠔
-我好似第1次食煎金蠔
-煎得好靚,入口挺身,表面帶點crispy
-表面很夠蜜味,裡面就好有蠔味嘅甘腴8) 阿1鹽焗雞
-ok啦9) 阿1炒飯
-少得粒粒分明
-好多料呀
-調味又適中
-好味10) 阿1炒麵
-睇個樣以為喺炒米粉,入口先知道喺幼麵
-ok的,不過都喺炒飯好味d12) 蛋白杏仁茶
-杏味喺有的,不過無我喜歡嘅糊糊哋質感

13) 炸無餡煎堆
-煎堆漲卜卜,咬下即刻扁晒..........裡面好軟糯

如果不是有食友安排飯局，我是沒有想過會來這一類富豪飯堂晚飯的了，因為這裡都是吃鮑參翅肚，動輒就過千元一位，自問還未吃得起，所以有機會來試試看，實在感到很興奮。

店方安排我們坐在二樓，雖然樓底矮了點，不過檯與檯之間有足夠的空間，一點也不覺得焗促。每一檯都會有一部大電視，那天剛好電視正在播放唐唐的僭建風波解畫記者會，大家都議論紛紛。第一道菜是龍躉多士，蝦多士就吃得多，龍躉多士還是第一聽第一次吃。多士炸得很香口，而且一點也不油膩，不過不告訴我的話，我也吃不出是龍躉，只知道是魚，不過與如果與蝦多士相比的話，我會比較喜歡吃蝦多士，因為多了一份爽口彈牙感。這個北菇扣鵝掌，最厲害的不是冬菇和鵝掌，而是那個汁，非常濃郁，大家都忍不住叫白飯，因為就算不吃餸，只配那個汁可能每人也可以吃掉兩三碗白飯，可想而知這個醬汁有多好吃。當然冬菇和鵝掌都炆得很入味，自然沒有不好吃的道理。雙冬扣水魚。其實我不吃水魚的，因為覺得它的樣子有點恐怖，所以我只吃了下面的燒肉、冬菇和冬荀。這個汁跟鵝掌那個同樣是非常濃郁的，可是不同的是這個多一點肉味，再濃烈一點，兩者我會比較喜歡這個，而同行的鬆弛就比較喜歡之前那一個，各有支持者。特別一提的是裡面的冬荀很爽甜，如果再多一點就更加好了。帶子粉絲鳳尾蝦。粉絲炒得夠乾身，沒有多餘的油，帶子鮮甜、鳳尾蝦彈牙，既香口又惹味，好好吃。京蔥遼參燒豆腐。這個菜式我同樣是很欣賞那個醬汁，濃稠度剛好，剛剛好可以掛在豆腐上面。不知道是不是加入了京蔥去煮，所以醬汁帶一點甜味，再配上滑溜的紅燒豆腐，雖然是簡簡單單的一道菜，這裡卻做出了不平凡的好吃。遼參我只吃了一小件，平常少吃，所以不是很熟悉，不過口感是挺彈牙的。豉油皇三蔥焗鱔球。我很喜歡吃鱔，這個鱔球的賣相十分吸引，也飄來陣陣豉油皇的香氣。鱔球很肥美，外層微脆，裡面油脂豐腴，只可惜的是這鱔球不夠熱，只能說是微暖，不知何故會冷掉，可是真的浪費了這美味的鱔球呢。蜜汁煎金蠔。因為金蠔本身的味道比起蠔豉鹹一點，所以通常都會甜味，如蜜汁等烹煮。金蠔的外層甜甜的，蠔味濃郁，只不過我覺得裡面比較乾，沒有想象之中的飽滿肥美。阿一鹽焗雞。雞肉有彈牙，嫰滑有汁，不過會鹹，好吃。阿一炒飯和阿一炒麵。炒飯粒粒分明，乾身之餘又夠鑊氣，不錯；相反炒麵就比較普通，而且調味有點不足，就連經理也說炒飯比炒麵好多了。蛋白杏仁茶。杏仁濃郁，不太甜，不過裡面的蛋白凝結成一舊舊，頗為影響口感。因為之前在小型點心店吃過水準不差價錢又平的蛋白杏仁茶，裡面的蛋白都是一絲絲的，所以以這裡的級數應該可以做得更好。炸無餡煎堆。超級愛吃這個煎堆，不油膩，而且在外面的粥店是非常之難吃到新鮮炸好的煎堆，剛炸好的煎堆軟糯煙靭，好吃得我忍不住吃了兩個。

埋單每位六百，其實我也不太清楚walk-in來的話到底要多少錢，不過我們沒有點什麼飽魚、魚翅等東西，最名貴的就是那遼參，不過份量也不算很多，所以整體價錢也不太貴。

這裡的菜式都偏向濃味，可是濃味之餘又不會覺得過鹹，特別在炆煮類菜式的醬汁方面更加要用出色來形容，好吃得有食友甚至想打包回家撈飯、撈麵、撈菜。

最後再一次要感謝食友安排，讓我可以當一晚小富婆，嘿嘿~

粉絲弄得再好大家可能也認為「不過是粉絲」，但嘗過砂鍋帶子炒粉絲其軟柔惹而圓周焦香惹味的炒粉絲後，美味的本地鮮帶子也只是大配角，尤其入廚的朋友，會更欣賞不斷身亦入味的最高效果。

- 我食的是34頭, 深啡色的鮑魚口感似足年糕, 其實食一舊意猶未盡, 有機會要食大隻D,

-石班炸多士, 石班肉嫰滑可口, 炬得非常熱騰騰, 爸說放涼一點免得太熱氣, 不過我管不了這麼多了haha-蟹粉龍躉多士，脆卜卜的龍躉多士，配上蟹粉，兩者味道極之配襯。一口咬下去，蟹粉香滑、龍躉肉彈牙，極之香口。-蟹粉燴素麵, 素麵吸收左蟹粉味之餘亦非常彈牙...d素麵同一般係街食既麵完全唔同, 好滑, 冇鹼水味, 好味道
剛剛如那天有記者在拍攝, 不知那一間報館呢? 不錯的一家飯店

「阿一鮑魚」個朵聽就聽得多啦，不過XO咁大個仔都未有機會踏入富臨飯店半步，皆因小弟仍然未做倒富豪，每日重喺度埋頭苦幹緊！可能人品好啦，小肥真係好有口福架，今次機緣巧合地被邀請到黎富臨食好野，萬分感激！

想話自己唔係大鄉里都唔得呀，多得uncle提點先知「阿一鮑魚」o既富臨只此一家，英文名為Forum！以前成日以為坊間其他富臨X，富臨Y全部都係跟「阿一」同集團，原來純粹係誤會；大家睇下佢地個英文名就明架啦。

富臨共三層，冇電梯，只有貨「車立」同樓梯，似乎唔係好歡迎年紀大，行動唔方便，或太好酒o既客人。貴賓房光猛闊落舒適，冷氣電視可以自己調校；雖然咁老字號，但係飯店內絕對冇舊式中餐廳陣「叔」味，桌上o既餐具亦見光鮮，更每人一雙公筷，非常衛生。當晚派對安排喺三樓房間內，自己冇乜留意散枱既舖排，唯一係好意外地聽倒原來地下嗰層係冇洗手間o既。

房內o既幾位服務生年紀雖則唔輕，不過衣著整齊，態度友善。佢地好有文化地為各位賓客以不同酒杯斟上靚酒，當晚超強VIP宴正式開始。

　官燕焗釀蟹蓋：爸爸平時好驚食蟹蓋，因為怕溜，食完會滯到食唔落其他餸；嘩，今次都係第一次聽佢大讚蟹蓋好食！「阿一釀蟹蓋」精彩在於：一，用官燕釀唔會好似平時嗰Ｄ濃味o既洋蔥豬肉咁搶走蟹肉本身o既鮮甜味，而且口感更覺幼嫩；二，師傅用薄薄o既蛋層包住黎焗，並不需要多餘o既芝士或芡汁，保持清而不溜，濕而不滯，有創意得黎整體非常細緻。　阿一鮑汁煎鵝肝：XO家中其中一個別號係「鵝肝狂」，因為多年前曾經喺泰國食brunch buffet中戀上鵝肝，一口氣食左九件即叫即煎o既中型鵝肝扒，創下家中紀錄！小弟食鵝肝機會唔多，所以每一次都會好珍惜地慢慢細嚐，更會記下令XO印象深刻嗰Ｄ！今次「阿一鵝肝」簡直令我神魂顛倒，可以話係有史以來食過最好食o既鵝肝！鵝肝滑溜非常，入口香軟，且毫不油膩，連底層嗰塊麵包都冇得彈，中國代表真係一Ｄ都唔失禮呀！為食既小肥好唔客氣地食左兩件添！據說當晚食倒o既「阿一鵝肝」餐牌上係冇o既，不過因為實在係太好味啦，不得不同大家分享，所以希望師傅可以考慮將依道餸列入餐牌上。　蟹皇紅燒翅：小肥同爸爸大肥有個癖好，就係食濃味o既翅時鍾意加返幾滴白蘭地，增添一陣香味o既同時，亦可帶出食材o既鮮甜味；哈，主人家提起時先知原來大家係同道中人，雙肥又賺左pat白蘭地！蟹皇紅燒翅好足料，翅身粗，芡湯濃得黎又唔會奪走蟹皇個甜味，加埋香醇o既白蘭地，簡直係頂瓜瓜！　花膠扣鵝掌：大大隻o既鵝掌同厚厚o既花膠同樣腍滑入味，拌碟o既豆苗都好甜好嫩。本身對海味認識唔深，所以聽倒我地碟上o既花膠為三頭半o既時候都拗左兩下頭；經理講解後先明白花膠頭數同鮑魚一樣，一斤返黎有幾多塊就等於個塊花膠係幾多頭。　阿一生煎東星斑：蒸魚就食得多，食生煎東星斑都係第一次。上碟時真係唔知東星斑係原條煎o既！魚肉鮮甜香滑，魚皮奇脆無比，豉油皇o既點綴更增添濕潤感，唯一o既問題係魚喺出面分哂先上枱，所以唔係好夠熱。　阿一鮑魚：鮑魚一上枱，第一個感覺係，鮑魚煮完連同色澤都可以回復返煮前o既容貌，「阿一鮑魚」果然名不虛傳！Uncle介紹三種食法：第一口，無添加地原隻食，好有「趙」頭，味道雖然比較淡，但係好「鮑魚」；第二口，點豉油食，突出左陣鮮甜味；第三口，點鮑汁食，雖然好香同埋比較濕滑Ｄ，但係就冇點豉油食咁鮮；總結係點豉油最正！　原汁羊腩煲：羊腩煲得好夠腍滑，味道一Ｄ都唔蘇，羊肉非常甜美香濃，個汁校得恰到好處，廚功好細膩！好多人都話蘇味等同羊味，隻羊唔蘇不如唔好食；但小弟o既愚見係，羊味同蘇味其實好相似，分別就好似魚味同腥味咁只差一線，蘇味同腥味都欠缺左陣鮮味（哈，咁啱個「鮮」字就係由「魚」同「羊」兩字組成，真係橋，中國文字真係好有意思）！　羊腩汁撈生麵：生麵爽口入味，可以比個值口XO撈埋Ｄ羊腩汁，主人家真係諗得週到！　頂級普洱茶：喺黃毛小子XO心目中，中國人o既普洱茶就好比西人o既expresso，雙方外表同樣深色，而且兩者都具有消滯o既功效。當晚飯宴接近尾聲時，先知道原來主人家係一位品茗家。上甜品前，佢特意安排伙計沖製三輪私人真藏o既普洱茶比賓客享用。對茗茶冇乜研究o既小肥黎講，嗰杯普洱非常香甜細膩濃滑，絕對冇平時喺茶樓飲嗰Ｄ普洱咁嚡口或酸澀；連患有「普洱恐懼症」o既爸爸同飲親茶都失眠o既媽媽都各飲三杯，可想而知頂級普洱o既好味程度有幾爆燈！據說，普洱同酒一樣，都好講究年份，不過詳細說明有少少失聰o既XO就聽得唔係好清楚，所以冇辦法同大家分享。　美點雙輝之煎推：煎推大大粒，脹卜卜，炸得好乾身，望落一Ｄ都唔油膩！咬落皮薄香脆鬆軟，簡直係完美呀！唔係好食中式甜品o既XO居然要打孖黎，姨媽都驚嘆左句：「你唔係唔食煎推架咩？！」甜品必吃之選也！　美點雙輝之馬拉糕：籠蓋一打開，馬拉糕o既味道隨住蒸氣散發出黎，清香撲鼻！微甜o既馬拉糕好夠鬆軟，入左口都重可以感覺倒新鮮蒸出黎嗰陣熱氣，正呀！超強VIP宴真係唔簡單，享用美酒佳餚o既同時，可以笑聽長輩們極具娛樂性o既對話，更有幸與名廚有一面之緣，小肥真係好有福！

後記：因為唔好意思問埋單幾錢，當然亦不敢想像，所以抵食分無法公平定奪，敬請原諒。

The restaurant was crowed wih people when I went there. There was a group of tourists that night.

I can say that Forum is specialise in abalone and they just do it so well here. I have tried many abalone restaurant in Hong Kong. But it is the best Chinese abalone I have ever tried. The abalone is so tender and just-right flavored! The brown sauce is just a bit sticky and it is so well with the abalone. I really would like to order one more if I get more money!!!

Price is more expensive than a typical Chinese restaurant but the food they offer is truly top of the class. It is such a great place for tourists and even for fine dining.

平時好少嚟呢D咁high end既餐廳, 今次食一定要記低佢! 親戚升職請食飯, 當日知道將到富臨食飯，Lunch 已經留定肚今日大食一餐, 一去到左影影，右拍拍，開心到重興奮過格嚟台mainland遊客

講下食物先:
阿一炒飯，飯炒得乾身, 粒粒分明，有水準, 我係屋企做炒飯次次自己都做得唔好, 整得唔好食, 師傅真係唔同D
到高潮就係 鮑魚鵝掌(24頭吉品), 鮑魚是產於日本岩手懸的吉品鮑，入邊係溏心的, 亦會啜住打刀, 伴鮑的鮑汁甜美，有機會真係要再食大隻d 平時我唔太中意食鵝掌的,,不過呢到加左鮑汁的鵝掌都ok,, 做得好入味
杏仁蛋白茶, 濃濃的杏仁香，配上超嫰滑的蛋白，而且唔會太甜，好吃！雖然平時不太愛杏仁那種味道的我都吃了一整碗！

好味的一餐