雖然久未逛過葵芳~但其實對於不好買衫的小比來說~來這裡好像是自招悶氣~結果還是以食行頭~砵仔糕又因裝修關係吃不了~~想吃唯一的菜飯又變成將貨就價的粗劣版~很激心之餘也連小比也餵不飽這下慘情

最後來來回回~還是選回較有保證的西日連鎖店~這間風月堂沒有試過~一直都只是光顧銅鑼灣店~這間店固然較小較密集~帶位的竟然在全店半滿的情況下就帶了大小比進中心路口位第一張二人桌~~當時只是六時多~小比就要求坐最埋邊邊的四人檯~至少當人開始多的時候~小比可能已經吃飽兼還返張檯比你了….幸好最後都得到允許..一貫的做法~小比負責沙律部而大比則選自已的意粉主食~最後多點一個甜品就成了!

照燒汁雜菜沙律是恆常的選擇~~因其他都因為帶有肉及海鮮而價錢高了一截~既然小比不吃肉~倒不如叫個雜菜然後大比自行選個肉類重的主食~~沙律不消五分鐘就送到了~~份量好像比起在銅鑼灣吃到的為少~而且當小比還在奇怪為何這麼快就上桌時~一切的謎底就解開了~~以往都是中段才到的照燒汁雜菜沙律~是因為即照即炒~屬暖系沙律~~但眼前的~是凍版的~只可以說一句~~都幾不好受!!試想想照燒汁包著煎透了的bell pepper和冬菇!~之後凍了~照燒汁成了糕狀~每咬一口都爆出更多的冷照燒汁 >_< 幾經辛苦先完成挑戰……是policy / recipe 改動了還是反而我一向吃到的是錯版?~!莫名奇妙….吃罷才捧頭為何不吃第一塊時就舉手反映

番茄海鮮湯意粉是大比在西日餐廳的必選之物..風月堂的出品比起UCC的較偏重於雜菜湯多於純番茄~應該先炒過後放入湯水中的雜菜會令湯底浮出一層薄油~雖然賣相不及UCC的大青口中蝦列陣~但這個湯意粉是比較多料而實在的~別在這裡談甚麼Al Dente~但這個意粉還不賴的~~千挑萬挑~最後又選了在UCC最愛的紅豆waffles~這裡的定價不比那邊便宜~就坐在bar counter的不遠處~一直都看到整個製作過程~bar counter內的同事好像有點生手而且時間安排得不當~有時會出現咖啡煲好了都沒察覺~另一邊箱又要整甜品等等等~~最後等了近20min終於見到自已的甜品出場~很凋零的排陣~紅豆和cream同夾了在內邊~是小比最怕的製法~而且雖然已經代為切成三份~但感覺就似不足一份~用料只是普通~cream的portion較多~不夠外脆內軟又是waffle敗筆之處~可能吃開的UCC較得我心~這次的比較可真大 [其實年中都起碼吃上兩間十次之多~不是偏私]~分店的variation這一次活生生呈現在眼前~賣相是各碟都做到了standard~但質量難以取得小比歡心~面對waffles~小比第一次棄械投降讓大隻仔捱義氣幫幫忙~

在溫書溫到頭昏腦脹..眼腫面青的日子…是否食龍肉都無味??還想以最愛的waffle給自已一點鼓勵….這次浪費了一個quota..意粉繼續做到應有水準~但服務~沙律~甜品~此回皆以大比數thumb down而贏了個喊面回來~多謝

這間歺廳其下多间分店我都有去过，价錢中上，食物撰擇多，又好味，而且裝修高雅，但不知为何特然改變，沒有人做set位的工作，需自己set位，到現在既然做到連埋單都要自己出門口比錢，完全令歺廳格調变成茶歺廳一樣，完全沒有服務周到，這樣就唔應該收加一服務費啦！遲D都唔知要唔要自己買飛再自取食物，我對這間歺廳越來越失望啊！！

散叫咗9款食物
日色小食拼盤 ~ 有鰻魚, 雞軟骨, 前餃子, 牛肉卷...樣樣都得喎!!
煙肉番茄pizza ~ 超多芝士, 只得四件..當然唔夠分la...!!
拿破崙意粉 ~ 番茄汁酸咗d, 食過好多地方既拿破崙意粉, 意粉屋係最好味!!
黑松露煙三文魚帶子忌廉天使面 ~ 一大舊三文魚花, 好多帶子, 毎一口都有好好味既白汁...好香!!
忌廉海鮮意粉 ~ 海鮮都唔少...味道都唔錯!
白汁海鮮蛋飯 ~ 大大片蛋係面, 再加埋個白汁, 正!!
牛肉鵝肝炒飯 ~ 油唔多, 炒得幾正好, 都幾足料!
黑松露意大利飯 ~ 黑松露味不太重, 淨係食到白汁味, 但味道煮也不錯!!
黑松露pizza ~ 都係黑松露味不重, 個 pizza既料味道得!!

叫咗一個set dinner...有沙津, 湯, 主菜(三選一), 餐飲同甜品...dinner set 好豐富都好掂喎!
大蝦沙律羅宋湯鵝肝拼牛柳凍朱古力朱古力雪糕鍋夫

以日色西餐來講...呢度既食物會好過pokka好多

約了朋友在葵芳交收點東西，順道一起吃晚飯，在新都會廣場隨便找間便算，反正沒有一間是真正想去吃的。這家風月堂，在滿記對面，但因為位置凹了入去，很容易走漏眼。

晚市有三款套餐，是西冷扒、爐魚和鵝肝三文魚天使麵，俱不太合對方口胃，索性散叫。兩條友，點一個主菜、兩款小食、然後一客甜品，足夠有餘。

先來的是小食，牛油焗帶子，一碟有六隻，再放點秀珍菇在中間，賣相隨意。說是牛油焗，卻嚴重缺乏牛油香，味道淡口，帶子既不鮮甜，亦唔彈牙，比預期中更差。

另一味小食係芝士菠菜雞卷，其中一粒又是特別是菠菜，印象分大減。同樣，吃不出芝士香，反而菠菜幾好，雞肉則是肉嫩，卻欠味道，最外層是炸過，但是並不十分脆口。最敗北的是溫度不足，不慍不火，脆口的東西怎能這麼樣的。

主菜方面，揀選煙三文魚白芥末烏冬。簡單的一注烏冬，上面放了些木羽，增加了生氣；烏冬沾上了芥末，惹味而不太辣，很對辦，三文魚和香菇絲味道也不錯，比起小食出色很多。

甜品選擇很多，花多眼亂，交由朋友發板免得煩惱。佢都好細心，知道我感冒未愈，要了熱的甜品，焗士多啤梨班戟。班戟皮軟熟，包裹著朱古力蛋糕，可惜蛋糕只像某牌子的雪芳蛋糕，不算鬆軟，朱古力味更不濃郁，很一般。班戟下的酥皮，尚算鬆化，新鮮士多啤梨和藍莓幾鮮甜，拉高不小分數。

服務雖稱不上很貼身，年青的侍應都很努力，值得表揚。

今天我和外子到風月堂吃晚飯。這家食肆走中高檔路線，服務不錯，環境幽雅，如果想跟親朋戚友會面，是一個不錯的選擇。我們叫了帶子鮮蝦茄汁意粉和三文魚什菌墨汁闊麵，價錢$78，前者開胃清淡，用料十足，有：帶子、磨菇、蝦、墨魚仔和洋蔥等。初時看到它的外表以為一定好像湘川菜般辛辣，一吃之下原來是很可口開胃的茄汁味湯底，絲毫沒有半點辣味，這道食物很名副其實。

另一道食物三文魚什菌墨汁闊麵的賣相也不錯，芝士香味十足，三文魚的份量不少，所以說用料豐富。其次是墨魚汁闊麵很爽口，加上可口的芝士香味，令人齒夾留香。
環境方面，最令人難忘的是門口那盞三尖八角的燈罩非常有特色，白色外殼透著橙色而柔和的光線，跟幽雅的環境很相襯。該店的意粉款式如下：

拿破崙雞柳意粉
扒大蝦菠菜忌廉意粉
什菌墨汁闊麵
鮮菇泡菜蜆肉意粉
煙鴨胸鵝肝忌廉意粉
大蝦天使麵
帶子鮮蝦茄汁意粉
海鮮湯意粉
紫蘇三文魚天使麵
三文魚什菌墨汁闊麵
欖油什菌素菜天使麵
煙三文魚燴蟹籽意粉
煙肉腸片肉醬意粉
忌廉海鮮什菌意粉
辣肉腸鮮茄意粉

與姊姊行到累,坐低吃early dinner。
Meet到tea time尾聲,叫了燒雞金菇牛肉卷拉麵餐。
食物都頗耐送來。原來餐仲有個扮「海撒沙律」,因為好咸,佢似乎用左豉油代醋,淋d咁既少少醋酸的豉油油落去,沙律菜唔夠晒味都唔得啦!
拉麵so far so good,無驚喜。燒雞和金菇牛肉卷,都幾好食,牛肉唔韌,金菇又多。
我散叫了玉桂觧果鴛鴦窩夫,可能是即叫即製,窩夫微脆。而那玉桂汁,好不濟,蜜糖溝玉桂粉。玉桂汁邊會係咁求其架!?蜜糖比重又多,玉桂粉質素又唔靚。
餐咖啡,都要等好耐。沒試齋啡水準,姊姊已加奶喇,加後都good噃!

今天到風月堂食晚飯，除欣賞他的晚餐外，今天想提的是他的甜品《芝麻雪糕窩夫》

真是好吃到不得了，雪糕上的華夫餅加上適量的糖霜，再配合芝麻雪糕，這種配搭真

是出奇地好味，味道真是再三回味，值得一試再試。

之前見其他人去風月堂影ｄ相，樣樣食物都好似好靚好好味，於是滿心期待去幫襯番次，但希望越高，失望越大！
我同同事每人叫咗個Set Dinner, 我揀咗鱸魚海鮮意粉，我同事揀咗牛扒三文魚芒果卷，是日餐湯係周打海鮮忌廉湯。
先嚟個湯同麵包，講真個湯同普通茶餐廳嘅白湯無分別，似豆粉開水多ｄ　反而個麵包就幾好味，又熱又鬆軟！
跟住就係鱸魚海鮮意粉，好香嘅蒜蓉味，意粉軟硬適中，但蝦同鱸魚就無乜特別。
但原來我呢個咁一般水準嘅意粉已經算係好，我同事個牛扒望落似七成熟，食落卻又鞋又硬　個三文魚芒果卷如果分開食我相信會好ｄ，因為一齊食硬係覺得ｄ味唔多夾！
甜品係雪糕waffle，我揀比較少有得食嘅豆腐雪糕，我同事則揀雲呢拿雪糕。後者不過不失，但豆腐雪糕唔够豆腐味，我記得以前食過嘅好味好多！至於件waffle烤得有d過火, 但又唔香!
我都明白Set定嘅餐味道多數較差，可能會再俾多次機會風月堂，但下次一定散叫！

見到有new menu, 試一試下午茶啦. 二人order 了:

照燒牛肉炒烏冬: 扁身烏冬, 好彈牙, 口感好好, 用照燒汁炒, 甜甜好野味, 好喜歡.

日式咖哩豬扒飯: 日式咖哩香香甜甜, 伴有菠蘿粒及紅蘿蔔粒, 豬扒有肉汁, 很"林", 開胃好味.

熱朱古力: 太甜

凍朱古力: 一般

print 了 10% off coupon, 即不用加一, $58 x 2 + $116

與朋友食飯聚舊，本來想去旺角果間，但怕多人，改去葵芳呢一間。
因為無得訂位，所以六點幾到，果然不用等位，但一到七點幾已經要排隊....

選了一個芝士三文魚焗年糕，一個三文魚意粉，一個海鮮比薩，一個窩夫甜品，二人share 食，好飽，好滿足

焗年糕那個比較 "濟" 少少，因為芝士加埋超級 sticky 既年糕，一人食的話一定唔使食其他野，二人食都 ok ，三人分享是最佳選擇。

意粉和pizza都好好味，份量剛好，甜品窩夫最期待，雖然味道一般，但賣相吸引，食起黎都開心好多！

又一個三五知己聚舊飲野好地方。

一直都好鍾意風月堂。環境不錯，食物ok，又可以同三五知己坐低傾好耐計。試過傾成三個幾鐘，哈哈！

今次因為放暑假，終於可以約大學好朋友出黎傾計，所以又揀左呢度。我地點左煙肉腸片肉醬意粉、和風牛肉薄餅、繽紛窩夫碟同三色綠茶班卷。如果有去過「風月堂」食野0既朋友仔，應該好清楚佢地d野食係會整到同餐牌入面d相好似樣0既，所以睇到d野食，加上見面時興奮0既心情，我地立即食慾大增。我當然係好擦得啦，但就連朋友B呢個平時食得唔多0既女仔都可以同我食同等份量0既野，真係唔惹少，所以證明左，人開心係會食多好多野，d野正又會食多d，所以…我地都食大左！

三色綠茶班卷，我地揀左豆腐味、咖啡味同菠蘿味雪糕。豆腐味雪糕不提也罷，但係咖啡味同菠蘿味都好好，前者裡面有杏仁粒，好有口感；後者有大大舊菠蘿肉，味道一d都唔假。

繽紛窩夫碟張相係影得差d，唔好介意。「風月堂」0既窩夫係好正架，所以今次都點左，不過唔再係豆窩夫，而係揀左呢家款。雪糕方面，我揀左朱古力味（我好想食朱古力）、紅豆味同綠茶味。朱古力味唔使講啦！紅豆味超香，仲有一粒粒0既紅豆，而綠茶糕0既味都幾濃，幾合我呢個︼綠茶怪」0既口味！！

朋友友聚會...
見到風月堂評語唔錯...就一試...
不過位置好差...係戲院再入...我地要搵左好耐先望到...
入到去...坐得幾舒服...不過有小朋友嘈...氣氛即刻差哂...
因為係葵涌廣場掃完街..大家唔算好餓///
叫左三樣...
1-雜錦....
有肥牛卷..餃子..燒鰻魚及雞軟骨...
肥牛卷最讚...好好味...有肉汁...
餃子同燒鰻魚不過不失...
雞軟骨一d都唔軟...咬到牛都痛....

2-三文魚炒拉麵...
其實我地係叫烏冬架...
呢個麻麻...冇特別...唔夠味...

3-燒雞pizza...
一讚...汁同芝士都好足...芝士可以拉長架...
個餅都好脆....

總括都係不過不失....
服務都唔錯...好周到...d水補得好足...
坐得幾舒服...好岩傾計...環境都好好...

雖然食物係要等耐少少先有得食,
不過我覺得都值得呀..
我點左
1) 牛舌: 好香, 好味
2) 煙三文魚米卷: 好味, 新鮮
3) 小食拼盤有: 雞軟骨"淡少少", 慢魚"好味", 餃子"最好味", 牛肉卷"硬左少少但好有肉味"
4) 黑松露鮮蝦炒烏冬<---超好味, 好香, 唯獨是係感覺多左少少油, 不過真係好味!

星期六, 印了風月堂coupon, 又和J 一起食lunch/tea, 今次叫了一個飯, 一個甜品.

石頭鍋飯: 等了30分鐘, 好耐..... 鍋飯用料有牛肉, egg絲, 紅蘿蔔絲, 木耳絲, 有飯蕉, 味道比較清淡的, ok.

芒果紅豆waffle+芒果ice-cream: waffle 新鮮弄好, 好香好脆, 伴紅豆及芒果ice-cream, 好看又好好味.

comment: 風月堂dessert 係好味d

Drink:
iced UCC coffee: 咖啡好香濃，咖啡,糖漿及milk分開上, 自己調味道, 好飲
hot lemon tea:茶具好精美，　但是ｈｏｎｅｙ話太女性化，　不合男性用，anyway, 壺,茶及檸檬分開上, 可享兩大杯, 味道可口, 抵飲的

Food:
烏東set: 烏東好"林", 不是手打的, 湯底ok; 照燒雞分開上, d汁好好味, 日式salad一般
焗白汁意粉: 好大碟, 熱騰騰, 可惜不夠芝士味, anyway, 不錯的選擇, 好抵食.

上網有10%off coupon, 抵食有下次.