今日下午去開太子，經過花墟附近，發現了這間非常不錯的西餐廳，這裡位置雖不起眼，但環境舒適、優雅，而且桌與桌之間很寬敞，侍應們也看似很有幹勁。

下午餐時段，我坐在靠近窗邊的位置，看到隔離枱的幾位日本中女一邊品嚐著english high tea，一邊談笑風生，悠然自得的樣子，真令人羨慕!而我還是趕快點個tea set，填飽肚子罷了!我於是點了下列的tea set.......

凱撒沙律雞卷及凍奶茶: 凱撒沙律雞卷其實是將薄餅皮卷著cesar salad連燒雞肉，有點似以前KFC賣過的旋風雞卷，不過這裡是用燒雞而非炸雞，比較沒那麼熱氣。而且估不到這雞卷份量十足，cesar salad sauce與啖啖juicy的雞肉配合得天衣無縫，不過薄餅皮略嫌乾了點及厚身了點。儘管如此，個人仍然認為非常好味，值得一試!!

至於奶茶就一點也不好喝，茶不夠濃及奶味欠奉。不知道為什麼間間西餐廳的奶茶都是好難飲的，喝奶茶呢~還是去茶餐廳比較好~

我們一向幫襯開太子餐廳，上星期四去食中午飯，公司一行八人一起去，其中一個的家人有病入院，心情忐忑，不吃一個餐，叫我們分點沙律給她便可。那個老闆娘聽吧頓時黑起口面，服務態度差劣，極度不滿，我心想，原諒些年紀四五十的女人，可能她生理不方便呢。用餐快到尾聲時，我們便叫餐飲，那老闆娘說我朋友一定要叫杯野飲，否則有min charge。我們不是2 個人吃一碟飯，是8個人吃7個飯，估不到她這麼小家，算吧，做生意最重要有今生有下世，她的作法只是想沒有下世。我那朋友就此叫一杯餐茶喝，大家很快便忘了這件事，繼續用餐，我大家姐見我很快便吃完，便把她餘下的焗飯分一半給我，當我吃了一口時，發覺有隻蟑螂在裡邊，當時肯定是要找經理來。在這個時候，他們全彈開，叫了很久都沒人應，約五分鐘後，才有一個西裝的男人過來，問我發生什麼事，跟住問我想點，我瞪大隻眼問佢可以點。其實我好想叫食環署來，但是又趕住返工，又話落幫襯左佢咁多年，最後就一個惻隱，同佢講waive 這個焗飯就算。

香港真係好現實，當初未起家未有名氣時，好食唔洗講，服務態度又不錯，真的會翻卓回頭再幫襯，呢一年來，態度差不在講，連食物都有蟑螂，試問叫我如何可以再幫襯呢。

** 在此一讚，該餐廳的其中一間女待很好禮貌的，只是越高級的越差態度。
** 附上茄汁焗蟑螂飯的相片給大家參考啦....

晴朗的星期六帶點自虐的去花墟逛,逛了一小圈感到肚子開始餓了,最方便就是這間頗有老牌餐廳風味的太子餐廳。

記得上次光顧仍未禁煙,客人仍可肆無忌憚的在吸煙,以致空氣異常混濁,現在當然好得多; 只是每當客人一多的時候,餐廳困聲非常,鼻子舒適了卻苦了耳朵。

餐湯本有三款,除必有的紅白湯中,還有法國洋蔥湯,但小妹詢問時也沒有提到這款,相信又是沒供應居多; 紅湯顏色偏淺紅, 似乎不太對辦! 湯味果然跟顏色般淡,應該有的茄膏味沒有,蔬菜味也沒有連咸味也很輕淡,是溝了水的原故嗎?? 唯一佳處是湯碗是暖暖的,所以湯的溫度也可保持,但這又跟食味拉不上關係呀。

餐包翻熱得夠,只是表面有點硬(不是脆呀!), 包身頗鬆軟配上小盒裝牛油,作為頭盤也算可以,想不到餐湯已是味淡,連牛油也用上沒鹽味的,貫徹始終的清淡。

點了名字很長的煎龍脷柳配意粉雜菌汁作主菜,意粉以一個大P字的碟子奉上,型!意粉大大一碟看來很夠份量! 以魚肉份量來看應用上一條龍脷魚柳來做, 魚肉很厚身和雪白,沾點蛋漿來煎到表面脆脆,要不是澆上白汁應會更脆口, 也許魚肉新鮮,廚師也沒加太多調味或香草,很單純的魚肉一大份,廚師對這條魚真有信心; 意粉只用水煮熟沒有另加調味或牛油, 很單一的味道, 意粉仍是港式餐廳偏軟做法,要是做得彈牙一點,就會很不錯;雜菌汁以白汁作底,白汁味道有奶香也頗幼滑,加上一些鮮冬菇和金菇煮成,爽口軟滑菇類兼備,只是同是味道很淡。

配菜用上車厘茄、水煮西蘭花和翠玉瓜各二, 後兩者明顯吃到其本身菜甜味,從餐湯到主菜唯一吃到有味道的就是那2顆鮮紅熟透的車厘茄,當它在口裡爆開吃到其甜味時,我才知道我的味覺沒有失靈,我的味蕾還是正常的。

當我仍在回味那新鮮車厘茄的甜味時,餐飲到了! 這杯顏色深邃的凍檸檬茶溫度上冷下熱,明顯以熱紅茶加冰塊而成,幸好冰塊夠多仍能快速地將熱茶急凍變成凍檸茶! 想不到這杯急凍檸檬茶味道竟然非常ok, 紅茶味夠濃,加上冰塊後濃度剛好,所用檸檬新鮮夠酸, 甜度又剛好,意外地的好飲!!

廚房大哥以少鹽少油為烹調手法真的非常健康,比外面多鹽多油多味精的優勝很多,只是吃著吃著真的很像病人吃的醫院餐.......

全店最好禮貌是負責收銀那位女仕,笑容可掬又有禮,比一眾年青侍應來得親切自然。

記得上個月因廚房裝修而無緣一嘗,真可惜,今天特地來吃飯。
這裏的環境、裝修一流,很乾淨給人舒服的感覺,不過服務方面很一般,唔貼心,唔專業,或許是價錢便宜的問題。而食物方面我們三人吃了
(1)洋蔥湯:有甜甜洋蔥味,很可口
(2)法式焗田螺:螺肉淋,無味,一定唔新鮮,但又未去到變壞的地步。 p.s我們三人吃,叉卻給我們一枝
(3)花旗西冷扒:要求七成熟,但切開是五成熟.......oh no.....
(4)黑椒牛柳:牛柳好嫩,幸好要七成有七成熟。
(5)花旗肉眼扒:表面煎得香香,肉質有點硬。這裡的繞汁很淡味,不沾汁還好吃得多。
(6)啫喱、蛋菜糕:誇張的作品,質地很硬,硬過我條命!!~~~為何連簡單的羅伯臣啫喱也弄不好,怎麼辦!
這裡環境漂亮,食物質素欠佳,希望有侍改善

e間餐廳經一位朋友介紹後...
唔知點解我同我男朋友整日都覺得果度d食物好好食~
地方又好舒服同浪漫...所以就整日都黎食...

之前我男朋友生日果陣我地食左個2人情侶套餐...
有紅酒or白酒2杯...d酒好純...好好飲...
待應會放一個心形的金色罷設...加上周圍的環境暗暗的...好浪漫的呢~
之後黎左個鵝肝...好香...外脆內冧...點埋個汁...真係齒甲留香喔~
黎個T骨牛扒...5成熟(因為我朋友之前話5成熟的牛扒最好食...唔係好生架~冇血汁岩岩好)
食完仲有個佢地logo的鎖匙扣小禮物送俾我地留念呢~

琴日我地再去食...
不過今次我地唔係食情侶套餐...
食普通餐...
前菜是...
法式田螺...
d田螺好大隻...田螺入面d蒜溶汁好多好香...
如果將d蒜溶汁倒落d薯溶...咁就仲正...
因為d薯溶好熱...外面焗到好脆好香...入面就熱哄哄的...
個待應見我地食完田螺張枱有少少污積...就幫我地換左張紙...好細心喔~

羊架
我要左7成熟...不過我唸如果6成熟可能梗加好味...
上次個待應佢自己幫我寫好幾成熟(<--超好人呢)...所以我都唔知ar...
個羊架雖然得3隻...但食完都幾飽...
d羊架因為有d肥肥地又滑滑地的肉...
d味好match又好香...但最緊要係完全唔肥膩...
有少少蘇但唔濃...
所以鐘意食羊架的人一定超鐘意食!!

p.s.今次唔知點解冇左T骨牛扒...有d失望~!!

出去食過好多貴0野同平0野,
今日就去0左呢度, 平平地食0左$88 0既彩虹牛柳, 唔錯, 連配菜0既西式煮矮瓜都幾好食,
男友就叫0左$128 0既牛柳配煎三文魚, 佢覺得洋蔥湯咸0左少少,
海撒沙律幾0岩佢胃口, 三文魚煎得幾好食,
佢係一個食0野好奄尖0既人, 但個牛柳佢覺得以咁0既價錢有咁0既質素算好抵食,
咁又係0既, 兩個人連加一加埋都係食0左$238,
差不多都係$100 per head, 宜家百物皆貴, 以呢個價錢,
好多時出到去, 都只可以食到無質素又細碟0既食物,
但係, 以呢個價錢都可以食到幾好食及ok正宗0既西餐牛扒, 我都覺得好抵~
呢間俾我感覺係一間好有heart0既餐廳, 我同男友一定會再0黎~

見呢間餐廳0既格局同menu, 呢度應該主打食牛扒,
若食海鮮或其他定食好大能會無牛扒整得咁好~

(上次我0係度食過$168 窩牛+花旗肉眼扒, 舊扒切0左好多肥肉出0黎,
但依然食到我十成飽~ )

本人於情節當晚(約10:00)與女友前往太子餐廳用膳，一心想試一試。但入座後，發現絕對意料之外。首先該餐廳的服務認真『一流』，上樓梯後要我四圍搵人才能安排座位。而所謂的情人節套餐亦屬『佳品』，二佰多元的龍蝦餐，食落去竟然有『霉』的口感，真的難以接受。至於服務方面，真係有好多好多改善空間，因為他們先上麵包，然後上前菜沙律，吃完沙律後，竟然一直未有上湯，要顧客親自揮手查詢後才記得上湯，不但如此，其他主菜、飲品及甜品亦需顧客催促下才有。(當時全場只有三至四枱客人)
我想今後都不會再到此餐廳。

小弟從出江湖,以防飲食界罪惡漫延,令各位誤入黑店,又廢事出聲,蒙受谷氣之冤。

小弟只來過此表面斯文,在太子中懶係高格調既港式西餐一次。

諗住食個意粉,落吓芝士粉. 點知芝士粉質地怪怪哋, 香味欠奉, 以有腥屎既食客, 第一反應梗係睇吓有冇過期啦. 點知一望個底,expiry date刮到唔清唔楚,冇近視既我都要花一輪心機先睇清楚樽嘢勁過期囉.

好離譜!刻意瞞騙.芝士粉啫...

你哋自己判斷仲幫唔幫襯呢啲為咗慳芝士粉而出賣聲譽同食客既腸胃既黑店喇!

不經不覺我同我先生幫襯"太子餐廳"已很多年,點解會去呢?就是我先生以前所做的公司每逢要開會的時候就會到"太子餐廳"吃晚飯,之後有次我先生帶我去食飯,我覺得這裡環境好舒適,員工態度好好,食物好有水準,尢其喜歡牛款式制作美味,雖然我們不是時常去,水準依舊保持,所以每次到餐廳吃飯,食得很開心同滿足,我上個月剛剛再同朋友到來食飯,都讚不絕口,今時今日有這樣的服務就最好。

係太子兜左個圈, 都唔知去邊度食好, 想搵韓國燒又冇, 日本鐵板燒又唔o岩, 個friend話花墟附近有間上一層o既餐廳幾年前食過, 不過唔記得好唔好味, 於是就再去試下.. 間餐廳叫[太子餐廳].

我地啱啱坐低, 發覺有d嘢唔係好對路, 點解咁嘈o既??? 原來隔離檯有一家人正在點菜, 好大聲咁討論食什麼, 個男人想點和牛餐(約$220/set), 問個侍應: [你地用o既和牛係咩grade架?? M幾架???] 個侍應支吾以對, 男人再提高聲線問: [M幾呀... ], 那男人覺得那侍應其實都冇可能滿足到佢o既要求, 就要求叫個經理過來, 大約半分鐘後, 經理出現, 那人再問同樣o既問題, 哈~~個經理同個侍應一樣支吾以對, 又話要入去問個廚師........ 我心想: [乜呢間餐廳咁high架咩???] 我個人覺得和牛只係一個賣點而已, 亦唔相信d侍應會知道果d 咩咩M幾grade... 直覺上, 佢地一定係去錯地方, 情況就好似係茶餐廳食咩咩鵝肝扒餐咁, 叫d哥哥仔佢地係用咩grade o既鵝肝一樣~~ 鬼知咩!!! 你要知就去畀5,6百去d日本餐廳喇, 佢地一定可以答到你..

由於佢地真係好大聲咁問, 我又唔想成晚都要聽住佢地吹噓, 於是要求換位, 最後換了一個場中o既位, 真係靜好多... 同朋友傾番個男人, 都覺得佢係想係呢間餐廳話俾旁人知佢對和牛o既高要求多過真係想食好o既和牛...

言歸正傳, 佢食咩唔緊要, 我朋友叫左個彩虹牛柳配炸薯茸梨, 我就叫左個肉眼扒.

餐湯冇咩特別, 麵包又冇咩特別, 所以唔講, 入正題講主菜.... 朋友o既牛柳要七成熟, 個薯茸梨開頭唔知係咩, 上碟先知係用薯茸造o既梨形物, 都幾得意, 但佢o既comment唔係咁好, 怪怪地, 點怪就唔知喇..

我就要5成熟肉眼扒, 個師傅功夫唔錯, 切開睇真, 真係5成熟, 所以好嫩, 但件扒唔係傳統西式做法, 係中式o既方法, 醃過o既, 所以單係件扒都鹹鹹地... 另外, 食到最尾邊邊時, 因為差不多全熟, 所以比較[鞋], 可幸自己叫5成熟, 否則就大件事了...

個餐有甜品, 我要個紅豆涼粉, ok喎, d豆好腍, 份量適中..

另外, 餐廳o既裝修幾好架, 有d酒店bar o既feel... 埋單每人$110, 總括而言, 都可以一試.

夜晚同friend去食dinner, 已係宵夜時段, 諗住相對平同靚,點知捉蟲,去食麥記,雲吞面仲好過.

餐飽--分別俾咗一個員餐飽同兩片小法包。我食咗塊法包。嘩!又凍又稔,乜法包唔係又熱又脆o既咩?

叫咗個三文魚薯仔沙律。所謂三文魚,都係即食煙三文魚啦,3舊...都冇乜expectation。
但係個沙律.....係一劈好多罐頭雜果, 加好多卡夫奇妙醬,冇乜薯仔,雪到好凍o既物體。

有冇搞錯呀!呢d沙律o係led village或任何茶餐廳,20-30蚊都食到啦,宜家要成60蚊?!

叫個經理o黎啦, 同佢講番以上情況(當然唔似上面咁激烈), 佢好開心咁話, "我o地會同裏面反映", 就走鬼咗去。

咁即係點?!我俾成60蚊成個飯,對住哥碟冇乜o野食得落口o既o野,根本唔飽!

其實我唔諗住叫佢換過碟,只想佢送番一殼半殼唔值錢但飽肚o既薯茸俾我咁啫。

半小時後,我碟沙律近乎冇掂過,义住舊三文魚,佢走o黎問我"請問收得未",我話收得,佢竟然好開心咁收咗佢。完全係"你唔啱食你o既事"o既態度。

因為一肚氣,所以飽咗。

最後甜品....當然唔可以expect 係好o野.o黎兩個雪到硬o既啫喱,加支雪到凍o既匙更。

呢間餐廳,連水,都有怪味。

唉

要去隔離個商業大廈,又落緊雨,是但啦,食呢間啦!
一上去,坐得2成滿...唔通,唔多掂??
打開個餐牌,一人套餐price range $88 - $1xx 都唔算平.諗住,又冇人;又唔平,仲唔係'賴'野??
2人分別叫左西冷牛扒同芝士焗石斑天使麵;另Monday半價order多半打焗田螺.
焗田螺熱辣辣唔錯
忌亷湯好飲過羅宋湯.先黎天使麵,賣相同味道一般ok啦;後來的西冷,切開....掂!真係做到好靚半生熟!外層脆內裡嫩.伴菜既牛油薯仔同青瓜都好好味!冇'賴'野!!
服務好好...唔知係咪因為冇乜客...所以有'小班服務'...
有機會會再去.環境幾靜,可以慢慢食.

行花墟必經之路,經過樓下N次直至今日至第一次幫襯,為的就係廣告牌"高茶"呢2個字。

撐左一層樓梯,人未上到餐廳侍應小姐已經迎賓,坐唔到window seats但都有個4人位坐坐,真舒服!!成間餐廳已經好有聖誕節氣氛,一來對住棵聖誕樹坐,又見到有個假壁爐,"火"光熊熊,感覺溫暖。

一個人食唔到高茶,下午茶餐又唔多合口味,幸好仲有天使麵選擇:

餐湯三選一,今次揀左洋蔥湯因為比較少機會飲到,洋蔥湯呈淺啡色,洋蔥都幾多但味道唔濃,飲到有牛油味,普普通通之作;跟餐麵包質素麻麻,唔熱又孩,唔好吃!天氣凍加上硬牛油,好難茶lu....

白汁焗三文魚天使麵:記得點菜時好似唔係叫焗天使麵bor,莫非又睇錯??三文魚份量唔少,最重要係無腥味!!今次件三文魚唔孩,但自己都係鐘意生食多d。天使麵唔太彈牙但都唔太淋,ok啦;只係加埋白汁一齊食感覺較立,有d滯既感覺。

餐飲揀左凍奶茶,茶味幾濃又唔會太甜,都可以一飲!

只係呢餐係匆匆完成,無好好享受佢既味道同聖誕氣氛濃厚環境,只因為有2個吸煙的女人不斷係吸煙區食煙,令到本來無乜冷氣既餐廳焗上加焗,走為上著!!!

服務方面幾位侍應都幾有禮貌,不過2位女侍應就比較醒目;高茶/焗雪山都係留返食肆全面禁煙再黎試。

四、五年前幫襯過而又念念不忘既西餐廳。

幾特登咁走去，但唔知點解脾胃唔爭氣，只係叫o左個鮮雜果沙律（+廚師雜菜沙律）套餐。

佢除o左紅白二湯供應之外，仲有法式洋蔥湯供應- 當然順理成章咁要o左。法式洋蔥湯，洋蔥多，但洋蔥味就唔算多...有好多洋蔥都好似融o左；洋蔥湯應該偏油，但今回唔算油。

o係我飲完餐湯但餐包都未食完既情況之下，沙律便上檯。心想：做乜上得咁急？事出有因：上面所有「鮮雜果」都係新鮮多款生果，而其中由於蘋果「未經處理（無浸鹽水）」，所以要快上，以免「生銹」。一讚千島汁另上，各取所需。

（+廚師雜菜沙律）其實可以變成（+雜果薯仔沙律），個味就唔會好似依家睇落咁寡- 但小妹覺得已經足夠。再加上D 雜菜比SoHo、酒店食到的仲要爽同「肥美」，用刀叉也容易handle，驚喜。

甜品又有三款：芒果布甸、o者喱同雪糕，而雪糕又有拿破侖三色（士多啤梨、雲呢拿、朱古力）揀。雪糕用脆筒上，特別，且極厚脆；士多啤梨雪糕是非牛奶公司士多啤梨雪糕既香料士多啤梨雪糕，唔知點講...好creamy。

鍾意呢度既variety 同professionality：基本上佢乜野菜式都有供應，配菜、副品選擇多，且質量比坊間出色；可能你會覺得呢個全天候沙律套餐貴，但當你想到呢度有扒餐都係呢個價，同有$48 超值焗飯套餐，其實一D 都唔貴...只係小妹選擇「不當」而已。

佢個雅調似昔日既雅閣餐廳，但更似昔日o係雅閣餐廳樓下的紅寶石餐廳...兩者皆為當年的談情勝地。

看了大家對此店的食評, 便和男朋友到這裡一試.
星期六大概7:30, 人客不算多全店只是半滿而已.
不過仍被安排到八人長枱"搭枱". 算了, 我也不太介意, 因為左右都是"斯文人". 裝修是港式得很的餐廳standard, 不說也罷.
我倆都點了西冷和羅宋湯.
跟餐麵包沒有驚喜, 羅宋湯也很一般.
主菜倒算不錯, 個汁都煮得ok, 不像其他港式餐廳, 把汁煮得太杰. 配菜是焗薯, 好好味, 有驚喜.
甜品有jelly　＆　pudding, 二選一．
男朋友叫pudding, 我要Jelly. Waitree聽不清楚問了兩次，　不過上桌時還是來了兩客pudding，　我對男朋友說我不是叫jelly嗎?　此waitress 才像如夢初醒說自己拿錯了，連聲道歉，態度誠懇．　小事不緊要，態度誠懇值得加許．　　
埋單，此waitress拿單過來又把放在枱上的宣傳卡子整跌．．莫非昨晚看世界盃唔夠訓？？？