很久沒有寫食評, 適逢有些少空閒時間.
是次去了小意大利人餐廳, 名字雖少, 但份量很大.
一行五人, 因為我老婆剛從醫院做完檢查, 涯了幾日粥水,
老婆想吃點好味的, 所以揀了它.

有以下菜式:

Assorted Bread, 好好味的飽, 仲可以無限 refill, 正
Caesar Salad with Chicken 簡單d 講, salad 好食好 fresh, 可以吾要雞排.
露絲瑪莉雞 這個友人話特別好食, 值得推介. d 汁好惹味.
Classic Pizza 好好好大份, 淨叫這個都可以半飽, 但料未必去到好足.
芝士菠菜寛麵 這個芝士味好濃, 可以試試.
香蕉朱古力麵包布甸 生日送的疍糕, 本著一試的心態, 但真係好好味呀...

食過飯後, 大家笑言, 如果淨係食 assorted bread, 同埋話自己生日, 叫杯飲品, 係咪可以淨係俾飲品價錢而又食得好飽呢?

果日同3個朋友去慶祝生日～事先book定dinner台～餐廳服務非常好～會晏晝打電話黎同你confirm booking

入到餐廳裝修真係好靚好有氣氛～牆上面有好多畫同相～
仲有巨型吊燈～配暗紅色梳化～純白色枱～真係好有氣派

任添餐包 vs 黑醋檻欖汁

白汁(卡邦尼)火腿磨姑意粉：原先呢個粉真係要俾個喊佢架啦～因為太少汁，意粉同配料就夠哂多，但汁太少搞到無左卡邦尼o既意義....好彩後尾叫待應俾多個汁我地，個意粉即刻復活！！好香奶油味添～

檸檬汁香草露絲瑪莉雞：原先想叫主菜的露絲瑪莉雞，但決定叫pizza就試下呢個前菜；首先個汁，唔錯架～檸檬汁唔會太酸但幾開胃但ｄ雞就有點鞋啦可能佢只係雞鎚，唔夠原隻雞咁滑啦；但總括黎講，係雞還雞，汁還汁．．．

海鮮意大利飯：勁濃龍蝦汁起初見佢咁橙仲以為係茄汁底～點知成個飯都好香～而且飯粒夠硬身～唔會一pat pat Creamy又多料～讚好！

意大利辣腸pizza：朋友們給這個評價是批底和邊不夠脆，但我覺得ｏｋ～邊同底厚度適中，配料同個底中間有層薄薄的茄汁令佢唔會太乾身，而且勁巨型的ｓｉｚｅｓ真係可以塞飽你！(一客有12件嘛)

香蕉朱古力麵包布甸：生日送的甜品，４個人食岩岩好，唔會太甜，而且麵包布甸好易整到太濕，呢個？就岩岩好啦

總括黎講：餐廳氣氛好；同場都好多人黎慶生同勁大班咁黎食飯
　　　　　侍應上菜極快，有求必應，叫影相都好ｎｉｃｅ，
　　　　　仲會有至少３個侍應陪唱生日歌添～！人少少都可以好有氣氛
　　　　　食物款式多而且樣樣大大碟～貴少少都值回票價！

很久沒有到amaroni了, 趁朋友生日, 再去一試。點了ceasar salad, 前菜雜盤, 白酒煮蜆, 蘑菰意大利飯, 蒜蓉煎蝦, 什錦platter;
1. ceasar salad, ok
２. 前菜雜盤: ham有點硬, 油份不夠; 魷魚圈新鮮;烤瓜菜, 不夠香; 腌pepper只有兩粒; artichoke只有幾粒;
３. 白酒煮蜆: 可能是白酒不夠靚, 但蜆很新鮮;
４. 蘑菰意大利飯, 太軟, cheese不夠, 也不夠香;
5. 蝦: 不夠香, 很普通;
6. platter: 食的時候已經凍左; 香腸grill　mark都沒有, 心是涼的; 牛膝很鹹, 救命; 可能技術不夠, 砌不回隻rosemary雞, 因為有兩件右上聛,鬥而且很"鞋"!
7. balsamic不夠香, 但合格!
因為大意, 一次全部order, 所有食物先後到齊, 可能是main dishes 凍曬的原因之一, 亦可能是限時交臺, 盡快上菜; 員工一部份okay, 一部份較average更差, 有點兒失望, 租金壓力大....可以理解.但reception位主任小姐, 需要認真改善面口, 苦口苦臉....有d想走的衝動!

友人相約請食生日飯，同意去左舊年同一地點Amaroni。

友人Book左6:30PM，知道有規則8:00PM要交枱。準時去到問口，己經有情人節佈置，幾靚喎。

4大人+1小朋友，坐左係張圓型卡位，尚算闊落。
侍應生很快的放下，餐前麵包和橄欖油+醋。

點菜:
凱撒沙律
意大利海鮮飯
露絲瑪莉雞
白汁蜆肉意粉

以上四道菜，沒有特別大驚喜，味道只是一般水平。白汁蜆肉意粉，食不出有蜆肉的鮮甜和味道。露絲瑪莉雞，雞胸肉唔"鞋"口，廚師處理得不錯，胸肉很厚，但還可以保留鮮嫩。海鮮飯，友人都說很好味，我本人就覺得海鮮料不夠豐富。

最後送上免費的生日蛋糕(味道不合胃口)。

能夠同友人一起慶祝生日，這裡也是不錯的選擇，唯一是用餐時間限制，有一點點不能盡慶。

埋單好像是$5XX，多謝晒。

第一次到這餐廳,

室內設計很美,很古典(燈光可以再光一點)

餐前的軟包內有少許香草好吃

三個人,點了三樣食物

芝士意大利雲吞,芝士味很濃,雲吞內有potato,分量很多

牛排一件,味道很好,有香的香草味

磨菇Pizza,雖然沒有肉,但有很多芝士,蕃茄等等,一個有12件

我哋三個嚟呢度食晚餐，都幾full，環境OK，我哋 order 咗 Caesar Salad with Chicken ($128)、Linguine($108)、Rosemary Chicken($160)和Cheese Cake($70)。

Caesar Salad with Chicken - Dressing 味道唔錯，生菜也新鮮爽脆，但少了bacon，所以唔夠香。
Linguine - 好大碟，Linguine嘅軟硬度適中，Sauce 幾creamy ，味道也不錯。
Rosemary Chicken - 很濃嘅香草味，雞肉又嫩滑，好味道。
Cheese Cake - 芝士味濃，加上stawberry sauce，飽都要食多兩啖。

went there with my husband last week. it was busy and luckily we booked a table beforehand. the quenes of people waiting outside could be there for an hour!

Big portions and we were informed by the honest waitress that one dish would be enough for the both of us. So we ordered one pasta and a bottle of wine to share.

Food was good.. perhaps a little more tomato-ey based than i would have liked in my spaggetti bolognese. But i've had worse. the wine was alright and the overall price of the meal i think is acceptable.
you can take home what you haven't finished so it made a nice lunch the next day for us.

atmosphere is lively and noisy when it's packed.

and you get a basket of bread as soon as you sit down.

would go back again.

因為d野好大碟，所以要一大班人share先好，因為咁有2,3年冇去
今次再去食，食物都ok，不過服務同餐廳級數有距離

訂枱嗰時，佢要我地個半鐘交枱
咁大班人食飯，個半鐘唔係好夠，
不過咁，可能因為星期四關係，最後佢都冇趕我哋走

book枱嗰時已經講左係10個大人，2個bb，要2張high chair
但去到
佢竟然俾張8人枱，仲同我哋講可以坐12個
嗰張枱放埋high chair，根本放唔落咁多張椅
枱同枱之間又逼，四周都好窄，再睇下成間餐廳
佢哋全餐廳都只係得一張大枱可以坐10人以上
咁嘅安排好唔得
明知有bb，實會抱上抱落，細心啲嘅人都唔應該安排要行樓梯嘅枱囉
安排得唔好



Assorted Bread
每張枱都有，好好味，仲可以加添

Roasted Rosemary Chicken
水準依然，d雞夠滑

Seafood Risotto
意大利飯本身係濕嘅，但d飯就一粒粒
睇下個人鍾唔鍾意咁嘅質地啦，我覺得ok嘅

Pepperoni, Pineapple & Mushroom Pizza
Table Size, 好大塊，但呢個味道唔太得，太咸，同埋d腸都辣

Canelloni
好好味，好creamy

白酒汁蜆肉意大利幼麵
相比Canelloni，就冇咁好食，只係冇乜料，淡身d，不過都可以

Tiramisu (4" X 4")
算幾大件，同埋都整左3層，得!!
(PS: 我地之前同經理講個pizza好咸，跟住後來我地order tiramisu，最後找數先知佢地free左俾我地)

今天晚上與朋友往此意大利餐廳吃晚飯, 其中叫了一客羊架,侍應問我幾成
熟,我說八成熟, 但當侍應端上此羊架時, 本人未吃已看出肉質十分乾,直至
真正切開,放入口中,簡直相當難吃,因為羊肉很乾,煑得又太熟, 沒有羊肉味,
很失望!

BOOK左位同女友食聖誕晚餐, 一去到見到好多人, 但我地BOOK左位就可以馬上入去, 入到去就覺得好迫, 之後我地發覺佢加左好多摺檯, 連我地一早BOOK左位既都係坐摺檯, 我覺得好肉酸LOR, 大排檔咩, 但因為度度都多人,咁我地只好照食,

女友叫左個雜菜湯, 好大煲, 夠晒兩個人飲, 味道一般
casear salad with chicken 我地覺得好好味,D棻好脆, 味道好清新
番茄蜆肉扁意粉, 好大份, D意粉一流,好滑, 都幾開胃,
tiramisu仲正, 味道香濃, 唔係好甜, KING SIZE, 兩個人食一個都覺得好多, 有好多層, 真係好香, 食菬去涼涼地咁,好舒服

大致上食物好好,但環境唔掂, 如果睇左之前D網友寫會坐摺檯既,我就一定唔會去, 費事成個聖誕蒙上污點

睇openrice, 呢間意大利餐廳既食評都唔錯.
同男朋友都食過兩次, 不過因為得兩個人, 每次都係叫得o個兩碟野.試唔得多款.
今次同一班friend食飯慶祝聖誕, 就提議黎呢度.
我地叫左:
1.) Caesar Salad - $98
2.) Sautee Spinach and Mushrooms - $95
3.) Penne Rustica - $188
4.) Seafood Risotto - $188
5.) 辣雞Pizza (table size) - around $200 (唔記得呢個價錢)
6.) Chocolate Mousse with Fresh Fruit - $70
7.) Tiramisu - $78

首先要講，　就係佢地上菜既速度真係超快！
叫左大約5mins, 個Mushrooms & Salad 就到．
好明顯個Mushrooms都係整定．呀，不過又夠熱．同埋都幾好味．
個Caesar就普遍都唔普遍．本人覺得Dan Ryan既比較出色．
Penne Rustica又係好快到，所以唔夠熱．呢次係我第二次食呢個pasta.　第一次食既時候覺得個白汁做得好出色，有好濃郁既忌廉味．
今次ｄ忌廉就淡好多．不過都好味．
全餐飯，係個Risotto係熱既，不過都係好快上枱．
味道就．．．好普通，最幣係口感一ｄ都唔似意大利飯！
ｄ米overcooked, 大淋．而且ｄCheese又唔夠．好失望！
跟住就係個辣雞Pizza喇，見好多食評都話好食，咁難得今次人夠多，可以一試．
但...就唔會再試啦．因為真係好普通囉．味道可以話OK. 最幣係唔夠熱again!!!!!
成個味道都破壞晒！而且個pizza唔夠脆，我覺得意粉屋整得比佢好．仲有係一ｄ都唔辣...
到dessert, Tiramisu就緊要叫啦，味道係唔錯，當然都係都得同帝苑比．但係我覺得好過cova.　不過有友人唔係好鍾意，因為酒味太濃．我就Ok.
最後亦係最差既就係個Chocolate mousse!　太甜，朱古力味唔夠．D生果仲出色！但係我唔洗俾成$70係度食幾片生果囉！真係失望之作．
所以Overall黎講，呢間既食物冇乜特色．係夠大碟．多人食既話，一百蚊鬆D已經可以夠飽．

其實都睇左有咩推介入去....
入到去食左一個好像mushroom在底但有蒜泥在上面既前菜
好好味
casear salad with chicken都好好味
不過我唔好雞胸所以我覺得有少少美中不足
但是佢整個combination都好好味既
之後食左一個有smoked salmon同scallop既main course
overall 係好好味
整個combination加汁做得好好味
last叫多個gelato有一個完美既句號!!!!!
我朋友叫左兩杯啤酒我就叫左一杯lemon tea不過係免費refill
仲有一杯cappacino
作為聖誕大餐真是幾開心
=-)
waiter好nice....見table有搖晃都即刻幫我地換位
同埋冇趕我地走
超好
好像食左800蚊
下次再去食過

6點來到, 都已9成滿坐!!! weekday 咋!

要坐門口, 玻璃牆邊!
仲係摺檯!

經濟復甦呀!

看看隔離檯, 對小情侶仍同成檯pizza 意粉 仲有個 ribs....
兩人雖幾餓, 但心知大豬女友係"包怪", 食完個包已可能半餓, 所以都係好modest 咁叫了
chicken caesar 沙律及我愛的 carbonara.

沙律好快上, 連個碟都係凍的, 好明顯係一早已弄起!
塊雞已雪到少許乾... 又凍...
好采d菜仍脆. 先不至於扁咀...

carbonara 係美式制法, 幾creamy, 芝味少.
雖個人比較喜愛正宗意式唔加cream 的, 但來得amaroni,
預左係美式; 也ok 收貨!
carbonara 係必定係即叫即整的, 又夠簡單, 所以出錯機會低,
好食呀~ bacon 夠晒多

服務成日要等, 因坐了在門口, 係blind spot!
加水都要行出去叫佢, 因真係見不到!

走果陣, 看看張摺檯, 及門外的人龍, 香港真係繁榮呀, 大家出年賺多d!!!!

同朋友食飯, 2個人

叫左蘑姑湯, 味道幾好, 配合面包一起食一流, 份量大

蓄茄蜆肉意粉, 比較淡, 有沙, 麻麻地

朱古力慕絲, OK好食, 好濃的朱古力味, 好香, 不太甜

整體黎講冇以前咁好, 唔知係唔係人多,服務差左好多, 叫極都冇人理, 冇啦啦話夠鐘要交台,但我BOOK位時都冇人同我講, 之後佢先話搞錯, 我當時覺得好尷尬, 好似我霸住咁, 我估我以後都唔會再去了

上星期同女朋友去左九龍塘食AMARONI'S, 一去到門口個WAITRESS同另一個客講野唔理我地, 我地足足等了10分鐘, 由另一個待應帶我地入去, 入到去叫野食, 叫左ROSEMARY CHICKEN, 凱撒沙拉同意大利芝士餅

凱撒沙拉好大份, 味道好好, 生菜好鮮甜
ROSEMARY仲大份, 可以比3個人食, 雞脾好食, 但雞胸部份比較(鞋), 但味道好特別, 都唔錯
意大利芝士餅我覺得係最好既一道食物, 不會太甜, 香而且滑, 涼涼地好好食, 仲要係唔細份, 一流

不過我食食下發覺我地坐緊張台係摺台,我女友即刻覺得好CHEAP, 好似有睇唔起我地既感覺,我亦都覺得奇怪點解一間都尚算高級既餐廳會比客人坐摺台, 而且當時餐廳係唔滿,點解都要客人坐摺台, 呢方面我覺得佢地係要改進, 但招待我的待應就好好, 會問我D野岩唔岩食等等