上星期日跟家人一齊飲茶, 12點去到仲有好多吉檯, 走嘅時候差不多全場爆滿, 星期日中環嚟講都好犀利!

先講食物, 大部份(叫了蝦腸, 蛋散, 千層糕, 素菜餃, 叉燒包, 海哲頭, 叉燒瀨粉, 珍珠雞等) 除咗海哲頭, 其他都好好食, 特別係叉燒瀨粉, 超好食!

不過食物一流, 服務就唔入流: 侍應太少, 人客又多, 所以啲侍應都做到黑口黑面. 最離譜係埋單時張居然有兩樣嘢我哋都無叫到, 錯嗰張單$600幾, 啱嗰張先$400幾, 差咁遠, 有無咁過份呀!

所以雖然好食, 但笑瞼都係俾唔落手

今天和舊同事和舊老闆午敍.考慮舊老闆的要求,想他要多點私隱的地方晉餐,又要考慮他們從office出發不會太遠和不濕身(因為今天下大雨),所以便冒險選擇這家從未光顧過的酒家.

的確舊老闆很滿意(他是外籍人),無論對食物及環境.對我來說,實在是太少點心選擇.而且由編位太入,很難找到待應招呼,而且繁忙時間食物要等較長時間.

幸而食物味道不錯,較適合商務午餐.價錢也算可以啦.

能夠在父親節一家人一同吃飯, 是我們的福氣. 這一年的父親節飯, 分兩天進行, 星期六的這晚, 跟父母文迪四個人, 來了這裡先吃. 這家一星店, 被不少人批評選得不合宜, 就趁這機會, 看看它的水準.

一早訂了位, 又來了落訂$400, 先有八八折. 但其實也係比平日貴, 因為是晚沒有平日的餐牌, 無論係散叫或者叫套餐也要吃父親節特別餐牌. 當然, 在節日期間, 加價也實在無可厚非.

這裡的地方相當之大, 而是晚雖然有公司宴客佔了不少地方, 最後其實還有不少空位. 節日前的成績也是如此, 或許這裡的重點在午市? 人客不算多, 臺與臺之間能夠有一定距離, 加上裝修係幾舒服. 在環境一欄來講, 是幾好的.

從食友的食評中, 知道這裡有甚麼係值得試, 再加上自己的心水, 就定了以下幾樣菜色.

花膠菜膽燉花菇 $68: 8分, 要了兩客花膠菜膽燉花菇, 大家分吃. $68一客, 不算便宜的價位, 但也是有相當水準. 湯係相當清甜, 菜膽幾靚, 加上花膠同花菇, 小弟一向喜歡清的湯, 這一個, 正對口味.

鮮拆圍蝦煮勝瓜 $98: 9分, 也是個相當清淡的菜色, 只係簡簡單單的勝瓜, 加上小小蝦肉, 但係個湯底就係個精華, 當湯飲也一樣得. 蝦用上圍蝦, 尺碼適中, 也幾鮮甜.

鮑魚汁珍菌素千層 $88: 7分, 個鮑魚汁係幾香濃, 但偏杰身, 也比較油, 或許整體輕一點會更好.

豉蒜涼瓜炆海參 $138: 7分, 也係偏油的一道菜, 當然用上豉蒜去炒一定會比較濃味, 但輕手一點會更合小弟心意. 海參夠淋, 沾上了豉蒜, 都幾搶的. 但講到做涼瓜, 還是喜歡文迪的出品.

飄香荷葉飯 $25: 6分, 在幾家星店也有吃過荷葉飯, 也在這裡吃吃吧. 要了兩客分吃, 怎知道份量是這麼的小, 只有大半碗飯的份量, 實在兩三下已經吃完, 不是填肚之選. 荷香是沒有的, 飯也帶點濕, 不太對勁.

養顏杏仁茶 $20: 8分, 甜品方面, 先要了兩客杏仁茶. 份量又係偏細, 好像茶杯大小. 杏仁味係相當香濃, 不會太甜. 但這裡做的不是蛋白杏仁茶, 沒有了蛋白, 總覺得係差了點甚麼似的.

喜叠蟠桃 $28: 5分, 相當失望. 小小的壽包, 是翻蒸的, 午市剩下的? 包是實實的, 係蓮蓉還幾香, 勉強合格啦.

服務是麻麻, 人客不太多下, 加茶還是比較慢, 態度也不太友善, 不過應做的, 也有做.

整體食物, 算中上, 花膠菜膽燉花菇同埋鮮拆圍蝦煮勝瓜是很出色的, 其他菜色平均也有一定水準, 係個壽包最差. 加上這裡的環境, 是值得一試的. 至於會否再來, 相信又未必了.

7個月紀念, 因為男友要食完再返公司, 唯有向交易廣場附近食。之前食來食去IFC果幾間, 唔想食西餐, 又唔想去食去正斗同CRYSTAL等餐死, 最後決定不如去THE SQUARE食個快既晚餐。

THE SQUARE我食過兩次, 都係TEAM LUNCH老細請, 印象中食個蝦蛟都連個龍蝦殼一齊上, 十分誇張。一心以為THE SQUARE都係做D包心翅肚既野, 小菜應該冇乜, 點解原來佢地有好多小菜, 價錢合理, 味道又幾好, 仲要個環境唔迫唔洗等位仲有人唱埋LIVE BAND TIM!!

叫左兩個湯, 一個例湯一個花膠東茹, 個例湯好濃好有味, 反而花膠湯就好清, 但都唔錯。小菜叫左個牛柳粒, 牛肉幾淋, 幾香口。之後叫左我至愛既點心, 春卷!!! 估唔到佢晚市都有!! =) 佢地既春卷好大好多料, 而且個皮超脆, $60蚊唔洗真係必食!! 男友個口生左四粒飛知都忍唔住食左兩條~~=P 之後再叫多碟豆漿豆苗, 夠新鮮又唔油, 幾好!!

最後好飽都仲要叫多兩個甜品~~^^

下次放工想舒舒服服食小菜不妨考慮下THE SQUARE~~

17/1/2009 和女兒一起午膳. 過往翠玉軒的出品及服務均一流.
今天重臨,大失所望. 水溫攝氏五十度, 何來水滾茶靚,真是不冷不熱.
整個區域,約二十至三十張檯,只有一位經理可以落單及結帳.
這位經理如有其他客人需要招呼, 落單請耐心等候,漏單不在話下.
由落單至食物送到,快則三十分鐘. 慢則不說.
不知何解, 其他侍應不能落單及結帳. 好在食物水準甚高,多得廚師努力.
最後結帳等了十分鐘,帳單還是未來,終於自行往Cashier 付款.

先多謝大家既幫忙=)
基於冇錢既關係，同埋之後Book左赤柱食飯，
所以一野就決定不如@交易算數。

老公見到門面同點心價錢被嚇到唔識揀野@@"
算啦，反正都要搭車食唔多.....

首先上檯既係「鮮蝦三文魚炒飯」*
難免有少少油，但係海鮮味同蛋味搞到好惹味香口*
三文魚唔會老過呀媽=)

之後係老公揀既XO醬蘿蔔糕*
難得既係佢唔油但都頗辣，所以個飯我包左，而老公就搞掂佢@@"

到左個帶子珊瑚餃，比較清既一款點心=)
感覺都幾賽螃蟹下XDDDDD

都要二百幾蚊Gar，不過呢，服務同味道都值既*
(PS：當我知道呢間係有米芝蓮星星，開心到爭少少喊左出黎*)

記十二月上旬慶生晚飯

替友人慶祝生日，大半年前已談起到IFC的翠玉軒吃商務式午餐，時過景遷，友人也找到更適合她的生活空間，這裡亦出奇地成為《車胎人指南》推介的一星名店。

大集團經營，環境雅致內廳位置面對交易廣場內庭花園，帶位小姐安排到一邊的卡位，位置闊落，坐起來也舒適稱心，同樣是一星店，這裡環境氣氛遠勝流水式作業的IFC利苑。

打量著餐牌，寥寥數頁譜下餐廳招牌菜，當中有不少是豆腐、蔬菜系列，風格清新。二人簡餐，隨便點些菜就可以了，冷胡麻羅馬生菜、金陵燒味乳豬併叉燒、招牌豆乳炒血燕、基圍蝦炒滑蛋，慶生也吃好一點，打點了蝦籽燒海參，每款若百元左右，連環境及配套收費也算合理。

畢竟是集團走高一線餐廳，餐前送來子薑蘿蔔小吃，子薑雖過了造，但吃起來清爽，簡單開胃。冷胡麻羅馬生菜原來下了辣汁，餐牌卻不作說明，叫經理替換他亦從善如流取消。金陵乳豬起了皮，皮脆卻不夠油甘，亦不熱吃起來溫溫吞吞，豬肉片粗韌難消化，應該是賣剩見底的貨色，叉燒是瘦的部份，肉汁燒得乾透，帶點蜜香，是晚手神麻麻。

豆乳炒血燕，豆質細滑亦帶著應有豆香，不算油膩炒功不錯，配起血燕帶出微爽口感，當然加血燕最重起Mark Up作用，此品配崧子味道會更好，自家製的，有益亦吃得過。

友人不好酒，太雕雖平但獨酌不好，只好改叫上菜膽燉湯及豆腐羹，總叫有些水分入口。菜膽燉湯帶著濃濃的菇香，白菜膽燉得軟腍甜美，不錯；豆腐羹用上細切的白福豆腐，湯底鮮濃，配起木耳及細膩的蛋白，欠打得薄滑，做工認真又美味。

基圍蝦炒滑蛋，金黃濕潤蛋黃很嫩滑，蝦亦是用上新鮮中蝦，用料認真，除比較油膩外也沒其他可挑剔了。蝦籽燒海參，下了鹹味騙重濃醬炆煮，汁收得緊致乾身，比起水汪汪的版本更合自己口味，蝦籽鹹鮮被濃汁蓋過，可惜，幸好海參炆得夠身，吃起來夠味，用來配白飯的話很不錯。

單尾的珍菌鮑汁素千層，千葉豆腐包著薄皮輕炸，餡帶著濃濃豆香，鮑汁濃甜，兩者配起來豐富了素菜單調味道，雖然很飽，但也努力地清碟。

一星名店，侍應服務方面神情呆滯，而事後甜品出現漏單問題，女店員即時反應並非道歉，而是忙問「替你們落單的不是我吧？」，集團訓練出來的「賒膊」心態，豈有此理。撇開這獨立事件，環境好坐得舒服，菜式健康是午市尚務餐的不錯選擇。

在此祝友人生人快樂，亦謝謝上海帶來的手信～

跟男友出發去 Lamma Island 前決定先在這裏飲茶,因這裏比較近碼頭

但因我唔舒服及男友已食過早餐,故只叫了三款點心

1. 炸粉果+龍蝦汁 ==> 粉果炸得好脆,個汁都ok,但比較油
2. 煎魚餅==>尚可,食到魚肉味,不粉
3. 芒果蝦卷==> 尚可,但比較油

此酒樓比較靜,我喜歡呀

埋單: $12x ==> 以服務及環境計不算太貴

一年容易又中秋, 諗住早D和屋企人食飯,星期五先至BOOK星期六晚吃飯,本來想去尖沙咀，唔係FULL 咗, 就係要等八點半果場, 睇吓D信用咭有咩優惠,攞吓靈感, 見到中環翠玉軒HSBC個 優惠套餐$1157 減到$694, 好似幾抵… 一訂就有位.

星期六做完MASSAGE, 條街鬼咁多人, 費是人迫迫, 早咗半小時去嘆冷氣。

我只帶HSBC 和DBS 信用咭 (因為有D 餐廰有3倍積分), 睇吓餐牌, 原來用渣打信用咭叫巧手系列仲抵, 四人套餐差唔多價錢 ($688), 但多個小菜, 多個麵/飯,多個甜品, 仲有85折, 好彩同行有人有渣打信用咭, 真係乜鬼信用咭都要帶備傍身!

六個人叫咗四人套餐, 和兩個小菜.

四人套餐包括葱油茄子,旗參响螺湯, 椒椒雞同鴨講, 蒜焗大花蝦, 清炒桂魚絲, 米湯浸清蔬, 韮王銀絲細麵/ 紅米飯, 薑汁雙皮奶.
小菜就叫咗生煎瑤柱涼瓜餅 ($68), 和拔絲咕嚕肉($78),
美心出品, 質數有保証, 份量夠, 味道剛剛好, 除咗個湯未夠火喉, 樣樣都咁好食.

我發現中環星期六食晚飯仲有個好處, 唔會有交枱的壓力,可以坐多一陣, 七點食到九點幾都得

08年2月13日晚一家十口去翠玉軒食晚飯，由於它屬於美心集團之一，買美心d餅去食就免收切餅費。最正是燕液南瓜羹，好味！其他一般啦，冷盤麻麻地。士多啤梨骨唔夠士多啤梨，但服務認真幾好。加一，茶錢14元。好適合傾生意嘅人，環境同情調好好，地點就腳。

二月十二日(星期二)

今日lunch黎呢度食開年飯!

等左一陣先上菜,好肚餓呀!

頭盤有义燒,素鵝,海折,我覺得义燒好味!甜甜地又燒得唔錯!

仲有西蘭花蝦球,呢個一般,西蘭花好味!不過蝦就冇蝦味!

同埋蒜容龍蝦,呢個食法唔多欣賞,本人比較喜歡芝士上湯那款!

炸子雞,都唔錯,皮好脆,雞就一般!

貴妃泡飯,呢個幾好味,同埋好特別!佢黎到先放d米通落去,有"炸"一聲!個味幾清!唔錯唔錯!

生菜鮑魚菇,呢個一般貨色啦!

翅,ok~不過料唔多!

冇甜品,有會加分既!

有飯後生果,都幾甜!

We booked a room in the restaurant. What I found interesting is tht the rooms arent to the back of the restaurant but rather located in a central spot amonst the throngs of tables. Maybe it's for easier serving.

Anyway, the table of 13 had some standard food. Roast pig slices on white flat bun slice. Pretty gd.

Yiu chu with mushrm n veggies- good.

Shark fin was a big enough proportion for a chinese restaurant not specialising in the area.

The Shrimp with vegetables was lovely. Generous chunks of shrimp.

Chicken- standard.

Fish - HUGE, fresh no doubt, but overcooked. ><

Lor mai farn+ e noodles, no creativity there.

Dessert, pecan paste. pretty gd. Soubao, soso.

Choice of drinks - awfully limited for the price we're paying. Had to have soft drinks if we were to go non-alcoholic.

Good service overall.

埋年尾又特別多社團聚會，是日話事人在這裡擺廿圍，包廳。其實這裡外表雖然不錯，但擺起酒上來，其實不是太適合，因為舖面窄長，兩邊的人客都幾難睇到對方，主人家在中間，當然兩邊睇晒，但玩起遊戲抽起獎上來，氣氛就一般了。

酒席的水準不錯，始終大集團出品，質數是穩定的~~當然圍酒價錢不能太便宜，平貨會有幾好？

乳豬不熱，已是大忌，皮脆但肥膏太厚，是乳豬本身的水準一般；炸蟹鉗非常大隻，但又是「單指」的，可能現今人客也不懂什麼才是真炸蟹鉗，所以食肆也懶得花功夫去做了；蜜餞雲腿併蝦球很不錯，蝦球大隻又爽口，鹹香的雲腿跟甜甜的外皮配合得很好，是很滿意的一味；大排翅真的是一梳梳的，排場十足，可惜湯底沒甚味道，當然也是杰如漿糊似的，睇見都怕；鵝掌夠腍，鮮鮑魚扣得很入味，當然比鮑片高級幾倍。酒席份量夠，去到青斑及雞，已經沒有幾人能動手，而水準是可以的。

侍應雞手鴨腳，幾難相信是正規軍。

據聞這圍酒是七千幾包酒水，也是落本的。咁在大集團擺酒，一定程度上有點保證，當然揀過第二個場就會氣氛好一點。

有朋友之前試過覺得不錯，極力推介，又不想走太遠去蘇豪，於是揀了這餐廳和朋友食晚飯聊天。餐廳內很寬敞，坐得很舒服，但明明是中菜廳，卻有隊外籍人士表演唱歌，有點奇怪，而且聲浪太大，我們談話時也要提高分貝強度。

今次我們點了不少餸菜，包括了一個燉湯，燉湯沒特別。前菜是‘和牛沙律’，大部份都是牛肉，沒有什麼蔬菜，牛肉味道不錯但太韌了。主菜有‘蘆薈百頁’和‘蟹肉蛋白炒飯’，‘蘆薈百頁’其實最主要是食刀工，豆腐切成薄片，排列得十分漂亮，但味道就如想像般的淡，不過炒蘆薈就很清甜。至於‘蟹肉蛋白炒飯’用蒸籠上，我本身喜歡較濕身的炒飯，所以我覺得這炒飯極之不錯。甜品我們點了‘海底椰燉李子’和‘杏仁茶’，都是有水準之作。

侍應服務都不錯，會自動加茶和分餸，值得一讚。但餐廳冷氣太凍了，餸菜很快便涼了，有點可惜。

同3個朋友黎飲茶,點心大部份即叫即做,食左:
1. x黃燒餅- 幾得意,係蔥同豬肉做餡,好香,唔膩... 唔錯!
2. 椒鹽魷魚鬚- 炸炒極薄,好香口,唔膩,不過份量頗少...
3. 炸粉粿- 炸既粉粿,幾特別,皮好鬆脆...
4. 露筍帶子腸粉- 唔多覺有帶子既鮮味,不過腸粉就幾滑...
5. 蝦餃- 我冇食...朋友話都幾好食,蝦都彈牙!
6. 蛋撻仔- 皮鬆蛋熱,合格
7. 淮山雞紮- 雞唔夠滑,味道一般!
8. 燒賣- 我冇食,不過睇賣相應該不錯!
9. 小心流沙包- 即製,非常熱,好好食,不過唔多流沙...
10. 排骨- 麻麻地,可以唔試!
11. 西米露- 魚話好好食,好清香
12. 蓮蓉焗布甸- 味道略甜,蓮蓉太多,麻麻地...