食物：食物賣相與味道一般。
蓮藕餅：豬肉多蓮藕少，吃來只嚐到肉味，而欠藕味。
西芹炒斑塊：西芹算爽口，惟部份斑塊不熟，可能是炒得不均勻所致。
黑松露炒鮑貝：黑松露少而味不出，鮑貝也不鮮。雜菜配料佔整道菜的三份二…價錢與食物不成比例。
乳豬拼叉燒：算是數道菜中最好的一道，半肥瘦叉燒味道不錯，乳豬皮也脆。

服務：侍應生服務一般，兩名穿黑色制服職員和湯姓董事經理服務奇差。
事緣：店舖參與了商場推廣，提供「消費滿港幣500即送半隻燒雞」。落單時詢問穿灰色西裝職員問是否有此優惠，該職員卻反覆表示燒雞優惠由商場提供，與店舖無關，並謂吃完可自行拿消費滿港幣500元的單據往商場取燒雞優惠券。
然而，當筆者拿著消費單據往顧客服務處時，當值職員卻謂優惠由商戶送出。於是，筆者又拿著單據返回店舖，怎料問了數名職員都說不知有此優惠，最後兩名穿黑色制服和灰色西裝的湯姓董事經理擾攘了一輪(期間他們並沒理會筆者，也沒解釋為何沒員工知悉有關優惠，只顧自行討論)後，才說補回優惠。惟寫紙補送優惠期間，這幾名職員態度欠佳，其後湯姓董事經理的態度更趨惡劣，並說優惠是他和商場職員(事後，此名職員向筆者表示，湯姓經理承諾優惠是由其店舖直接送出)傾談的，而且說好了是由商場送優惠券的，即使不是，店舖也有權決定如何送贈優惠，沒必要向筆者解釋！

結果：雖然湯姓經理召來商場職員「對質」，但仍反覆說優惠券是由商場送出，要商場職員解決問題，並多番強調店舖有優惠決定權，毋須向任何人解釋！

結論：食物只是一般，但服務欠佳，而職員態度更是奇差。不會再光顧！

難得早起 同老豆阿媽去飲早茶
順便陪下佢地去新開既吉之島逛下兼掃貨
必點蝦餃,燒賣各叫兩籠 原因早茶一籠只有兩粒
細細籠幾QT 前者大隻 蝦肉爽口唯不太鮮味.. 後者味道偏咸
XO煎腸粉 粉算滑口 可惜味道不夠
煎腐皮卷 幾油膩 但皮又脆蝦又鮮甜
糯米飯,皮蛋瘦肉粥,韮菜角 還可以..

與家人星期天到這裡晚飯，約七時多到達，已經頗多客人。

點了半打飽魚仔，姜葱桶毫，白灼蝦，燒味併盤，炒雜菌鮮鮑片。白灼蝦D蝦肉幾爽脆，屋企自己係整唔到的。姜葱亳很香，應該是粘了粉炸過的，姜葱好好味，只是多油了點。燒味併盤則沒有甚麽驚喜，本來想叫乳鴿的，不過已賣清光。七點就賣清光，我想是無入貨機會大D。本來服務都可以，味道也不錯，但是飽魚仔及鮑片則等了一小時，崔了幾次，先來個飽魚仔，鮮鮑片仍然不見踪影。飽魚仔比較細隻，味道幾好，不過就無吔驚喜。後來聽說話部長落單後忘記從魚釭攞飽魚入廚房，所以廚房無餸出，又唔追。終於最後一碟餸唔等就埋單走人。旁邊幾枱都有類似的情況，等了很久Ｄ餸都未到。其實好彩的餸菜味道不錯，不過管理就真係要改善下。

服務: 剛坐下，茶還沒來，菜單還沒來得及看，服務員已經把一籠又一籠的點心送到我們的桌上，我們和侍應和部長解釋了很久那些點心不是我們的，可是他們還是繼續把點心送來。幾經辛苦，驚動了所有的侍應和部長，才發現隔壁兩檯的點心都送錯到我們的桌上。

蝦餃: OK，蝦肉一般，早茶特價所以只有兩顆，B-
燒賣: 豬肉 還可以，早茶特價所以只有兩顆，B-
豆卜魚肉:還不錯，只是豉油太多所以吃下去有一點鹹，B
皮蛋瘦肉粥&及第粥:還不錯，B
腸粉&腐皮卷:非常好，strongly recommended, B+

Food Quality Overall: B, but poor service

琴日同左幾個同事一齊食lunch, 係九龍城廣場搵黍搵去都搵唔到有咩岩食.....
咁岩行行下入左去見到好彩呢間酒家..反正唔係多人都冇咩意見就
入啦..入面部長推介左我地個孖寶.簡左2set ~雖然想食點心 不過之前成日食 就改下口味
最後叫左個蜜餞子蚊雞 加個豆腐煲!
賣相都算唔錯 又有飯同糖水送 突然覺得好似食住家飯咁
另一set 簡左個炒面 同埋 個滑雞粥

果個滑雞粥真係幾正 雖然睇上去好似冇咩料咁 但食落去好有沙田雞粥feel 不過炒面冇點試 因為我自己唔點食炒野

最後 每 人50都唔駛 ...lunch 黍講差不多 都不算貴

星期日,晨早又過左阿婆到搬野,咁又去左好彩到歎早餐,又估唔到佢個早餐係好抵的,叫左燒賣,和蝦蛟,佢一籠得兩粒,不過正好份量不多,可以食多d唔同款,唔係真係食幾樣就飽!而且都係$9,最抵係個菜好大個,先係得10元!呢個真係食完成個人飽晒!其實佢早餐都有好多款野簡,碟碟價錢都好超值!星期一至日都有得供應,平日就至到12:00,假期同星期日就到11:30am,如果2個人又怕食唔晒又想飲茶既,呢到都係唔錯既選擇!

同朋友行開九龍城廣場，未起行之前先去醫病，我地呢D愛點心人，見到間茶樓就走入去食點心。

蝦餃：蝦肉都好豐富，皮唔韌，不錯，而且佢地可以淨叫兩隻，O岩哂我地兩個人，一人一隻，可以食多D其他點心。
鮑螺片燒賣：我好彩搶到鮑螺片，都幾大塊，都入味，同埋下面舊燒賣都幾大舊.....
晶瑩三寶：係素粉果、芋頭餃同潮洲粉果，三種選擇，以素為主，適合我地怕肥人士。
上湯浸覓菜：怕肥人士當然要食返多點菜，這個好明顯很適合我們，10蚊一大碗，份量足，上面的秀珍菇都好爽口!

埋單一人都係三十幾蚊，飲餐茶算係咁，同埋可能都早，唔駛點等位。

放工和媽媽去九龍城探婆婆,咁順便去附近食飯,婆婆介紹下入左九龍城廣場入面呢間好彩食,佢話好抵,不過都幾隱閉下呢間野….唔講差d 唔知有間酒樓o係到…入面坐左好多街坊,坐低叫左2個自選套餐,真係抵喎~$78元有得間鮑魚扣玉掌,又有海參伴玉掌,我們各叫了一個,佢個餐仲送一個湯同一碟小菜,我點了燒味雙拼和安格斯肥牛,其實仲有好多野好正….好難簡…
D叉燒唔肥ok,燒肉好正,安格斯肥牛幾林,又唔”un”,唔知有冇得叫幾多成熟呢 最正都係個-鮑魚扣玉掌,78元都有得食,味道都唔錯!

下次有機會想食西檸煎軟雞同鮮蝦蒸豆腐先~

Tofu: still warm, even after 10 min. Combined with a sweet scent from fresh mushrooms. A little oily.
Dumplings: had a strong ginger flavour. Quite zesty.
Siu Mai: use of real fish roe, not carrots. Fresh shrimps.
Short Ribs with Black Pepper Sauce: not a lot, just a few pieces of meat (3) and 2 pieces of taro on the bottom.
Mango Fried Rice: rice was not over cooked. Too much water would have made each grain of rice stick together. Chunks of mango brought sweetness to the rice; a great combo of flavours with the veggies and shrimps. One word: delicious!
Fried noodles: some spices to combine with the thin slices of beef and noodles. A bit greasy.
Eggplant casserole: veggies were "swimming" in oil. Can't eat that too often.
BBQ pork buns: smelled good. Freshly baked.
The food was good. Some dishes were oily, but that's to be expected. Not bad.

今日和媽咪飯茶
,每次見到有熟客向門口待應打招呼,然後講兩句就進去有位.
但我入去座低開位.有個客進咗嚟同待應講今日遲D,就比位佢.
待應做法都可以理解為KEEP客,但對大家都唔公平.
我叫咗點心燒鵝檬粉都好味, 檬味的上湯底味道好夠, 而燒鵝肉的味道仲拍得住深井呀點心是OK的.
枱同枱之間有適當的空間, 坐得舒服, 價錢同添好運之流差不多, 味道又出色, 選擇又豐富, 要飲茶, 我就會去呢度了
.