一家人在路德圍找吃，老媽子突然話食米線，還未來得及反對，他已進了去，唯有跟著入座。

來個醬爆蟹籽蟹粉丸米線，小辣。小辣的湯底，只嚐到些少酸味，辣度完全感覺不了，下次可以要中辣。米線不會過稔，幾有咬口，尚算保持水準。加上大量的芽菜、酸菜、芫茜、肉碎等材料，都可以。

醬爆蟹籽蟹粉丸上檯，不熱的，要浸回湯內，那當然沒有醬爆的效果。裡頭的蟹籽和蟹粉，味道一般，比預期差。

始終吃米線都不是我杯茶，有機會都係食番車仔麵好一點。

今日去左呢間店食晏,叫左個墨丸,腩肉,
冬茹米線,一食,嘩咁酸o既.....太多酸菜啦,
以前d湯頭鮮甜好多,起碼唔會話好酸先,
d米線尚可以保持到水準,但d料就......
先講墨丸,冇味,唔彈牙,腩肉算叫正常d,但
都冇乜味,冬茹是酸的......真係比以前退步
左好多,直情兩間店來的....

10月1日, 我地一家四口去荃灣雲南桂林過橋米線食Lunch, 我老公叫咗個豬潤,豬軟骨米線, 豬潤又煮得太熟, 湯底聞落去都已經好嗅, 好似漂白水味, 好難聞呀! 叫人換過, d人一聞就話換過比我地, 算了! 跟住又輪到我個女碗個雲吞拉面, 又唔熟, 唉! 我話要轉返米線, 佢地唔肯, 話淨係可以煮熟返比我地, 我話如果唔換我就走囉, 佢地先肯換返咋, 真係一肚氣呀!
總之以後都唔會再去呢間嘢食啦! 勁差!

差唔多隔日就黎食1次
呢間米線就快變成我既飯堂
準時兩點半黎食下午茶
(其實所謂下午茶只不過是加野飲平d,不過呢間米線都有一般茶餐廳有的下午餐選擇)
今次要了凍伴加了個豬大腸
lg則要了凍伴+豬大腸+蟹粉蟹籽丸(個丸兩份share,1人兩粒)
今次要凍伴是因為上次吃了熱的覺得個汁d味唔夠出
要凍的話個麵會好食好多,好有咬口
不過今日的豬大腸好鹹呀..醃得太勁..
涼伴有1大份花生+酸菜+炸醬 感覺抵食好多 (後2者單點各要 +$4)
不過今日d花生唔脆失左少少分..
btw我都差唔多食哂成碗米線,辣個口好麻呀(我明明叫了唔辣的)
好彩有杯凍檸茶..
1向都好鐘意飲呢度的凍檸茶
好有茶味之餘又有好多塊檸檬(有成5,6塊)
我喜歡叫少甜+篤到d檸檬碎哂(成杯茶都有檸檬碎),正
2人埋單$55, 好飽的1個下午茶

食過荃灣另1分店(康睦庭園樓下)同葵芳分店
始終都係覺得呢間總店最好食
講服務都係呢間最好(esp.葵芳個間d服務超差!!!)
價錢亦都係呢間最平
總店始終係總店,分店始終冇咁好
雖然康睦個間就係我屋企隔離
但係我都寧願行遠少少黎總店食

呢間總店大大話話十年前開始已經食過~ 果時佢仲係細鋪,個事頭真係雲南人黎ga,事關新開冇耐,冇乜客,我阿媽就同個事頭吹下水(用雲南話=.=),佢見我地係名鄉,仲拎左私伙既雞綜油俾我地食添。果時食米線既鋪頭係荃灣越開越多,我同阿媽就試晒咁多間咁滯,始終覺得呢間最好食,最o岩我地口味。
配料黎講我就鍾意腩肉,金姑,同豆卜配中辣既酸辣湯底。腩肉煮得好入味,就算有肥肉,d油都出晒,食入口唔會肥膩,金姑同豆卜就好索湯,正呀!!!炸醬係食過咁多間黎講最好味既一間,真係有用麵醬同醬油炒過先,雖然冇屋企自己炒既炸醬咁濃味,起碼唔似得有d鋪頭落d用鹽炒下絞碎豬肉就學人叫炸醬。價錢係荃灣黎講算係貴既麵食,不過我覺得都值既。後尾搬左出九龍,就幫襯山東街分店,就算叫外賣拎到返屋企d米線都唔會發晒,因為佢地有過冷河,好抵讚。
最大缺點係間間鋪都好細,d位好迫,所以我都係買外賣多,已經唔會再係果度食lu。
至於坊間盛讚既譚仔記,我就真係唔鍾意食喇~ 唔可以叫雲南米線,只係香港人米線黎!當佢普通麵咁睇都幾好食既,但係真係想食米線既話我一定唔會食佢囉!

好味的=] 2009-05-19 17:14219.77.x.x
我每個星期都會去食米線一至兩次=]

呢間鋪既小鍋米線都幾好味 我亦鐘意加2-3款餸
米線煙煙unun...個湯底聞都好香-0-

慣左食中辣-3- 但係都食到我流鼻水-3-"
我鐘意加腩肉/豬軟骨/小肚 雖然全部都係肉類-,- 但係好食嘛=]

食完有時我會外賣番去-0- 我會叫勁辣=0="
但係兜野面頭好多辣油浮上面-3- 好似好肥咁
但係為左滿足自己食欲都要買番屋企-3-"

但係最衰我係住馬鞍山區 最近呢間鋪既都要搭車出黎 最近都要出到荃灣同旺角
來回都要$16-$17 但係為左食米線都要就住就住出黎食-.-
希望佢地總公司會係沙田區開分店-0-

本來諗住上黎讚讚佢d野....

前幾日過荃灣搵"食"...好得意...同一條街,爭1個彎位都已經兩間店..見食間係總店,就試下啦..
依...點解面底平過出面分店$1 既..$17 jer~感覺好抵..haha...
叫左豬小肚雞c米線 中辣....米線煮得ok,湯夠辣..係越食越辣~!~!
小肚...唔同豬肚..屯門分店d豬肚好硬...但依度d小肚好正呀!!!!!!!!!!夠鹵水味,佢係煙煙unun..唔太淋..好食!!!

好食就好食...但中肯d個句....衛生比較差...我坐一入去右面第一張卡位,對住"神位"個張檯d筷子唔知發生咩事..係特別黑蚊蚊,好多塵響面.....

所以,....一試無妨既....但岩岩睇完有老鼠既食評.......真係左....
店主要改善下衛生啦...老鼠係禁忌黎架!!!

是日晚餐又食米線....
之前其實都係食開分店
但點解相差幾步的分店成日都"拍烏英"呢?
原來總店就係行前少少再轉角

未入去已經見到坐滿晒人呢度又大間又光猛
今日係第一次食呢間, 報導下先

一打開MENU, 好似比平時平D喎
$17一個小鍋米線, 隔離明明係$18.....連D餸都有D唔同

我揀左雞中翼+香脆魚塊, 無辣, 走莞茜
男友食雲吞+豬潤, 小辣

一上枱個碗米線好大好熱
香脆魚塊只係好普通的魚蛋...得3粒=.=
同個名差好遠.......冇香冇脆(下次唔會叫)
雞中翼幾好味, 鹵水好入味, 有2隻
米線份量極多!! @@ 銀芽都有好多
不過韮菜就好少....同埋酸菜冇乜酸味

男友就話雲吞皮極厚, D饀仲凍凍地
豬潤唔夠分店煮得咁好味
個湯有少少似"雲貴川"喎....
不過配料都係分店好味, 但米線就呢度多D

一路食既期間都有好多人入黎呢度食
可能座位比較舒服(多卡位), 環境較光猛
連D阿姐都特別多!!
而且係平少少....米線同飲品都平1蚊
支持總店!!!

半年前第一次試呢度既米線,真係驚為天人!!!
之後差唔多一個禮拜食一次,最瘋狂試過1星期3次~~
但最近水準跌左,味道冇咁好係次要,
食完試過肚痛同唔舒服.....

其實我覺得呢間D米線湯底夠濃，真係幾好
我亦都係長期顧客，真係差唔多1-2個禮拜就食一次
不過過去一年水準有下降
但係今日去完我發覺原來有更大既問題存在

老鼠!!!

已經係走到出黎食野既地方
係右手邊卡位後面個角落不時伸個頭出黎
放肆到我可以用手機影低佢
跟住又俾我見到牆上面有隻小強

好失望好失望
我諗我有排都唔會再去
大家自己睇啦

我最愛食的是涼拌米線(凍食加腩汁),可以連食幾日都添,下午先食完一次,
佢D涼拌米線入面已有炸醬(少少辣,好惹味)及酸菜(好夠酸),而米線份量夠,
我通常會叫腩肉(少少辣)及雲吞(個皮阿妹話厚,但我覺得個菜肉餡好好味),
豬小肚(好彈牙)都係唔錯o既選擇。
不過係總店食所以有D擠迫,但為了食涼拌米線會繼續去。

昨天晚上跟朋友三個人來了這裏食米線,這裏很多人的,我們坐在卡位,幾乎全間舖都坐滿人,其實之前都來過這裏食米線的都覺得好味,但好耐冇食了,我們每人也是叫了小鍋米線另加餸,我叫的是小鍋米線加腐竹及魚腐小辣,都幾大碗,都幾多料的,小鍋米線有酸菜,芽菜,芫茜,酸菜好好味呀,小辣亦不算很辣,酸酸辣辣很好味,魚腐一般,有點硬,腐竹好好味,因好薄所以好滑好入味,有好多葱及莞茜,我則不太喜歡.朋友叫的也是小鍋米線加腐竹及腩肉,腩肉有少少肥肉都好淋好入味呀,另外的朋友叫了也是小鍋米線加雞絲,通菜及腩肉.嘩,佢的通菜好多好滿,好似一座山咁高,其實這裏都不是很貴,17元一個小鍋米線,另每加一個餸4元.叫飲品另加3元熱飲,4元凍飲,但坐的位置則比較迫,不過我想食一碗米線也會走的,不會坐得久在聊天.

平時放學都會同d 同學行東行西咁四圍搵野食,

久唔久都會去下呢間米線度食, 通常會叫 小鍋米線+腩肉+肉醬+加底米線,(小辣)

加埋杯野飲 , total 都差唔多40蚊左右, 價錢都叫偏高.

碗米線一黎到, 淨係見到成碗米線都好紅, 幾多油下, 飲啖湯都唔係

好辣, 醉辣適中, 一讚!

先講米線先, 米線都叫尚算彈牙, 冇乜點林到, 呢個一讚,

另外, 肉醬方面比較乾身 , 辣味都唔多夠, 有少少失望,

最後就係腩肉, 只係得瘦肉 , 岩晒我, 唔知岩唔岩大家,

不過肉太少, 仲慘過問佢乞,

overall 黎講 米線太少, 唔加底一定唔夠食, 而且太多雜菜,

好似食緊大雜薈咁, 乜都有, 淨得一讚係湯底同埋米線 比較出色,

但價錢偏貴, 20蚊小鍋米線冇餸, 加$4or$5 一個餸咁上, 加底加5蚊,

野飲加7蚊,

我建議大家可以一試的!

認識"雲南桂林過橋米線" 是大約9年前,個時返工食LUNCH / 放工成日走去食,個時覺得日日食就好啦! 睇住佢由細鋪搬到大鋪,跟住開越來越多的分店,就知水準未必維持到,不過的確係因為呢度令我愛上食雲南米線,之後仲周圍搵唔同的米線比較......真係一發不可收拾.

我最鍾意食呢度D腩肉,冬菇涼拌米線,腩肉唔肥,冇咩肥膏,味道濃郁帶點微辣,所以在我心目中只有幾間雲南米線達到我的愛好,冬菇夠入味,不過得2塊就少咗D,若論味道的確係以前好食D,因為有時唔知係咪換咗師傅,所以水準冇咁穩定,可能這裹現在已不是我最喜愛的米線,但呢度仍然成為我閞飯之選!

我好鍾意食米線 , 仲係譚仔既長期 Fans
而家係荃灣返學 , 聽同學講話呢間"雲桂"唔錯
就一於去試下

如果你食開譚仔既 , 你第一次去可能會覺得唔好食 !
因為兩間野真係好唔同 !

先講湯底 *
譚仔出名湯底夠清 , 就算麻辣湯都唔會話好濃
雲桂就相反 , 個湯好濃又多配菜 ( 酸菜,肉碎,芽菜,九菜,莤菜 ) 乜都有 d 咁啦 !
睇你鍾意清湯定濃湯啦

用料方面 *
譚仔d肉新鮮就係人都知 , 特別係雞肉 , 我差唔多次次都會叫
但去到雲桂你就千祈唔好叫雞肉 , 一 d 都唔好食
反而果度既腩肉 , 大腸就好入味 , 好香 !
呢 d 都係我係譚仔食唔到既 !

雲桂仲有樣好就係多選擇 !
有菜 , 有肉 , 有丸 .. 加加埋埋成 30 樣野揀
唔駛驚食到悶嘛

提醒 *
1.果度既湯底有分辣同麻辣既 ~
如果你唔食得辣 , 就叫小辣湯底好喇
因為麻辣既中辣就等於譚仔既3小辣喇

2.間野好多人排隊 , 特別係下晝食飯時間 , 會大排長龍架 !!
所以想食 lunch 就要早 d 去喇 , 11 點幾就應該冇咁多人

我覺得 2 間米線都各有各好 !
而且價錢都差唔多 !
2間都被列入我既必食之選呀 ~~~ 哈哈