友人約我銷售基金, 找個地方可傾到計的
經過女人街見到這裡不太多人, 於是進膳

點了:

1) 泰式薄餅 $25
2) 酸辣脫骨鳳爪 $45
3) 泰式冬陰功湯河 $45
4) 青咖喱海鮮炒飯 $48
5) 三色冰$23 x2

加一, total $229
平均每人$115

1) 泰式薄餅: 薄薄地軟綿綿的, 點汁最佳
2) 酸辣脫骨鳳爪: 夠凍, 跟附近的'冬蔭麵'相比, 份量多些, 價錢多些, 凍亦多些, 但爽亦多些. 非常醒胃.
3) 泰式冬陰功湯河: 不辣, 是為了迎合香港人的口味嗎? 重花奶, 但蝦很細少. 河粉算幾滑.
4) 青咖喱海鮮炒飯: 略微濕了一點, 乾身一些會更好. 豬頸肉切得太小, 沒有口感. 豆角和青瓜給飯一個點綴.
5) 三色冰: 中規中距

這裡全都是泰國人, 當值表也是泰文的, 算是這裡的特色.

今日同朋友食飯, 有朋友推介話這裏的泰菜很不錯, 便決定一試。 我們共四人, 但見到佢個二人餐好似都好多野食咁, 就決定要一個二人餐, 另加蝦刺身同木瓜沙律。 首先上場的是冬陰公, 味道不俗, 很鮮而不是只有辣味。接著是咖哩炒蟹, 加入了蛋漿的咖哩很香口, 用來撈飯一流~ 最最好味的是蝦刺身, 蝦既爽口又鮮甜~!! 不過其木瓜沙律比較一般, 淡淡的沒什麼味道。

總括內說, 食物不錯, 可以推介~!!!

第一之 試食這間泰國菜, 覺得幾抵食
冬陰公 酸辣味做得到, 好激!
椰香咖喱鴨煲 常常食 咖喱雞, 未試過 咖喱鴨, 雖然鴨肉 沒想到 雞肉 般滑, 但咖喱汁好入味, 可以一試.
咖啡炒蟹 好惹味, 唔錯呢.
春卷 都香脆, 吾太油.
芒果糯米飯 好大碟, 味道都唔錯, 芒果肉少左d

一般的菜式都係$30-$40, 旺角區算係中間價啦。唔特別推介,但係可以一試, 反正不是咁貴!

同朋友去慶祝生日
三個女仔叫左蠔仔蛋,青咖哩雞,泰式薄餅,泰式炒通菜,冬蔭公,青芒果沙律, 一杯青檸梳打

蠔仔蛋:難食,少蠔, 粉多, 食左2啖冇人肯食, 仲要成70蚊
青咖哩雞k, 用薄餅點d汁食幾好味
泰式炒通菜k, 不過太辣, 做咩要炒到d菜咁辣 -_-
冬蔭公:幾好飲
青芒果沙律:d青芒果淋的,咬落去好驚, 不過d汁ok

埋單385蚊,我覺得唔值
寧願去朗豪坊little basil甚至九龍城

weekend 晚上不知食咩好
就去左mk 碰一碰運氣

見到門面既泰式decoration
同埋入面既waiter 姐姐都係泰國人
就入去試下~

叫左
1) thai 式薄餅: 好耐冇食過熱同香的薄餅，不太油
2) 椰汁東蔭公雞: 推介: 十個好味，如果like spicy 的人會drink晒成個soup
3) 肉碎煎蛋炒飯: 推介: 又係十個好味, little bit spicy ，隻egg 係half 烊的，好香!
4) 青檸soda: ma ma 地

唔洗等位，好食，招呼好
絕對要再食!
個人覺得好食過kowloon city o個d，好似比較正宗。

元旦夜同老公一齊出黎COUNTDOWN

突然之間個胃呼喚我係時候要飲冬蔭公抗寒!!
R爆頭都淨係諗到MK 這間 TAILAND RESTAURANT
其實之前都黎過幾次.覺得食物質素麵OK只係價錢比較貴

但見佢出左SET DINNER 就入左試下啦!

1.冬蔭公 : E度D冬蔭公真係好好飲...夠辣夠酸! 碗面浮起3條拍天椒乾,好似方死我唔知係 辣咁!飲完成個人好熱騰騰!

2. 生蝦 : 我最喜愛的泰式食物! 好FRESH! D汁又夠辣! 一流!! +上老公唔食生蝦.我一個人食哂4隻!YEAH!

3. 炸蝦餅 : 炸得岩岩好! 外層又脆! 但食唔出蝦味. 同 始終都係炸野一食入口已經覺得好夠氣...同埋覺得個泰式辣醬 同 E個送唔係好MATCH! D辣醬太甜!!!

4. 蟹肉西蘭花 : OK. 個茨汁可以再結D!

5. 海鮮炒飯 : 完全唔得! 冇味既! D 海鮮亦都好流! 根本就係佳寶 十幾蚊一大包果D 雪藏垃圾!!


可能之前掃左陣街既關係!! E 餐兩個人都食唔哂!
真係好飽好飽!!

冬陰公好酸
炸蝦餅硬左o的
蟹肉抄西蘭花淡而無味
抄飯完全無鑊氣, 無料, 唔好食, 完全唔掂!

之前都食過，食品可以啦，所以中秋夜約埋朋友一行四人再食，水準尚ｋｅｅｐ到，但價錢似乎略為加了少少。。

我地見吾太餓，先叫一個二人晚餐，但又怕吾夠食，所以另叫多兩碟小菜（生菜包＆咖哩雞），食品新鮮，冬陰公＆咖哩雞好味必食，上菜亦快，整體ｏｋ。。

反觀飲品就吾太得了，紅毛丹冰不是紅色以外，勁為難飲，算失敗之作。。

我從來冇去過幫襯, 今晚同女友去食, 叫左個二人餐, 標價$228

內容有菠蘿炒飯, 炒菜, 咖喱雞, 冬蔭功湯, 辣肉碎, 芒果糯米
仲包飲品兩杯. $16以下飲品不用加錢.

菠蘿炒飯, 炒菜, 一般
咖喱雞亦係一般, 好多汁, 多到可以撈飯, 但菠蘿炒飯不宜加咖喱汁.

辣肉碎伴有生菜, 可包住0黎食. 我個人唔多食得辣, 覺得幾辣下.

芒果糯米都好食, 但以二人餐0黎講, 份量太少, 應加多一倍.

最好都算係冬蔭功湯.

飲品都算大杯, 我叫左杯青檸水, 都幾ok.

其實, 食物質素都算可以.
但最弊係, 埋單果下, 一個$228套餐, 加一, 再加埋d乜乜物物附加費之後,
竟然要我$286找數!!!

好老實講, $286呢個價錢, 唔值得!!!
如此質素, 三分二價錢就差唔多!

或者佢有其他食物抵食又好食, 但一定唔係呢個套餐!!!

冬蔭功湯細$45--足料,有2隻蝦(爽口),草菇,蟹腳(細到食唔到),香茅,辣椒..等等..不過唔夠辣!!
炒貴刁--酸酸甜甜..第一次食呢樣野所以比唔到咩意見
辣椒膏炒魷魚--哈.好香既味道!都係可以再辣D呢個真係唔錯!!魷魚唔會太熟,一D都唔UN..

8點半去到無幾耐就爆場喇!
招呼一般啦.無得別串既感覺,都會不停幫你加水既!
會再食既.不過會叫佢加辣!!

今日第一次同gf去食e間野
其實之前都同幾個fd去食過 lunch去食幾平 夜晚就貴少少
今日3點幾同我gf去
個陣得幾個客人
入到去發覺佢地d衫唔同左
仲黎左個新既waitress 幾靚女嫁
我地叫左個菠羅炒飯同冬陰功河粉
我諗因為個陣少人所以好快黎
個waitress好似好細個 16歲左右我估佢
佢好有禮貌 因為我gf唔小心倒瀉水佢都好好笑容咁話唔緊要
又幫我地換位個d
跟住又主動問我地d野黎齊未
同迷我發覺間野好似得佢同一個男waiter係hk人
其他全部都係泰國人

今餐食左60幾蚊 算係ok 下次會再去食

第一次黎呢度食0既野係豬扒河，0個時係下午4點幾，得我一個人客，反而服務員就有3個，個個都著住泰國0既民俗衫褲，聽口音都似係泰國人呢~
0係充滿泰國色彩0既歌曲播放下，等左10分鐘都未上，已經令我覺得好耐，我諗d服務員都見到我個唔耐煩樣，其中一個行埋黎話：「小姐，唔好意思，因為d野都係新鮮煮架，要等多一陣。」我心諗，如果滿座0既話，咪等到發毛，噢
不過見佢地都好有禮貌，而我又唔趕時間，就靜心等一等……
終於總共20分鐘後，我的豬扒湯河黎喇﹗一聞，真係好香架﹗一食，d豬扒外層脆脆地，入面d肉質就好快融化於口裡面，感覺好得意，而最特別0既係呢種豬扒用0既香料係未試過0既，甜甜地，好開胃，河粉每條都好長，唔似出面好多舖頭用匙更好過用筷子黎食0既碎濕濕河粉，呢樣要讚，都不枉我等左咁耐，我諗煮0個位都真係用心去煮0既~
所以之後都有再去，而我依然都有叫豬拱河，張相就係再去時影0既，朋友都話味道幾特別，但呢度0既效率真係要改善一下。

早兩晚跟honey去食晚飯, 店裡少咗客; 看一看餐牌, 覺得加咗價, 最終點咗個二人餐, 有菜, 有湯, 有飯...... 個飯同碟菜好細, 最好味係最後上的芒果糯米飯, 其他食物的味道只是一般。以往光顧了數次, 但今次真係"麻麻", 加價之餘, 還有"加一"!!! 在未來的日子, 暫不光顧了......

今晚同男朋友諗住預早食情人節餐飯, 點知換來一肚氣!!

我地叫咗一個套餐, 有"蝦醬通菜炒肉片""香辣大蝦""沙爹串燒"椰汁冬陰雞湯"辣蝦膏炒飯"同"香芒糯米"

蝦醬通菜炒肉片--俾d油浸滿哂, 冇通菜俾咗西蘭花我, 問佢地係咪攪錯, 佢地話呢幾日都冇通菜, 所以俾西蘭花我, 落order時又唔出聲, 離譜

香辣大蝦--5粒中蝦, 又係西蘭花煮,又係俾油浸,同相片完全唔同, 呃鬼, 問佢點解同d相咁大分別, 又係話不嬲都係咁大隻,食咗2碟西蘭花, 同佢講俾d我唔食嘅菜我, 做乜要嚟食, 佢話俾返碟芥蘭我, 我...唔要呀, 離譜

以前食開都ok架, 自從今晚, 我唔會再去食, d份量又細哂, 仲要$315, 一d都唔值!!

呢度好多野都只係麻麻地好味!
但我就覺得佢個生牛肉河好好味!
d串燒就唔係太得,燒到d肉好硬!