炎熱的六月天，想吃點開胃的，所以到泰苑。
九龍城泰國菜館多的是，選泰苑，因為這裡的芒果沙冰！

我選芒果沙冰，酸酸甜甜的透心涼！
放久了，也不會一層水一層芒果，仍很稠滑。
Honey點泰式咖啡，也不算太甜。

開胃菜：青芒果沙律
汁醬像泰式白雞腳的酸辣味，
初初吃頭幾啖，幾辣，
慢慢多吃幾口，就不覺太辣，
才嚐到青芒果的青香，
而且，青芒果很有嚼勁。
碟底是生菜。
整個沙律好醒胃！

主食：冬陰功湯粉
湯不多濃，欠冬陰功湯的酸辣。
海鮮有蝦、細青口、魷魚，
海鮮都鮮甜。

我們見泰國姐姐不停手塗法包，
所以點了蒜茸包。
一般，蒜香不夠。

吃了辣的，最後要吃甜的，解吓辣。
Honey叫了芒果椰汁糯米飯。
芒果熟得剛好，好甜。
糯米飯有白和黑，
白的軟糯，黑的好嚼口。
好好味！

整體而言，
最佳的仍是芒果沙冰和椰汁糯米飯，
其他都Ok。

星期日帶左食狗狗去沖涼，就係九龍城搵野食啦！

想食泰國野就上左黎街市上面的泰苑喇先叫了三杯飲品，分別係青擰梳打，紅豆奶茶及椰汁綠豆冰
紅豆奶茶~~~淡而無味的，紅豆是硬硬的，完全冇紅豆香，奶茶不單沒有茶香更是有點"鞋"呢
椰汁綠豆冰~~~好奇怪的綠豆冰不是用綠豆邊而是用綠豆生牛肉湯河~~~湯河上枱時牛肉已變全熟，沒有生牛肉的，湯底味道唔錯但一定下了不少味精，因為食完超口喝蝦醬炒飯~~~味道炒得好好，但唔知點解好細碟炭燒豬頸肉~~~豬頸肉燒得剛好，醬料味道教得好好味炸蝦餅~~~依舊的美味，每次來都會叫一客炒椰菜苗~~~味道很好，但有得油

食物總括來說是好的，但下了太多味精，食完好口喝！

奶奶生日話食菜國菜, 我介紹去九龍城街市上面食泰國菜, 因為兩年前同朋友食過係好味的. 點知, 兩年時間, 竟然變成咁. 所以連相都吸引唔到我去映.

咖喱炒蟹 - 冇咖喱味, 蟹肉霉, 唔夠香唔夠辣, 太多生粉打個獻

生菜包 - 不過不失, 冇特別

小食拼盤 - 呢個太離譜, d野係一早整好再翻炸, 我一食就食得出. 蝦片新鮮炸出黎係脹卜卜的, 佢嗰d係縮咗水

燒豬頸肉 - 叫最好食, 不過其實係d汁好食囉

蒜蓉包 - 冇蒜蓉味, 個包又唔脆

唔會有下次.

因為要過九龍城取團購, 同阿媽行到九龍城街市.
去到九龍城, 就會想起一間又一間的泰國餐館, 但從沒想過街市熟食檔都有泰國小食
阿媽話好多師奶同事叫佢行到街市一定要上去試試, 於是晚上8點半, 街市正在大掃除扶手電梯都關了, 我們搭電梯上3樓. 打開門, 竟是另一個世界!

燈火通明, 仲有人等緊位, 咩事呀??
熟食檔得兩間, 泰國菜同火鍋粉面店, 同樣多人! 不過我揀了泰國菜, 兩個人等了10分鐘就有位~餐牌有泰文同中文, 價錢都合理, 食物種類多, 都沒有海鮮價. 珍多冰
足料又唔甜, 好好飲. 有椰果幾得意, 但就冇綠豆. 一條條綠色物體冇切開, 吸極都唔斷 馬拉盞炒菜苗
香噴噴, 同用咸魚炒差唔多.
菜苗有點硬身, 是爽脆! 需要伴飯否則過咸. 炸蝦餅
唔算太油, 不過唔彈牙, 唔似蝦餅. 連醬都唔需要已經夠味! 阿媽話應該係人手做, 因為大小不一. 焗芋頭飯
芋頭好好味, 份量多. 個底仲有飯焦! 但個感覺唔似煲仔飯, 似先用鑊炒熟放入去.
兩個人食唔晒...

座位唔舒服, 好嘈, 如果一大班朋友食飯係幾開心, 但唔建議晚上8點前入席. 大概食到9點d人走得7788, 冇咁迫.

隱藏在街市的泰國餐廳，由泰國人主理，味道非常正宗，叫了咖哩炒蟹，咖哩對我來說很香火辣辣，加上大量香料及椰汁，味道很濃郁．而肉蟹肉質結實而飽滿，不過以咖哩來炒，也沒有什麼鮮味了．整體來說，用來拌飯，叫人胃口大開．

一家人出外食飯,本身想去食旺角甘霖街新水記,點知揸車去到, 間鋪無左,有途人話搬左去前面,但未裝修好
大家一臉失望,於是我提議去九龍城食泰國野, 因為那裡是一個食泰國野不錯的地方!!!一去到唔算多人, 剛剛7點, 拎左飛,要響出面等!!等左不用10分鐘就可以入去了!!張相中最入的一間鋪是泰國野,旁邊是一間打邊爐的鋪頭不用睇MENU, 又是叫常叫的菜式!!

兩張重要的相, 最好味的東西影不到...壞機
生蝦刺身 , 新鮮,又有炸蝦頭伴碟, 大約10隻-12隻!!最可惜無生蒜頭片可以配食, 如果唔係就VERY GOOD!!

泰式鳳爪 , 好多生菜洋蔥配料, 鳳爪份量算多, 好辣,食完條脷好痛,不過好刺激!!一上枱熱辣辣, 不算大舊!!但香口!好脆, 好重蒜蓉味, 配咖哩一流!!咖哩味道一流,不辣, 但雞肉太少, 汁可撈飯!!!!雞、牛、豬, 各兩串, 只有雞好食, 而且汁不夠香,又不辣, 牛肉好硬!!辣汁夠辣, 惹味, 豬頸肉肥瘦均衡, 香口!蝦醬不重,但配肉鬆飯, 食多兩碗不覺厭!!全晚最好味的一道菜, 估佢唔到, 但有點似濕炒, 有鑊氣, 牛肉夠淋, 入味!!真係一家人搶食!!!

3罐汽水, 埋單約500元,不用加一,俾TIPS!!!食完不夠1.5HR, 因為後加兩個餸,如果一次過叫,又趕時間, 應該1個鐘食完

食泰國野當然要去九龍城，第一次上街市食泰國野。

叫了泰式炒金邊粉 ~ 茄汁味太濃了，而且芽菜好似多過金邊粉。半隻海南雞 ~ 同泰國當地的相差太遠了，唔似海南雞，改名叫白切雞會較適合。油飯( HK$12) ~ 得個咸字，沒有油飯的香味。芒果沙冰 ~ 今餐最正常，不過芒果味不算太濃。失望的一餐，原先仲以為這裡應該會食到正宗泰國野的....唉！

趁天氣還是不太熱的時候, 過來九龍城市政大廈3樓食泰菜, 一行四人點了黃咖哩雞, 泰式抄金邊粉, 菠蘿抄飯, 再點了一客蒜茸飽點黃咖哩汁同吃下了很多椰汁來煮的黃咖哩雞不辣, 椰汁稍為蓋過了咖哩味, 至於材料, 不是採用雞件, 而是用上淨雞肉, 入口雖嫩滑, 但總是有點兒怪怪的, 反而同煮的配菜 : 泰式茄子則較為特別, 茄子入口軟淋之外, 又有點趙口, 吃落跟中國矮瓜同一品種, 只是外型及顏色有所分別蒜茸飽一客五件, 蒜茸和牛油味下得不太重手, 勝在烘得夠脆也不燶, 不釀咖哩汁也非常好吃菠蘿炒飯很有睇頭, 除了賣相很美外, 材料也不賴, 有菠蘿提子肉鬆腰果外, 大大隻的蝦也有幾隻, 飯身炒得很乾反而最失望的就是泰式炒金邊粉, 除了炒得過濕外, 又過份甜, 以往食開的小店, 一般都是乾身, 入口甜中帶點酸辣

朋友T最近發奮圖強,想創一番事業開間小舖,自己只好精神上及少少
身體行動支持,這晚幫忙完,朋友T及其男友請我同另一友人食飯,友人
S提議去九龍城街市食泰國菜,我們都沒有異議.
不過這裡的環境就麻麻,好狹窄又唔企理,但就好旺場,好在去到剛好
有一張枱,員工正在收拾中,不用等位.我們好快點好菜,之後上菜都好
快,見到個併盤都令人食指大動

特式小食併盤$138~~好豐富的小食併盤,份量唔少,有炸蝦丸,炸蟹餅,
炸春卷,炸粽葉雞,每款有4件及炸蝦片,這些炸物平均都好味,而且即
炸熱辣辣,特別個粽葉雞,雞肉嫩滑又多汁,唔會乾巴巴
燒烏頭魚$90~~魚肉比較乾身,鹽可能落得唔夠多,好淡口
馬拉盞通菜~~通菜幼嫩,唔太咸幾好味
焗芋頭飯~~好香的一個飯,芋頭夠粉,配料豐盛,好食
什菜粉絲煲~~蔬菜新鮮,其中冬菇大隻又好爽口,粉絲吸收了汁料,極之
美味
串燒(6串)$48~~牛肉,雞肉,豬肉各兩串,欠缺野味,肉質乾身,除了雞
肉好少少,食到中途有位員工拿來一串串燒給我們,我們不明所以,於是
她說因為少給了我們一串,現在補上,其實我們都不以為意,所以都想讚
賞他們夠細心又誠懇
泰式奶茶/涼粉檬果冰~~友人們叫的,兩款飲品普通,他們說泰式奶茶同
港式沒有太大的分別

這餐結帳$484,我們都覺得唔貴,而且食物大致上都唔錯,除了謝謝友人
請食飯,都祝福她生意蒸蒸日上,個個都說經濟今年會差,她也要攪事業,
真的要讚她勇氣可嘉,不求可以即時財源滾滾,只希望守得雲開見月明,
加油呀老朋友

場地係街市上面，不美觀就是！！
不過同朋友食下嘢都不失為一個選擇。
價錢差不多，
飲既二十一杯，紅毛丹加pineapple加椰汁既混合物，基本上係飲椰汁。
食方面，個炒飯唔錯，食食下同咸魚炒飯差不多。
炒硯size夠大，入口滑身，高水準，不過份量小，58元只有八九隻。
串燒質素較低，乾身，而且粗糙。