十二月中旬

已有半年沒打搞農圃了，是日與編輯朋友及另一位老朋友來閒話小聚，順道來道賀一番。

農圃菜式從來是慢功細作，味道還是那麼傳統，餐前小吃紅炆牛腱也會用上靚的金錢腱，厚切炆得鬆腍入味，每次來皆要吃兩回合才滿足，周經理知自己怪脾氣，這回已備定兩碟，不怕不滿足，服務從來都是那麼貼心。

想不到鳳爪竟以砂鍋上，保溫存氣，實是細心設計，吃慣粗魯的XO醬版本，眼前高級的鮑汁扣鳳爪非自己那杯茶，朋友們卻吃得稱慶。

糯米釀雞翼還是那麼的好吃，皮夠脆、糯米餡乾爽帶點五香的味道，翼尖以錫箔紙包著，不用刀叉也能輕易吃下。

是日最驚喜，是砂窩唐生菜，伙計在席前稍作加熱，將醬與生菜拌勻上檯，其香四溢，其味不凡，是用上高級醬料才能產生的濃郁味道，生菜爽脆還有大蝦干及肉末的複合味道，時令又美味的冬日佳菜。


今年水準如往昔，做功與味道皆紮實，配套亦認真，米芝蓮人也得承認傳統家常粵菜值得加星，期待老店風味繼續貫徹下去。

老朋友作東，在此謝過！

十二月廿七日(星期日)

繼續行,見到有農圃的攤位,我們上次吃過蟹粉小籠包覺得不錯,想又再試試,剛好四個人每人一粒!但是見到賣相,是塔了下來...不好了
吃了燕窩流星包,賣$30四個
包的皮比較厚,燕窩....見不到,可能切碎了?!
涵都算流的,很有蛋黃味!!!不錯...

今日慶祝生日, 諗住這間不錯, 可是食完後, 真的很差勁.
到達後, 還未order, 已經有d問題....

oh ... 個個經理成日就為咳, 又唔載口罩, 又唔摭住口, 重四圍行, 四圍咳, 一d衛生,公德心都無...
我想, 佢有豬流感 ....大獲了....

跟住再望望四周, 發覺隻杯貼住好多茶績, 很舊 ... 哦, 其他酒樓都未會這樣, 何況這間是高級餐廳....唉...

講到食物 ... 先食古法糯米雞翼, 只不過將糯米飯釀入雞翼裡, 只有糯米飯味, 同炸雞皮味, 很怪的餸.

跟住日本南瓜海鮮燴鮑翅 .... 係一個鬼老翅, ...只有南瓜味, d翅得幾條 ...係一間較為高級酒樓, 都唔會比呢d翅客人啦.

原隻18頭鮑扣遼參, 隻鮑魚真係好細隻 ... 又標榜自己鮑魚哲掂, 很普通

是但和杏汁官燕是全晚最好的了 ...

其他 ... 真的很差勁
埋單 ...oh ... $2600, 每人$4xx ....

今天一行7人黎到位於銅鑼灣的『農圃飯店 Farm House』，正值VISA白金咭做緊優惠，鮑翅套餐買三送一，為免太動腦，所以先選了這個後再額外再點。



前菜：炆牛 – 香濃美味，軟腍可口；涼拌秀珍菇烏珠荀，清新爽口，雖然前菜是侷比錢的項目，但是高質美味的，叫人比得心甘情願。

農圃飯店的「古法糯米雞翼」是這兒的經典中的經典，去骨雞翼裏面包著熱騰騰的糯米飯，糯米煙韌中帶著腊味香味，而且口感分明，有別坊間的沾口；外皮炸得通透，一點都不覺得油膩。怪不得個個都讚不絶口。



日本南瓜海鮮燴鮑翅 – 原隻日本南瓜十分足料，而且湯翅香濃且甜，不愛南瓜的傻仔敏和豬頭人都愛不惜手。



原隻22頭鮑扣遼參 – 雖然隻鮑魚好細隻，但係都算美味，吃得出一股甘香；遼參火喉十足，很入味，只是伴碟的椰菜花有點怪，配上菜胆應會較好。



豉油大虾 – 炒得乾身入味，虾肉爽脆，十分惹味。



魚茸湯米線 – 奶白色的魚湯十分香濃，灑點胡椒粉更有點睛之效。



是但 – 雖則名為是但，但製作絶不馬虎，旦香而嫩，配上火鴨、帶子、咸旦黃…等材料，用來送飯是絶佳之選。



鵝肝焗響螺 – 以$65/隻的價錢來說一點都不值，吃不出鵝肝，也吃不出響螺。



虾醬啫啫唐生菜 – 味道剛好，不會太咸太濃道，但份量少得可憐，一人都不過分得兩三片來。



薑汁芥蘭 – 芥蘭非常鮮嫩，不過份量同樣偏少。



鮮磨杏汁官燕 – 內含燕窩的份量頗多，杏汁濃滑，而且絶無搶喉的甜味。



流沙奶黃壽包 -- 流沙餡得香，奶黃又滑又濃，絶不過甜，即使吃下一整個都不會飽滯。



旦散(免費) – 充滿旦香，鬆散的口感，真的做到了旦散應有的「散」，而且不會食到成口都是油，正！！



本月是kit和旋的生日，經理送上xo醬和食譜，服務態度非常好。今晚加埋東海堂的朱古力熊人旦糕，把肚子填滿得脹起來，令人十分滿足的一餐。


相片:
http://hk.myblog.yahoo.com/ranky-kwan

同利苑有得比喎....!!

古法糯米雞翼 ~ 入面釀咗好香o既糯米飯漲卜卜, 炸得皮脆肉滑乾身, 食落一d 都唔覺得油膩, 當然係必試功夫菜呢!!
日本南瓜海鮮燴鮑翅 ~ 原隻南瓜翅湯料足!!
是但 ~ 即係海鮮蒸蛋白, 蛋白滑味鮮, 應該係吸收咗海鮮o既味!!
原隻22頭鮑扣遼參 ~ 鮑魚好鮑味又淋, 無乜唐心, 遼參入晒味, 有多一條就好喇!!!
鵝肝焗響螺 ~ 好香鵝肝味響螺一d 都唔韌, 好特別!!
紫羅豬頸肉 ~ 酸酸地, 豬頸肉爽口, 味道好似食緊咕嚕肉!!
:魚茸湯米線 ~ 濃濃o既魚湯味, 魚肉無乜特別, 米線很滑!!
鮮磨杏汁官燕 ~ 毎一口都食到燕, 杏汁好香, 最好係唔係好甜!!
燕窩流星壽包 - 食不到看不到燕窩, 流沙餡好香滑濃味!!

埋單唔知幾錢....超老闆萬歲!!

久違了OR...這次去農圃吃晚飯﹐去之前也真的有點期待因為這裡有很多食客也讚過~
習慣開飯前都會上來OR做<<飯前資料搜習>>的我而經大概知道要叫那些菜了。

古法糯米釀雞翼: 我老哥囂張﹐看過這道菜便說 "o車﹐有啥特別?" well, 這道菜只是皮脆肉嫩﹐去了骨和內有綿口炒糯米飯。配上worcester sauce (gip 汁) 一大口的咬下去...ummmm...

杏汁白肺湯: 一向對這個沒什興趣﹐尤其怕那豬味...一想到便毛管動了!! 這個有多好喝? 我沒出聲一口喝完了便是了。味道香順潤口﹐一點腥臭味也不見﹐連湯渣也清了8成啊! 大抵是因為豉油也是花了點心機加點糖來提味﹐換想平時要清湯渣可說是難事。

蝦醬生菜o者o者煲: 平常一家人也是不嗅米氣者遇上這個煲也只能說: "唔該加兩個白飯呀!" 那個蝦醬香氣逼人﹐再配上咸香的蝦乾和炒香了的肉碎配上飯來真是一絕! 這道菜都生命很短暫但絕對光輝﹐花了大約十分鐘就已見底了。

魚湯浸東星: 這道下鹽很少﹐或許說是清但不淡。 那魚湯真都很香濃﹐豆腐是比較粗躁但豆味豐富﹐魚煮得很滑﹐配搭得很好便是了。因為吃完生菜煲後再可這個還能吃得出她那細膩的清香﹐可見做得不錯。

紫薑雞窩: 這個確實忘了名字但味道精彩!! 雞肉質鮮嫩不用提﹐那個汁甜甜酸酸帶點微辣。 最精彩就是那個薑和蔥...一吃這個便想到外婆煮的菜! 又一道下飯都好"食送"。

麵醬四季豆豬頸肉o者o者煲: 叫了是因為這裡有食客叫好﹐但對我來說這個只是還可以﹐因為她來得不合時! 上面那些菜絕對比她出色﹐這真都不是您都錯啊! 平心而論﹐您本應也會有78 - 80分但是您的朋友們全比你高分而已。

流沙燕窩壽桃包: 我愛吃壽包﹐更愛吃流沙包這個真的是我死穴! 一大個熱辣辣捧在手吃﹐再飽我一吃得下一整個! 那咸如甜都口感再加上蛋黃的油香和軟軟白白的包...好味到呀~~

這裡檯數不多﹐但人氣極為旺盛所以會有點吵。本人覺得氣氛很好﹐適合一家來吃。帶人客來的話就要考慮客人能否接受了。 Service不賴﹐不會特別殷勤但絕不懶閒或無禮﹐該做必會做恰到好處就是了。我必定會再來因為很多東西也值得回味~ 其實最愛是那家常小菜 (非常絕定出色的那種) feel。

阿蘇有她的何翩﹐我亦有我的外婆啊!! 可惜她在的時候我沒乖乖地她學煮菜只管吃吃吃吃吃... 因為開了白酒所以會較平常貴﹐如果唔計酒的話大概$350一位.

jan 13, 09,8人本來想去中環嘅陸x,但可惜full咗,改book呢度食晚飯,叫咗 :

1) 小食
-估唔到有成3款不同嘅涼伴小食,而且1d都唔行貨
-有唔知咩菇蒿筍, 中芹豆乾片同青瓜粒
-最喜歡喺中芹嗰碟因中芹爽口,個汁就帶麻油味,凍食令個香味更出,豆乾片亦幾滑身,唔"鞋"
-因為青瓜粒比較普通,所以無post到相

2) 脆皮釀雞翼 x 8(訂)
-好耐(n年)都無食過佢哋嘅雞翼,所以特意訂咗1人1隻
-賣相好漲卜卜(似釀滿料同剛炸好)又亮澤,外型繃直,見到都覺得好吸引
-入口仲幾熱,外皮都幾脆身,又薄,無嘜肥膏
-蘸上女侍應同雞翼1齊端上嘅喼汁同食,正如友人話齋帶起個味道出嚟,否則就會覺得呢隻雞翼唔夠味呢!!

3) 杏汁豬肺花膠湯 (訂)
-訂咗個例牌(4-6人)........因我哋情願食多d小菜,所以無叫到大
-以下喺個湯渣
-個湯呈奶白色,杏味亦好夠濃........但個人覺得火喉好似未喺好老火
-不過已經幾唔錯

4) 魚湯浸白菜膽
-清甜

5) 石窩老干媽玉豆炒豬頸肉
-女侍應大力推介......話好惹味,帶小辣
-問過咩叫"老干媽"呀???..........原來喺個醬汁個稱呼
-個4季豆嫩,都幾粗大吓.........保持到小脆口,無煮腍到
-個肉就有腍中有彈性,但唔喺爽口嗰隻
-的確不錯

6) 咖喱蝴蝶牛腩
-見食友之前叫話好食,所以照跟
-只試咗個牛腩,好腍同滑
-個咖喱汁我就無嘜點試到

7) 馳名京烤骨
-呢味喺我最懷念嘅菜色因n年前喺老銅返工,嚟親呢度,同事必點嘅
-好在全個餐牌嘅豬肉菜式得1味有個骨字..........如果唔喺我都幾難搵番以前味餸出嚟
-雖然無伴以好多肥膏,但肉質腍同鬆,個汁酸酸甜甜,送飯最佳
-旁邊有d椰菜
-呢條對我嚟講除咗喺美食之外,仲喺代表咗當年與舊同事嘅回憶
-sorry張相有d爆光

8) 是但
-前排"家拎"哥喺電視都有介紹過
-個蛋白仍是好滑好滑..........."嘟"聲就溜咗入口

9) 白飯 x 8

10) 3色糕 (送)
-有桂花層,紅豆糕同椰汁糕
-都不錯

11) 生磨蛋白杏仁茶 x 8
-其實佢嘅杏仁味都唔弱因見佢個杏汁豬肺湯就可見1斑
-不過個人還是不會叫佢喺好嘅蛋白杏仁茶因杏仁茶無因為+咗蛋白之後改變個質地...........好嘅喺應該變得少少杰/少少糊
-所以喺我嘅心目中,都喺海景x同利x做到

12) 奶皇馬拉糕
-1籠3件
-都小彈,亦好軟熟,但估唔到幾有蛋香味
-但奶黃層就薄咗d
-反而覺得呢個甜品出色過蛋白杏仁茶

13) 流沙燕窩壽桃包 x 2
-叫咗2個試吓,初時諗住可以每個分4份..........但算盤打唔响因為原來1"meet"開,個流沙餡就開始溜出嚟,不過就"希"咗d
-我只試咗少1/2個,所以唔知燕窩量有幾多

- n年前食..........位置並唔喺民安廣場.........而喺aia plaza內嘅閣樓,而且仲喺食亞公,所以特別開懷。自從離開咗間公司之後,就無再嚟過,今次可算喺有咁啱得咁橋,陸x無位,所以轉戰呢度去懷緬番吓

- 有d相由友人幫我代影..........唔該晒

- 嗰晚好忙,因我要緊貼友人們嘅對話.............因佢哋笑料無限..........無嘜細意品嚐每道菜.........當然嗰晚又喺笑爆同嘈爆~~~~

今晚同朋友來食飯，叫了兩個二人餐，包括有糯米釀雞翼，南瓜魚翅湯，炒黑豚肉，羗蔥牛肉，賽磅蟹，甜品有燕窩涷，燕窩流沙包
雞翼不錯，但是細隻了些，湯是用南瓜裝着的，那些南瓜肉可以食埋，湯味道還可，但翅真的很細條，食左都唔覺，但飲完呢個湯大家都已飽了一半，黑豚肉好像是用黑椒汁，用刀叉享受，還可以的，但羗蔥牛肉真是細碟得很，味道不特別，可以不吃，賽磅蟹又是細細碟，同上海菜比較真的不夠水準，還有一碗魚湯米線，有魚肉的，但是湯沒有魚的甜味，甜品沒特別，那個包還好一點，但很少燕窩呢
最後加了鮑魚雞粒炒飯，原是煲仔飯來，但因waiter幫我們分，見不到個煲，但有飯焦的，說實話，飯沒有多少餸的味，有些失望
服務態度不錯，只是有間房有客唱K,一開門就很嘈，仲唔係唱得好

十月十一‧開始翻風

其實時常在外邊吃，有什麼好東西都叫會吃得到，但其實最對口味的，通常也是一餐家常便飯。要吃這麼一餐的飯，選擇也不外乎西苑，及這裡。

周六的八時來到，雖說金融海嘯，但也全店滿座，不訂位準會望門輕嘆。吃什麼也可以隨隨便便，糯米釀雞翼、咖哩蝴蝶腩、咕嚕肉、是但、一煲臘味飯、一窩豬肺湯，簡簡單單就行了。

前菜小吃沒有了牛展，換來了豆角及榨菜，仍然好吃；

先來湯，這裡的豬肺湯不錯的，豬肺雪白，清理得很好。湯清鮮甜美，也有杏汁香味，比較起陸羽或校友會，這裡的是清澈版，也出色；一人一隻糯米釀雞翼，糯米飯乾身美味，雞翼也炸得皮脆，但坦白說，現在的雞翼是不及以前的好吃，也做不出很好的釀雞翼了；這裡的蝴蝶腩就是崩沙腩，肉質嫩，很多都連有筋位的，豐腴味美，值得一試。咖哩是偏甜了一點，但椰汁味香，下飯就正好，所以明知要了煲仔飯，也要多個白飯來吃這個咖哩腩；咕嚕肉就只是肉片，味道也偏甜一點，不濟；是但是海鮮蒸蛋白，雖然吃起來碟底是水汪汪的，但都幾鮮味，亦有蛋白香，是家常便飯中不二之選；臘味飯是原煲的，但不算煲得很香。雖然是臘腸、潤腸及臘肉也下齊，但吃起來只有淡淡的臘鴨味。反而最精彩的是最後用上湯來撈飯焦，香口好吃，加上蔥花，是飽也連吞兩碗的；

甜品要了杏仁茶，不夠甜，但幾有杏仁香的；另外紅豆椰汁桂花糕好吃，香甜中帶桂花清香，好吃；甜蛋散就是薄脆，沒有蛋香，又不夠糖漿，一般；

侍應們服務勤快，態度不錯，這些中上價的老店子，服務也是留住客人重要的一環。

埋單每人三百多，有時不是要吃什麼好東西才會滿足，一餐家常便飯也可以很開心。

30/12(二) 4pm
於工展會一嚐燙手山芋入列米芝蓮之一的農圃.蟹粉小籠包$30四隻,價錢平易近人;食味果真看高一線;外皮微彈,汁液味甘而富蟹之鮮香,連帶夾雜著豬肉的本味,食之尤物!

只不過服務生態度有點不可一世,就連經理亦是這樣子,只能怪上樑不正...

We decided to come here for lunch to start off the new Year. Turned out to be a really great choice ! We made a reservation few days ahead and was offered a table just next to the big fish tank - very nice viewing indeed, and a perfect aesthetic experience for the eyes to compliment the good food ! The meal started off nicely with the complimentary appetizers - we liked the braised beef the most, with really tender and juicy meat cooked in a sweet sauce, and the 脆玉瓜 was also fine. The 流沙燕窩包 arrived steaming hot with nice sweet filling inside, and although I don't think there is actually much bird's nest in it, still it is quite nice and delicious. The 素菜餃 was quite special with not just vegetables but also pieces of mushrooms inside, which was quite interesting and worth a try. The signature dish 糯米雞翼 was very good, with cripsy chicken skin and tasty gelationous rice filling, truly a must -order item ! 蒸蘿蔔糕, as recommended by other experienced diners, was also of very high standard - another must-order item !The steamed 魚湯米線 was also great, with chunks of fish meat soaked in a tasty fish broth, and there was enough for the 6 of us to share. Other stuff like 义燒包, 馬拉糕, and 糯米雞 were ok but not particularly impressive. We ended the meal with 杏仁茶 and 脆麻沙 which were also nice. Granted that the bill was not cheap, but given the great food and the nice environment, plus the fact that we spent more that 2 hours with our meal, I think it is worth the price. Will definitely be back to try more stuff later.

為慶祝薑餅人父母結婚週年紀念, 薑餅人便建議來這裡吃晚飯.

酒樓內有一個長長大大的魚缸, 賞心悅目.

事前已做定功課, 叫了些招牌菜.

杏汁花膠豬肺湯 – 鮮甜帶點微微杏香, 清喉潤肺.

糯米釀雞翼 – 手功菜, 雞翼拆骨後釀入炒香糯米飯, 再去炸香雞翼. 雞翼大大隻, 漲卜卜, 皮脆又薄, 用刀叉切開可感覺其脆薄, 內的糯米飯也香糯, 不油不膩, 果然是招牌菜.

咕嚕肉爽口, 半肥瘦肉炸後不鞋不韌, 但酸汁有點涸喉.

冬菜蒸東星斑 – 肉嫩蒸煮時間剛好, 但冬菜加豉油後過咸了.

是但 – 是蒸蛋白上加了海鲜和肉粒, 蛋白嫩滑, 味道清新又不會淡戊戊.

雲耳蒸節瓜 - 節瓜用上湯餵過, 清甜夠淋.

煎米粉伴南瓜扒雜菇肉絲蟹肉 - 米粉整成薄餅再煎香脆, 難得不油膩, 加上南瓜汁吃反而覺得清香健康.

祝薑餅人父母繼續開開心心~~

很久沒有光顧農圃，以前好像在附近另一座大廈。新店不大，但卻有很多侍應，好幾位還要站著沒事幹，現在的中菜館一人管十張桌子是等閒事，像這般充裕人手的店，不知多久沒見過。

一邊等小卡，侍應已把前菜端上來，除了頗辣的青瓜外，還有一碟牛腱。這紅燒牛腱賣相雖不討好，但入口卻腍而不爛，火喉不俗。

點了一湯兩菜。湯是杏汁白肺，杏味非常重，不過湯很濃稠，不比港大校友會的遜色。

以為有好的開始，豈料卻被這道芥蘭炒黑豚肉弄得哭笑不得：廚子把黑豚肉像一般牛肉那樣處理，先把它醃至不知其味，然後再用黑椒汁把尚餘的味道都蓋盡。唉，那我何必要付百多二百元去吃黑豚呢？根本連豬肉的味道也吃不出來。

另一道是乾蔥雞煲，雖弄得惹味可口，但雞件只有幾塊，且不算鮮美，吃得不夠過癮。

水準好像下降了不少。

今晚同阿爸慶祝生日。
預先已經訂左半打燕窩流星壽飽。
四個人﹐每人叫左個鮑翅海鮮套餐﹕

1. 古法糯米雞翼
2. 紅燒大鮑翅
3. 原隻十八頭南非網鮑扣北菇靈菰
4. 頭抽蔥花煎中蝦
5. 干炒長壽麵
6. 鮮磨杏汁官燕

樣樣都好有水準﹐味道一流﹐服務又好。

完全搵唔到唔滿意既地方。

臨走仲買多盒鮑汁鵝掌返屋企。

埋單HKD2,850.00

算係貴﹐不過服務態度同食物既品質亦都值呢個價。

一行五人同行，見好耐無黎過，所以再幫親。
今次叫左杏汁白肺湯、糯米雞翼、蒸水蛋、東星浸魚湯、二個素菜、紫羅豬頸肉（經埋介紹）＆燕窩流星壽飽。

首先攞黎既前菜都好好食。
杏汁白肺湯：好好飲。
糯米雞翼：正。
蒸水蛋：滑得很。
東星浸魚湯：一般。
二個素菜：一個好食，另一個一般。
紫羅豬頸肉：好味。

整餐水準都保持到，但新店唔夠以前舊店地方好，但服務依然好好，泊車哥哥更係眼明手快，掂！