星期三，北大人影響力漸降。是次飯局是餞別太座嘅摯友，聯同摯友嘅中學同學，一王三后嘅配搭，於利舞台食泰國菜。

大家都是已婚人士，暢談婚後生活，與及御夫之道。當然，這切身話題，筆者有利益衝突，不便發表偉論。話題漸漸轉到男人嘅嗜好，三位女士向筆者垂詢。男人嗜好(唔計不良)，不外乎車、表及音響。筆者年少時，也沉迷這些玩意，所費不菲。但認識太座後，培養了對美食嘅追求。車、表等價錢可以很驚人，而且買入後有很多雜資，是會弄窮人嘅玩意。至於食，或豐或儉，都可以有出色嘅美食，而且駛費是一次性，冇手尾跟。是故，「食」是不會食窮人的。

言歸正傳，食泰國菜，筆者首推西貢大廈內嘅「旺泰特食」。至於港島區，「金不換」可謂穩陣嘅選擇。此店位處利舞台，佈置光鮮，格調優雅，走中上檔次。是晚點了幾款經典泰式食物，首先是柚子沙律($70)。椰絲份量比較少，少一點濃烈感，但這正正配合沙律應有嘅清新怡人。柚子肉清甜多汁，粒粒飽滿，食落還有淡淡嘅椰香，十分出色；生蝦刺身($95)去殼開邊，加一粒蒜子及辣椒仔，味道刺激，振奮食慾，缺點是蝦肉冇用冰保鮮，亦失去用冰保持蝦肉爽脆嘅功效；炸蝦餅($65)外表炸得金黃，但食落不覺太油膩，油溫控制得宜。蝦餅心放了一些東西，從味道上不能找出其身份，筆者估計是蝦羔之類嘅物體；泰式鳳爪($58)酸辣度稍嫌不足，而且醃得唔夠耐，筋腱部位較難咀嚼。

主菜方面，計有帶子珊瑚蚌炒西蘭花($100)，整碟餸炒得濕咗啲，乾身一點會更好。用料方面，帶子、珊瑚蚌入口爽脆，是合格的，西蘭花綠中帶黃，不是開到快凋謝嘅貨尾，同樣是滿意的；鹹魚炒通菜($52)炒得亦爽甜，鹹魚粒亦撈得十分均勻，不會一時鹹過頭，一時全無鹹香味；海鮮玉子豆腐($68)以紅椒、墨魚、粟米仔、蝦仔等切成碎粒，加一個薄茨煮成。筆者覺得茨汁是重手了，破壞了玉子豆腐外層嘅炸麵皮。豆腐本身則嫩滑，啖不出黃豆香；芋頭肉碎炒飯($65)顏色豐富，有青豆嘅綠、粟米嘅黃、胡蘿蔔嘅紅，亦聞得到冬菇及芋頭嘅香氣。味道具有層次感，固然有冬菇嘅香，也有芋頭嘅甜，加上醬汁嘅甜，共冶一爐。芋頭切得較為大粒，但食落有令一種風味。

服務是有求必應，啤酒倒了出來，發覺一點都不凍，要求換凍一點的，爽快應承。冷氣不夠，即時調較至合適溫度。灌了兩支啤酒，連加一共銀七百一十蚊，平均每人一百八十蚊有找，是滿意嘅一餐。

十月份的聚會，同學選了吃泰國菜，地點在利舞臺，方便大家。

我們被安排在寧靜的一角，明顯地與其他檯有分隔，牆紙華麗，佈置很簡單，一、兩個泰國木櫃，擺放幾件有泰國特式的工藝品，已顯得典雅和脫俗，誠是一個很不錯的晉餐地方。

細看餐牌，定價不算貴，除非你要吃海鮮之類，一般都不過一百元一味，在這地段來說，算是相當合理，難怪其門如市，連餐廳外的座位也坐滿了。可惜有三幾位同學抱恙未能出席，否則可多試幾款。我們點了：
柚子沙律，柚子肉加了些燒香的椰絲，增加了口感和香味，份量頗多。
大拼盤有四款小食，蝦餅，魚餅，竹葉包雞和春卷。蝦餅有蝦味，彈牙，加了特有的香料，味道吸引，魚餅帶微辣亦很可口，竹葉包雞，雞肉豐腴，醃得好味，春卷是包著粉絲，木耳等多種菜蔬，香脆而不膩。
燒豬頸肉，燒得金黃，切得薄薄，點其附上的汁醬，很開胃。
黃咖喱雞，我們選了不太辣的咖喱以方便各同學，咖喱充滿椰汁香味和微辣，大家不禁要叫兩碗白飯塗汁吃，連不愛吃咖喱的我也頻頻添吃。
豆腐炒菇粒是素菜，無啥特別。
芋頭肉碎飯給我的感覺是港式炒飯，加了粟米，青豆粒，然而配料甚豐，炒飯是美味的。
蛋網海鮮炒金邊粉，用一個蛋汁煎成的網蓋著，金邊粉加了青檸汁，酸酸的，混了椰蓉更添味美。

由於要趕著看特別場「極度冰荒」，所以沒有吃甜品。平日甚少去泰國餐廳的我，對這餐廳的食品甚有好感，下次必定帶家人同來。

12點先book 位食野，想食泰菜，係openrice 搵左 唔少地方都book 唔到，最後朋友話呢間ok，又book 到位，就去左啦~~

泰式拼盤 - 有魚餅、蝦餅同葉包雞，個魚餅好香香草味，我就好喜歡，朋友就鐘意蝦餅多d，個雞估唔到炸完都咁滑

黃咖哩牛腩 - 好香咖哩味，甜甜地，好適合怕斗導守竑spicy 既人

炒椰菜苗 - 呢種椰菜苗係香港好少見到，係泰國餐廳先有機會食得到，好爽口，味道唔錯

甜酸雞 - 同一般咕嚕雞球冇分別，不過都幾滑

冬陰公湯 - 太spicy，搶晒椰香、香草同酸味，變左得個spicy~~

紫菜豆腐粉絲肉碎湯: 清清淡淡的, 不錯;

青咖哩雞: 有點辣, 好味;

白飯: 軟硬適中, 配咖哩一流;

炸蝦餅: 香脆又大件, 超讚

咸魚炒介蘭: 頗咸

芒果涼粉: 頗甜, 清熱佳品~

食過香港好多間泰國菜, li間環境算數一數二. 坐得好舒服.

枱面少有地放咗刀, 叉同筷子. 好方面有齊中, 英餐具!

噚日七點幾去食晚餐, 大約一半坐滿.

我哋四個人, 叫咗: 柚子沙律, 燒豬頸肉, 乾炒牛河, 魷魚通菜, 辣椒膏炒青口, 南瓜排骨煲. 甜品係芒果糯米飯.

大部份味道都ok... 但比較細碟.

唯獨係南瓜排骨煲就好油, 又"痴"晒底... 同通菜炒得唔夠香.

甜品就好好食~

價錢有d貴, 唔係我俾, 所以唔太肯定幾錢, 但我諗ard600 左右啦.

如果目的係食好食嘅泰國菜, 九龍城有更多選擇. 如果係想傾吓計, 坐得舒服咁享受泰國菜, 金不換都係唔錯嘅選擇.

訂左禮拜日晚食飯,receptionist話要八點三十分交, 搞到我專登約早D.. 但係個場成晚都係五成左右,摸不著頭腦 好在環境都十分OK,卡位好闊好好坐至無咁興 ,,

泰式拼盤 $100 左右有四款唔同野食(煎魚餅,炸蝦餅,春卷及燒雞),樣樣D味道都唔錯,特別係蝦餅炸得好鬆軟

蛋包炒飯及炒椰菜苗既份量都唔少,質素亦十分OK的! 椰菜苗好少食,覺得幾特別

我唔係咁識欣賞個泰式烏頭因為唔係咁食得辣,但係我個friend就話好食!

四樣埋單$500有找,都算幾抵!

一班人來吃泰菜，叫了牛油果柚子沙律，軟殼蟹，冬蔭公湯，鐵板煎蠔仔同炒金邊粉。
首先說說這兒環境，座位很寬，人不太多，挺有泰國的感覺。
食物方面，牛油果柚子沙律很醒胃，柚子很新鮮和甜，配上牛油果味道清清的，很易入口。
軟殼蟹炸得鬆脆，炸漿不太厚，份量也有很多。
冬蔭公湯，原本我不會喝的，但同行友人說不是太辣，便嘗了一口，發覺我也可以喝下去。個湯很香濃，很足料，每人也有大蝦，有少辣，但喝久了就越來越咸，之後還很口喝添！
鐵板煎蠔仔，很大的一碟，蠔仔咬下去感覺新鮮，有咬口，味道好，但有D油~
炒金邊粉，這個很平凡，只是普通一碟炒面而已，不試也罷！

整體來説，我很滿意這餐，還會再來的。

是日晚餐, 未入座!!!

捱肚餓之餘, 一肚氣!!!

事緣我地 6.30pm 去到, 佢話未有位, 叫我地留低電話, 有位就會 call 我地,
其實 mother's day 佳節時候, 冇位要等係正常不過!
留左電話, 落去行街, 點知愈行愈唔對路......
我地行到 7.10pm, 驚佢地 miss 左我地電話號碼, 決定上去等,
點知上去一問, receptionist 話: "下, 咩冇打俾你地呀? 咁冇啦!"
我: "未有呀? 咁大約幾時有? 我地等左 40 分鐘啦...."
receptionist: "下一輪係 7.30pm lor, 你博唔博呀?" (語氣開始不耐煩)
我: "下? 要博 ga? 即係..... 未必有?"
receptionist: "未必有 ga, 你博 ga 咋!" (開始大聲)
我: "咁你一開始唔話未必有?! 仲叫我地留電話, 等我地等左咁耐....."
receptionist: "咁你而家博唔博呀?" (大大聲, 態度勁差)

我地當堂 O 左咀... 俾佢點左一次不特止, 仲要俾佢兇,
堂堂一間大餐廳, 估唔到有咁 gei 員工, 咁 gei 態度, 真係令我地好失望......

其實呢間金不換我地都來過幾次, 好在次次都有訂位, d 野食都唔錯,
不過今次被人耍完後, 從此 blacklist, 以後都唔會再來!!!!
講真, 係 causeway bay, 泰國餐廳大把, 豐儉由人, 我地都係想搵間 high d d, 坐得舒服 d, 可惜可惜!

各位食家, 奉勸一句, 記住 book 位, 唔係千祈唔好去俾人耍!

有 book 位..... 食飯!
冇 book 位..... 食氣!!

第一次食泰國野..
簡左金不換...一於去試一試..
知道呢間野出哂名多人..所以我地6點半已經去到..
果陣時已經有3台客了...

我地叫左三樣菜

炭燒豬頸肉,,咖哩牛腩...還有芒果糯米飯..

整體非常滿意..豬頸肉點埋醬汁..酸酸辣辣好醒胃
咖哩佐白飯一流...好有梛香味又不太辣..
芒果糯米飯酸酸甜甜....好match~

今日係同男朋友紀念日
自己突然又想吃泰國菜 之後就去了這間金不換.
上到去 個環境都唔錯
我地坐係出面d"木台",,,
我地總共叫左5個食物1個冬陰功

第1樣::生蝦刺身
一碟有7隻..+1個汁料
個汁料都幾辣**
d蝦都如果點左d汁 都完全食唔到有咩味。

第2樣:咖哩軟殼蟹
我覺得呢個係最好食 個咖哩唔算辣
而且軟殼蟹炸得鬆脆

第3樣::冬陰功
我地叫左個細0既.每人有2碗半左右
有3隻蝦、草"姑"...香料..
個味都幾濃 嫌咸左d

第4樣::青椒粒豬頸肉.
完全冇特別.
同普通出面食0個d炒豬頸肉冇分別..
d味淡,,而無味~

第5樣::飛天通菜
.........好咸//好似好重手味精咁..
都係普普通通,,,

第6樣::蛋網海鱗金邊粉
賣相靚.
但係就麻麻...d粉酸酸甜甜..
海鮮就得1隻蝦、2舊魷魚、1舊蟹柳、冇了...
好似少左d"送"播.....
味道都係一般

不過服務都幾好
時不時有人加水."仲問你要凍水定熱水。

但食就冇想像中咁好。

埋單要5百多元。

今天是復活節假期, 特意在此餐廳訂了枱跟朋友吃飯, 由於只有二人, 我們點了...

- 金邊粉味道不錯, 不會有油膩的感覺, 才六十元, 也不算貴
- 鐵板蠔仔, 印象中, 好像是加了雞蛋, 味道跟蠔餅十分相似. 每隻蠔仔也十分大, 是絕對值得
推薦的菜式
- 豆腐加菜 (忘了菜名). , 沒甚麼特別, 可有可無.

整體上, 此餐廳價錢比我想像中十分便宜, 味道. 環境也算得上舒服, 或許會再光顧.

三五知已，想放工聚下，擇左呢度，第一次來，環境都唔錯．已訂2030檯，來到都要等到2100後才入座．
大家餓到"估估"聲，以最快速度點菜，亦不理價錢，後來先知咖喱蟹要二佰幾蚊．
整體都唔係咁辣，唔駛太密斟水.
只要記得下次2130來就唔駛罰企門口等位啦．

1) 生蝦剌身
>正,七隻蝦新鮮再沾上辣椒蒜蓉汁,夠酸辣,好開胃.
2) 飛天通菜
>正,菜汁有少少辣,好惹味.
3) 冬蔭公
＞不好,蝦不新鮮,湯太咸酸,分完得四碗仔.
4) 咸魚炒芥蘭
>正,咸魚香,菜爽脆.
5) 燒鱔
>一般,魚又太快凍.
6) 咖喱蟹
>蟹清甜,食到咖喱汁都無晒.
7) 蒜蓉飽 二客
>正,熱辣脆卜卜,一客四大件,沾咖喱汁一齊食,食完未夠喉,再要多客.

搬了舖第一次光顧(之前在恒隆中心), 地方好似窄過以前.

小食拼盆: 有香葉包雞, 春巻,魚餅,蝦餅, 蝦餅非常彈牙
冬蔭功: 足料, 有蝦,魷魚,,夠酸,辣
豬頸肉: not oily, the sauce is good(酸酸辣辣, 非常開胃)
蝦沙律: 蝦爽口,新鮮
炒金邊粉:好特別,好似疍飯咁,用疍網包住D炒金邊粉,賣相唔錯
菠蘿炒飯: 好多海鮮,
千層糕: 有少少乾

突然想吃泰國野WOR ~ 但又唔知邊間好
結果 ..... 豪一豪啦
俾自己個肚仔開心D啦

之前聽人講都知間野OK貴嫁啦
但我深明一分錢一分貨的道理
所以 ..... 好味都在所不辭呀

銅鑼灣呢間 ~ 要早一天BOOK位呀 , 否則好容易FULL的

環境格局都唔錯
坐得都幾舒服嫁
加上擺設方面都以泰國風格為主 , 所以都有一份親切感啊

餐牌內的食品
全以泰菜為主的 ~ 很用心選擇啊

泰式併盤 ~ 大大份 , 岩晒多人享用
蛋包炒飯賣相好呀 ~ 以漁網黎包住
個冬陰功真係正呀 ~ 非飲不可的 , 料又十足 , 原隻中蝦仔
炒貴刃又幾好的 ..... 不錯啊

甜品貴就貴左D呀 ~ 芒果糯米飯真係很有泰國原本風味的
不是誇 ~ 你試過泰式同呢間野就明白了

一句到尾 ..... 值得一試既 !!!