見到openrice咁多好評就去試下....得價錢平...但屋邨地方...收得太貴就唔合理,
去到叫左一個火腿通粉,華田...華田淡的,火腿通粉立刻煮接受到,不太難食.但沒有特別
薯條.要等....整好左.要自己留意,咪道一般一的都唔脆無人叫客人去拿
服務,自助形式....無人理....環境一般....要由細食到大的人會習慣.不是住呢個地方的人.去過一次我諗不會回頭......講平都有地方平過佢.......因平專登去食,不值得

在這茶餐廳通常我會食黑椒牛扖意粉，快餐仲有一杯飲品+餐湯，只是廿二三蚊，真是便宜。至於食物質素，黑椒牛扖意粉尚可，但餐湯(粟米忌廉湯)味道就很淡了，外賣的話就沒有餐湯。
整體來說，以這個價錢來說算不錯。

因為見openrice多好評,所以就黎試下;
本身叫萄國雞飯;點知比張餐單陰左 變左栗米肉粒飯~__~
朋友叫腸仔雞扒飯;
真係大碟; 味道尚可既..湯就擺明係味精湯~
杯凍檸檬茶ok;
員工有禮貌

這次是我第一次到這家快餐店!
店內地方細細, 但相信同一時間也能容納2-30人。
裝修有點懷舊, 可是, 靠牆的座位闊度很淺, 坐得不太舒服...
我猜, 這格局多是做街坊生意吧~ (自取外買者較多)

聽朋友之前推介 免治牛肉煎蛋飯 好吃,
較少吃牛的我今天就試試吧!
湯內有少量粟米粒, 不會太稀;
飯的份量很多, 肉醬很多, 很香;
蛋黃未煎至全熟, 弄穿後與肉醬混在一起, 好味!

價錢方面, 忌廉湯 + 飯 + 汽水 或 熱飲 = $21 (外賣沒有湯)
我覺得價錢超值, 同價錢還有 叉燒炒蛋飯 (只記得這個 =] )

喺度睇到食評評分吸引, 趁今日入屯門專登入去帮襯吓, 試过後, 評價是令人失望!
約朝早九點半去到, 店裡人冇, 只有個收銀阿伯, 水吧有一男一女煑餐; 入到去, 真的是老式的"快餐店", 沒人招呼, 全自助式。睇早餐牌叫了"客沙爹牛肉面", 連"火腿、腸、旦", 加杯凍茶, 只須$19.5, 要先俾$買單, 算幾抵!

點了招牌菜"沙爹牛肉面", 份量足, 大大碗,食落公仔面幾爽, 但係沙爹牛肉太咸, 肉質只屬一般, 附加的"火腿、腸、旦"也一般; 杯奶茶算夠奶味, 但不算佳品。

可能因為店子開的年月長, 所在屋邨商場老化, 服務和環境也差強人意, 要食客回頭帮襯比較困难!

第278篇食評先搵到一間服務最差的食店....
今日陪媽媽出友愛配藥.配完藥....就去左呢間餐廳....
第一個感覺好古老.古老不緊要..我最鍾意老店...去到女收銀黑面,2個男店員食煙.
日中句句粗口.....好似去左講數地區咁.的食物出左...唔去睇,係無人叫你拿的....
食物到左我阿媽問收銀.大姐..茄汁係邊...唔出聲.....只用手指指住
口中念念有詞...叫乜X野我大姐....到後來我估係老細.....的伯伯回來...呢個有好禮的....
收銀變得沉靜....店員都無食煙,一路食煙一路煮..衛生有限..........
價錢係平27元2個人食.....
食物,炸薯條即炸.都唔夠熱....個薯條感覺好似薯熔咁.......個鷄翼好硬.....
凍華田,淡如水.......什至同水無分別......
我明白到老店,屋邨店..無得要求服務..都不是一入去的服務咁得人驚
如果遲十分鍾.老細伯伯回來...我就看不到真相.....感謝神俾我看到食店最真一面...
回想舊男友一句說話.錢什麼都買到...呢1年我覺得有道理,但買不到真感情

lunch 叫左買外賣返屋企食，order 左個豬扒腸仔意粉(黑椒汁)+凍檸茶$23，份量同附近的食肆的外賣餐盒相約，但價錢差唔多平$10蚊。

味道方面也不錯，豬扒夠淋，配黑椒汁最好味；腸仔冇乜特別，意粉就冇過淋或過硬，唯獨是杯凍檸茶甜左d。

總括抵食夾大件，下次會再幫襯。

琴日黎左呢度食野..
估唔到呢間野開左廿幾年
個環境好似七八十年代既茶餐廳同冰室.係依家既屯門好少有!
入去既時候,都好多人下WOR!
食野啦~叫左個A餐 - 洋蔥汁雞扒腸仔飯
又有湯又有汽水.加埋都只係$21.相當抵食
汁同飯好夠.塊雞扒又大塊,食落去又唔會好硬
不過成碟飯好大碟,食量比較少既人未必食得晒
如果係女仔食就可以2個人SHARE黎食既~
最需要彈既地方係個收銀姐姐語氣唔係太好.
另外自己拎野食既地方好迫,有時會好亂
D野唔小心撞倒人就唔係咁好啦~~

上OPENRICE 搵屯門有咩好野食 .. 發現呢間都幾多好評咁就去試下啦~~

入到去個環境都幾八九十年代D 冰室咁咖 .. 而且係自助形式, 即係買完飛就拎野食.. (大X樂果種呢~~ ) 話佢係快餐真係冇錯 .. 因為落完單佢好快就煮好有得食~

我叫左個肉醬煎蛋飯 .. 餐黎咖~ 有白湯同野飲! 個飯黎到 .. 哇左聲 .. 好大碟呀 .. (見到對面有個女人食唔切就拎個飯盒裝番去再食 .. ) 個汁好惹味呀! D 汁既份量都幾多~~ 夠送飯!! 不過最後我係食唔晒的 .. 如果女仔去食可以兩個人叫一個SHARE ..

我男友叫左個差燒煎蛋飯 .. 又係好大碟 .. 不過佢果碟就冇肉醬煎蛋飯咁好味 .. 差燒都OK, 蛋算煎得香 .. 但送飯就唔夠味啦~

我地另外仲叫左個炸薯條食 .. 哇! 炸到脆卜卜好好味~~ D 薯條好有肉感! 而且以7 蚊黎講個份量都算相當抵食~~ 真係頂住個胃咁走呀~~

薯條即叫即炸, 正!
肉醬煎蛋飯,十幾年都水準不變,
下午茶堪稱全屯門之最: 平靚正,大份!
女仔兩人一份都OK<
大食就可以一個人食晒.

以前全自助,好正. 現在有個阿姐托下盤, 仲叫番D客去攞.唯一失色之處.

飲品質素稍遜(除非凍茶事先叫多奶), 多數都會選汽水較能滿口腹之慾.
總之,兒時放學會到發發食炸薯條, 現在再食,質素不變,感情不變.

逢星期四去聖約翰上急救班, 由於友愛距離我公司(東涌)最近, 於是揀左屯門上課.

去到屯門通常肚餓到打鼓, 但友愛的食店:
大雞大: 在紅磡食過一次, 咸到......我唔想上急救班時, 加多半堂實習課給同學們 - 因為咸死自己
便利店: 唔想太齋......

看Openrice見此店笑臉都幾多, 於是試試佢.

一入到去, 普通屋村快餐店格局, 有點似電車下層的座位, 但快餐只售$20, 叫左個腸仔蛋漢堡扒飯, 洋蔥汁, 塊扒好似時新咁, 係自製的, 稍硬少少, 仲有湯及飲品附送, 抵到暈.

見收銀個女店員和客人談話的語氣, 好似一家人咁, 不太客氣, 不過真係好似一家人咁.

下次食下其他招牌食品先.

擺明區馬-.快,餐,店.

所有飯市套餐一早煮定,一殼飯,一殼配料,上.

水準不定,且選擇不多.20元一個餐,有餐湯,有熱飲,有主食.因此不少人都因為平而光顧.
古式的生炸雞脾,加淮鹽,茶餐廳係食唔到.
此間食店內的食物,幾乎十年如一日,職員亦都近乎你有你食,佢有佢做既態度,就算係本身個老闆都係目無表情的服務員一名.

今日食左份茶餐,包括餐蛋麵,魚柳拼炸薯條,凍咖啡-共銀24元.
個碟薯條先最得我歡心,又香又脆.波浪條形,好耐無見喇.

店內貼有ＯＰＥＮＲＩＣＥ的宣傳海報，都算有番些少時代感。

茶餐廳既午/快餐，
收得唔係貴，
但係總覺得唔值。

鐘意發發快餐唔搞咁多花臣，
擺明車馬係港式快餐，
無炒、無菜、無梮，
味道ok，
算。

無乜推介，
但係想話大家知佢勁快，
今日叫個外賣，
由落單到拎走都唔駛一分鐘。

星期四剛巧經過友愛商場,就和朋友去發發快餐食晚飯,當時已經六點半,估唔到還有快餐,我叫了快餐A-黑椒腸仔牛扒飯,而朋友則叫了馳名的免治牛肉飯,廿多元的飯餐,附餐湯和飲品,真是認真抵食....
餐湯是忌廉湯,是一般快餐店的味道,不過不失...
而我的黑椒腸仔牛扒飯,黑椒汁好香,又有黑椒嘅辣味,十分開胃,送飯一流,而牛扒夠哂林,唔會"un",本身食量不算大的我把成碟飯食哂
至於朋友的免治牛肉飯都不錯,我們還說好下次一定要再來試試其他食物

read the comments here so went to try it out la...
but ummmmmmmmmm.....not good law...


i ordered a pork chop bun....the pork chop is soft...but its cold...
and no onion sauce on it at all....only put some ketchup and mayo in it... ($16)

then my bf ordered the deep fried drumstick....its colddddddd.......
omg.....and it comes with fries...the fries is hard and salty..no good la..($22)

and it took 10 mins to get the food done but its still cold law..

the service there are really bad....the guy was smoking and cooking at the same time...
and the tea set comes with pops....
i asked for sprite and fanta twice ar...but he still gave me 2 cokes law...