星期日突然興起, 去「百瀧」試吓~

等5張枱, 諗住好快, 居然排咗45分鐘, 暈~ 對面餐廳只係半滿, 呢邊已經要排隊, 高下立見~梳化位頗寬敞~

排隊其間, 昅到佢個會員招募計劃, 好似幾抵咁, 填完表Submit時先發現自己會錯意, 誤會咗2佰幾蚊嘅會籍送6佰幾蚊Coupon, 原來係冇嘅, 衰咗!!! 都拎晒會員卡係手, 唯有頂硬上喇, 之後食多幾次幫返條數~低溫鴨胸肉蕃茄汁意大利飯--需時20分鐘, 忌廉飯白汁好Creamy, 意大利飯飽滿入味, 好味... 鴨胸煙燻味輕, 不太鹹, 肉質軟腍, 味道都OK~

傳統蕃茄香草薄餅--需時20分鐘, 用傳統火山岩o黎燒, 薄餅夠晒薄同脆, 但係欠缺柔軟同煙韌感, 蕃茄香草汁偏淡, 唔及我地係米蘭食嘅Pizza, 又係嘅, 米蘭喎, 唔可以咁唔公平嘅... 同香港嘅"Pizza黑"計, 佢當然好d啦, 起碼唔會油淋淋...

Order薄餅可以加$38配沙律, 又或者湯+咖啡茶... 我地揀咗湯+咖啡茶...Cappuccino蕃茄湯--用玻璃杯上, 賣相好Kawaii!!! 蕃茄湯比軟鹹, 蕃茄酸味不足... 跟湯嘅麵包又香又甜又軟, 好好味~

咖啡茶--熱檸茶個杯好靚, 但茶好一般~上級牛柳鮮蕃茄燴飯--Set Dinner Rice Set, 包餐湯, 沙律, 餐茶... 燴飯蕃茄味好強勁, 飯身盡吸蕃茄湯, 酸酸的很開胃... 牛柳軟腍無渣, 牛肉味濃, 好好味!!!

意大利香草辣肉腸雞肉意粉--見到好多香草但係冇香草味, 好奇怪... 辣肉腸似加大加鹹臘腸, 齋鹹不香... 將辣肉腸同香草意粉2樣一齊放入口食味道又OK喎~Cappuccino蘑菇湯--味似冬菇水...

煙鴨胸Mini Salad--Mini Salad有得揀煙三文魚/煙帆立貝/燒牛肉/煙鴨胸, 煙鴨胸都OK香又有咬口, 沙律好清新, 沙律汁酸酸地好開胃~

芒果苿莉花綠茶--餐飲選擇之一, 唔使加錢, 冇芒果味, 強勁嘅苿莉味+強勁嘅綠茶味=好苦, 唔Match~忌廉汁海鮮意大利飯--Set Dinner Rice Set, 忌廉飯好好味, 忌廉飯白汁好Creamy, 意大利飯飽滿入味, 海鮮嘅蝦肉唔太新鮮, 味道麻麻地~

意大利水牛芝士雞肉香草蕃茄薯團--薯團好特別, 軟軟地但又有d咬口, 配埋個酸味味蕃茄醬, 好開胃~ 雞肉好重雪味, 要落黑椒辟走d味~是日餐湯--甘筍湯, 味道都OK, 淡淡的甘筍味, 不過有蜆肉就奇d~ 燒牛肉Mini Salad都好味, 燒牛肉偏硬冇肉汁, 沙律清新, 沙律汁酸酸地好開胃~~

Cappuccino咖啡--餐飲選擇之一, 唔使加錢, 咖啡味及奶味都唔重, 好稀呢...

甜品--黑森林蛋糕都幾好味, 好鬆軟, 不太甜, 以送嘅甜品o黎計, 算好有誠意~燒牛肉意大利飯--好味, 牛柳軟腍無渣, 有牛肉味, 蕃茄汁配意大利飯酸酸地, 好開胃, 飯身吸盡蕃茄汁飽滿, 入口軟腍~

白汁煙肉北海道溫泉蛋意粉--白汁好Creamy, 唔錯, 煙肉香口, 我唔食生蛋, 所以要求熟蛋, 意粉冇得撈蛋汁變相冇咁香滑, 是個人的決擇~Cappuccino甘筍湯~ 煙帆立貝Mini Salad粒煙帆立貝幾新鮮, 配酸酸沙律汁及新鮮蔬菜, 好味~ 芒果苿莉花綠茶~

甜品--布甸, 唔係我杯茶, 味道像杏仁豆腐, 入口非常滑溜~

用會員卡, 折實大約80蚊1個人, 算幾抵食!!! 環境又舒適!!! 服務都唔錯, 雖然部分服務員都幾生手, 但態度正確搭夠~

呢度將會繼大戶屋之後, 成為我地嘅新飯堂~

我一向是Pokka 的忠實Fans, 不過當康怡開了百瀧之後就轉了竇! 佢地不單有意粉,飯, 仲有PIZZA 食, 份量比Pokka 少, 但夠飽, 價錢比較平! 最緊要係咖啡一樣好味

是日叫了兩個set dinner

豆蓉雞粒湯 + 焗雞扒飯 & 夏威夷Pizza + 甜品 + 咖啡

豆蓉雞粒湯: OK
焗雞扒飯: 佢地D雞扒焗完後都唔會乾真真, 好味
夏威夷Pizza : 即叫即整, 熱辣辣,
Coffee: 同Pokka一樣, 炭燒咖啡無走雞!!

總括嚟講是一間有Heart 的餐廳!

6點幾去, 等位都等左成個鐘......

叫了2個意大利飯....

1個炸磨菇蠔菠菜汁意大利飯, 炸粉很厚...完全吃不到菠菜汁, 只吃到薄荷味...帶子墨魚汁飯, 除了飯上面的大帶子..幾乎沒有其他餸...

完全唔味道...閉起雙眼吃的話完全不知道在吃什麼...兩個意大利飯不知所謂...又完全不熱...味道淡得有點過份...

可能吃意粉式PIZZA會好點吧......

很久沒有寫食評了 !
今次試了這間在康怡廣場新開設的日本餐廳
因在下午茶時段，所以order了蛋糕
但喜愛喝咖啡的我，最感驚喜是這兒的咖啡
一杯是骨膠原咖啡，除了有咖啡味外，又可補充骨膠原，真是又美味又健美呢
另一杯是杏仁咖啡，有很香的杏仁味，飲了後感到好滋潤 ! 真的好美味呢

好好味, 五大兩小食咗近$800~
book位7:30pm, 結果6:30到咗都有枱
未叫set, 想先叫跟餐的特價咖啡都無問題, 服務一流
custard唔夠實做唔到napoleon又會通知, 唔會求其整畀你。

家姐推介話呢間野d意粉好食，諗住試下d新野未去lor-0-
其實等位嗰到真係好鬼耐，其實人不算太多，位置都唔少，我都唔明點解可以等咁耐...
佢放咗d糖喺門口，咁人地等緊位無聊未會食下lor-0-我抱起我細佬諗住比佢食下糖(因為佢悶到周圍走)
嗰個着黑衫個女人a真係當我冇到，喺咁啤我細佬，驚死佢會食哂佢地d糖咁
好啦，我真係好鬼肚餓，咁未一直等lor...
最可惡嘅係佢d位全部都係4人位咁，我唔明點解喊完我地個no. 之後叫我地等完之後會叫後2個no. 3個人比佢地入lor
我真係粗口你，大佬，我等咁鬼耐，明明你話比位我地，你又話執緊，執完又比咗其他人，你想點
之後再問番佢，佢又話執緊位，之後又"細細聲"咁同佢d同事講，你下次就唔好寫入咗啦.....內部混亂(!)
到食野，最平嘅意粉都要$58，但係佢又唔係有咩特別，最特別嘅係佢話d食物有d有骨膠原)真係有夠特別)
我地仲有叫嗰d咁嘅pizza，真係傻嘅先去食)冇料，個pizza成塊餅乾咁...ok，你特色，係我唔啱taste only)
食野用咗15分鐘都唔使就食哂，賣單...我未試過一樣咁多人數食咁嘅價錢會係唔飽lor
呢d咁嘅餐廳，全無服務可言，以後都唔會再黎