影片
港鐵鰂魚涌站 C 出口
繼續閱讀
電話號碼
21852155
開飯介紹
綠怡咖啡廳向您奉上各式國際菜式，特色美味早餐、午餐、晚餐和自助餐均令人垂涎三尺。餐廳設計優雅，格調現代時尚，必定是家庭聚會和團體活動的最佳場地。
繼續閱讀
營業時間
今日營業
07:30 - 22:00
星期一至日
07:30 - 22:00
以上資料只供參考, 請與餐廳確認詳情
雖然我唔係大胃王，不過都鍾意去食自助餐🤣一次食盡生蠔、凍海鮮、燒牛肉及甜品等多款美食，諗起都開心🥰最近見北角海逸酒店自助餐有低至半價優惠，由即日至8月31日，折後400幾蚊就可以任食即開生蠔、鱈場蟹腳、和牛，仲有得任飲清酒、紅白酒，性價比高🤑想享有半價優惠就可以去eShop預訂。另外每兩位客人會送一客Movenpick雪糕朱古力火鍋，當月壽星更可獲半磅生日蛋糕，儀式感一流🥳一家大細去都好啱，酒店會喺特定日期時段舉辦「我是小廚神」工作坊，俾5-11歲小朋友即場學做pizza、曲奇、鬆餅等，大人們就可以安心歎buffet🤪細味和牛．東瀛自助晚餐（成人原價$811.80，優惠價$442.80 起）🦪生蠔、凍海鮮、刺身、冷盤、壽司四百幾蚊嘅自助餐食到即開生蠔幾正。生蠔帶少許礦物味，口感爽滑👍🏻另外凍海鮮有鱈場蟹腳、凍蝦、凍蜆及青口，蟹腳海水味突出好新鮮😋另外仲有三文魚、吞拿魚、油甘魚等刺身，以及各式卷物、沙律，睇到都眼花瞭亂👀🧈肉車、和牛肉車有燒肉眼及燒羊架，羊架連住脂肪幾邪惡，肉質夠腍😚另外最吸引有即席烹調嘅和牛壽喜燒，好有壽喜燒店嘅feel😍和牛料理仲有吉列和牛、和牛蔥花卷、香煎和牛粒、火炙和牛壽司等，可以滿足一眾牛魔王😎🍤熱盤熱葷有唔少日式料理，好似即炸天婦羅🍤即煮嘅日式豬骨湯拉麵🍜比目魚西京燒、煙三文魚茶碗蒸、日式白蘿蔔煮牛舌、豚角煮、清酒煮蜆等，質素都唔錯👏🏻尤其比目魚西京燒超級嫩滑，必食✅另外仲有牛油蒜香扇貝、胡麻醬燒排骨、清蒸沙巴躉等，扇貝焗至金黃幾好食😋🫕Movenpick雪糕朱古力火鍋每兩位附送一客雪糕火鍋。朱古力火鍋越滾越香，沾上雪糕、棉花糖、水果食，儀式感滿滿🤩🍰甜品有楊枝甘露、紅豆千層酥、蜜薯奶油布甸、Tiramisu、綠茶布丁、栗蓉西米布甸、桃膠雪耳糖水、水信玄餅、Movenpick 雪糕、朱古力噴泉等等😻質素普遍幾好，有啲都值得encore，好似甘香醇厚嘅綠茶布丁、濕潤嘅tiramisu、有唔少香甜蕃薯蓉嘅蜜薯奶油布甸等😋另外仲有即整嘅班戟同窩夫🧇🍶任飲日本盛田尾張男山清酒、紅 / 白餐酒、啤酒、咖啡、茶、果汁好少可自助餐會有任飲清酒，呢度有尾張男山清酒，仲有紅白酒、啤酒、汽水、果汁、咖啡茶，自助餐嚟講少見😻推介指數（10分為滿分）：8分
繼續閱讀
一入座就比M字頭雪糕櫃深深吸引住，有杯裝筒裝自由選擇，仲要比你自己‘’北‘’雪糕，有7個味供應，忍唔住食左幾球，即開生蠔任食，可能早入座關係，人流唔多，唔駛點排隊，朱古力噴泉，小朋友最愛，每位送一客意大利黑松露雲吞配鮑魚，鮑魚OK既，個雲吞就唔係咁岩我口味，紅白酒啤酒汽水果汁都任飲，可以再來
繼續閱讀
最近去咗北角海逸酒店嘅綠怡咖啡廳食自助晚餐，佢哋而家做緊25週年優惠，逢星期五、六、日同埋公眾假期，成人係買一送一，價錢係$886。.食物方面，即開生蠔同Movenpick雪糕係無限量供應，仲有汽水、橙汁、紅白餐酒同啤酒任飲。每兩位客人送一客瑞士芝士火鍋，真係幾好食。.熱盤選擇都幾多，有即煎鴨肝多士、清蒸鮑魚、葡式乳豬等等。凍海鮮就有鱈場蟹腳、凍蝦嗰啲。刺身同壽司都算新鮮。甜品選擇都唔少，特別推介朱古力心太軟同埋Movenpick雪糕。
繼續閱讀
#20241115 🤍📍 #綠怡咖啡廳 @greenscafe_hpnp 北角英皇道665號北角海逸酒店2樓➖➖➖➖➖➖➖➖➖➖➖➖➖➖➖➖➖#海洋珍味盛宴自助晚餐 #成人 $401/位 🥢 #前菜 💭 係#kkday @kkdayhk 見到有買一送一，用埋#Alipay @alipayhk 仲有$50 discount平，今次buffet主題係海鮮，果然連前菜都已經發現到好多海鮮既蹤影，泰式蝦沙律酸酸地好開胃，另外有個海鮮凍湯都幾特別，接受到凍湯既不妨一試🤗. 🥢 #凍海鮮 💭 坐低每人會送隻鮑魚食，無咩特別，係無得再食都唔會覺得可惜既感覺😅因為可以拎既海鮮都夠食，有蟹腳、有蝦、有蜆、有青口、當然唔少得最鐘意既生蠔，細細隻口感偏creamy，最正係師傅開蠔好快手，唔使等好耐就拎到🦪. 🥢 #熱食 💭 熱食都離唔開海鮮，有唔同風味既煮法，中式代表有蟹粥、粉絲蒸扇貝、辣酒煮花螺等等，西式既有白汁煮青口、蟹肉批🦀連印式啲咖喱都整做咖喱蝦，樣樣都好附合個主題，又有日式既天婦羅同串燒，不過款式偏少同埋感覺好似只係整熱左唔多似燒🍤唔多吸引，耐唔耐仲會有廚師敲鐘派啲出面無得拎既野食，大家一聽到鐘聲就一窩蜂衝去拎，其實有時係派啲菠蘿炒飯既cheap野🔔. 🥢 #甜品 💭 呢度地方所限都唔算好多地方擺野食，但按比例尼講甜品都算多，鐘意佢啲cake係成個拎出尼任人自己控制份量咁拎，雖然係會拎得唔多靚，但唔會浪費食物幾好👍🏼普遍既西餅大多數都有出現，值得一提係佢有師傅在場即整窩夫同crepe，新鮮整起熱辣辣實好味，同埋有好少見既蛋散，真係整得幾鬆化好味🧇. 🥢 #飲品 💭 記得以前細個去食buffet啲野飲係逐杯計錢，估唔到依家已經進化到唔只有果汁或者coffee or tea，連罐裝汽水同紅酒白酒都任飲真係大癲🍷.#北角美食 #🐷在北角 #🐷_食
繼續閱讀
食物方面：-刺身：新鮮，但切得有少少大舊，食落去會好滯😛-海鮮：有生蠔不錯😆長腳蟹鹹咗啲😌其他都ok既！-熟食：都ok既，蒸蛋幾好食😋-串燒：嘛嘛地，好硬，唔夠味～-甜品：選擇少，味道一般～服務方面：-ok環境方面：-我朋友覺得冷氣唔夠，有啲熱性價比方面：晚餐$500一位，但食物選擇真係太少，唔抵如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆
繼續閱讀