泰菜常客既我，先由家最近的寫起。
Crystals Thai 開業一年多d,水準也算ok.
先order 個最愛既two cold dish
1） 無骨泰式雞腳：份量夠。也爽，sauce 夠辣，但友人吃後狂飲水，愛辣的我覺ok,要辣先過引。
2)泰式生蝦：貴了一點，但也算新鮮，pass.汁不夠濃辣，合一般港人口味。
Hot dish:
1) 燒烏頭魚：百多元的烏頭似乎細了一㤐，勝在肉質夠滑，不會過火。
2)炒通菜：ok
3)雞肉and 豬肉串燒：很香，計也ok ,不錯！
4）tong Yum soup: 對我來說不夠辣，味不夠濃。但友人甚like!

5）抄蟶子：很鮮美，sauce not bad
Drinks:
Chang beer: 加十多元杯生啤好抵飲！
Coco nut juice: must order item !
最後唔少得甜品：
Mango 羅米反：可能mango 唔係事令，唔夠甜呀.但個汁同反ok.汁夠香濃

Overall 來說，整體ok. 但冷氣有d太多太冷了！

響公司附近比較喜歡的泰國餐廳，三人行坐到卡位，我點咗午餐--肥牛喇沙，加熱柑枯蜜，等十分鐘食物到，今日個喇沙湯底依然香濃，但唔夠熱（個人認為，湯粉個湯一定要夠熱，今次只算溫）而且味道偏淡，不過公道D講，之前食幾次都無問題，可能今次有少少失準，喇沙裡面用米線，配料好足，肥牛之外，有雞蛋，芽菜豆卜，加魚旦三粒，魚旦仲幾彈牙，熱柑桔蜜唔會有乜驚喜，正常，服務尚算勤快，地方好坐，一個午餐無加一$48，都交足功課！

其實幾個星期同d friends 食過一次, 我真係有驚為天人既感覺。
所以今日同男友再0黎, 佢都讚不絕口。

坐得舒服, 2 個人坐卡位。

食左1.馬拉盞通菜, 炒得有鑊氣,

2. 炸蝦餅 - 62蚊碟, 但好大碟, 抵食, 同埋油唔多又cripsy!!

3. 半打mix beef and pork satay~~ yummy 同埋大大串

4. 紅0架喱 + 油酥餅-> 超好味 有牛油味又鬆脆

5. 泰式牛仔骨, 骨細肉多, 仲要做到半生熟, 唔會overdone 左。味道惹味

男友飲 beer 我就青檸梳打 , 同我飲開既差不多咁好飲

呢餐勁滿意

價錢ok 多d 人食平d。
服務態度好, 可能因為唔係太忙 有時間照顧我地, 仲幫我地換碟, 細心。
我覺得好食過九龍城d 泰國菜好多

又係天氣累事!! 又熱又焗 又想搵D開胃D又凍凍地既野食啦~

所以決定今日食早飯!!

其實北角都有好多間，呢間開左唔係好耐又坐得幾舒服，而環境都OK!

五點九到左，可能太早，未有客!

坐底後侍應馬上送上兩杯凍冰冰既水~落單時侍應都好有禮貌同好Nice ~~因為得兩個人，食唔到幾多，所以點左 :

泰式生蝦、生菜包、炭燒豬頸肉同一杯泰式生蝦 : 比一般出面食既大隻小小,同埋肥D，幾新鮮又好食生菜包 : D 肉炒得剛好，好Juicy，而且跟既生菜同其他餐廳唔同，唔係太大塊，剛剛好同埋D菜都係新鮮既!

炭燒豬頸肉: 燒得好香，個面燒到脆脆地，厚薄切得適中，唔會好似出面D餐廳咁一係太厚一係太薄，重有就係跟個汁好野味，正!青檸梳打都係落足料，唔太租，幾好

整體唔錯，比80分，因為今次叫既都係小食，所以下次會叫多D人，試多幾款菜。

價錢可能仲平過九龍城食，佢個生蝦都係賣$68，真係幾抵!

同友人喺公司附近搵飯食
行咗一陣就見到水晶晶無乜人又有卡位坐
所以就決定食泰國嘢
兩個女生點咗份生蝦沙律, 炭燒豬頸肉, 乾咖哩炒蝦, 肉碎辣椒炒飯加青檸梳打

首先嚟份生蝦沙律
啲蝦出奇地比出面其他泰式餐廳大好多
同時亦都好鮮甜爽口
份量亦都唔少
伴碟嘅苦瓜係本小姐嘅大敵
所以一件都無掂過炭燒豬頸肉嘅份量同樣地都比出像中大好多
炭燒味唔算好強烈
不過都幾香幾爽
最重要係夠抵食乾咖哩炒蝦椰香味好重
蝦球都幾彈牙之於個肉碎辣椒炒飯我就唔太好
不過友人係飯桶加辣椒精
所以就like 爆

原本想嚟多個椰青糕做終結
何耐待應話先一晚賣哂未整得切
雖然我地心諗點解你地今日唔整番
但係最後都點咗份千層糕
剛剛蒸(番)起嘅千層糕係就係熱辣辣
不過我就覺得佢唔夠甜同無咗份煙韌感
so so only

埋單嘅時候發現無端端收多$10
我地睇咗陣
又無寫明係啲咩野
所以就問待應點解同係啲咩
個待應走去櫃台問咗陣查咗陣
番黎同我地講話乾咖哩揀蝦要加多$10
我立刻問個待應拎番餐牌黎睇
揭嚟揭去都無寫話揀蝦要加多$10
反而個可樂要加檸檬就標得清清楚楚話要加$2
個待應就話自己新黎
唔記得同我地講就打完場
最後迫於無奈都要比
即刻對成間餐廳嘅感覺大打折扣

今天晚上，我們一家人到水晶晶去吃晚飯。
我吃了豬頸肉、油酥餅、海南雞飯和串燒，都很美味。
侍應姐姐服務很好，笑容很親切。

食物水準整體來說很不錯﹐不過價錢在北角區算是偏貴。

這泰菜館剛開業不久，小妹與一眾舊同事來試茶。門口有大約二十多張枱但店內有更大的枱供六至十位食客。這店明顯不夠侍應，一位女侍應負責落單，另一位女侍負責傳菜，餐具要食客自取。
星州肥牛喇沙 - 一碗沒有喇沙味道的湯米綫，湯只是椰汁加沙爹湯，肥牛是老牛肉，不值一試
肉骨茶配白飯 - 肉骨茶没有龍眼肉味，没有藥材味，排骨很厚肉，肉質淋，牙痛都能吃，相信有其他店的肉骨茶比這店好吃多了
泰式乾炒河 - 友人說得對，「這泰式乾炒河應是世上最濕的泰式乾炒河」獻汁多得可送飯。最可怕的事發生在小妹身上，小妹只試吃少許這泰式乾炒河，竟然口中吐出一條長髮！嘔心極了！小妹不敢再吃這店的食物。
香葉肉碎飯+蛋 - 這飯較好吃因有香葉味和辣味，別無他的

新開張所以去試吓.

order 咗鐵板蠔仔蛋 ~ 味道 ok 但清洗得唔夠乾淨, 仲有少量蠔殼

海鮮喇沙 ~ 湯底唔夠濃

蝦餅 ~ 彈牙但係油咗 d

海南雞飯 ~ d 雞冇味又鞋, 油飯冇味

基本上 d 食物唔難食. 但服務勁差, 兩個人入去明明大把檯, 仲要俾張細的, 同個四眼仔 (疑似經理 or 老細) 講要另外一張, 佢話唔可以 ,
攪到d 野食黎到又唔夠位放. 隔離檯客問佢攞菜單, 佢同個客講呢個係餐牌唔係菜單 (乜野服務態度呀). 另外有檯客話凍可唔可以較細d 冷氣, 佢話已經 25 度架喎, 唔得喎.

咁的服務態度唔駛旨意會再幫襯, 仲衰過 d 茶仔.

北角七姊妹道以茶餐廳居多, 今個月4號, 開左新食店 "水晶晶泰國餐廳", 基於本人一樣名叫水晶, 當然要捧場啦, 見未到夜晚7點已全場爆滿, 一於價錢都唔睇, 衝入去試試先!

食評如下 : ~

原個鳳梨海鮮炒飯 ($88) ~ 好味之選! 飯粒軟硬適中, 材料新鮮, 菠蘿好甜, 而且好多肉鬆, 必食!

鮮什菌炒露筍 ($72) ~ 食材都好新鮮, 露筍好清甜, 只係賣相完全唔覺有任何泰國 Feel, 而且食完有點口渴

串燒雞肉/豬肉 ($66) ~ 可以3串雞肉3串豬肉, 肉身唔乾, 仲幾 Juicy, 醬汁都幾惹味, 半打唔夠食可以叫夠一打!

泰式千層糕 ($30) ~ 餐牌圖片係4件綠色既糕點, 但食品送到客人面前時係2件綠色2件啡色, 食落口好煙韌, 唔會甜到打冷震, 綠色係椰汁味, 啡色係咖啡味, 都幾好食.

總括黎講, 食物都唔錯, 但價格以同七姊妹道其他食店比較, 算係較高價既一間, 2人晚餐埋單要 $280, 而且見餐牌內, 一個椰青都賣 $36, 飲品價錢唔吸引, 大部份客人都選擇飲水.

服務方面, 女店員中有香港本土人, 亦有泰國人, 禮貌不錯, 但當中有一位戴眼鏡打呔的男性高層職員, 態度麻麻, 語氣令人不舒服, 有客人問可否坐卡位, 居然以不耐煩語氣答 : "卡位要有3,4個人架!" 以一間未站穩腳既新店黎講, 呢位先生態度應加以檢討.