執筆之日,在土瓜灣渡過了四十多個寒暑的"貴記",已經光榮退役.一眾在土瓜灣長大的街坊朋友,無一不惋惜.

不是由細吃到大,在十多年前搬入此區時已開始光顧.說起也不是一段短日子,與貴記在土瓜灣的歷史去比,小巫見大巫.

多年來也是賣$3一杯,香濃冰凍豆漿,不求正宗,只求大件的$3一件窩貼,牛肉餅,大飽,荵油餅,大碗改良版擔擔麵,還有菜肉雲吞,蘿蔔豬皮呢?也成為了我眾土瓜灣街坊的集體回憶.老實說,除卻豆漿之外,其他的食物水準,用抵食來形容更為貼切,吃落有感情,自然加上不少感情分.糧尾前來大吃一頓,也不會肉痛.

月前收到貴記即將結業之消息,即向由昔日少年,到今日中年的太子爺求証,他本來說做到上年尾,後來說做到年廿九,我再問:{未來會否擇址重開?}他說:{不會了.}

近日路過貴記的舖位,招牌已經拆下,回望著關掉的大閘前,唏噓的感慨一年年,但日落日出永沒變遷...

自己本身住紅磡, 成日都係E個舊區搵食.

貴記都係由細食到大,
個擔擔麵真係好多花生醬, 同好鍾意厚皮ge鍋貼
牛肚牛腩都好夠味。
最大食果次先食倒$37!!
價錢同質素係無比例可言

真係好想知個業權係私人定係大財團?
43年歷史都會去落手加租

上面附送琴日同之前影已被摧毀ge歷史對照

而家香港快將無哂本土特色, 只有果幾十處已被列入 [古蹟] ge地方
唔知下之又到邊度會令我地覺得可惜?
應該係牛頭角下(村)

之後又會係邊度?

二零零九年一月廿四日，是一間土瓜灣豆品店的結業日子，這裡的食品價錢，除了和招牌「貴」字扯不上關係之外，其豆漿、飽點、麵食和滷水小食，也為當地街坊和一眾知味的老饕，帶給他們不少歡樂的時光。

原本待在家中睡覺，最後也想為這舖頭的結業，作一個見證，四時半後去到後，已是人頭湧湧，人就是那樣了，你在的時候不珍惜，到失去的時候才學懂珍惜。

點的是豆漿、大隻窩貼，另有滷水的豬皮和蘿蔔，味道大抵上維持店家原本的水準，「白水」有豆香，飽肚的窩貼，厚餡鮮，還吃出少許的肉汁，豬皮只是用水發的，沒有用上其他化學物，有點硬，但很爽口，加上上等的蘿蔔，這就是我在這裡最後的一餐。

相熟的食客相繼和老闆娘打招呼，更有拍照留念，問老闆娘會否另覓新店，答案預計是失望的，開新店要花一大筆錢，也不知賣多少隻窩貼和豆漿才可賺回.......可惜一個人胃口有限，不能試盡所有東西，我好應該相約一班同道中人去作這見証的。

臨走時，心中也不禁說一句 : 別矣，貴記!

昨日蘋果日報報導貴記結業的消息, 好想喊. 太耐冇食佢既擔擔麵.

以為今日係貴記最後一日營業, 自己有工作唔能夠去幫襯, 叫左阿媽去幫我買外賣, 阿媽一口氣買左 20 件不同飽點, 等我地大擦一餐.

阿媽順道問一問老細係唔係結業, 老細話會繼續做, 唔駛結束, 真係天大的好消息 !!!

本身諗住食埋呢餐坦坦noodles 佢d noodles 好好食 好香 好有咬口
埋單時問係唔係做埋今日
老細話決定做下去 $60,000 都做下去
可能佢真係好唔捨得班街坊
其實大家都好唔捨得貴記

在香港開店子，不怕什麼，只怕業主加租。我一直以為貴記的舖位是自置物業，昨天聽老闆娘說才知道原來他們結業的原因是「業主加租」。「業主加租」恐怕是所有租客的惡夢。

我喜歡吃貴記的擔擔麵及豆腐。以後，沒有機會吃了。下一間因為大地產主義而結業的又會是哪一間？

此店環境不能及好多鋪 , 但食物真的不錯 , 又其我去到一定食嘅雲吞(皮內有好多汁架)、豆漿(超冰凍喔)、豬皮(好爽架) , 趁佢仲未結業前好去囉.......

"兩杯豆漿, 一個蔥油大餅."
"好! " 大嬸應了, 即拿來豆漿, 又問"係咪要菜肉大包?"

如此服務一定令評分打折扣, 但這是老店, 就像老人家, 我們既愛護又尊重, 會提醒大伯大嬸. "不是, 5號台的. 牛腩係10號台."

聽說要結業, 與好友三人飛奔至土瓜灣, 享受最後一刻. 包點豆漿三元, 豆腐豬紅蘿蔔四元, 麵食牛腩十二元, 價錢優惠, 是老實生意, 經營幾十年, 養大了區內不少小朋友. 當年的小朋友已成人, 帶來伴侶兒女, 坐滿了貴記.

擔擔麵, 下重手的花生醬, 貴記特色
大餅, 麵粉白而鬆軟, 新鮮
牛腩, 柱候醬入味, 入口就知肉質沒用鹼水破壞
豬皮豆腐, 鍋貼, 豆漿味道也很不俗.......

邊吃著, 邊看大嬸大伯拿著麵食包點通處大叫, 不得不佩服欣賞. 忠於一件事情, 專心做好, 令人感動. 時代向前猛進, 舊去新迎是常事, 將那三元包點收放在心內亦足夠了.

成日都經過，入去坐低食就比較少但外賣就周時有，最鍾意係食牛肉包同菜肉包，雖然D皮好厚但十分鬆軟，而牛肉同豬肉餡料都好新鮮，充滿肉香，唔係一般上海鋪可比。至於麵食配料就鍾意豆腐同蘿蔔，前者夠實淨而後者又夠淋。驚聞佢地就快唔做都好唔捨得，唔知係乜嘢原因要結業，但呢班老人家已經服務街坊幾十年，值得向佢地致意。

前幾日得知貴記好快唔做，好唔開心，個度我細細個就幫襯，以前細細個陪阿媽媽去土瓜灣，就一定去個度食野。
貴記係一間老子號，門外和門內都好舊，如果你係一個路人甲，你實唔會幫襯，你會覺得好污褿，都唔知會唔會食到肚痛，但如果你曾經食個個度d野，你會覺得個度d野好抵食，同埋好好食。
特別推介，擔擔noodle ($12), 鍋貼（＄3），超超超級推介，大餅（＄3），有幾好食？係我認為全港最好食的䓤油餅，香港冇一間拍得上。貴記的大餅，煎得金黃，內𥚃鬆軟。好食到，我同個 friend 舖頭食完一個，走個時打包食多個，食完再返舖頭打包多一個食，仲要買多兩個當早餐。

搬左去土瓜灣都只不過係幾個月, 係openrice已經search好晒附近有咩好食…偶然之間就發現貴記就快結業…第一時間就落去睇睇~


因為果日未食晏, 叫左一碗擔擔麵, 又驚唔夠喎, 所以叫多一份蘿蔔….首先蘿蔔黎先~係好淋無渣, 但係就唔係太甜, 有0的仲有少少苦添~我要放埋係個擔擔麵到一齊食得….不過四蚊一份真係好抵食…..份量好足~

碗擔擔麵一黎到就好有芝麻醬既香氣….上面有好多菜甫, 連埋0的麵一齊食, 非常夾~而且0的麵好有咬口….我個人就好欣賞呢碗麵呢~而且十二蚊呢個價錢可以去邊度搵到咁岩自己胃口既擔擔麵丫…

奇怪既係我無落單要豆漿但係佢俾左一杯我…雖然我本身唔係太鍾意飲豆漿, 不過唔緊要~荳品店既豆漿我覺得試得過…三蚊一杯, 配埋擔擔麵都只不過係十五蚊…

結果呢一個咁豐富既下午茶只係需要十九蚊~我希望晌今年年底之前再黎重溫多一次~

自細婆婆或者媽媽就會帶我到此店食野,,,記得担担麵係最多人食!!!知道貴記會結束營業消息後...每次出紅磡都會去貴記食野...希望食得一次得一次!!!食的係普通上海野...但風味唔係間間都有~~~會好懷念此店!!!

記得細個ge時候,外公成日都帶我黎依度食野~由細到大佢都好錫我,每次佢都會叫晒我鍾意食ge野~食到飽都仲要外賣d番去驚我之後會肚餓~

直到幾年前佢過左身之後,我就無再去過食野啦~知道貴記將於月底結業ge消息,果刻ge感覺真係好唔開心~都係時候去食下啦...

貴記ge擔擔麵係我ge至愛~每次都唔會令我失望~花生醬香好濃好濃,內裹ge菜脯粒好多,每次食都會連湯飲晒

窩貼同蔥油大餅都係必食~窩貼係厚皮果種,肉餡好鮮~而蔥油餅就好鬆軟~葱香同芝麻香到不得了,我表妹一個人可以ko兩件呢

依度個豆漿好香豆味,好甜,好好味,但係飲埋之後,真係好飽

食左一碗擔擔麵+一件窩貼+一件蔥油大餅+一杯豆漿先$21~已經飽到傻左~行出左個門口,希望結業前我可以同表妹有時間黎多一次啦......

好久沒來貴記了, 今天剛好路過又有點肚餓就跑入貴記來餐下午茶吧
點了豆腐蘿蔔雙併 $6- 蘿匐無渣很甜, 好味
涷豆漿 - $3- 還有 3 蚊杯的涷豆漿, 香港少見
菜肉飽 - 飽大菜肉少 - 不過都是 $3, 真係唔可以要求咁多

食飽飽的下午茶才 $12 元, 不算太好但怎也不差, 我絕對收貨

當收到「貴記豆品」這老店結業的消息後，二話不說下，立刻約了幾位為食的友人去緬懷一番。大約路段位於土瓜灣道和銀漢街的交界，有一間老麥，還算好找的。

大家也是在放工後到達的，基於是夜市時份，其最拿手的窩貼和牛肉煎包，也不再開爐起鑊了。只剩下幾隻窩貼，過了火氣之下，只剩些許微溫，肉汁欠奉，不過肉餡還算鮮味，細心吃其略為厚身的外皮，發覺其韌性甚高；另加蔥油大餅一件，金黃色大大件的，表面蔥粒和芝麻不少，口感倒是鬆軟。最後再加兩隻菜肉包，包皮鬆軟，肉餡和窩貼的沒有兩樣，沒有想像的大個，味道不錯。

名喚「豆品」，不喝其豆漿，總算有點若有所失，在其完全不「貴」的價錢牌內，只是標價三元，其實豆味不差，只是甜了一點，如好食友人所說，不喜歡的可稱為「豆腥」，以這數塊錢的價錢，可以一喝了。

去了貴記數次，也沒有品嘗其麵食，趁這機會，也點了一碗擔擔麵，擔擔麵搬到香港後，在不同的店舖也有不同的演譯，這裡的橙紅色湯底，花生醬香甚濃，內裡加了菜脯粒作調味，反而完全不辣，桌上有一大瓶辣醬，吃辣者悉隨尊便，其所探用的麵條偏向爽口，唯口感上是較為淋身，十二元一碗，也無話可說矣。另一朋友當晚還在抱恙，點了一碗清淡的豆腐麵，大大件的油豆腐，據其所言，其味道也是過到自己的關口。

還想試些沒吃過的，點了鹵水蘿蔔、豬皮和牛腩，發覺味道遠比想像中為佳，炆得入味，所用的材料也不會將價就貨，豬皮固然爽口，蘿蔔清甜而沒有渣滓，不比早前介紹的車品品來得遜色，起碼味道來得真。牛腩炆得也夠火候，「口趙」頭和「月念」身兼而有之，每樣也只是六元而已。

吃得比想像中為飽，每人也只是廿餘元而已，在計數的時候，發現了一些端倪，大膽地估到老闆娘為何結業的因由，年事已高，後繼無人，想起也令人唏噓。確定結業的時間將會是月尾，食物不算十分出色，但始終相信老店自有其人情味，看著一個時代的結束，打定信念，光顧一次得一次吧 !