為祝福honey工作，乘機又食火鍋。本想去九龍城，但看戲後都夜了，便再到山林道的火鍋館。因為老公也很愛此店。

已經是第2次惠顧了，仍然是很好的水準﹗

環境 - 中規中矩。尚算舒適。最好訂座，因為差不多天天也很滿。
服務 - 好，貼心，也不會迫客人點貴價海鮮。
食物 -
A - 湯底 (蕃茄豬骨湯) - 不重味精，蕃茄又多，豬骨又滑，絕佳。
B - 配料
(1) 雪花肥牛 - 脂肪均勻，有咬口。比上一次吃的極品和牛更好，因我個人不愛太「酥」。
(2) 翠肉鯇魚 - 很鮮甜美味﹗
(3) 魚皮餃併手打黃金墨魚丸 - 很好，各四粒，不多不少，適合2人。魚皮餃明顯精心包的，很好吃﹗而黃金墨魚丸內有蛋黃，正﹗
(4) 牛骨髓 - 一樣不錯
(5) 炸魚皮 - 推推，即叫即炸，水準之作﹗下湯也不會變「鯰」...好惹味脆口﹗
(6) 皇帝菜 - 份量多，而且打邊爐最好﹗

整體而言，各方水準也很不錯﹗價錢都算抵了，是很好的火鍋勝地﹗

這幾天有德國的同事來港工幹,其中一位是第一次來訪亞洲的 (東南亞不算在內) 老闆嚷着一定要讓他嗜嗜打邊爐(港式火鍋)的滋味~ 他說: 對老外來說, 吃火鍋是一件讓他們大開眼界的事! 尤其是第一次接觸香港, 一定要試!!! 無論他說什麼, 總覺得是他自己想吃多於一切...

老闆着我找家好吃的火鍋店, 價錢不怕貴, 但也不要太貴. 適逄是夜正好是母親節, 想吃火鍋應該不容易找到位子, 所以早在幾天前已經預訂. 打了好幾家有幫襯的都已經full booking... 走到這裡找了找, 找來了這家從未幫襯過但好評如潮的"火鍋館".

從此, 我的心水火鍋店又多一家!

<<是夜菜單>>

響螺花膠雞湯底

好補的一個湯底, 落足料! 我們在開始吃火鍋前每人先來了一碗淨湯, 非常清甜, 好味!


本地牛皇

打邊爐牛肉真的好重要!!! 這裡的可算是頂級水準!!! 果然是牛皇!!!


珊瑚蚌&桂花蚌

不知是否今天的來貨不夠靚, 新鮮是新鮮的, 但卻缺少了蚌類應有的甜味... 埋單時看似是老闆的伯伯問我們為什麼吃剩半碟有多, 我們跟他反映之後, 他們把兩碟蚌的價錢刪掉了, 真的謝謝啊!


鮮帶子

好新鮮好好味, 正!!!


墨魚丸

自家製的墨魚丸, 內裡有粒粒的墨魚肉, 非常好味!!! 可惜一碟只有六粒, 太少了...


生蠔

鮮甜又大隻, 但成枱人竟然只有我一個人喜歡吃蠔, 吃得我好飽濟啊...


還有黑柏葉, 墨魚滑, 金菇, 鮮冬菇等等~

在尾聲時第一次來港的同事說很想吃魚, 我們就派了他去魚缸親自挑選, 十多分鐘後鮮魚已被做成魚片上桌, 他一邊吃一邊讚, 這應該是他最滿意的一道了!

吃火鍋我通常都點酸梅湯的, 但公司飯局就逃不過要開一,兩枝紅酒. 這裡供應的是來自阿根廷的紅酒. 第一次喝產自南美州的紅酒, 想不到也滿不錯啊! 果味較重所以易入口, 而且口感豐厚, 有點意想不到!

四個人消費了接近HKD2000, 以我們點的菜來說價錢挺合理~

晚飯後那位同事不停的向我道謝, 說香港的菜真的讓他大開眼界, 其實只不過是很小意思... 弄得我有點不好意思呢...

之前都成日聽呢間野個名架喇，但就無話的起心肝去試囉，今次約左一大班friends去打邊爐，咁就諗起呢間，所以即刻book位試

整體黎講，食物用料係幾正既，不過正所謂一分價錢一分貨，係比一般打邊爐貴小小，但都係貴小小咋bor，抵喇，最緊要好味

都係叫返平時普遍既野，無特別叫海鮮，但都好味道

但最意想不到既係，佢d甜品，嘩，簡直好味過d甜品店呀，尤其是個心太軟，實在太正喇，真係好想快d又去多次先

除了佢地D牛肉出名外,大家都要試下佢地D甜品........都不錯.特別係佢個冰震芒果試管..D芒果非常新鮮GOOD AH...其他撞豆腐花,同cheese cake等等都不錯.而佢D甜品都好有心思所以大家不防一試

前兩日忽然諗起食火煱, 即刻走去火鍋館, 雖然無訂枱,但係6:00去到,佢地都肯比左張枱我地先. 呢度D員工好有禮貌又細心. 我地想飲熱嘅竹蔗水,佢哋二話不說即刻幫我哋整熱佢. 又會定時定候幫我地加湯,好醒目

之前食過花胶湯底好正,今次反樸歸真,叫左個沙爹湯底,好濃沙爹味,絕不欺場.

牛肉分兩種,選了雪花肥牛,貪佢有牛肉味之餘又唔會太"淋".

一定要食牛肉粒, 好有口感 不過唔好一放落去都食,最好等＋分鐘先食就good fit .

另外叫左五宝丸,魚麵,蕃茄餃同帶子, 全部都好有水準,雖然價錢都唔平,但係一分錢一分貨嘛 自己本身偏好午餐肉,雖然大家都係鑵頭貨,但係我就覺得都係宝哥味館嘅午餐肉最好食

呢到老闆同圈中人應該好friend, 次次嚟都見到明星. 嚟過幾次已經見過方力申,stephy, 林峯,吳唱k 同三哥苗喬偉 有次嚟撞啱Dragon-I 係度擺annual dinner, 白行一趟

講明『一二二五』就更係聖誕正日。四哥夫婦已光顧了數個年頭,是晚邀約一班朋友一行11人早就訂左9:00超正料靚火鍋館,各人先在12種醬料來個大混醬後,湯底點選左滋補"花雕醉雞鍋"陣陣適中藥材香味, 跟住一定要來碟"新鮮手切牛肉"同伙計講要(大肥有根)先夠金香好味食落"有趙頭"一流所以我地食左四碟大肥有根金香靚牛,仲有爽口"魚子墨魚滑"亦是必食之選, 另外來了兩客"墨魚剌身"亦新鮮好味,再加個"黑柏葉"只要稍拖十下就食得爽脆非常。將近尾升大家要了好正的皇帝菜果真鮮嫩,是晚每人共花費$230大元, 食到高質靚料火鍋。
呢間火鍋館最給引我之處就係佢地既 "牛肉", 食火鍋一定要對牛肉有要求,而佢地就做到我口味, 本人覺得食牛最正部位要講到 "抓位 , 牛肩脊" 兩個都要帶肥而要有根,噤先至可以實現到我既要求"有趙頭"呢三個字先至係正,另外而佢地D劍魚同池魚剌身都係每天由日本空運到港好新鮮兼且入口即溶正

手切肥牛-聽人講話好好食,所以去試吓真係幾好味,唔會太過肥,唔'un'2個人都食左2碟大嘅
各丸類都幾好,嶺魚球,墨魚丸都幾有鮮味
地方又乾淨,good

是晚同事攪慶功宴，順道慶祝２００８新一年伊始，訂了獨立房間，最低消費一千蚊，我們一行八個人。食物選擇很多，環境幾好。本來點了手切肥牛，但後來有侍應哥哥進來說，手切肥牛今天「唔夠靚」，有冇興趣試下雪花肥牛，同事看過點菜紙，雪花牛比起手切肥牛貴幾十元，我們心想：．．．不過最後也點了雪花牛。

各款食物質素都不俗。正如好多朋友說，火鍋店開到成行成市，豐儉由人，吃得貴少少的，總想有較舒適的環境，好ｄｄ既服務。這間店子有好幾位侍應哥哥和姐姐服務都很好，唯獨有一位男士，不知他是否已辭工，今天是ｌａｓｔ　ｄａｙ，還是他給老闆老婆女朋友了，招呼特別，在迅雷不及掩耳之間就把湯倒出我們的鍋裡．．．我們叫停當然來不及。其實我們的要求很簡單，加湯之前問一問要不要加，就是了。最後，時間差不多９時了，那位男士進來，見我們各人也停手了，於是說：「不如幫你們埋單先，你地應承９點交番張！」

無偈，我們一齊O晒咀。不知我們的樣子是否好像想「賴死唔走」？坦白說，香港地真的還有很火鍋店可供選擇。

With so many choices for hotpot nowadays, it's getting tougher and tougher to stay in the business. Read about this place in a magazine and decided to try it out with some old classmates as a reunion. Seating was reasonably comfortable and the service was quite decent as well. However we were disappointed with the lack of stock for "beef cubes" which I wanted to try the most. Surprisingly, almost everything we ordered were of good quality. The beef was just right, not too fat/thin and the texture was right on the spot. The raw oysters were huge, very fresh and sweet. So were the prawns and the "jeung but pong" sashimi. Hand-made cuttlefish balls were very tasty too. Place is not cheap though, we ended up spending around $1250 for 5 people. One thing to note is that they have 2 dinner slots and if you go early they might ask you to return the table by 9pm for the second round. We stayed there from 7-11pm without hurry probably cos it was a weekday; tables might be tighter on weekends.

早前看食評，感覺都幾好，之後便決定一試，約了兩個朋友，四個人一起到。
叫了皮蛋芫茜湯底、墨魚滑、桂花蚌、白鱔片、豆腐、波菜餃和酸梅汁。
皮蛋芫茜湯底- 芫茜和皮蛋的份量很多，所以芫茜味很香濃、可惜之後只加熱水，越食越淡味；皮蛋唔算好靚，份量補夠。
墨魚滑- 載墨魚滑的容器很特別，可惜墨魚唔夠香，只有爽口，雖然唔差，但又未算好好食。
桂花蚌- 新鮮爽口，味道唔錯。
白鱔片- 細骨唔算多，但鱔片唔得肥美，又唔夠香，普普通通啦。
豆腐- 幾滑幾有口感。
波菜餃- 見個名幾特別，就決定叫來試試，可惜皮厚波菜味唔夠，味道一般。
酸梅汁- 想不到返而這杯飲品味道幾好，又濃又香。

價錢唔算太貴，但今次試的食物一般，可能牛肉會幾好，可惜我們唔食。

一行十二人去打邊爐，山林道都有不少選擇，但有人話呢間既肥牛好正，就去試試啦！預先訂座，準時入座，無須等候。

點菜有人負責，不必費神。火鍋湯底分別要蕃茄豬骨湯和蘋果雪梨無花果。湯底不算特別清甜，且中途是加水的，不值一讚。

火鍋料要手切肥牛、牛肉粒、鵝腸、蝦丸、桂花蚌、墨魚滑、泥"萬"、田雞、菜等等。熟食則有雞泡魚乾、煎鵝肝、牛肉等，另有紅魚刺身和中蝦刺身。啤酒汽水當然唔少得。

肥牛有兩碟，第一碟中只有一半是有肥肉，不太好；另一碟就比較有水準。牛肉粒唔錯，粒粒有雪花紋；鵝腸十分肥美，中間的肥肉証明了鵝腸是新鮮的；泥"萬"估唔到咁鮮甜，且肉算多；其餘火鍋料都可以。

雞泡魚乾點沙律醬，幾開胃；鵝肝就較失敗，味道唔夠濃，也煎得未夠。而刺身就普通，不算特別鮮甜。

呢d地方食野，服務一定唔會好好，但基本的都算做到了。還有Asahi小姐勁sell，都不知開了多少枝啤酒。埋單約$2800，可接受！

一路有用開openrice﹐決定寫番D野貢獻些微綿力
不過等密碼等左好耐﹐所以上星期四食而家至寫

上星期四一行九人去火鍋館慶朋友生日
訂位o個個人態度真係麻麻﹐無咩禮貌
講野好似好勞氣o甘﹐又唔可以留19:30之後o既檯。。

去到仲望緊menu﹐未揀到野
就不停有人o黎推介叫我地食D熟食or刺身
食住揀o甘話﹐雖然唔係態度唔好﹐but都好煩
食物質素就唔錯﹐帶子超巨型﹐手牛都唔錯
係唯一我地叫完又叫o既野
埋單除八個人﹐都係$250﹐唔算好貴
我地都飲左好多Asahi﹐我唸D啤酒好平

p.s.之前有人話幾多artist去﹐估唔到第一次去就見到有
係黃德斌﹐真人好瘦﹐好似無o甘型。。^.^

同屋企人去. 首先真係好似涮羊肉咁先提供調味, 有XO醬, which 我娘親十分欣賞.

我地order嘅材料如豬腰, 一啲都無腥味, 洗得乾淨得嚟, 亦非常新鮮.

最好係佢嘅牛肉, 個captain/部長介紹嘅, 真係好新鮮同嫩. 真係入口即溶咁. 係我記憶中比較好味嘅肉.

好食呀!!
朋友介紹，唔少Artist都會去幫襯呢間打邊爐。
好彩book定位，否則真係要排隊!
湯底做得好好，蕃茄湯底最少有廿幾舊蕃茄，
上桌時雖然湯唔夠濃，但因材料好足，煲煲下就越來越出味，食到尾都有仲有蕃茄食，好開心!
同桌都叫左雪梨湯底好清甜!沙嗲不錯，好入味!十幾人叫左三款湯，大滿足!
-
店長推介的鵝腸夠肥，勁好味!有人話瘦先好食，個人覺得想瘦唔好打邊爐勒!瘦腸即係食腸衣咋喎!
-
本地牛係必定要食!好到不得了，勁有牛味!開頭諗住食少d牛但真係停唔到!反而美國牛可以慳返，相比之下美國牛淡而無味。本地牛真係要食呀!我一路食一路嗌：痴線!超好食!點可以咁好食!
-
墨魚滑等等好出色!
-
如果想坐得好d其實可以訂房，但大廳空氣亦流通，嘈左少少啦，有電視睇!
-
一定會再去的!

莊友帶路，一行十人，預留了房間(surcharge $150蚊，包茶醬介)，個人認為抵玩，因為大堂環境烏煙障氣。

我們點了兩款湯底-雪梨無花果湯和招牌蕃茄豬骨湯。雪梨無花果非常清甜，無花果有吸油作用，較其他湯底健康，招牌蕃茄豬骨湯卻丁點茄味都無，一致通過唔掂！

這裡的牛肉認真唔錯，比我和男友鍾愛的「謙記」還要好。大部份女孩子都喜歡本地手切牛肉多過雪花肥牛，我也例來，雖然雪花肥牛較淋身，但手切手肉味較濃而且有咬口。男孩子則prefer較多marble的肥牛。

推介這裡的墨魚丸和墨魚滑，鮮味十足。菠菜餃和雲吞都唔錯，魚皮餃偏咸，可以不試。牛丸非常巨型，我和男友都覺麻麻，但大部份莊友都讚好。羊肉勁膻，我OK，男友怕怕。

最最垃圾的是魚蛋滑，有異味，口感帶粉。

埋單$160蚊位，價錢我覺得OK，不過我哋少男仔，如果男仔多，係數都幾襟計。