2月26日, 接咗呀菲放學之後, 我地周圍搵下野食~ 喺呀比想食鹹野, 呀菲想食甜野之下, 搵到呢間糖水舖2樣有齊, 合晒我地心水~ 因為太夜, 基本上當晚有d鹹點都賣清, 其他嘅我地都有叫~

::: 燒賣 ::: $6
可能就收舖, d燒賣擺咗成日… 好硬, 豉油又俾得少…

::: 牛肉球 ::: $6
比燒賣好, 冇燒賣咁硬, 可以接受~

::: 菜肉包 ::: $4
麵包皮過乾, 裏面嘅餡料太少, 似食饅頭多d…

::: 叉燒包 ::: $4
超級差, 直情淋pat pat, 蒸過龍… 最差最差…

::: 渣咋 ::: $15
正宗澳門渣咋wor~ 梗係要叫黎試下! 渣咋好足料, 紅豆、綠豆、紅腰豆、糯米都落得足, 煲得起沙~ 仲有軟綿綿嘅芋頭! 食落甜之餘有奶味~ 不錯~ 而且好飽肚!

呢度甜野可以接受, 不過鹹點真係唔掂, 只係可以叫做坐喺度食街邊嘅篤篤野, 但係水準絕對冇街邊嗰d咁香口~

飯前吃了芒果流心蛋糕，飯後又再吃甜品真的走火入魔了！聽說源記的渣咋較甜，一向「走甜」作口頭禪的我因而決定到鵝記，我與男友兩個蠢人走過頭了也不知道，幸好最好也找得到我點了熱渣咋，男友點了涼粉冰

渣咋 : 其實這是我生平第一次吃渣咋...幸好鵝記為我的「第一次」帶來的印象不差甜度恰好好處，用料豐富，吃半碗已很飽了，餘下來又多得男友才能「清碗」

涼粉冰 : 男友近得我多，口味也改變了，現在他也不能接受太甜，而他啜第一口涼粉冰時「嘩」一聲我已知道他「中伏」了...我嚐了一口，簡直像在飲糖水！因此男友要來了一碗冰水把它稀釋，才能把它KO

可能是人人口味不同，因我見鄰座的男人喝涼粉冰喝得很滋味

三月對小妹來說真是慘慘慘，因為老公和我都打敗仗了，這陣子的細菌真厲害，我倆足足病了近一個月，期間胃口全無，還好在看中醫附近有不少適合我等病人的食店， 鵝記咋渣就是其中之一。咋渣其實不是什麼高難度食品，但用心做的店家也不是垂手可得。這裡的喳咋材料十足，用上紅豆、綠豆、紅腰豆、麥米，還有我喜愛的三角豆和芋頭，各種豆都煲得軟綿，芋頭也選上粉嫩無渣的，加上淡奶增香，聞到也胃口大開。幸好有這碗喳咋，小妹才用空肚吃藥。

是日來到﹐客人只有兩三枱﹐但發覺這裡環境很大﹐相信入夜後會有很多顧客。喳咋平時在糖水店吃到都沒有太多料﹐質地還會是稀稀。 但這裡的喳咋質素不錯﹐用料足﹐還拿其名字作為店名﹐質素當然有一定水準. 喳咋材料包括﹕紅豆﹐西米﹐芋頭﹐眉豆﹐紅腰豆﹐黃薯及木薯﹐而份量亦不是每種少許﹐而是每種大量﹐因而喳咋比較杰身﹐如胃口不大﹐一整碗可作一餐了。

一心想食煲仔飯，點知天氣稍凍，兩間煲仔飯名店都排晒長龍，無40人等都起碼有30人等，無法啦，到附近澳門清湯腩王食過晚飯後，再來這間澳門蔔式「鵝記喳咋」食番碗糖水補數。

因為晚飯食得實在飽，所以比較甜膩的喳咋就唔幫襯住啦，來番碗薑茶湯丸試下先啦！

呢度d湯圓就真係水準平平啦，d皮太厚，麻蓉餡也不夠流沙（有圖為証），沒有佐敦湯圓皇的水準咁好，不過碗糖水只賣$10，都有成4粒湯圓，都算幾抵嘅。而且碗薑水都尚算ok，在天氣寒冷的日子，真的可以稍驅寒意呢！

因為呢度最有名的始終都係喳咋，今次無試呢樣招牌食品，只係試左佢d湯圓，雖然水準只係強差人意，不過為左公平起見，都俾番個ok佢啦，希望下次幫襯試佢d喳咋時有意外驚喜，可以有笑臉吧！

由於要黎到油麻地拎D野，所以就過左黎呢面，媽咪一向喜好食喳咋，見到鵝記當然捉住我話要入去食返碗啦。

我一直也不明白為何大人會這麼喜歡吃喳咋，我就不太喜歡了，因為真的太多豆啦! 碗喳咋黎到我見到都飽左一半，多料多到爆，媽咪話就係咁先好喎。唔似得出面D糖水係咪都要收你廿幾三十蚊，咁佢都講得幾有道理既! 佢落左好多花奶係面，令成碗野香左好多，甜度適中，見到一大堆豆同西米，鍾意有咬口既人真係唔可以錯過。學媽咪話齋，食完佢真係飯都唔駛食，一定夠哂飽。

由於我唔喜歡食喳咋，所以叫左碗麻蓉湯圓，一碗有四大粒，只係$10咋，非常之抵。無可否認佢個皮真係厚左少少，食幾啖先食到d餡，D餡又唔係流沙又唔夠多，不過佢勝在一d都唔會太甜，而且佢碗薑茶真係唔係講笑，勁濃薑味，飲第一啖都濁親! 冬天要黎驅寒真係剛剛好! $１０咋喎，算係咁啦 ！=)

放工後要到油麻地整頭, 扮靚
攬掂後又無咩胃口, 於是搵小小野填下肚就算

於是就係我幾欣賞既渣渣店開餐
黎到呢到不二之選永遠只有渣渣, 因為十年如一日水準十分穩定
價錢也合理

望望下先知原來有腸粉食, 於是又叫了一碟

睇落無咩野, 咬下先知應該日頭賣到夜晚既貨仔,
粉皮也起晒角, 好彩醬夠多, 撈撈下都食左8 成

渣渣如常地料豆十分多, 甜道剛好, 加奶更滑溜十分飽肚之選

人身在油蔴地，要吃一碗出色的喳咋，最好的選擇自不然便會想起在廟街裡頭的源記。但忽然想起在彌敦道大路之中還有一間叫鵝記的，做的是所謂"澳門式"的喳咋。恕小弟孤漏寡聞，是從來沒有聽過或嘗過如此風格的，所以是次趁肚子還有些空檔，就來會一會何謂澳葡式的喳咋....

一碗熱的是給太太的。不想重覆選吃，自己就來一碗凍吃。先參詳一下所用的材料，有眉豆、紅豆、紅腰豆、木薯、黃薯粒、西米、芋頭粒及椰絲，料頭比源記的下得更多，每樣都是預先煲得腍腍的；texture是比源記的杰身得多，味道則較淡口一些。以如此份量而言，對胃納少一點的朋友來說，真的是可以當成晚餐來處理的.....

味道是挺不錯的，若要多花奶的味是更香更滑的，再加上大堆頭的材料，這碗喳咋，仍是值得一試的....

今晚好耐無食、好想食義順，吖！竟然內部裝修無法只好行多兩步食呢間啦。


咋喳，話招牌貨，都不算太差，又多什豆、什豆都幾 "林" ，

又不太甜，甜中又帶有椰汁味，都OK

綠豆沙 + 湯丸，綠豆沙都可以，但湯丸咬一啖就想吐出來

幾大粒都無用，湯丸的粉皮好好好厚，內裡微的芝麻實 "均均"，芝麻香味完全無

眞是非常差重未食過這樣差的湯丸。

同朋友路經鵝記，決定往內小歇。

朋友叫左西瓜涼粉，佢話唔錯，西瓜球夠多同埋清甜 ~ 涼粉都爽口，糖槳較多，偏甜，但整體感覺唔錯。

而我就叫杏仁露: 應該係用粉即沖的，好甜，係太甜果隻。食唔出有杏仁味，好似係茶餐廳飲杏霜咁，只不過佢既係比較杰身少少。

一笑一喊，拉勻變做 ok 啦 ~ 不過價錢真係幾抵喎。

出名喳咋,當然係要讚喳咋啦~
豆多都呢.....睇相就知~
又有西米芋頭~~全都是我的最愛~
我唔like榔汁~唔落都好味~因為本身有椰絲呢~
食一碗~真係飽曬~

去完廟街...未食飽...
咁就食糖水la!~
叫了芝麻糊...
同芒果豆腐花..
芝麻糊係凍0既....唔夠甜..亦唔夠芝麻味...好彩凍佢都唔會一patpat..算滑....
芒果豆腐花...too bad...有芒果味...芒果酸....怪..豆腐花還豆腐花..芒果還芒果...
macth 唔到....豆腐花又唔滑...失望...
冇下次....

平時如果返咗屋企,真係火燭燒到埋身都唔願落街!突然唔知點解好想食糖水…諗諗吓就落咗街行行吓就入咗嚟!見到佢掛正頭牌賣喳咋,就要咗一碗熱嘅！唔識分佢係澳門定馬來西亞只知真係好多料!乜荳都有咁滯,仲有西米、芋頭同一條條椰絲.甜度亦都啱啱好!下次一於買外賣!自己加Ｄ唂咕粉仲正！)食完真係飽飽地!

同知己食完個拉麵後行過對面呢到食糖水

熱喳咋: 唔掂﹝可能我都係偏好杰杰地既口感, 下次都係食凍既好﹞d西米熱食好似食唔到咁, 失去左佢既存在意義。不過d料真係幾多

湯圓: 好大! 不過都冇用, 因為唔流沙, 芝麻味唔香

而且我個喳咋加湯圓兩粒要俾多$4, 唔好食唔抵囉!

佢既格局都幾特別, 唔似湯水鋪, 反而似間雲吞麵店

呢度食吓，嗰度食吓，不知不覺都飽嘞，係時候食甜品。行番出彌敦道嘅鵞記，整番個熱甜品食吓先，要咗：

渣咋：呢度嘅招牌糖水，上枱時個賣相都幾靚，花奶澆得好有藝術感！ 鵞記呢個渣咋超多料，有紅腰豆、眉豆、紅豆、花生、雞心豆、麥米、西米，仲有啲唔知係咩豆；當然仲有芋頭！料煲得夠稔，芋頭差唔多要融添，甜味唔係太重，成碗糖水勁多渣，唔係好食渣嘅會覺得唔好食，鍾意食渣嘅食完會好飽！

芝麻糊加湯丸： 芝麻糊真係唔得喎，好稀仲好似我自己喺超市買即食嗰啲返屋企煮一樣味道，仲要好甜！湯圓就好一般，芝麻餡又唔夠滑亦唔係太香，個皮都幾厚！

下次都係淨食渣咋算嘞！