星期五晚去到旺角既菜香齋食飯，入到去發覺唔係齋期都幾多人喎，下層己坐滿了，我和朋友唯有上樓上，裝修只是一般。
由於唔知有咩係照牌菜或好食的，便選了個自選三小菜既套餐。初時以為套餐既份量會細d，但上枱時發覺一點也不少。
我們選了沙律拼脆奶，金銀蛋扒莧菜及梅菜茄子豆腐，另叫一個白飯。我對脆奶期望不大，有點心理準備佢會好油及炸粉好厚，但來到時，咬一口發覺我並不如我所想的，外層炸粉好薄，入面好香椰子味，好好食的，重有十粒之多，我們二人最後吃剩兩粒。
至於梅菜茄子豆腐，賣相不錯，雖然豆腐唔滑，但食入口好有口感的，好清，適合我口味比較淡的人。
最後會送上糖水，但甜了點，不過也不影響對食物既正面評價呢。

1) 坐下即奉上花生小食及辣椒油一碟, 當表示不要時, 店員即冷面回應: 唔要都要計錢喎
2) 同埋, 點解素食錧會主動offer 辣椒油??? 大家明佢有幾正宗啦...

今天晚上將有家庭飯局, 2位阿姨率先於下晝剷上我家, 小hae幾粒鐘. 登門造訪, 手信就梗架啦, 佢哋為我準備了一個不'肉'午餐!

買了以下幾樣嘢:

齋燒鴨, 1份10蚊雞, 大家一致認位敗北, 皆因佢係淋嘅! 脆皮係燒鴨既必備條件啦, 唔理佢係有血有肉嗰啲抑或淨係得層皮嗰啲啦.

齋鴨腎同酸齋, 1份15蚊雞, 呢份唔錯, 齋鴨腎有咬口而個酸齋亦夠酸. 汁亦不會過多, 唔會成'劈'嘢咁. 可以!

羅漢齋炒面, 小弟夾了少少料嚟食, 不太油, 味道清清哋, ok的! 但要38蚊, 小弟覺得都幾貴喎!

芝麻卷, 1碌3.5蚊, 正常價. 但幾有芝麻味喎! 食落感覺到有落足料, 有啲似唔溶喺手即溶喺口既芝麻糊咁, 出色!

仲有齋粉果, 又係3.5蚊1隻, 小弟冇試到, 但睇落佢個皮都幾厚咁. 由於冇食, 故廢事亂噏, 告白狀.

終合嚟講, 係唔錯既! 味道不太濃, 冇味精, 不油膩, 附合健康標準. 要知道'笨'唔係好多齋舖能做到此效果的!

間唔中不'肉'吓都幾過瘾嘅, 始終1支公有時係'齋'啲架啦!

聽聞這店有咁上下歷史，有不少食客幫襯，就來試試。我們一行三人來個套餐，三個餸菜，另點了一碟齎滷味和一窩粥。每樣都很快送到，好似一早就知有人會叫咁。

西檸鴨：最難頂，好油，食一件就想收工
五柳仙斑：不過不失，但就不是魚型，似吉列豬扒
北菇小唐菜：個汁嚴重杰，算係有條菜食下
粟米粥：有粥、有粟米、甘荀粒、少少菇，無乜特別
齎滷味：味道評級為中下

這一餐每人$88，唔算好食及抵食，食齎有好多好地方，不用來這裡。

原價$3.5, 但我俾0左$5唔記得找錢...XDDD
都OK 0架, 幾有芝麻糊的味道0架!! 口感都唔錯, 食落唔係黐埋一PAT 0野, 但又唔會好大菜糕咁喎!!
食得過咁啦~

難得妹妹仔主動約我出街, 行完旺電, 睇完手袋, 就佢係素食者, 女人街附近只記得呢一間.

二人叫一個羅漢齋炒麵, 味道一般. 不過後來大家後悔點解唔叫炒飯.

碟炒麵$45, 埋單$66, 茶芥哇$21. 飲咩茶咁貴. 好唔值.

羅漢齋炒麵真係好普通. $45 變$66. 下次外費叫小點算數.

同媽媽去mk食dinner~
佢\話想食粟米粥~話10幾20年前女人街有間齋舖~
d野食好好味~但係唔知仲有冇營業~
因為由家樂o個邊行過去,
行左兩個街口諗住冇之際~
e~~仲o係度wor~

即刻入去~兩個人食左:
粟米粥(碗)$16,芝士南瓜鴨脯$60,法海蒲團$50.
粟米粥真係幾好味wor,好清甜,有雪耳,粟米同磨菇.媽媽冇介紹錯.
芝士南瓜鴨脯賣相靚~又夠多南瓜,好甜..鴨脯味道都幾似口感ok~d個dish唔太油~又特別..
起碼唔係普通o個d傳統齋舖可以食到~
法海蒲團係有塊腐竹包住d羅漢齋~
有d油~但味道ok~

兩個小茶既portion都好大~
食唔晒~要take away~
最後送紅豆沙~幾甜.....但都有起沙~
算啦~
其實好想食荔芋卷,但太多喇~
唯有下次啦~

食齋同事搵到好路數，所以黎呢度食歡送午餐。傳統齊菜嚟講呢度算唔錯，而且歷史悠久，我地都不時嚟食lunch。
午餐有套餐，都係三十幾蚊，碟頭都有返咁上下，尤其是炒粉麵飯，唔使驚唔飽。今次我地叫咗一個咖喱海鮮炒飯，好香，食落同真既相似。仲有荔芋卷，芋頭係我既至愛，所以覺得好好味。另外椒鹽豆腐都唔錯，唔怕熱氣會幾鐘意，其餘餸菜水準平均，都係ｄ瓜菜，好難煮得難食。
整體嚟講呢間算係旺角區食齋既好去處！

尋日放工心情低落,到旺角轉車探媽咪,儘管唔肚餓(下晝已不停食零食),但口淡淡想食齋,巧合地發現呢間"隱閉"齋鋪,決定放縱一下!
買o左$10三款齋鹵味,甜酸齋,齋鮑魚&齋叉燒,份量多,唔太油,暖暖地,幾好味!
再去津味買多杯綠豆沙冰,即時變o左一隻傷心o既大笨象!

昨日五時左右光顧. 老式素菜店的裝修, 地方尚算整潔. 服務一般.

我和家人在這裡叫了三樣東西: 素西檸鴨, 梅菜腰果炒飯及羅漢齋湯麵.

梅菜腰果炒飯(HK$45-), 收這個價錢的但覺得飯是有點少..太油膩而且過鹹. 私下覺得梅菜本身已經有鹹味, 炒飯應該少放點鹽(可能是因為我們是長素者? 口味較一般人清淡?). 我的食量一向相當大, 但這碟飯吃了一半已經覺得有點不想吃了.

素西檸鴨(HK$50-), 賣相不錯但勁油, 咬下去油是「滋」出來的. 雖然炸的東西不會「預」很少油. 但也不用這麼多吧.....

羅漢齋湯麵(HK$25-), 我沒有吃, 但家人吃後的評語是味道過濃, 有點不像齋湯麵, 還好用料足.

佐敦的六榕仙館價錢比這間稍平, 而且味道清淡得多.

早就子，五時後經過這裡，見佢新出了麻蓉煎餅，但卻沒有了我最愛吃的擂沙湯丸和麻蓉軟餅，所以買了3個來試。面頭的芝麻超香，略嫌皮過硬，可能是放得太耐，不過麻蓉餡又多又香，可惜偏甜，最弊是煎餅的油仲多過煎堆，都幾得人驚！

間舖開o左好多年，
亦食o左好多次。
D齋鹵味多年來都保持住水準，
o黎親都係成家人食晚飯，
每次都會叫碟大o既做頭盤，
有時行過都會買廿蚊返屋企當小食。
今晚當然都有叫其他小菜，
其中有冬瓜盅、羅漢齋炒麵、(以下菜名記不太清楚)鮮菇炒翠玉瓜、沙律酸甜排骨，
沙律酸甜排骨就幾大碟o下，
仲有糖水送tim...
侍應一向都係o個D老手啦，
好勤快、有笑容。

同D朋友行完街佢提議食齋，我都有年幾兩年都未o黎過，以前好鍾意食佢d齋鹵味。
先o黎一碟酸齋併叉燒及一碟素鵝。一食落口完全同以前係兩回事，叉燒好咸酸齋唔夠酸唔夠味。素鵝叫做好少少。
我o地實質4個人，因為之前食了兩碟大齋鹵味，已經半飽，所以只叫一個兩人任選套餐，本來係兩一湯，我o地冇要湯可以加多一個。食齋有個缺點就係d“獻”太多，北菇西蘭花、魚香茄子鮑魚菇這兩碟其實唔算差，只可惜係太多“獻”，第三碟係荔芋香酥卷，到最後終於有驚喜，炸得脆好香口，最緊要唔會太多油，一碟仲有成十多件，我o地竟然可以食清晒。
蛋花馬蹄露係附送的飯後甜品，好難判斷整得好唔好，講味道係唔錯，不過我就食唔到馬蹄味，只食到薑汁撞奶味道。

每日下午四時後都會有特價，每件2元，好抵！最好味係麻蓉餅同白汁磨菇角，但係初一十五、齋期就冇特價，記得check清楚。