是曰相約久違的友人見面順道為母親選份母親節禮物。可逛了一會便開始下起雨來,友人便提議到高氏找cafe坐坐。想著不如由最高層找起好了,看到9樓有間amour,名字滿特別的,便決定一試!
進門便看見一名笑容可親的女職員,她帶領我們到窗口的位置。感受到店員的親切便不自覺地微笑了,下雨天其實也不錯
和友人都不太餓,便只點了兩杯飲料!一杯是熱棒子朱古力,一杯是芒果椰果綠茶。本來是配蘆薈的,可是友人說不愛吃,正煩惱的時候,店員說如果不吃蘆薈轉椰果也沒問題的!
等了一會,飲品來了!賣相不錯!
友人說她的朱古力榛子很香,但略為甜!我的芒果椰果綠茶則算是不過不失吧!
兩杯飲料,我們談著天地坐了2個多小時。店員不時過來為我們加水,可能聽到友人說有點不舒服,店員後來還為我們送上暖水,又問我們需要把冷氣關小一點嗎。
或許太久沒有遇到人情味的店員,那刻覺得很感動!或許覺得這些只是小事,但在我來說這是只有在小店才能感受的溫馨。
聽著悠揚的英文老歌,我在雨天過了一個溫馨的午後

本來在or看食評, 見這兒似乎不錯, 就選這地方來個假期休閒度日和朋友詳談。

在網上訂檯了, 可能是長假期中的下午, 客人不多。
這間有午餐和下午茶餐供應, 也有單點的小食, 但飲品選擇不多, 小妹想喝yogurt類的卻沒有 =[

朋友看到menu上的花茶有個好漂亮的茶壺就轉呔點了櫻花花茶。結果來到的是這個樣子的茶壺, 而且那茶具似乎已用了很久很久, 看起來像是很髒…… 感覺中伏。
再喝1口, 是甜的, 這說是櫻花味但有點像草莓味, 更加感覺中伏。

小妹本來想喝草莓奶昔, 後來侍者說沒有草莓了就轉成香蕉奶昔。等了好久, 香蕉奶昔姍姍來遲, 但是水汪汪的, 味道更似是現在零食店買到甚麼香蕉奶的那種味道, 也是中伏的了。
而且這個奶昔杯, 看來更殘舊, 膠杯用到已起積…… 空杯是就更覺眼。除了器皿, 店裡整體都感覺不是太清潔, 不知道是不是自己太介意, 但這實在對觀感有很大影響, 不會再選這間café了。

今日黎到哩間餐廳見到客人不多、得幾枱客、又見幾靜可以同朋友傾計同她慶祝生日。
丫!入到去播住jazz音樂又幾好氣氛，跟住我地自己帶左個蛋糕去，原來免切餅費，其實都唔錯。
咁我地4個人就點左3個唔同嘅餐同2款小食，又可以share食、
點左個黑松露什菌意大利飯、韓煎雞扒同個卡邦尼意大利粉，仲有藍芝士雞翼同蝦餅！

個黑松露什菌意大利飯好香，啲飯粒粒都有黑松露香味！菇方面都唔少，個飯分量唔多，但都夠食。
跟住韓煎雞扒原來係用個好似韓國泡菜汁黎煎，都幾香口，有少少辛辣味好開胃，配左薯菜，係薯格黎，分量都唔少。
仲有個卡邦尼意粉，有啲驚喜佢係用扁意粉黎整，好食過普通果啲意粉好多！估唔到好似呢一類型嘅小店係入貨方面都幾有水準噃。
主食方面確係ok，小食方面其實都唔差，只係略嫌個份量少左啲！

野飲方面其實我睇前幾個食評都見到話啲朱古力唔好飲，我本來都唔係好敢試
但店員又推薦呢個夏威夷果朱古力噃，好啦咁又試下啦，其實又唔差噃，幾香果仁味又濃朱古力味！
另外一位男性朋友想飲酒，原來跟餐可以加$53飲Hoegaarden！真係好抵！

最特別嘅係拎蛋糕出黎嘅時候超有氣氛！播唒生日歌咁，
女店員仲好好人，見我地有人生日請左我地四個食牛奶布甸，真係好好好好滿足！

是日朋友聚會，一共6人。見黎間cafe食評唔錯，諗住食飯之餘又可以傾耐D！
入到去先知限時2個鐘食！ 把握時間，入坐後即刻落order喇，個時大概8點。order 6個餐，兩客小食。
大概半個鐘，開始陸續上飲品，但係黎4杯有3杯都黎錯咗！！叫個waitress 攞張單俾我地對下仲有無其他落錯，佢理都唔理行開咗...=_=

足足一個鐘後先上齊飲品，個半鐘先有兩碟意粉！跟住黎一客薯格，又黎錯！同waitress講我地係點肉醬焗薯，佢呆呆濟濟咁答我＂係啊，今日無肉醬啊＂
講真，無晒係咪要同客人講聲，問下客人要唔要換其他！ 你無問都算喇！ 轉個頭另一位waitress 攞住一客＂肉醬＂焗薯黎話唔好意思上錯咗！再上埋＂肉醬＂意粉！
黎一刻，大家都開始唔耐煩喇+_+ 之後再黎個D又係錯ge！ 終於肯俾單我地對喇！落錯晒(ｰ ｰ;) 價格都錯埋！！
足足等咗兩個鐘先黎齊4客意粉！！3催4請先慢慢上菜都未算最離譜啊！ 等咗2個半鐘先同我地講無長通粉供應！！一開始落單話你唔記得講都算喇，落完單入機時你應該知邊D餐有邊D餐無架！由好肚餓等等等到唔覺餓喇，仲邊有心情選D唔想食嘅dinner set！索性cancel 個餐同蝦餅喇！ 野飲又要計番我地原價！咁ja係焗我地飲俾$33 糖水朱古力ja！！(*｀へ´*) 唔忿氣之下同經理理論，相比之下經理態度和善！！送了一客蝦餅和計番跟餐價。可惜大好心情俾個位未瞓醒嘅waitress破壞晒！！唔係食飽滿足，而係一肚氣谷到飽！

cafe黎講食物味道都ok，意粉份量足夠，但有D硬！飲品略嫌太甜，糖水味好重！ 大家如果只為飲杯嘢，傾下計，個度氣氛係唔錯。但如果要食嘢的話，建議你地去第二度喇！！

係Groupbuyer買左佢地既團購..
成個餐有6道菜抵食..有黑松露有黑醋汁豬仔比..心諗係咪咁抵食呀...
早左2日打去book枱...琴日同女朋友一齊上去睇下係咪真係咁抵...
坐低一陣間..等佢地set完位好快就有個湯飲..個湯好香黑松露同蔴茹味....正!!👍
之後就有個柚子雞翼同碳燒雞肉串..2個都好好食!!!特別係個雞翼...酸酸地..有D似香檸雞...有創意!!!!😍
跟住到個黑松露什菌飯...唔錯..雖然個湯都係黑松露..但係原全係2種feel!!!👍
再黎就到個黑醋汁豬仔比..幾好食!!!係第到都食過豬仔比..但係估唔到拼黑醋汁會好食咁多!!但係女朋友就話佢唔中意食黑醋汁..仲好我食哂佢😁
最後就一人一杯紅酒..團購本身同諗住唔會係令等去邊..不過入口都ok...幾好飲...至少唔係百佳個D幾十蚊既貨仔👍
整體黎講今餐我都好滿意..加上個環境都幾好..望住條彌敦道食飯..個感覺真係....👍
係女朋友冇得食豬仔比失望左D!!!哈哈😁
下次有機會都會上去再坐坐!!!

第一次打食評，因為實在太怒了！！！！！
就算只有世上只剩下這間cafe，就算是免費，本人也不會再光顧！！！！！

昨晚和朋友一行八人聚會去到這店，上到去店員已經要求我們點$158的除夕套餐(只有這個餐，沒有別的)
$158 有:
前菜
主菜
一杯$25的飲品（$25收上的飲品要補差價）
**要收10%服務費
經朋友商量後還好，反正如果可以靜靜談天，玩玩,,也沒所謂啦

食物質素實在跟價錢相差太遠！
我們分別點了鴨胸，煙三文魚作前菜
那些沙律(只是生菜)真的"完全"沒有味道，也很油

然後主菜，因為本人比較大吃所以點了海蝦意粉
等了近半小時，以為慢工出細貨
怎料！那意粉少得可憐,,,如果好味也算了
可是，它很咸

吃到一半，店員把燈調暗播MV
原來十點半以後會轉酒bar時段,還可以唱K,,,,,,惡夢的開始
那店員陶醉在她的歌聲中，令我們要點餐飲也要等她唱完
最慘的是，我們比錢還要聽你唱得咁難聽
她有曾理過我們耳朵的感受？！？！

餐飲方面,我點了熱朱古力
在一個只有十度的晚上，一杯熱飲絕對能令人感覺幸福
又等了很久,,,,,,

然後就有四個人來了坐在我們後面那枱食煙！！
然後我就跟店員說：有人食煙
店員說：因為十半轉了酒bar就可以食煙
........
我佔大概留意多少少時事的小朋友都知道，
食肆室內全面禁煙啦！！

本人和身旁的朋友本身都有鼻敏感同氣管敏感
就開始不停打噴嚏流鼻水,也打算飲品來到飲完就走了
可惜，那"熱"飲喝下去只令我感覺可憐又冷冰冰
加$10飲一杯不熱的糖水朱古力,,,（老實說，本人也沖得好飲過佢）

還未飲完，店員就已經催我們比錢話要埋數
最後平均每人$180吃了一餐谷氣到爆的飯
(這個價錢絕對可以去outback或者ruby tuesday吃個飽，最起碼不會有二手煙)

呢個價錢是"完完全全"不值！！！！

總括而言，食物環境都平平、店員零服務（我們還要自己fill水）
完全唔飽，我回家還要吃了個杯麵才能入睡（真的很可憐,,,）
空氣環境都不好，特別是二手煙！！我今日還因此要去睇醫生

今日又黎到哩間Cafe、因朋友生日又記得哩到吾收切餅費、所以訂左哩間Cafe、今次我和朋友一行四人叫了四個晚餐、想不到幾個月前黎過以經以目一新了、見到晚餐以不再從前一樣了、又多了小食和晩餐、今次真係好有意外的收獲、個晩餐豬仔脾有啖啖既煙芬味食落有小小香草味、但值得一讚既係好有肉汁、好味、估吾到連忌廉汁海蝦墨魚麵都幾好味、入口濃烈忌廉味又食到有小小Basil香味而海蝦都幾鮮味、味道都不錯、坐得都幾舒服、一班朋友真的可以食下飯傾訴下都不錯、

係旺角找個café 坐坐
人唔多，亦唔會好嘈雖然已達下午茶時間，但午餐依然供應
價錢仲同下午茶差唔多tim~

小妹還是喜愛享受下午茶的小點焗得蠻脆口的飛碟
配以香濃有糊力既芝士
頗有口感的

至於朋友就點了午餐淡淡的，Creamy 程度不足，但味道也不太差
賣相也蠻討好

飲品種類也多不過都係熱檸蜜來舒緩一下開始涼的天氣
反襯著另一邊廂還帶有一點夏日色彩的凍柚子蜜其間經常聽到老闆打電話confirm 已訂檯的booking
不知道是否dinner 時段好full 的呢?!

今日經朋友介紹黎訂左哩間Cafe~環境都算不錯、7點入座只有幾枱客、心諗吾會甘冷清掛點之過了半小時就差不多坐滿全塲了、好彩有訂位咋、如果吾係就白行一趟啦、眼見待應哥哥都幾忙、但還不時留意我地哩張枱要吾要幫我地落單、加許他哩份恩勤、之後我們叫了一個黑松露什箘意大利飯和卡邦尼意粉、還有2杯靑萍果盧薈綠茶，之後我碟黑松露意大利飯黎到、好香呀太肚餓等吾切啦、黑松露味好香、啖啖都食都黑松露、正呀、如果可以大碟D就好啦、可能我太肚餓啦之後食左朋友個卡邦尼意粉小小、忌廉汁和煙肉都幾香味到還不錯、飲品都算不錯、青萍果味幾香綠茶又吾會太甜岩岩好、在播住Jess既音樂下同朋友講起那些年我們一齊番學的時候都幾開心同回憶

今日同女朋友睇完戲、之後又肚餓想搵個地方坐下傾下計、所以上OpenRice睇下有咩Cafe推介、見到哩間Cafe都幾好食評、之後同女朋友上去一試、上到去有幾枱客、之後坐低左、個待應哥哥話依家Happy Hour Hoegaarden優惠$58問我試吾試下、心諗甘抵、叫了一杯、而女朋友叫了一個下午茶餐、蕉糖西多士和凍朱古力、我就點了一個雞絲抄公仔面、係哩個炎熱天氣下飲番杯生啤、正呀、飲了一口生啤、啤酒夠凍、正之後西多士和抄公仔面到了、公仔面抄得不錯、有口感吾多油、女朋友俾左件西多士我食、蕉糖味香又吾會太甜、不錯、輕輕鬆鬆又一個下午、今餐都幾扺