放了好幾天假終於到了尾聲，第二日就要返工，夜晚徒步到禾輋吃陳根記。

食家螺癮大發未到達已講一定要食辣酒螺，咁當然呢樣係其中一味啦，另加一個鹵水拼盤及一碗蠔仔粥。

鹵水拼盤有鵝片、墨魚、紅腸、鹵肉、鹵蛋及鹵腸等，樣樣都做得夠味亦香濃，唔洗蘸任何醬汁都已經好食，係嫌佢0的鵝好鬼肥，無咩肉食﹗

蠔粥以為是潮洲粥，點知原來佢地的是生滾粥，粥底綿蠔係亦新鮮不腥，$18碗抵食﹗

最後當然係主角辣酒螺，上枱有爐滾住夠哂熱，花螺相當大隻，講真我地成日食辣酒螺呢間的都算是最大隻的一間，肉身爽而彈牙，汁亦重酒香夠辣，好味﹗大約加加埋埋有十四隻左右，$68不算太貴，滿足哂食家既慾望，抵食﹗

啤酒獅威細支裝28蚊有半打，抵飲啦，埋單$168，好意頭﹗

7個人開飯, 叫左8個餸, 有個蜆等左好耐未黎就走人

雞特價, 肉地幾好, 又有雞味, 不個個汁好咸呀~
開邊蝦都好新鮮, 好似68蚊, 都ok
蠔餅 (我一向麻麻) 其實都ok既
芝士豬扒, 好正, 好掛住~
時菜班片, 都good
唔記得咩飯, 都唔錯
香煎"負"皮卷.....好難食...唯一一個好難食...

夏天去都幾hot, d餸好大碟, 多人去先好, 可以食多d款式

個日無帶相機, 又手陣 =.=

陳根記係我食過最好食既大牌檔.有鑊氣,有風味,選擇多.
風沙雞,清湯腩,必食.風沙雞皮脆肉嫩,清湯腩又淋又入味.
其他大路野辣酒煮螺,蠔餅,瀨尿蝦,椒鹽豬扒都好有水準.
今次朋友叫左個柚皮,原本我唔係好食,但係食落又幾得意.
但係人實在太多,六點幾已經差唔多坐滿.遲少少都幾難有位.

夏天熱辣辣，黎無冷氣既大排檔食飯的人無甘多，所以我地來到就有位了！
坐底已流晒汗，成餐飯飲左八枝大啤。唔知係咪太熱，覺得食物質素無上次甘好 …
卥水拼盤：卥水味好正又入味，我最鍾意食鵝片。
黑椒牛仔骨：肉嫩 juicy，夠火侯野味。
蒸三色水蛋：好滑好滑！撈飯食一流！
三味倉魚：味道太咸；倉魚細條無咩肉食。上次食家鄉的魚好好多。
蒜蓉蒸開邊蝦：蝦唔夠彈牙新鮮。
蒜蓉蒸扇貝：扇貝鮮味，好過蒸開邊蝦；蒜蓉份量好多，正！
炒蟶子：一般，可能我一向唔鍾意食。
椒絲腐乳通菜：椒絲腐乳味淡，只係有咸味。
下次再來一定要天氣涼些 ….

8月21日（星期五）晚，是晚女友來接我收工，然後一起去吃晚飯。由於女友想去吃大排檔，我們就坐巴士去禾輋村，落車後行了一會兒，離遠已經望到燈火光明的冬菇亭，較為知名的「陳根記」就人氣旺盛，隔離「樂園」就客人稀疏，女友說基於羊群心理，會選擇「陳根記」。我已經記不起有多久沒有來過，感覺上比以前地方大了和光猛，所以很容易就找到空檯坐。食物選擇依然很多，還有燒味供應，看過餐牌後，女友竟然想吃咕嚕雞球，而我就點雜菇炒鴕鳥肉。之後我們想吃點（殿）粉質，但一大碟的炒粉麵對於胃納小的我倆來說實在不勝負荷，突然看到有燒味湯粉，就來一碗叉燒湯米。這裡的廚房要應付那麼多檯人客，上菜速度卻沒有因此變慢，而且有條不紊！

咕嚕雞球：甜酸汁的平衡度很高，醬汁份量亦控制得恰到好處；雞柳炸漿很薄且炸得香脆，雞肉依然嫩滑，份量亦不少；
雜菇炒鴕鳥肉：雜菇頗新鮮，種類和份量亦較多，而且還加了黑椒去炒，幾惹味，不過鴕鳥肉就被化學品弄至肉味全無，咀嚼乏味，而且頗油膩；
叉燒湯米：叉燒的份量比想像中多，米粉更盛滿整個碗，份量十足；叉燒偏瘦，但總算肉味尚濃且嫩滑不韌，米粉煮得較硬，湯底亦不像是味精湯，味道較清。

雖然天氣有點悶熱，但我倆吃得很飽、很滿足，不過如果可以和一大班朋友來吃，相信會更盡興！

番左黎3個月
食左3次陳根記
我地住係大埔都特登黎
抵食同埋係呀媽既to go list

我鐘意食呢度既豬大腸 不過今日冇叫
３個人叫左炒聖子，鱔，手撕雞

炒聖子
好好味
好鐘意食呢度既聖子　惹味！

鱔
第一次食
送飯一流！同呀爸叫多左碗飯
脆脆地又唔油　正！

手撕雞
一般　無咩特別
同埋我地個碟好似少ｄ咁　
見到隔離個碟大ｄ

總括黎講
食左咁多次
都係提議大家食ｄ＂鑊氣＂送　
手撕雞同之前試過既棒棒骨都係一般

都係小炒最好
始終鑊氣係大排檔既一大買點

番左黎3個月
食左3次陳根記
我地住係大埔都特登黎
抵食同埋係呀媽既to go list

我鐘意食呢度既豬大腸 不過今日冇叫
３個人叫左炒聖子，鱔，手撕雞

炒聖子
好好味
好鐘意食呢度既聖子　惹味！

鱔
第一次食
送飯一流！同呀爸叫多左碗飯
脆脆地又唔油　正！

手撕雞
一般　無咩特別
同埋我地個碟好似少ｄ咁　
見到隔離個碟大ｄ

總括黎講
食左咁多次
都係提議大家食ｄ＂鑊氣＂送　
手撕雞同之前試過既棒棒骨都係一般

都係小炒最好
始終鑊氣係大排檔既一大買點

因為是中大人ge緣故，以前十次食大牌檔九次都係去火炭泰源。今次中同聚，返左去母校附近ge陳根記。飯腳依舊，但個個都大學畢業了。由於係全男班，我o地6個人叫左6碟野、6碗飯同6罐啤酒，「六六無窮」咁話

Wasabi手撕雞半隻 ----------------------用料都幾「對板」，除左雞絲之餘有海蜇、火腿同少少 蟹籽，wasabi唔太濃，所以較易入口。第二度食唔到ge，值得一試。

時菜炒班片 ------------------------ 雖然斑片係普通貨識，但係菜心同炒功都同唔錯的，總算不過不失。

黑椒牛柳粒 ------------------------- 材料係下價野，一食就知。肉料偏韌、牛肉味淡，係全晚最差ge一味

粉絲魚湯豆腐 ------------------------ 頗清淡ge一味。食完之後撈吓個底先發現仲有d蝦米。如果叫得太多濃味野，有佢中和吓都OK的。

椒鹽鮮魷 ------------------------ 炸得鬆化又唔太咸，點酸汁食好過點鹽，應該第一碟食開開胃。

椒鹽排骨 ------------------------ 其實即炸蒜片豬排。一般大排檔feel ge食物，水準唔差但亦無特式。

整體來講，依餐費無幾，食物亦交到貨，OK啦! 小弟認為食大牌檔最好係6-8人左右。因為6人以下，試唔得幾款 ; 8個人以上，又未必碟碟都試到。至於三兩知己，都係去第二度叫SET DINNER 算啦!

星期日 父親節
一家人去左呢間食晚飯，之前都食過幾次了，其實覺得係幾好食
佢最特別的地方係，佢會買一d有泰國口味的菜色
我最鍾意佢地冬陰功大蜆，真係好正嫁，d冬陰功得住泰國菜館
另外佢個手c雞，都好好食，"點"個個汁，都係有d泰國口味
但有一樣嘢係難頂d，但呢個問題，每間大排檔都有
就係非常非常熱，好似而家呢d天氣，食到成身大汗，真係幾辛苦嫁

曾有一段時間，這位於沙田瀝源的冬菇亭 --- 陳根記，頗受食客談論，好評也不乏，可惜不是住在那一帶，沒機會品嚐到，今天多得兩位食友穿針引線，造就了這一頓晚飯。

試菜那晚天氣果真炎熱，加上胃納不是太佳，口味上偏向一些香口和開胃的菜式，打頭陣是「醉翁烏頭」，揉合了潮州魚飯和醉雞的造法，將烏頭魚煮熟放涼後，浸泡在紹興酒內，重濃酒香之中，也吃得著淡淡的魚鮮，可惜經過長時間的浸泡下，魚肉呈鬆散之象，雖然是不俗的黃油貨色，始終有所遺憾。

打後兩味是金沙椒鹽骨和炸子雞兩味，都是以香口取勝，惟用的食材卻是雪藏貨色，金沙骨鑊氣甚佳，肉質則欠所鬆化，炸子雞雖是脆皮，吃入口發覺其肉甚乾，juicy欠奉，更遑論，今年內也吃過多頓炸子雞的菜餚，這半隻明顯比了下去了。

臨尾用一個清淡的上湯魚肉釀油豆腐作完結，內裡的粉絲索了上湯，還算不俗。那晚連白飯、酒水也欠奉，每人承惠$66，雖然不貴，論當晚的滿意程度，只能說句「不過不失」。有可能不懂點其招牌菜式，大排檔眾多選擇，這裡不是心頭好。

題外話是見其燒鵝賣相不俗，隔兩星期後也買了一份剛出爐的例牌試試，不夠脆皮，也肥了一些，勝在趁熱下吃著鵝香，肉質也嫩，算接受了。

說起上來,冬菇亭有很久歷史的嗎?又不盡然,沙田區的發展不過是這三十年的事,區內的屋村自然沒有牛下,蘇屋這些"夕陽"屋村般歷史悠久.在我出生的年頭,這個古名叫"瀝源"的地方,仍屬一片處女之地,有待開發.聽一些年紀比我大的前輩講,當年的沙田,充滿著鄉村風情,是學校的校外旅行熱點之一.自沙田馬場興建之時,沙田便開始起飛,時至今日,已經成為多達六十萬人口的大區.

言歸正轉,繼上次沙角村"金沙角"之旅後,上周再一次去到沙田屋村冬菇亭,是次目的地是禾輋村,其實事前選擇是在屋村領匯商場內某客家飯店,因沒有位之故,所以我們三位麻甩,寧不涼冷氣,冒著大汗疊細汗之險,去到屋村內的冬菇亭內,人氣最旺的檔口"陳根記".

在炎熱的晚上,鑽入去水洩不通的冬菇亭內,不容易找到張細檯,面對著電視機,同養著"招財魚"的金魚缸,電視送飯之外,更加魚樂無窮.三個人看著菜單,我沒有來過,點菜方面待另外兩位友人安排.場內的啤酒妹又是嘉士伯,但賣的是德國牌子的麥啤.好一個"丹麥血,德國心".陳根記是港式牌檔,店內也有一些潮州菜式供應,有鹵水拼盤,蠔餅等等.最先來的一味,是醉翁之意旨在烏頭的"醉翁烏頭".

這一尾烏頭是涼食,即是潮州人說的魚飯.烏頭用酒浸過,魚肉纖細,食落帶有酒的幽香,可是這陣幽香,除僻去腥味之外,連魚味也蓋過.

來到牌檔,總會來一味香口的椒鹽菜式,即是等於去到酒館,一定要一品脫生啤一樣的道理.是夜點了椒鹽骨,說是骨,吃下去很有肉地,質感鬆化.而椒鹽,金蒜的惹味,令人胃口大開.小時候對沙田的期待,除彭福公園之外,便是燒乳鴿.每次山長水遠入到去沙田,總是開心,因為有燒乳鴿吃.那時候不懂得誰是吃鴿的名店,求其去區內酒家吃到一頭,已經樂得大半天.回到學校又可對同學仔"炫耀"一下.

這次來到禾輋村,沒有乳鴿,有炸子雞.吃炸子雞一定有蝦片為伴,而配角的蝦片雖然是"飛機"貨色,依然吃得滋味.回到主角炸子雞,雞皮脆口,肉質就略嫌一點老.在新鮮雞奇貨可居之下,妄想著麗梅姐的金句"雞有雞味".最後上的魚湯浸釀豆卜.在豆卜內釀上打成膠的鯪魚肉,用魚湯浸著上,正式"魚中有魚".喝一口魚湯,很甜,沒有腥味.

熱氣沖天,加上現場座無虛席的人氣,講句話也要用高八度的聲線.若果在平日來,情況或許會好一些.

7-8年前，即中6-中7開始.... 去大排檔多數都會choose陳根記
3年前的暑假，有大約半個月時間都在禾輋上班，每天的lunch都係佢...

到現在...每次去都會叫一些之前沒有嚐過的

this time... 貴妃chicken & 炸桂花餅(即墨魚餅) & 魚湯煮 "讓"豆卜

貴妃chicken 好好好好好滑呀.... 又整得好香...

而桂花餅就估佢唔到.... 彈牙...有咬口....墨魚味十足!!!!

魚湯豆卜呢... 又係好好味ga... 個湯好鮮好甜... 係冇味精ga... veryveryvery good!!!

期待下次再去

半隻白切雞--->如果唔點薑容就一d味都冇
例牌燒鴨------>淨係得d骨&皮，冇肉o既，仲要收五十幾蚊
青蒸火點------>最正常，但係蒸到太老
炒聖子--------->超咸
蒜容蒸扇貝--->得過咸字，冇鮮味
藥膳雞腳------>ok
炒菜心--------->又老又黃又有渣
三絲炒麵------>好多油

結論:把鬼

屋企提早做節,因而選擇了這間食店
是次點了大約8人份量的食物

椒鹽鮮魷-ok還可以
蠔餅-足料,但好油
海蜇手撕雞-味道不錯,但碟底好奇怪有雞脾骨
燒雞肝拼燒肉-燒肉肥瘦岩岩好,雞肝都好好味
沙拉骨-太多梳打粉
薑蔥魚腩煲-d魚好多好大件,d薑點埋d汁撈飯好好食
粉絲大蝦煲-d蝦好多同勁大隻,又多粉絲,個汁又係送飯一流
馬拉盞炒什菜-好正
有味白粥-每人叫了一碗,因為真係好好食
11蚊3罐汽水

服務:人手不足,要行出去追住個侍應落單
大排檔風味,環境只是一般,但食物一流

這日終於搞掂哂去越南的簽證、酒店及機票等，一切有了定案心情自然輕鬆，所以去左陳根記﹗

雖然入夏，也未算太熱，陳根記亦四周都有大風扇吹住，飲下啤酒唔太覺熱﹗

嘉士伯$32半打，不過我反而推介$22半打的獅威，味道比嘉士伯更好﹗

先來一個椒鹽鮮魷，炸漿不厚微脆，入口陣陣香濃魷魚味，椒鹽吊出其鮮，爽口亦彈牙，一件又一件下酒一流﹗真的好吃﹗

再來一個豉椒蟶子，大約有廿隻左右，鮮甜無沙入味，不錯﹗

辣酒煮螺連鍋連火上，可惜個火有等如無，等左好耐個汁都未滾的，螺都幾多，入口輕嚼轉來陣陣辛辣，可惜酒味較少，總覺得一路熱住的話酒味必會揮發而去，臨熄火前灑上酒再原鍋上應會更好﹗

最後仲有每次來到必叫既海蜇手撕雞，雞肉滑溜易食又大碟，這兒的必吃食物﹗

埋單一人八十蚊，坐左成兩個鐘仲睇埋巾幗梟雄，很不錯﹗