16
12
10
港鐵大埔墟站 A1 出口, 步行約9分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
本來想帶肥兔去食群記清湯腩，但大排長龍唔想等，又怕粉麵唔多啱鬼妹肥兔口味，最大鑊係唔識用筷子囉。食群記無緊要，近近地川滬啦，都好耐無食灌湯小籠包喇。灌湯小籠包，正到打冷震！即叫即蒸，唔洗 10 分鐘滾熱辣噴晒煙上枱，肥嘟嘟、飽滿、香噴噴！極速搶返粒！先放係醋上面兩三秒降降溫，原粒掉落口，一咬爆汁，香濃甜美肉汁充滿整個空間，如入無人之境地享受著，棉棉包皮藏著彈牙豬肉餡，色香味美，唔食返半打都停唔到口。酸辣湯，自家調配，用料及味道跟其他食肆有點不同，不過夠酸帶微辣，夠濃郁，好味既，有點似酸辣味既碗仔翅。***上海粗炒，依為未食過，睇返相薄原來多年前試過架喇。有鑊氣，豉油老抽香，好好味噃但非常油！肥兔又話同我食 lunch，點知淨係食嗰兩隻包，其他我自己食。
繼續閱讀
環境ok，招呼好好同接單好快。買左咖哩牛腩吸雞肉炒飯。咖哩牛腩好難食- 咖哩冇咖哩味, 牛肉完全唔新鮮。未試過咁難食既咖哩牛腩。 之食左一半。 炒飯由多油，好普通。 由貴由唔好食。唔會再返去食。
繼續閱讀
大埔既餐廳基本上好多都無食過,今日隨意一選,選中了川滬小廚$46 既醬爆雞丁,配2碗菜飯,加埋凍檸茶,TOTAL約$60,不算便宜,先看質素飲品用樽仔入起,感覺份量更多更有型,夠冰,茶味不淡,檸檬無壞就合格醬爆雞丁.看來用了大量既油來煮,多到個人認為超越了濃油赤醬既境界,實在招架唔住,雖然肉丁幾嫩,但係醬汁過甜.但由於太油膩,拎去撈菜飯勉強才可以食得哂.以現代人既角度,我諗真係太過份了
繼續閱讀
大埔大明里走一圈，你會發覺佔了一半是食肆，囝囝在附近讀書多年，當中有三四成是光顧過的，而川滬小廚亦可算是常到的一間。下午茶如果只點一碗麵會有豆漿送，但今天胃口好，先來一碗排骨湯麵，其實所謂排骨，亦只不過是豬扒，但水準真的不合格，根本是炸完之後放得太耐，脆漿變腍了，肉質又死實，很難吃；湯麵淥得剛好，喜歡少許硬心的口感。另加點了煎鍋貼，外表四平八穩，但底部有點過燶，影響味道，咬落油份太多，算了，下次都是點回炸醬麵好了。
繼續閱讀
本人喜歡吃擔擔麵，不管是正宗細細碗的四川擔擔麵，抑或是以麻醬為主導的版本，我也可以的。是日原本想去群記吃清湯腩，不過都係果句，見到排隊等開門的人龍，足以令我走人。行多兩步，見到有間川滬小廚，心想入去整碗擔擔麵也好，便推門進去。沒想太多，擔擔麵一碗，再來多杯凍奶茶，咁又一餐。是很大碗湯的版本，偏硬麵條，卻不爽口，呷口湯，味道很淡，既沒辣味也欠麻醬香，很是一般。凍奶茶反而好一點，幾滑，也不失茶味。
繼續閱讀