同好友H每1-2月都差不多約會日子的時間又到~
今次呢~就約佢黎一齊試下呢間台式野..!!
其實有好幾次經過已經想試, 但奈何真係太多人係門口等位喇
今日就好彩喇~~時間尚早, 7點多D, 一入去已經有位喇!

本身想叫2人餐既我地, 望住MENU揀左好耐都唔係幾揀得到..
個SET頭一樣係3款揀1款, 但2款係雞, 1款係一個唔知咩既卷狀小食..
我同好友H都覺得唔太岩心水...最後決定散叫!!!!

我地最後叫左3樣野, 同埋一人一杯飲品喇!!

先登場既係飲品!!!!我order左既係茉香奶茶~~
一般台式飲品都偏向比較甜...
但呢杯令我有d出奇bor!!! 原因係佢飲落好清, 唔係一味得個甜字
茶味唔太重, 但成杯野拼埋出奇地好!! 要讚呀!!!

第二樣上場既係...雞絲拉皮份量雖然細左少少, 但賣相都幾好~
食落口, 雞絲唔o鞋~調味岩岩好, good fit!
粉皮雖然比較厚身少少, 但勝在夠煙煙韌韌~~好有咬口~
醬汁方面, 佢芝麻味好香~但亦都較返適中既咸味, 絕對有85分呀!!

第三樣係魯肉飯相比起個小食, 身為主角既魯肉飯就爭dd喇
一來唔係好夠熱, 二來d肉冇咩汁, 唔太夠撈飯食bor!!
味道方面, 佢唔夠肉燥咁惹味, 偏向似滷水汁個種甜甜地既感覺..
咁就食碗飯真係有d dry喎....

最後登場既係, 鳳尾蝦!!
一直對蝦有敏感既朋友仔竟然係menu望到個炸蝦之後話「個樣好吸引喎, 要呢個啦!」
哈哈哈!!! 既然朋友仔要化身勇士, 梗係一齊拍住上啦!!!第一樣要讚係, 好難得圖片同實物係相乎架!!!XDDDDDD
D蝦仔炸得夠乾身, 但又唔會太燶
食一啖, 個心係熱辣辣既, 唔係炸起擺係度個D, 非常有HEART!
蝦SIZE唔算好大隻, 但已經足夠, 肉質比較稔身D~
點埋佢旁邊既醬醬~~係有芒果味既沙律醬~~2者好夾BOR!!!
呢個炸蝦做得幾出色, 都係85分呀!!!

整體黎講, 味道唔錯, 價錢都算幾抵食!
不過係個環境比較窄.. 我地2個搭枱坐個卡位...
真係有D迫呀~~如果可以坐得鬆動D~咁應該更加PERFECT池啦~~~

真係第一次見間食肆咁唔老實
話說我今日2個人去食，食到一半聽到個疑似老細既人(長期企喺收銀)同個阿姐講:出面有2個鬼佬人，攞個餐牌俾佢地啦，我當時仲諗個老細都幾醒目，到佢地入嚟，同我地搭枱，一男一女坐我對面，男人係外國人樣，女人就普通香港人咁，個阿姐就遞咗本厚d既中英對照menu佢地(平時午市係一張張卡咁)，個女人睇咗一下就話落得單，嗌咗個魯肉飯，担仔麵，青菜同2杯野飲，阿姐寫完就走咗
隔咗陣我無意中睄到佢地張單，上面寫住3X,3X,3X同2個台式飲品既錢，但我有食開嘛，午市應該平d，無理由佢地多我地一碟青菜但貴我地一截，我地2個飯2杯台式飲品都係86蚊，之後我都feel到個女仔覺得唔對路，同個男人喺度傾，又係咁望我地同我地張單
卒之我忍唔住出聲同佢講張單應該寫錯，因為就算佢擺喺度小食張卡，碟青菜都係25蚊，咁佢就嗌番個阿姐埋嚟問，個阿姐一嚟就話佢地睇嗰本係晚市menu，所以要收番晚市錢，咁個女人就話佢其實想要午市嗰d，阿姐仲死撐話晚市大兜d，咁啱呢個時候就上菜，佢地d野食同我地根本無分別，個女人就話多次想要午市飯，阿姐無應到就拎住張單走咗
再隔多一陣，個阿姐又行埋嚟話唔改得，因為佢地睇menu落order所以要收晚市錢，個女仔就有d急但又唔知點應咁，我又忍唔住出聲話:咁人地都唔知你本menu係晚市價，況且宜家係午市，有咩理由收晚市錢，個阿姐又用同一番說話答我，我真係睇唔過眼，話:咁人地無要求過要你本menu喎係你一早自己拎俾人，佢點知原來同嗰幾張午餐咭唔一樣，佢食既你地都有lunch set架做咩收貴人地
個阿姐唔應我，睥我一眼就問收銀個男人，個男人見我地擾攘咁耐就話:唉算喇算喇由佢囉。喂有無搞錯，明明自己存心呃人錢，恰人地講英文仲講到自己好委屈咁，個女仔喺中間有問我點解價錢爭咁遠，係咪因為佢地係外國人，我當時仲話可能阿姐唔熟手啫，但宜家擺明佢地有共識收貴遊客
最後張單又番番嚟，明明只需要33,33,18(加菜原來再平d)同8蚊轉台式飲品，有無搞錯，明明一百都唔駛但又要呃人
之後我都諗住食快d走人，點知嗰個落單阿姐係咁行嚟行去睥住我，後尾直情企喺我斜對面正面倔我，究竟咩態度，自己唔啱仲要睥我，我都算，諗住埋單走人，點知收銀阿叔又係咁，找錢嗰時晦氣到，啲錢又pat喺枱面，多謝都唔講，仲要黑晒面
成件事雖然唔係直接同我有關，但我覺得勁羞恥囉，人地遊客嚟玩你就呃人錢，人地會點諗hk人，俾人發現咗仲死撐又黑晒面，講句唔好意思搞錯咗咪算囉，唔應該恃有少少名氣就咁囉
自呢件事之後如非必要我真係唔會再幫襯

朋友說要請客，我當然話：「好」。於是她就帶了我們去旺角間西門町台灣麵食吃晚飯。其實我一向幾鍾意台灣菜。去完台灣玩更喜歡台灣小食，所以幸好被我找到一個新地方食好野！
餐廳細細，個卡位有點窄，擺東西不太方便但可以接受，旺區嗎。
我們先點了食物：1ｘ魯肉飯，1ｘ台式擔擔麵，1ｘ雞絲粉皮，1ｘ涼拌茄子，和 1ｘ鹵水拼盤。然後飲品叫了：2ｘ珍珠奶茶+胚芽，1ｘ芋頭奶茶。叫飲品時候，侍應叔叔竟然寫了3-4次。見他用了2-3張紙再確認order以為終於OK啦，點知最後還是錯了。可能跟他說了怎麼多次到最後我們忘了說要＂熱＂飲。=_= 喝了幾口才發現飲品是凍的！ 是他忘了還是我們忘了我真的忘了! 原味奶茶加胚呀真的好喝，反而我平常覺得幾分好喝的芋頭奶茶就麻麻喇。
食物不錯。魯肉飯幾好味。最特別是台式擔擔麵跟平常的擔擔麵不一樣：有花生味，花生醬味。很香！極好吃！涼拌茄子也好吃。我是第一次吃凍茄子。茄子做小吃不錯哦。茄子上有點兒醬汁，濕濕哋，幾OK。鹵水拼盤就麻麻哋因為我不太喜歡鹵水所以是no second time. 餐廳waiting time也不長，我們等了還沒夠5分鐘就已經有位子了。餐廳overall分數：9/10。我是激烈推介西門町台灣麵食！不常來試一試。

自從屋企樓下由細食到大既上海飯店執左之後就冇再食到唔辣花生味既擔擔麵

今次終於搵番啦

咁岩經過旺角就去左試下E間台式擔擔麵

叫左1個台式擔擔麵(走辣)+雞絲粉皮+醉雞

細細啖咁飲左1口湯,濃濃既花生味充滿哂個嘴,好香有少少甜,但系唔會膩雞絲粉皮粉量都幾多,同平時食開既花生醬有D唔同,食落有少少似麻油+花生醬+芝麻醬既味,不過都幾香醉雞一拎到黎已經聞到好香好濃既藥材酒既味,D雞入哂味

食落好香但系唔會"劫",都唔會話太過濃味覺得好咸

可惜D雞肉實左D,咬落有D "un"

不過應該系個別事件,之後有再試一次,D雞肉一D都唔"un"

當一個人之前的晚上玩得太瘋之後，第二天根本不會對食物有太高要求，隨便吧。

已經不是第一次光顧西門町，但對上一次也已經是幾年前的事了，一看menu只能感嘆一句「通脹果然厲害」，一碗滷肉飯要＄3x，心想在台灣吃才值多少錢？唉，算了。朋友點了滷肉飯，我就要了花枝丸新竹米粉外加一杯香芋奶茶＋珍珠。由於太多肉，我們又加了一碟燙青菜。

跟以前的滷肉飯比起來好像退步了，新竹米粉的湯也極為淡，近乎沒有味道，只有花枝丸水準依然。香芋奶茶反而有驚喜，可能已經至少10年沒喝過香芋奶茶了，濃濃的香芋甜味剛好而珍珠非常煙韌有咬口，重點是＋＄6就喝到了，相對一碗＄3x的米粉，可說是非常抵喝！一直覺得香港不太能夠吃到像樣的台灣菜，看西門町這樣的走勢，看來不久的將來我又會少了一個可以吃到台灣菜的地方了。

昨晚過開九龍, 想起同事介紹的這間食店, 無妨一試.

同事話這店假日門外人頭湧湧, 好彩是晚接近九時, 人不太多, 大約等了十多分鐘有位.

看過OPENRICE的食評, 推介的食物是担担麵和魯肉飯. 就此先叫了蝦餅担担麵加一杯金香奶茶,
($55).

金香奶茶茶味很淡, 有點過甜, NO GOOD. 蝦餅三小塊, 另碟上, 很簿, 味道可以, 食得出有蝦肉, 担担麵
就較預期失望, 湯不太濃, 沒有濃厚的花生醬, 唯一好味的是麵上的魯肉, 令我決定一試魯肉飯.($38)

魯肉飯米飯很熱, 上面頗多魯肉, 再加有椰菜, 一隻鹵蛋, 再混有炸過的, 再加點油, 將魯肉混和飯吃,
魯肉帶深啡色, 味道濃厚, 肉質粒粒分明, 再混和炸蒽片, 味香而濃, 正宗的台灣魯肉, 美味非卂, 好味!
85分.

睇到Openrice咁多好評, 今日就決定同個Friend黎試下,
雖然唔駛排隊, 但都好爆, 本來想同個Friend坐面對面嘅位, 但店員迫我地一定要打橫坐,
不過唔緊嘅, 只不過三年冇見自己個Best friend, 想望住佢食野姐.
我地兩個諗住轉埸食糖水, 所以淨係叫左兩樣野
擔擔麵同雞絲拉皮. 個麵湯夠濃味, 個麵質地都好好, 軟硬適中
碟拉皮比我想像中細, 但味道很好, 我其實從來未食過拉皮, 好似河粉咁, 不過凍嘅, ok呀!
總體幾好, 可以一試, 但未必會令我專登再去.

上Openrice 見到咁多好評，又想食台灣菜，咁就決心試下。
同男朋友係門口等左15分鐘到，就可以入去了，不過入面都好full，唔知係唔係太好食所以吸引咁多人呢？
我地叫左個2人餐，可以選三個小菜，加一個細飯或細麵，仲有野飲，甜品，都係$178。

小菜︰醉雞，腐皮蚵卷，涼伴茄子，然後要一個擔擔麵，魯肉飯，飲朱古力奶茶同藍莓綠茶。
醉雞一到，成張枱都有香噴噴的酒味，整碟是凍的，而且肉質好硬，明顯係冰鮮雞，味道幾好。
腐皮蚵卷，好脆，食落好又熱好多冬菇味，正。
涼伴茄子，個汁酸酸甜甜，食落去好開胃，茄子吸收哂d汁，正。

之後到擔擔麵，好濃的花生醬味，因為我對花生醬敏感，我無食，但我男朋友話好好食，少少辣。
咁我就食魯肉飯，肉臊都好入味，一口飯一口肉臊，正，而且細細碗，份量剛剛好。

朱古力奶荼有濃濃的朱古力味，加埋奶茶好夾。藍莓綠茶的藍莓味好重，味道都好清新。
甜品，黑芝麻糯米磁，上面加左少少黑芝麻，食落去黑芝麻係口入面漏出泥，正。

整體上，菜式好精美，味道好正，期待下一次再試其他菜式。

耐冇食台灣嘢，見呢間好評多，所以試下.

本身以為夜晚實要等位,但係竟然唔駛!!二人枱，張枱有啲細..

我每次要睇一間台灣菜館得唔得，就必定要試鹵肉飯,今次我亦不例外；我愛人就叫咗個芝士丸撈面餐配涼伴苦瓜.另外我地仲叫多個炸豆腐.

先來的是飲品，一杯係凍蜂蜜紅茶，另一杯係凍泡沫咖啡.

先講凍蜂蜜紅茶，冰量適中，泡沫細綿；茶味自然，甜度沒有蓋過紅茶的回甘味，而蜂蜜的用量也沒有被糖水代替.

而杯泡沫咖啡就不太馬虎，泡沫豐富之餘亦冇放太多冰令咖啡味變淡，而且應該唔係即溶咖啡，因為凍咗之後冇太大嘅酸味，我估店家有將隻杯放落雪櫃雪下先至用泥整飲品，因為雖然冰量唔多但係飲品溫度也不太暖.涼伴苦瓜，味道調較得好好，麻醬沒有蓋過苦瓜的苦味，少少甘甘地嘅味道配上香脆嘅芝麻一齊食個感覺好Fresh~芝士丸撈面，有一小堆的鹵肉，三粒炸芝士丸同埋一碗湯，個湯有少少乾蔥係面；芝士丸亦唔係求期貨色，入面嘅唔係蛋白芝士，而係真係流心嘅車打芝士，正！炸豆腐，等咗比較耐，所以應該係即炸，外脆內軟，夾起時冇散開~而且配埋酸甜汁，好得意~最後，係個鹵肉飯啦~一大堆的鹵肉上有一小堆炸蒽乾，中間有半隻鹵蛋..鹵肉七肥三瘦，鹵料中的紅蒽頭亦放了很多，鹵汁香口而且不太濃，好正好正宗!!總結：價錢不貴而且味道正宗，絕對推介!

點解咁多人讚好食做我食過2次都覺得唔好食又係唔抵食,又多人排隊，入到去又迫

叫左兩碗面，啲面不好味，淡及硬，我個餸係蝦餅，一啲都唔似蝦餅，似調味料麵粉餅，諗起都作嘔
個牛筋一啲咬口都無，林到死，仲軟過豬腸粉，十分鹹！
杯飲品最正常，香芋奶茶，$20,夠濃同香