之前已經係銅鑼灣食過一次南記，覺得都幾好
今日係灣仔試多次，竟然見到有幾個韓國人特登來幫襯！

快餐店格局，自助買票，然後取食物，兩分鐘內食物上檯
繁忙時間搵位唔容易，加上店舖頗細，拎碗粉返位都有點難度
店內最入面有一張檯，隔離竟然有袋垃圾...... 情況混亂

叫了個招牌面($17)，有春卷，魚旦，牛丸各兩粒
足料，超值價錢

春卷
一拎即刻食左兩啖，果然脆脆地，即炸的，不過放左係湯林左。
如果可以另上應該別有一番風味
應該係用鯪魚混其他魚肉，都幾得意
魚旦
呢樣就一般，一口咬落去，有一陣漂白水味！
不過魚旦都幾彈牙
牛丸
有咬口，好味
冬菜
放係檯任加的，好咸，放入湯後食左一啖
豆漿($5)
唔夠解渴，幾啖飲完

兩次食完南記之後都好口渴
所以都唔敢飲佢的湯底......

這灣仔分店環境比銅鑼灣店細很多﹐店內走廊位很狹窄﹐因而平日上班午飯時間的人龍往往排到出門口。坐下進食時亦不可有大動作﹐因四週都是拿著一碗二碗米線在你頭上經過的顧客﹐一不留神便會被整頭淋。

時日禮拜一下午﹐路經此店發覺沒有太多人﹐所以進內叫了酸辣腩肉牛展米線。

酸辣腩肉牛展米線 - $32。 腩肉及牛展味道很濃﹐牛展肉質與筋位比例差不多﹐但燜得不夠淋﹐肉質比較硬口。其湯底徐了酸辣味道之外﹐本身甜甜的味道亦很加工﹐味精的功力真的下了不少。

內不內試一試無妨﹐但長期進食味精濃度高的食物真的不太好。

好耐冇去過南記啦, 今日行過同老公忍唔住入左去食 …

春卷牛腩小窩米線 – very good!!! 不過牛腩太少 … 春卷就真係好好味~
招牌麵 – ok, 但好似細碗左 …
油菜
豆漿 – 冇咩味

唔知點解覺得中環嗰間好似好味d … 下次都係返去中環食先得

聽同事話南記好食，我之前都未聽過南記，上openrice check原來有好多分店，今次選了灣仔謝斐道一試，餐廳不太大，快餐店形式，要搭枱，七點度好快坐滿人，光光猛猛，有人走時阿姐都好快執嘢，我選了招牌面($17, 睇openrice人地話$16, 應該加咗價)因為有三種料，男友選了春卷小窩米線($25)，佢話每次同同事食南記都係食呢個米線，再加油菜($10)，男友買完票坐下等叫number，一會兒就輪到，對比番廿幾蚊碗既米線，原來招牌面係細碗，招牌面其實就係炸魚肉春卷 x 2,牛丸 x 2,白魚旦 x 2 + 普通面, 未來過之前以為春卷係炸到脆卜卜添,原來係淋嘅,就好似炸魚旦咁,白魚旦幾彈,幾好味; 相信出面十幾蚊碗魚旦粉可能有四到五粒料,相比呢度招牌面多好多料，一條春卷切三份，一碗就等於有十粒料，超抵食 !

至於春卷小窩米有四條春卷, 我試咗少少米線, 米線煙煙韌韌, 男友話灣仔摩理臣山道那間冇咁淋好味啲，湯底少少辣!!

另外openrice人地話冬菜任攞, 我以為冬菜在出面拿面的地方添加, 但又見不到, 食到尾先見搭枱的人打開平時裝糖的"中"攞冬菜, 我都拿了少少試，好咸.....

小豬兒最乖.

因為她到會展後, 在灣仔買回校給我吃=3=


她吃小鍋米線, 也有春卷.

我特別愛吃, 她買了淨春卷, 6條


但她說這間不及摩利臣山那間咁好吃.

可能因為拎走了, 放久了吧.

但春卷也是很好吃.

外皮少脆, 內肉腍香.

卻摸不清其底蘊.

像魚又像豬, 迷離撲朔.


吃完一條又一條

話說有一次同一個朋友出去灣仔, 佢話去食南記, 話好出名咁
其實入到去都唔知想食乜, 我對"雲南"米線興趣不大. 因為明明話係雲南米線, 但我好唔明一樣野點解間間話雲南米線都會配港式野, 覺得好唔正宗所以少食.
朋友同我講南記春卷出名好食, 我又見餐牌上有招牌麵係有春卷, 所以我叫來食, 睇下係咪真係招牌啦

點知食完我真係要打爛佢招牌, 完全唔覺得有咩好食, 咁就叫招牌?! 唔係呀嘛?
首先講個湯底, 冇乜味 只係比滾水有味少少咁解. 學蔡瀾話齋, 一碗湯麵如果個湯底唔得, 可以成碗唔使食. 我覺得聽落又幾合理, 叫得湯麵至少d湯真係有返咁上下, 唔係成碗冇味的. 後來我加辣醬先勉強食到........... 呢度我會扣好多分
講下春卷啦, 話就話南記鎮店之寶, 但食落真係覺得好普通, 除左係入口鬆化少少, 香口少少之外, 我唔覺得有咩特別. 其餘兩種配料牛丸, 魚蛋都係一樣咁普通, 一般街市都會買到的貨色.

服務態度我覺得都唔多好

數年前在灣仔返工, 都間不中會去南記食lunch, 粉麵味道不錯價錢又OK, 還排晒長龍座位爆滿。

今天同男友去灣仔行街食飯, 想去這間食lunch, 誰不知事隔數年 會變成如此:

1. 服務態度惡劣 ~
a. 一入到去找位個員工就說 "小姐個邊咪有位囉" 好無禮貌地說。
b. 到取野食個員工給錯我男友, 他比我睇下我叫的啱不啱, 我啱但他的食物錯了, 因佢比左
人地的食物比他, 個員工大聲說錯左攞返來, 無say sorry, 仲好似我們不啱咁。

2. 湯底極度酸, 好難可以食晒成碗, 有胃痛的危機 ~
春卷小窩米線+菜肉餃小窩米線, 全都走辣
走辣後個湯底好酸, 食第一口腐竹已感受濃烈的酸味, 酸得離譜, 之後行街都成日口乾

最近一段長長的時間，每晚都瑟縮於灣仔的一角
在早前的單身日子裡，總會只求快快「搞掂」每一餐
南記就陪伴了我多個孤獨冬季晚上

南記是一間連鎖式粉麵快餐店
運作方式差點就會像周星馳食神方程式一般
即是"個位有咁窄得咁窄，等人唔好坐得咁舒服，食完好拿拿聲走"

但當你幸運地找到一個舊式熱狗巴士般的坐位
然後盡力把你的身軀聶進去後，就能正式享受一碗不錯的食物了

這裡有不少食品選擇，也不用多說
想試出名的，就不能錯過「春卷」、以及「小窩米線」
所以這次，我就試個合體，春卷牛腩小窩米線
小窩米線有辣度選擇，分量亦十足
價錢亦十分合理(HK$25)

正如之前所說，這裡是一間快餐店
你不能強求什麼，環境、賣相、衛生，通通不用考慮
它所賣的，亦不是什麼老師傅製作
但簡簡單單一碗春卷米、或小窩米線
都食得出並非求其之作
有種力量令你說句：下次經過可以再黎食過wor

不錯，不用你專程到來
但只要經過，就會想進來吃上兩條春卷
快餐店所期盼的，就是這樣呀!

返學前0黎食個晚餐
南記香港仔0個間食得多，灣仔都係第1次
不過lee間就比香港仔0個間大
服務就2間都無服務可言，不過香港仔0個間d人就比較有禮貌
今次叫左春卷牛丸小窩瀨粉，要走辣
走辣之後個湯我最中意，因為酸酸地，幾好味
裡面重有新鮮腐竹，酸菜，芽菜
春卷係南記既招牌，可以話係由細食到大
平時屋企打邊爐都會去南記買幾條春卷，平靚正
我已經好努力咁食，不過1個女仔真係好難食得哂成碗，太多粉喇，最後我都係食唔哂

返全日學，中午放飯，悶悶地，冇乜胃口，又要傾project，所以去左買南記外賣。
12點多少少，竟然已經人山人海，好在唔使搵位堂食。

今次叫了心愛的牛丸、芥蘭米，加$1有一杯豆漿。
牛丸的來源是我至愛的元朗勝利牛丸出品，除左元朗勝利，就只有南記先至可以食到。
牛丸好爽好香，唔係牛筋丸那種，所以如果鍾意食牛筋丸既人，未必懂得欣賞。

最欣賞南記係佢既冬菜任攞。
把冬菜加入d粉麵度，可以釣出個靈魂及味道，正!!!

真係好抵，大大碗食到飽飽咁，都只係$21!!!

第一次到訪南記
星期六的lunch time~多人到傻

坐的位置真的很不舒服~好彩味道還ok~

我叫了一個招牌麵~
麵底湯底不特別~不作多提啦~
雙丸ok~但冇驚喜
春卷係最有驚喜的了~
似係魚米家嗰一d魚肉腐皮卷的感覺
但味香很多~
十幾蚊呢一碗~抵

男友嗰碗我冇食到~唔評論啦~

不過個菜真係又黃又唔新鮮...唔食好過食
成為左呢一餐的一大缺點~

己經有一段日子沒有食南記了
原本今天想食譚仔～
但因為太多人了，結果轉移視線呀～食南記呀
嚟食南記，當然要食小鍋米線，夠惹味呀～
時日特價$22 係菜肉餃子, 牛腩春卷
我食咗菜肉餃子小鍋, 小鍋米線依然好好味, 菜肉餃子就一般
不及以往好味呀~ (我同事仲覺得怪怪的~)

不過佢既湯底依然沒變,我同事依然鍾意食佢既春卷~

小公主兒見我未吃過, 橫掂黎開灣仔就食下.


之前經過都覺得好香.


叫辣那些會怕太辣.

所以叫了小鍋, 少少辣.


牛腩和春卷.

牛腩是很腍的, 不會是街外的痴牙劣作.

腍腍的像煲了很久似的



春卷確一流, 特別的味道, 軟熟中又有一點韌.

難以形容的美味.


(或者可以這樣說.

連小公主辣辣的湯底內, 她不吃的那一條春卷, 我也要吃下.)



p.s. 坐對面的女士就是叫了淨春卷, 多滋味兒

[聽家姐講左咁耐話南記好食..今日終於試到lu
我嗌左個春卷牛腩小窩米線..not spicy
d牛腩全部都係肥膏..
睇見都唔想食
個春卷都冇乜特別..開頭仲以為好好食
但係個湯底都幾好..
食食下個呀姐同隔離個台d人講話要收鋪..吹佢地走
真係有少少搞笑.
晏d d人黎食都冇晒d料lu