This place is fairly well known for its seafood offerings at reasonable price. The last time I was here was ages ago and I cannot remember a thing about it and I guess there is a reason for that. Situated right in the middle of Jordan, the resto has three floors, two of which are located in the building next door with a separate "residential" staircase. We were one of those being assigned to the second floor. I would not say the setting was comfortable but at least there was strong air conditioning and it was all part of the dining experience.

Black Bean sauce Calms was seriously unexciting and not of the optimal temperature as well.

The deep fried cuttlefish cake was surprisingly good! We order extra after our first dish! It was firm to the bite with diced cuttlefish inside and very flavorful!

The Razor clams with black bean sauce was another boring item, a bit over cooked as well with the sauce a bit little too weak.

I think the official or scientific name is called the Mantis shrimps and in Chinese cuisine it is usually deep fried with salt and pepper to make it more flavorful.

I did not eat any because I am quite lazy to de-shell it. There is a proper way / steps to follow to de-shell such a shrimp with the help of scissor but again, too lazy for that night and let me cousin to have an extra one.

Goose Intestine with Soy Sauce wasn't a typical dish for everyone but I loved it! It was firm to the bite like the pig's windpipe I had previously at Spring Deer. A wonderful dish to go with beer!

Yet another dish not for everyone I suppose, the Salted Chicken Feet was surprisingly well prepared with full flavors and right texture as well. I love these kind of items ... or perhaps some might call it snacks! Yum!

The deep fried Frog's Leg (田雞) was alright but the batter was a bit too thick yet crunchy. Another good dish to go with beer.

On the menu this item was called Baked lancelets instead of the usual deep-fried lancelets with salt and pepper. Really made me wonder how it would taste like. It was very crisp and crunchy but I didn't get to taste the fish. This way of making the dish was interesting, making each piece very brittle, too brittle if you ask me. Again ... good with beer!

Likes:
-deep fried cuttlefish cake
-Goose Intestine with Soy Sauce
-Salted Chicken Feet

Dislikes:
-The Razor clams with black bean sauce - rather weak in flavor
-Black Bean sauce Calms - rather boring

Avg Spending: HKD 100 - 200 per person

Original Post with More Pictures: http://www.jasonbonvivant.com/2010/06/kam-shan-seafood-restaurant.html

前一日諗住打電話去book位,但對方話由6月份開始已取消book位,想食就要walk in,於是第二日一行六人約晚上7點3到達等位,門外阿叔登記完人數同姓氏後就叫你等等(沒有派籌),時間一分一分過去,望住其他人逐個逐個入去(有d仲同個阿叔拍晒膊頭),開始懷疑個阿叔會唔記得或者剩係招呼熟客,於是就走去問下阿叔啦,估唔到佢又真係好鬼好記性(我記得,你係徐小姐6位,隔離就係李生8位,帶眼鏡果位就係周小姐3位等等.....)~~好,既然你咁堅就信你啦...直至8點3終於安排入席,d侍應阿叔好好態度好好禮貌,要讚^^:

1)雲英雞 - 雞肉嫩滑,真正雞有雞味,好正~~
2)沙拉醬燒排骨 - 排骨肥瘦適中,一d都唔韌,酸酸甜甜好開胃,又係正~~
3)豉汁炒蟶子王 - 都算惹味既...不過只屬ok~~
4)黃金墨魚餅 - 外脆內彈牙,又有墨魚味...very good~~
5)果皮蒸鮑魚 - $24蚊一隻,味道一般,不過以價錢黎講都可以一試既~~
6)馬拉盞炒通菜 - 味道夠濃,但菜較老...一般啦~~

記得上次在新店吃得一肚火。今次有機會回歸老店重嚐抵吃夾大份的海鮮大餐，應不會有大失手的可能性吧....

一家十多人被安排坐在樓上的一個迫狹角落內，一站起來便差不多撞到天花板，實在是慘無人道，而且貫徹這裡一向的"零服務態度"，若不是俾面那相對較外頭值吃的海鮮收費，小弟老早就拉隊離場了....

還是早些吃完，"早走早着"好了。海鮮類未登場，先來一整隻雲英雞熱熱身。所謂的"雲英雞"，說穿了原來是大家常吃的鹽焗雞是也。雞肉鹹味適中，極好下飯，而且雞皮亦頗見滑溜，最重要是連整副雞內臟一同奉客，頗見正宗吃落腎夠爽脆，肝的質感亦夠"粉"，想不到以海鮮作主打的這兒，竟有如此水準以上的鹽焗雞比起客家名店如泉章居，好吃度可說是猶有過之呢。之後聽友人說這雞可是此處的名物之一，那就真的怪不得了....

窩貼小棠菜外皮顏色金黃，看上去好像很靚仔，但吃落卻是令人吃得一口油的，而且蝦膠份量太少，嚐不出那爽鮮彈牙的口感。幸好旁邊有一小碟開胃的甜酸醬作為佐料，否則就真的提不起興致去吃了....

油鹽水花甲是海鮮餐裡頭的熱門之選，自然是要佔一席位。花甲肉很肥美鮮甜，沒沙，是揀手之作；湯下了少許榨菜及葱條吊味，而且還有辣油提昇刺激度，很鮮帶辣也很"毒"，從中醫的角度來看，實在是大惡之物；但從美食之角度來說，這又卻成為大喜之食也....

桶蠔煲的配菜通常都是薑片及葱段，但今日的這個綠葉卻有少許喧賓奪主的感覺。蠔就只得那三數隻，但卻被那厚厚的獻頭破壞了應有的鮮味....

蟶子王的肉的確是爽甜有致，加上豉椒去同炒又加添了不少惹味之感。怪不得是此地另一省招牌之作也.....

一直最愛清蒸魚。來一條斤許花英斑。肉纖細而且滑溜鮮甜，火喉控制得宜，吃得人靈魂出了竅.....

好久沒有吃薑葱炒蟹。着店方選些大只肉蟹，下多些薑及青葱段落猛火去炒。肉是一梳梳的，厚身之極，結果又是吃得一口鮮甜。略嫌掌勺的炒得不夠乾身，葱還是可以再多一些，這才夠味兒嘛.....

豉油皇大蝦一向都最愛吃從前"新兜記"的出品。這裡的用料不比新兜記的差，蝦肉夠爽也夠咬口，就只是豉油調得鹹得過份，全然破壞了蝦鮮，實在是暴殄天物....

吃了太多濃味的東西，來碟清炒菜遠調劑一下。炒得不過油是其一重點，菜也算碧綠爽甜.....

竟然還不夠飽 ? 壓軸再點一味生炒骨就差不多吧掛醬做得不好，碟底全是油及汁，味過酸是另一失敗之處。幸好肉炸得香脆，還可收貨....

在市區過了這一下吃海鮮癮。下一站，應移師至遠一點的地方了.....

同細佬互相慶祝生日，佢要返工，就係附近食海鮮，見咁多好評，就來試試，我地可以用喜出望外來形容。

店內職員的招呼周到，老實又唔會屈人食野

細佬話生日就食豪D，叫多D海鮮唔叫飯，見價錢平過西貢及布袋澳的海鮮，2個人就點了以下8樣菜：

1. 豉汁炒蟶子王 (例) $78 - 有4隻，好大隻，差不多有我手腕至手掙咁大，好鮮甜！
2. 果皮蒸大連鮑魚 $24/ 隻 X 2隻 - 絕對唔係鮑魚仔，差不多掌心般大，鮮！
3. 椒鹽瀨尿蝦 (中) $28/ 隻 X 2隻 - 唔係好大，中SIZE，仲俾把較剪你剪殻，好食又好服務！
4. 薑蔥炒奄仔蟹 2隻 $10/兩 (約一斤$159) - 最貴的一碟，我問要公，要唔要去揀，職員話會揀D靚羔俾我，果然好正，薑蔥味好夠，D膏軟滑！我愛吃奄仔蟹，但如果其他人鐘意食多肉的可揀肉蟹，仲平D $8/兩。
5. 砵酒焗桶蠔 $78 - 好香，有6大隻！
6. 鹽油水浸大蜆 $48 - 呢個真係超好味，最好食一定要叫， 鹽油水有冬蔥、榨菜、金不換調味，又香又野味同少少辣辣地。
7. 蒜蓉粉絲蒸貴花蚌 $14/ 隻 X 2隻 - 個殼有掌心般大，鮮味同蟶子差不多。
8. 炸乳鴿 $35/ 隻 - 炸得香仲KEEP有肉汁唔乾！
茶芥位位$8加一
食到咁多海鮮都係位位$300，好滿足！

師傅遲遲都未同師母慶祝母親節, 點解? 莫非係師傅冇心肝? 非也, 非也! 實情係師妹回港在即, 於是寧願等埋佢, 一家人齊齊整整食餐母親節飯仲好啦! 話晒師傅都有好多年冇同師妹一齊慶祝母親節了!

終於師妹回港了, 再揀埋日子, 但遲遲都未諗到食咩好, 而師傅就為左呢一餐飯都諗到頭都爆, 事關師母食野都幾奄尖, 種類選擇太少, 同師妹商量過後決定以中餐為主; 但到底去邊間食店好呢? 毫無頭緒下上黎呢個網度睇下, 無意間見到呢間食店, 覺得唔錯, 加上師傅好多年都冇黎過, 決家一家人黎會一會佢!

於是訂定位, 四位姚氐七點鐘準時去到, 被安排坐於樓上; 坐底後即刻睇下有咩野想食, 大家商量左一陣, 最後拍板落單有雲英雞半隻, 白灼蝦斤半, 豉椒炒聖子王, 椒鹽白飯魚, 例湯-唐心粉葛煲蠔豉唐排, 蝦醬通菜, 蒜燒牛仔骨同埋味菜炒鵝腸! 四個人食八道菜, 一d都少野架!

正喺等待嘅同時, 師傅就飲下杯茶傾下計, 飲左兩啖發覺杯茶好重漂水味, 起初以為係個茶壺有漂水, 但實情係隻杯超重漂水, 最後師傅成晚都冇飲到杯茶喇! 等左一陣率先登場嘅當然係白灼蝦, 杯都未舉大家己經開餐, 無計啦四位姚氐全部同蝦有仇, 唔即刻食就有鬼喇; 白灼蝦大細適中, 入口新鮮爽口甜美, 非常之有蝦味, 師傅都有好耐冇食過咁鮮嘅白灼蝦, 真係非常之正!

食緊灼蝦時, 其他嘅菜式亦陸續登場, 雲英雞賣相甚靚, 肉身十分鬆身, 而且非常滑溜, 少少韌都冇, 而滑又鬆嘅雞師傅都好耐冇食過, 不俗; 豉椒炒聖子王一碟有四隻, 但真係十分大隻, 豉椒味唔會十分濃, 而聖子炒得爽口, 味道鮮甜而且唔韌, 非常好味, 但唯一扣分係有沙, 雖然唔係隻隻有, 但已經足夠影響口感, 師傅覺得應該可以再好少少! 例湯係唐心粉葛煲蠔豉唐排, 每人分到一大碗, 湯煲得甚有火喉, 夠甜又冇味精, 真係好過飲茶呀!

蝦醬通菜係屬於粗身嘅通菜, 蝦醬味唔係特別濃而且炒得唔油, 加上通菜嫩綠, 十分唔錯; 蒜燒牛仔骨師傅就食唔出佢係燒, 而且蒜味唔算好濃, 牛仔骨肉身唔韌, 都幾好味; 味菜炒鵝腸師傅覺得味道一般, 無可否認鵝腸係炒得非常爽口, 但係味道就係十分之淡口, 皆因師傅試過d味菜根本唔夠味, 唔咸唔酸, 所以根本帶唔出d味道, 普通d啦; 最後係椒鹽白飯魚, 賣相十分之討好, 入口非常鬆脆, 但絕對食唔到有白飯魚, 感覺似食炸粉多少少, 而且油味甚重, 冇下次!

總括黎講食物質素尚可, 服務殷勤有禮, 作為一間老店仲有咁嘅服務真的要加許下, 環境一般尚算乾淨, 價錢十分相宜, 咁樣食法埋單七舊水有找, 絕對抵食; 食完飯望下隻錶, 八點都未到,師傅估到呢間食店係會食得快, 但斷估唔到會喺一個鐘頭內攪掂; 雖然係一小時速食, 但大家都食得開心, 咁嘅價錢有咁嘅水準, 掂呀; 有機會都會再黎, 因為好想試個砵酒焗生蠔, 同埋食白灼蝦都已經值回票價, 笑臉係值得一比!

閣別近一年，今晚為慶祝舊同事榮休，再來到佐敦的金山食海鮮。

雖然是平日，但這裡一樣座無虛席。我們今次被安排坐在三樓，未開餐就要練練腳力。 店內環境沒有太大的變化，同樣是那樣樸素的舊式酒家，和那班年紀稍大的侍應們。

這裡海鮮的質素一向靠得住，所以隨便點自己喜歡吃的已可。最後我們點了海鮮、雲英雞和幾個小菜，當然還有老火湯吧。

青紅蘿蔔煲豬展陳腎：是日老火湯，材料火候十足，味道一流，我們一行五人每人分得一大碗，正！
豉椒蟶子皇：蟶子皇鮮甜肥美，以豉椒炒後切成小段，既方便又好吃。
蒜蓉粉絲蒸扇貝：扇貝大隻，乾淨無沙，鮮味沒有被蒜蓉蓋過，值得推介。
陳皮蒸鮑魚：鮑魚肉厚彈牙，簡單以陳皮蒸，已能帶出鮮味。以刀叉吃鮑魚，感覺很豪哩！
蛋白花雕蒸蟹：有點像吃凍蟹，蟹肉味道很鮮甜，但花雕味不重，就算吃蛋白也不會醉吧。
雲英雞：除海鮮之外這裡另一招牌菜。雞肉嫩滑，雞味頗重，很好。
窩貼鮮蝦小棠菜：炸得香脆卻不油膩，雖然蝦肉切成碎，但入口仍啖啖蝦肉，味道一流，又一推介之作。
炆斑頭腩：枝竹炆斑頭腩，還有火腩冬菇等材料。斑頭腩嫩滑得來也很入味，味道也不會太鹹，不錯。
魚滑魚湯浸皇帝菜：除火鍋外，少有以皇帝菜主打的菜式。除皇帝菜外，還有數件魚滑及墨魚滑。魚湯算是香濃，但連同魚滑等味道偏淡，這也突顯皇帝菜特別的味道。
綠豆沙：附送的糖水為陳皮綠豆沙，不太甜，尚可。

整體食物質素超卓，味道也能保持到，仍然是小弟在市區吃海鮮的心水店。但要避免在周五周末等旺場日子，否則吃得太趕，而且店員服務態度會明顯不同哩。

忘了是為什麼大家約了一起吃飯…只記得那天下午要上班…收了工之後就要吃東西…本來是想去吃假日酒店的意粉…但又不想吃太貴…最後方向食友提出想吃海鮮…在市區能夠吃到又便宜又新鮮的海鮮…金山是其中一個很不錯的選擇…

不過由於我們太晚決定的關係...而又是星期六的晚上…當然是訂不到位置的…不過打電話去的時候店員就叫我們來等…等等就會有…既然想吃我也不怕等…立刻趕到金山…門口已經有十數人…而那些都是訂了位…也是大檯的…我們只有四個人…碰碰運氣看看可否霸到一張檯…幸好等了差不多二十分鐘到…就有檯了…坐下來二話不說點了幾款海鮮…因為旺場的時候有時海鮮很快就會賣光….

上菜的速度很快...快得轉眼見整張檯都是食物了...不開turbo清餸也不行~

炒蟶子…熱辣辣的…蟶子爽口彈牙…材料新鮮的話必然會好好吃的…

油鹽水浸花甲…雖然花甲不算很大隻…但勝在新鮮…吸收了湯汁…鮮味非常…而且那個浸著花甲的湯也可以喝的…..

一隻燒乳鴿…外皮夠脆也夠味道…當然不能與專吃乳鴿的老店相比…但也合格有餘……

老火例湯…霸王花豬(某部份, 我忘記了)…老火靚湯…一小煲每人也可以分到兩碗…湯水很清又沒有加味精…好喝~

蒜蓉粉絲蒸扇貝…大大隻的新鮮扇貝…加上大量粉絲蒜蓉…帶子彈牙….一人一隻剛剛好~

果皮蒸泥蜢…泥蜢細細條…肉質鮮甜…蒸得剛剛好…配上蒸魚豉油來送飯…確實一流~

咕嚕肉…我本來麻麻地咕嚕肉…不過碟還可以…對我來說不會過酸過甜…肉也不會炸得太乾…咬的時候裡面還有少許肉汁…不俗~

炸大腸…大腸不夠肥…有點瘦…有少許靭…調味可以再多一點…如果不點醬單吃的有點淡…

店內的大叔們很有趣很攪笑…看到我們在近期熱爆的卷蛋店買了甜品…好奇的問東問西…又說笑話...逗得我們哈哈大笑....

1) 豉椒炒聖子 - 聖子普通 個汁幾好辣一辣
2) 黃金墨魚餅 - 淋身- 普通
3) 銀山砵酒焗桶蠔 - 好味
4) 砵酒焗鱔球 - 普通
5) 椒鹽賴尿蝦 - 普通
6) 蒜蓉白菜仔 - 普通
8) 紅豆沙 - 好難食 - 紅豆水溝糖水

最唔掂就係訂位都要等, 找數只有現金, 我不會再去, 亦會勸人唔好去

05/04/2010(一)清明節假期, Thxdtsdd 及朋友一共4人到金山海鮮酒家吃晚飯, 因為早幾日訂了位, 我們7:00pm來到後即刻在位, 被安排在2樓坐.

呢餐我們吃了雲英雞半隻, 係呢度既招牌菜, 可惜我地覺得同普通既白切雞分別不大, 雖然雞肉都算滑, 但肉既鮮味就唔多覺了.

炸大腸, 一食落口已經覺得炸得唔夠香口, 麻麻地, 比泉x居差很多.

蝦醬通菜炒魷魚, 好彩炒菜做得ok, 蝦醬的份量剛剛好, 夠香之餘又唔會太咸, 魷魚又很香.

豉汁蒸鱔片, 鱔片很肥而且爽口, 豉汁也很惹味, 好吃!

砵酒焗生蠔, 一打開錫紙時已經聞到好香既酒味, 食落口就只有少許酒味, 生蠔都幾鮮甜, size就中等啦, 如果再大隻 d 就會更好吃了! 不過上菜時唔記得影相, 只係影左一自己碗上的一隻蠔.

豉椒炒蜆, 又係煮得普普通通, 豉椒既味道唔夠香濃, 好彩d蜆都算大隻同鮮味, 補返豉椒既味道不足, 但整體都係一般!

沙拉醬燒排骨, 係呢餐最後既一個菜, 想不到有一點驚喜, 燒排骨的肉肥瘦適中, 而且很嫩, 加上沙拉醬酸酸甜甜, 很開胃好吃, 如果同行有小朋友一定要叫啊!

這餐我們還叫了3支啤酒, 2支可樂, 4碗白飯, 埋單共$594, 價錢都幾抵, 食物味道都算ok! 難怪我們走時仲有唔少人等位. 另外不得不讚呢度d亞叔侍應服務唔錯, 佢地無論落單, 上菜, 加水等都幾周到, 又唔會煩住 d 客人, 而且呢度仲有綠豆沙糖水奉送, 算幾好了!

照片可參考:
http://hk.myblog.yahoo.com/thxdtsdd/article?mid=3718

平時行過都見到好多人，有朋友上網見到食評好，於是就決定黎呢度一試，不過訂左8pm，成8:50pm先有得坐底，仲要係我地話走佢地先快快手俾過另一張... >.<

我地一行6人，叫左8個餸~

雲英雞 - 係呢度既招牌菜之一，估唔到賣相靚之餘，入口仲無雪雞味，肉質夠滑，味道都幾好~

沙拉骨 - 都係招牌菜之一，沙拉骨細細粒，岩哂我呢d唔鍾意大大件既人，味道夠香，夠入味之餘，肉質都夠林~ 影個陣因為另一位朋友都影緊，佢既閃光燈一閃就咁lu~ 本想再影多次，點知已經無哂...

黃金墨魚餅 - 又係必食之一，墨魚餅彈牙之餘，仲係新鮮炸起，香口得黎亦有墨魚味，送酒一流！

金銀蛋浸莧菜 - 好多金銀蛋，d菜係細細條個d，夠嫩口~

蒜蓉開邊蒸蝦 - 原本係叫蒸扇貝，點知得返3隻，我地一行6人，唯有叫呢樣。味道一般，無乜特別，反而土瓜灣既九記比較好味，但係呢度好貴，成$240！

炒聖子 - 估唔到炒出黎個味道好味之外，個肉質既嫩滑又爽口，正！

豉油王鵝腸 - 朋友都覺得好味，個人覺得一般，鵝腸無應有既爽口，比較林身同多肥膏，反而我鍾意食係鵝腸下既韮王同埋芽菜

百花釀炸大腸 - 其實無論百花定個炸大腸都好好味，蝦膠夠彈牙同炸得夠香，大腸唔係出面好薄身個d，所以可以炸到外脆內乾，好可惜本身想食炸大腸，所以覺得實在太少了

贈送既海帶綠豆沙 - 食呢個個陣好感動！估唔到連送既甜品都咁有誠意，綠豆沙竟然真係煲到起沙！連去糖水舖都未必食到呢！

總括黎講呢度除左等位耐之外，食物真係ok，最緊要連服務都唔錯... 值得返去再試！

放工宵夜男朋友帶我去左金山
因為佢D朋友介紹佢話好好味~
我地叫左3個菜~

焗桶蠔~好香~熱喇喇~D蠔都有返咁上下大隻~
一咬落去脆脆地~正!!

蝦仁炒蛋~我真係好鐘意食炒蛋~呢度D炒蛋滑滑的好好味~

沙拉骨~真係好正~連我男友唔食D酸甜野既都讚!!

全部食物都唔錯~!!!
我鐘意~!!

平靚正,

不過有部份食物..較咸

可能因為我地人多
侍應變身售貨員
係咁要我地將"例牌"變加大
呢下比較難受

feb 22, 10,4人來dinner,叫咗 :

1) 鴛鴦豆萬壽果雞腳煲唐排-細 (hk$30)
-料很足
-不過我懷疑落咗味精,因飲到第2碗中段時,有明顯味精反應

2) 雲英雞
-好彩友人記得叫
-有點醃鹹雞同沙薑雞嘅混合體,所以調味上會濃d
-不過隻雞好有質素,因為似喺活雞,食佢嘅肉質時,唔會腍晒,有點彈性,微"un"度同雞味
-旁邊仲有雞腎片
-很不錯

3) 銀山砵酒焗桶蠔 (hk$72)
-無想像中咁肥美,每只都經炸過後(因食到蠔邊位喺微硬脆的)才用錫紙焗
-雖然惹味,但味道同調味都比較重手

4) 炒芥蘭 (送)
-我哋屈店員送嘅
-清綠,明顯喺落糖的甜
-店員講笑話 : "送菜無問題,送埋個人比你都得啦"
-我 : "咩人先?..........如果送個o靚仔比我咪死!.........我要養埋佢~~~hahaha"

5) 蒜蓉粉絲蒸扇貝 x 4隻
-蒸得時間剛好,肉質無"鞋"無"un"

6) 豉椒炒蟶子
-調味偏濃,味甜,但唔喺鮮甜嗰種甜法

7) 椒鹽大尿蝦 x 2隻
-第1次出嚟嗰碟,唔大隻餘,仲好瘦,我哋懷疑比錯咗$28/隻嗰款我哋
-店員好認真處理我哋嘅投拆,拿住竹籤逐件睇,之後就換過呢碟
-不過都喺咁細碟,但叫做肥d
-我揀咗最好肉嘅身位,所以啖啖肉,也有點鮮味
-不過要成$1xx幾蚊1隻咁嘅size,就貴咗d

8) 綠豆沙 (送)
-ok,多豆,有海帶,不過無臭草
-唔甜

* 多謝友人請客

* 本來喺去打邊爐,不過老細喉嚨痛,所以改咗嚟呢度食海鮮.........不過佢嘅調味做法比較重手.........食海鮮還是喜歡原味多d,小菜嘅甜度都喺輕番d手好d

今天有幾個分別來自瑞典和德國的朋友途經香港, 我們就一行六人半人半鬼的去了朋友推介的金山來!

一向都知吳松街多好嘢食! 但最常幫襯的卻只有合興和阿龍.

金山其實是不是以前的金山樓呢? 聽到名字時想了很久.

是夜晚餐:

豉椒炒聖子, 椒鹽賴尿蝦, 蒜蓉蒸扇貝, 白焯蝦, 薑蔥炒蟹, 蒸魚(不知道是什麼魚...)

全部不用說, 海鮮夠新鮮已經夠好吃! 而且所有汁料調味濃得來卻又剛剛好不會蓋過海鮮原本的鮮味, 不會配角變主角, 這個對我來說最重要!

唯一不足是我們其實點的是蒜蓉蒸帶子卻來了扇貝, 不過扇貝也很鮮甜, 所以我們也沒計較啦~

雲英雞

好味! 本身的調味已經非常不錯, 雖然對我來說有點鹹... 不過最喜歡的是那滑滑的雞肉和不會肥瘦適中的皮下脂肪! 總覺得食雞不連皮就沒有了應有的味道, 但有時看到那一層肥到漏的皮下脂肪真的會令人卻步... 所以特別欣賞肥瘦恰好的靚雞!

沙拉骨

因為這一碟放得離我很遠, 我吃時已經放了好一段時間, 變涼了, 我吃不出什麼特別, 所以不能作準... 不過沙拉骨類的東西一向不是合我口味的就是了...

還有兩碟少青菜.

不能不讚的還有例湯, 需說是例湯卻是響螺煲雞腳! 從沒見過這麼足料的例湯! 可惜的是有落味精. 不是我們喝得出來, 而是點菜時店員跟我們推薦, 我們打趣的問他: 有沒有味精先~? 老侍仔吃吃笑道: 咁味精就點都有少少嘅...

hahahahaha!!!, 很喜歡他的坦白!

也很喜歡這種老店子的感覺, 侍應都是上了年紀的老伙計, 他們招呼不會特別好, 平實卻又有種親切感, 不錯呢!

待應都比較有番咁上下年紀，但係就個個都好 nice，冇其他老字號啲老海鮮咁大個鼻，又冇係唔係都介紹你食貴嘢，啲海鮮真係好新鮮好好味，價錢比去西頁平一大截。

去西頁食，如果叫小菜，多數都唔好食，lee 度就海鮮又得，小菜又得，得咗！食到咁上下，仲自動送咗一碟加大嘅菜芯俾我地食，幾豪呀！

八個人食嘢，七個人俾錢，連埋貼士都係每人百四蚊，真係平、靚、正、抵呀！

因為成日淨係掛住食，所以有幾碟都食咗一半至記得影相，千祈唔好以為啲份量得咁少呀！

我地 order 嘅食物有：

1. 雲英雞半隻；
2. 沙拉骨例牌；
3. 椒絲鵝腸；
4. 臘味炒芥蘭；
5. 椒鹽瀨尿蝦；
6. 炸大腸；
7. 白灼花螺；
8. 豉椒炒蟶子兩份；
9. 牛油上湯大蝦依麵底。

酒家私人醒嘅有；

1. 魚湯浸菜芯；
2. 正宗綠豆沙

仲有好多款都想試，下個月再去多次先。