朋友們都喜歡食素的, 4月15來到這間新聚寶, 能食到以下幾款非常精緻的菜式,
令人回味無窮, 除了味道和配搭好, 份量夠大, 食得很飽. 服務生有禮又殷勤, 環境整潔.

金盞明珠 : 很脆, 盞上的味道夠濃

叉燒双併鵝片及魚生 : 超犀利, 一碟併盤有多種願望, 叉燒像真的, 好正,
魚生的質地涼浸浸, 配上很勁的wasabi, 爽到標眼淚

琵琶豆腐煲 : 煲內的汁滾到起泡泡地上菜, 熱到要慢慢咬, 豆腐好滑

咖哩薯仔芝士什菜佩法式麪包 : 薯仔入晒味, 但唔夠芝士味, 西蘭花和小棠菜夠份量

鮑片扒生菜 : 雖然這款菜式普通左d, 但鮑片很多, 抵食.

飯後有糖水送, 是蕃薯糖水, 薑味非常濃, 很暖胃, 足料.

登記openrice之後既第一篇食評~

琴日適逢初一, 咁岩又同男朋友出街, 臨收工先醒起佢初一十五要食齋, 於是上黎search下齋菜既資料! 見到呢間既食評, 平民得黎又好似幾好味咁, 於是就入黎試下!

初初諗住初一應該會爆晒, 我7點去到坐滿一半客, 落樓梯前行過門口聞到d酸齋好香, 但點菜時居然唔記得左嗌黎試. 我地坐正電視前面, 就好似係屋企食飯咁, 哈~

佢地有2人4人套餐....., 2人套餐$168有例湯+2個餸+1個炒飯/麵/粉+糖水, 如果湯想轉翅就+28蚊!

我地叫左個2人餐, 個湯轉左做翅, 再嗌乳豬拼盤, 咕嚕肉, 星洲炒米. 原本佢地個餐得廈門炒米, 我地落單時見隔離檯碟星洲米好似幾靚, 於是同侍應姐姐講, 佢都好樂意幫我地轉星洲米.

講番d食物:
翅 - 其實賣相係碗仔翅, 都ok, 唔會杰撻撻, d翅仲好大條添, 哈哈~

乳豬拼盤 - 個拼盤有乳豬同叉燒, 就係見到好多人都話叉燒好食所以叫, 叉燒口感似豬頸肉, 幾得意. 乳豬我諗其實都係一舊麵筋, 但又唔明佢地點樣整到佢咁軟熟, 有少少油油地既感覺, 都似咬落直正既乳豬時...."gi" d油出黎既感覺, 但佢地又唔肥膩, 感覺幾過癮~

咕嚕肉 - 好可愛既一個餸菜, 佢d汁做得好好味, 舊"肉"做得好似, 口感同食肉一樣, 好得意! 呢個餸唔錯, 有時我d乳豬唔"點"乳豬醬, 反而會走黎"點"咕嚕汁~

星洲米 - 好大碟, 不過好辣, 佢落重左d咖喱粉了! d假蟹當然好假啦, 好似咬魚旦咁, 但都炒得幾乾身! 如果少一半咖喱粉會好好多!

綠豆糖水 - 無乜特別, 我食左幾啖就無食lu, 太飽!

總括黎講, 呢間係傳統一點既齋菜館, 一定唔同依家d新派齋舖架啦. 傳統侍應+傳統環境感覺坐得幾自然, 佢地有時又會行埋黎問你d野好唔好食, 我地都有照反映d星洲米太辣~!

我諗下次咁岩又撞正初一十五出街, 我都會再黎食下, 試下其他款式既餸菜!!

是日約了一眾朋友, 共討大事. 另因為是日出席者大多數是素食姊妹的關係. 所以選了太子呢一間素食店. 貪佢近金都.

這是比較傳統的素食館子, 茶芥預左佢收硬. 我一人先到, 慢慢吃"芥" 餐前的花生及菠蘿. 花生是烚花生, 而且不是烚到淋哂, 好似煲湯花生咁. 仍然保持脆脆的烚花生, 真的不錯. 菠蘿就是罐頭菠蘿, 唔評.

不一會, 人齊了點菜的功夫全部交班表妹們安排. 我們散叫了6味餸. 店方收到我們的落單後, 回來問我們打唔打算改套餐. 原來同樣食物, 加多個湯. 阿姐說, 以套餐價錢, 食到同樣既野, 仲有一個湯, 雖然我們所叫的, 不是味味都在那套餐selection既菜牌當中, 但她說明做到呢個價錢俾我地, 當然 ok.....1湯, 4餸, 1飯. 4人套餐, 再加多一份小食. 7個人當中, 只兩個男, 其他均是細食美女. 小妮子話夠食. 就按店方指示, 我們叫下$288的四人套餐.

湯, 是今天的例湯. 是粉葛野菌什麼湯....味道就幾清下, 只是太甜.....甜到有一兩個女仔, 只喝了一口就成碗放棄.

飲完湯, 餸來了, 先來一個小食叫麻香煙燻鴨. 不過這煙燻鴨, 看落似鴨胸, 但再仔細少少去食其味...感覺似素午餐肉多D.

菠蘿金沙骨, 顧名思義是仿肉的菜式. 素肉做得都似模似樣. 味道同賣相都同真正既咕嚕肉無別. 酸甜味適中, 是是晚做得最好的菜式之一.

脆炸蜜瓜奶, 蜜瓜味不重. 而且唔係幾夠熱. 奇怪地, 他們俾沙糖我地點. 是否唔夠甜. 再試一舊不點糖食, 果然唔係幾夠甜. 食食下, 看見侍應在我們檯旁的士多房拿蜜瓜豆奶入廚房, 問他們這個蜜瓜炸奶是否用蜜瓜豆奶做, 阿姐說不是, 但我們嚴重地懷疑係 yes.

沙拉蝦球, 用的, 就是平日係某連鎖凍肉鋪找到的素大蝦. 總之呢隻大蝦, 無論你用咩方法去煮, 都係咁既味. 或許不同廠商既出品, 會用不同的增味濟而令味道有出入啦. 不過, 用上沙拉醬去炒一炒這個蝦. 說實在, 也是不錯的香口菜式之一.

要焗既野, 通常都比較花時間去整. 所以間間餐廳都有一句標準既說話, 就是焗飯需時. 食哂幾味餸才上這個芋泥焗四蔬同海鮮荷葉飯.

芋泥焗四蔬, 有白菜, 西蘭花, 椰菜花, 同菇類吧. 我已開始忙著傾重要事, 呢一碟野, 由女友夾俾我食....基本上是餸來張口, 沒有細味此內容. 芋泥同芝士混在一起, 感覺都幾特別既.

荷葉飯, 香噴噴的. 是原炒飯炒好, 再包上荷葉再加以焗製. 飯粒粒分明, 海鮮是素蝦素蟹柳之類. 味道不咨, 有荷香. 是功架之作.

飯後, 原來仲贈送糖水. 蕃薯糖水的薑味好重. 不過又是過份甜. 身旁朋友, 體型較肥胖, 說甜野不敢多吃而放棄了. 而型女仔, 食得甜. 便覺得好食得非常......再一次證明, 女仔始終係Sweet的.

店方見我們仲有野傾, 未走, 再送多個砵仔糕同雷沙湯丸. 不過, 砵仔糕可能擺得太耐, 而質地有點鬆散.

9點, 另一批要遲來的朋友到了. 我們亦係時候結賬, 轉移陣地, 去finalise個大project.

星期六, 朋友帶我來太子-新聚寶齋素食天地.
未來過, 都好, 試下新野啦.

它在地庫, 路面門口細細唔起眼. 有個亞姊坐系度賣齋.
但平時行過好易miss.

叫左個 2 人餐 $168 :
1. 湯: 海底椰.
清清地, 幾好.

2. 小菜2個: 乳豬拼叉燒~(侍應推介拼叉燒)
叉燒像真度95% 以上. 好味. 未試過一定要試. 好似.
乳豬像真度80% . 好食.
喉頭咕嚕肉~
味道ok. 既. 咕嚕肉都似.

3. 抄飯 or 面: 叫了羅漢齋抄面.
汁了, 面比較脆口. 不太合我口味.

送紅豆沙, 送既系咁 ga la.

我地 2 人系掃晒 D 野食. 即是系得既.

坐得幾舒服, 下次會再來.

前幾日同o左女友去o左呢間店到食晚飯,可能係十五o既關係,
所以勁多人,我地叫o左個二人餐,有一個素翅,素乳豬拼盆,一品窩,
一個荷葉飯,d野份量所幾大碟,食到好飽,味道不錯,一定要試素乳
豬拼盆,真係好似食緊乳豬咁,好味,o岩曬我呢d鍾意食肉o既人!!
素翅淡如無味,建議唔好加,一品可以一試,夠大煲,而且都幾清,唔錯,
荷葉飯,最好唔好叫,唔係太好!
其實呢間店o既整體質素係唔錯,下次會再來.

本來想去大自然素食，但已食過，試下新野！

小店要落地庫，門口少少的…無咩裝修，傢俬舊舊的，坐低有少少後悔…

叫了…

1. 秘製品腐﹕waiter 推介，是旦啦。估唔到幾好食，睇茖似炸豆腐，原來係腐皮包住個豆腐，特別兼且豆腐夾腐皮，唔錯！

2. 咸魚雞粒炒飯﹕炒得幾好，一粒一粒乾身，唔會太油，味道唔錯。

佢 d 配菜如蝦仁、雞粒等就唔及其他齋舖像真，所以我覺得呢間齋舖做傳統既齋應該幾好，雖然無試。
但係所以去食新派齋菜就唔係好岩！總算出奇地好食…

尋晚同愛佀想食斎,到呢間地庫斎舖試試

點左星期一例湯(袪濕冬瓜湯), 秘製豆腐, 蘭花鎮江骨, 同一鍋粟米粥.

個冬瓜湯同自家製嘅味道一樣又足料
秘製豆腐上面放果d"海鮮"好似, 有"蝦, 魷魚, 魚片"
鎮江骨 汁好 仲有"骨"架
粟米粥好多粟米,菇,紅蘿蔔

食唔哂打包唔好"sign"

服務生好好人, 有禮有笑容

可能在斎舖做野d人都善良d...

咁大個人,第一次踏足太子金都商場,對我黎講仲奇跡過中六合彩.唔係要陪前"外母"大人去買野的話,相信都無機會踏足.

佢地有佢地試鞋,我就行開買點小吃,鳳城地下有間齋舖新聚寶,久唔久路過都會買些點心邊行邊吃.臨收舖大平賣,芋頭魚,鮮竹卷,粉果,阿姐搭豬頭骨比多件咸水角,齊頭$10.

即買即吃無番叮,預左凍冰冰,成日無野落過肚,好過無.

慢到有回音, 食物質素都唔錯,食到很夠,但叫佢起菜後每隔15分鐘最少,才上一道菜, 我7:45分叫佢起菜呢, 佢8時10分才起第一道, 每道菜都要叫3-4次, 你話!!!

但這間店都有好處的,食物不錯, 職員態度亦唔錯。好唔好就自己想呢。

看食評和某些朋友告知，這食店幾好味，早幾日便來試試，看到已經改名為[新聚寶素食]。唔知係唔係已經轉了手，食物明顯唔多得，可以說是差！
我們叫了一個[二人餐]，包括雪耳參鬚椰子湯、金菇牛柳卷、脆皮乳豬拼盆和香草腿粒飯。
雪耳參鬚椰子湯- 好淡又唔好味，只有陣陣椰子味，椰子肉又死實實，唔飲都唔可惜。
金菇牛柳卷- 牛柳好韌，金菇和牛柳一起拿去炸，令金菇都變得好硬，有點像返炸的感覺；醬汁係好甜好假的蕃茄汁，令味道變得更差，食了少少便放棄了！
脆皮乳豬拼盆- 生魚片感覺算最好，口感都幾似，但比[三得]差了點；乳豬一看已經唔多相似，外皮炸得好硬，又好實，都算幾難食；另一味分堤，就已經變壞了，雖然侍應立刻幫我們換了生魚片，但真係好失敗，變壞的食物都可以拿給食客，過份。
香草腿粒飯- 今晚叫做最好的食物，雖然係新鮮飯炒成的，雖然有點一舊舊，但已經叫做好味的食物了。
你話死唔死！

看來改了名後，食物都變質了。

It's a very good place for family dinner.
I went there for my father's birthday.
We ordered a $838 set dinner for 8 to 10 people which included 8 dishes with dessert.
The soup is very good with many ingredients.
The portion of dishes is big but not too big.
We ordered an appetiser -
vegetarian tuna and salmon sashimi with wasabi and japanese soya source!!!! Nice & fun.
The birhtday buns are very good too.
The waitress are very nice and cheerful.

Actually, the English name of this restaurant is Treasure Vegetarian Restaurant.

10月13日同朋友黎食lunch, 兩毎人叫左點心(鯪魚球,牛肉,咖喱魷魚)同干炒牛河. 傾下偈幾好坐, 食物就ok啦, d 點心都幾好, 特別嘛. 干炒牛河就始終比較油.
上次都試過叉燒酥, 都唔錯, 上次食晚飯叫套餐就幾抵, 每人$50度已經好飽, 仲係自己揀餸, 唔係set定晒無得轉, 味道就普通啦. 仲有係d service幾好, d侍應哥哥姐姐都好nice.

有晚去呢度食晚飯，發現這裏也有任叫任食套餐，$68位(人少會收貴o的)，埋單大約每人$80。款色都幾多，有個半鐘俾人落單，叫幾輪也幾時間，菜色又唔會貨不對辦，而味道又幾好，冇呃人成份。
最好味的係荔芋酥卷，好鬼惹味！