11
3
5
電話號碼
28713388
營業時間
星期一至日
12:00 - 01:00
以上資料只供參考, 請與餐廳確認詳情
招牌菜
2月5日, 137週月快樂!夜晚去咗灣仔搵呀菲食個週月大餐, 近住PP3期有一間港式嘅燒烤, 平日lunch都有幾多人食, 佢地嘅海鮮燒都幾受歡迎~ 所以今晚嚟到都諗住人唔會少得去邊, 但係7點多到, 都只係有2-3枱人, 大多都係外國人, 唔通比較偏僻所以夜晚咁少人食~::: 蒜香蟶子皇 ::: $148呢間港式燒嘅賣點之一就係海鮮燒, 喺街市見到嘅各式各樣海鮮基本嘅都會有, 例如扇貝、鮑魚、蚌… 價錢老實講唔係平, 但係作為推介我地都少少地都叫咗個蟶子試下~ 2隻蟶子皇點樣可以賣到$148真係不得而知, 原產地係咪有因素我地都無謂深究, 我地就只係知個蟶子普通過普通… 蟶子皇並唔可以用皇去形容, 殼唔大, 加上d肉剪到碎濕濕咁唔係原隻上, 係方便用筷子食所以咁樣, 定係佢唔係原隻? 肉質入口尚算爽, 唔韌啦, 但係味道就俾蒜蓉同葱味蓋過晒… 味道唔能夠做到鮮味調味適中, 海鮮本身幾新鮮都係假… 其實以前食過真係夠鮮兼且啖啖肉, 但今次食就覺得退步咗好多, 所以呢個蟶子只有貴但不值嘅結果…::: 鐵板牛舌厚切 ::: $128同樣地我都都叫咗個唔明點解可以咁貴嘅牛舌, 要叫厚切, 其實而家出面嘅牛舌都sell厚切爽口, 所以對厚切嘅期望都唔係咁大. 好彩呢個牛舌都稍微少少好過蟶子, 起碼份量都多番d, 而牛舌本身都做到爽口彈牙~ 可惜調味都係比較重, 黑椒味搶咗牛舌本身牛味, 加檸檬汁嘅作用亦唔大. 同樣係貴, 但比蟶子好.::: 蜜味雞翼 ::: $36食串燒亦離唔開雞翼呢一款, 有3隻普通size嘅雞中翼, 味道就似足平時去bbq嘅雞翼, 搽到成隻雞翼都係蜜糖咁, 外皮夠甜, 但係只限於外, 入面d肉就淡味咗d, 亦都唔夠脆… 麻麻地.::: 汁燒牛柳 ::: $48燒牛柳就幾好, 唔係好肥所以唔會好油膩同食得出牛味, 調味唔會好搶, 肉質煙韌得嚟都夠淋同易咬開, 唔錯~::: 燒金菇牛肉卷 ::: $28金菇燒得夠燶, 夠香口, 可惜個肥牛太薄, 同埋肥肉比例唔均勻, 太多脂肪以致金菇索晒d油, 食落好油淋淋咁食唔到牛肉同牛香…::: 原條栗米 ::: $28粟米好幼好細條, 燒得太乾身, 但無乜燒烤香味, 粟米本身味道亦較淡, 只係一條好普通嘅粟米…::: 原條茄子 ::: $28用上嘅係幼身茄子,燒完切段後估唔到可以咁細條… 呢d蔬菜類都俾到人吝嗇嘅感覺其實都幾難… 同樣係燒茄子, 食過重慶燒嘅嗰d嘅又大又淋原條茄子, 雖然係油浸咁但真係夠晒惹味! 但係呢條茄子完全令人失望, 只有豉油味, 燒得亦都唔夠淋, 竟然仲係帶生嘅爽口, 只怪我地唔太食得慣呢度嘅燒烤..::: 懷舊肉鬆豬油撈飯 ::: $25呢度嘅賣點除咗海鮮, 仲有呢個充滿懷舊色彩嘅豬油撈飯~ 食咗咁多款燒烤, 都唔太提得起我地嘅食慾去再叫其他燒烤, 所以都係叫個飯填下胃就算. 豬油撈飯面加上肉鬆、葱花同芝麻, 呢d配料完全係可以零難度食多3碗飯, 所以就算個豬油飯本身幾咁無味都好難唔好食~ 配料基本野唔駛講, 但豬油飯嘅豬油味道唔太食得出, 唔夠香濃係一個敗筆, 呢個飯有啅頭不過實力尚未夠.::: 甜品 :::餐後甜品係兩粒燒過嘅迷你雪糕糯米滋~ 其實本身糯米滋已經幾甜, 但就畫蛇添足地加咗d蜜糖落去, 一來蜜糖味同雪糕味唔係太夾, 二來亦令呢個甜品過甜, 可能簡簡單單仲更好.居然食咗500幾蚊都冇一樣係好滿意, 海鮮同豬油飯已經係店舖推介之作但係都華而不實… 整體燒烤味道唔特別, 冇獨特燒烤味, 嗰碟調味醬汁亦太辣唔係好啱怕辣嘅人… 一路食都會有d人嚟, 但係睇佢地都係吹水多, 都應該唔係想嚟食一d真係好味嘅野… 以咁樣嘅價錢, 可以食到d更好味嘅日本串燒~
繼續閱讀
港式茶餐廳、港式奶茶聽得多, 但以港式燒烤掛帥的餐廳卻是首次遇到, 從這個網站的食評來看, 給予笑面的幾乎全部是「一食評食家」, 而其他較為定期於這裡刊登食評的食家, 幾乎全部給予喊面, 是人是鬼, 明眼人已經心裡有數。某天晚上, 隨意跟隨友人來到 (可惜事前沒有看過食評), 看到餐牌的封面, 四個大字寫著「港式燒烤」, 內頁食品價錢卻是高級日式串燒店級數, 還以為店方索價這麼進取, 質素應該有些保證, 誰不知實際食物質素就如下面那位食家所說的一樣, 就是是是但但把食物燒熟, 然後重手地加添調味料了事。首先送來的是燒蟶子, 事前沒有詢問過客人的喜好, 除了其基本設定重手調味外, 還加添了不少辣的調味料 (包括黑椒等), 送到來時才發覺席間有超過一半客人不嗜辣, 浪費了食物。其他食物也不見得好, 全部燒烤食品味道沒有甚麼分別, 吃得出的只是調味料味道, 事後當然是極度口渴, 原因相當明顯吧。數百元, 吃了一些味道完全一樣的東西, 好吃的話或許不是問題, 但是這裡的話..........................
繼續閱讀
無味是但燒@皇鳳灣仔聖佛蘭士街9-11號寶豐大廈地下A舖香港式bbq???食完我都唔覺是hk style只是把東西燒熟比客人食的一間店….沒辦法, 星街只有它空空有位沒有人幫襯, 絕對合理有原因難食的芝士年糕我咁大個, 都是第一次食到不q而芝士又拉不出絲的芝士年糕……..用埋下等貨, 似麵份加水的糊年糕黑松露炒飯…..沒有黑松露的香而飯也是沒有味道, 而家一包鹽賣好貴?貴到少少都唔舒得落, 我去了17世紀嗎?鹽應該比黃金更貴, 但古時有客人也會用鹽招待客人不要說是因要散發出黑松露獨有的香氣所以不加調味得客人品嚐到松露的原始風味日式燒雞扒, 正常可以入口但個皮都燒唔到香脆可口沒油脂可能我係日本食到的便當太令人流口水了但我問題又來了, 不是hk style. bbq?Menu上有日式燒雞扒???燒菇 x2個秀珍菇沾了日式照燒醬好普遍,真係好求其 另一個黑色的mushroom 就好油膩下烏頭魚, 預先起了中間的大魚骨不懂吐骨頭也減低chok 到的危險性燒好灑了七味粉調味, 辣味蓋了魚腥但舌頭味蕾活躍的我, 還是食到泥味腥味…..牛舌, 我唔食牛..所以不知可以選厚切薄切, that's all芝士燒脆玉瓜, 又是沒經調味瓜唔脆又乾….原來此店的香港式燒烤是等同不落調味料燒豬頸肉, 總於有道似樣的唔難食有鹹同微辣, 但卻偏重手重味重油炸紫菜蟹柳, 日式天富羅外層炸醬?點沙律醬就食得啦….比個是但形容你好彩魚肉蟹柳買回來就有人工調味我不用吃麵粉漿牛油金菇, 一道沒可能難食只要牛油下得足就完成不過份量好少呀豬油撈飯, 甜豉油, 中間一匙邪惡豬油面上再灑了蔥花肉鬆好似是招牌菜之??對我來說只是合格撈出來, 豬肉鬆也是買現成, 何來花心思時間煮也完成嚐不到廚師的手勢….豬頸肉卷?(個名唔記得了)用了塊餅皮wrap住炒過的豬頸肉食完的印象?我答你唔難食以上食物食唔飽, 最平一碟都收我$50份量又少得可憐,牆上貼了幾張明星相也沒可能令人再光顧你因食物真的很差 ,負評一個十多樣東西沒一道我認為好食甚至乎我可以用難食套在此家店的出品上當中得2,3道正常…..$ 250 一人, 我開始明白, 有時貴架質素味道唔一定好,同價錢未必成正比唔敢order第3round, 你話好味我都樂意再叫去食碗雲吞面好過仲要收成一百元切cake 費..
繼續閱讀
小妹第一篇分享, 正正就係...你 -- 皇鳳! 打從2011年9月開張到現在, 仍然係我心水之選既串燒店! 記得第一次到訪, 店內播著懷舊金曲, 枱面上放著公雞碗筷, 這已令我好有驚喜。 接著服務員送上的餐牌加細心講述是日推介, UM... 俾個LIKE 先XD講回今次的評價, 食物, 賣相、味道也是一流, 每次同唔同既朋友黎食, 我必點既菜就係枝豆 - 不是白烚淡味, 而是師傅調味過的。今次叫左好幾款, 款款都好正!
繼續閱讀
今天星期四，lunch想食餐好D, 約12:15經過皇凰，都心大心細 (見得幾個客人)，决定入去試下，order $118 set lunch 羊扒+海鮮(蠔)。抽風系統很差，大煙又大味，燒烤師傅咳了幾聲 (是否應戴口罩)，現在返到公司仍成身都係油煙味!!送一碗雞腳+蓮藕湯(有色滾水，淡而冇味味) > 免費不能計較太多等等等.............唔對路，其他人地比我遲order也有得食，我等到12:44，向餐廳Waitress追單，才有得食!! $118 結果來了二塊"不太熱 hot"羊扒 (雖我要求6成熟)，似烚熟多些，冇味道冇燒烤氣，都唔見有肉汁同血水，裏面是暗啞色的!又要趕返工，用了8分鐘完成lunch (完全唔enjoy)，我以為隻蠔另上，伴碟有炒菜一粒燒黑了蒜頭，我以為隻蠔另上，原來蒜頭物體就是迷你海鮮蠔!!12:55埋單，以這價錢$130，食物如此貨色 (還要加一)，絕對不值!!!!
繼續閱讀