同爸媽朋友食飯

好耐之前食過，覺得唔錯，所以返食 頭盤素鵝，差，非常乾，內裡涵料還可，但唔多，都係冬菇/蘿蔔絲為主雲吞雞，湯底唔錯，而且味精唔算重

但最可惜就係粒雲吞，皮成吋厚，似食粉皮多過似雲吞，差 無錫骨算係比較好食既一碟，入味，香甜，GOOD

竺笙上素，普通 not bad

賽旁蟹，不錯，蛋白炒得幾滑，但欠調味，亦冇驚喜豆苗，算係幾新鮮，菜靚，還好葱花揚州炒飯，差到加零三

加零一　－　飯身太乾又油，毫無水份

加零二　－　得個鹹字， dont get me wrong，唔係話佢過鹹，而係除左鹹之外冇其他味道可言

加零三　－　鹹既原因，用煙腸仔，個人覺得係大忌
　　　　　　幾時先會用煙腸仔炒飯呢？　就係留學生自己屋企炒飯果陣，諗唔倒落咩先會用
　　　　　　tasted exactly like smoked frankfurts from tesco，big failure.
　　　　　　揚州炒飯大可以用叉燒 or 火腿絲，仲有，蝦都唔多粒，洗唔洗咁慳?

我本身對呢間餐廳滿有期望，點知超失望，好彩服務還好

唔算太貴，但真係要 improve 下，否則真係唔掂

文ey for valueness: 3/10

紫玉蘭通常是約一班金鐘上班的朋友食中午飯嘅地方，今次就第一次約幾個好友於此食晚飯。

是夜叫咗：馬蘭頭百頁 - 好食夠清淡有麻油香，是一道好稱職的前菜。紅油抄手 - 這個完全無辣味，我又見唔到有辣油，一食之下所有人竟然有食甜豉油抄手的感覺。難食到爆。松子魚 - 好好食，個醬汁酸酸甜甜開胃，條魚新鮮炸起熱辣辣，正啊。不過附送的蝦仁有啲格格不入咁。我想叫腌篤鮮，哩度個腌得鮮同我食開個啲好唔同。個湯清淡好多，配料不同，有類似螺頭，娃娃菜咁嘅嘢。我都是喜歡傳統版本的腌篤鮮。清炒蝦仁 - 肯定唔系河蝦仁，正常水準啦。醉雞 - 正常水準

服務很好，餐具非常精緻，同埋環境不錯，可以靜靜咁傾計。

多謝老闆sponsor支紅酒同埋好友買來的laduree macarons

今天一肚火，由家常便飯轉左去食紫玉蘭，竟然有好大的驚喜！
食左HSBC信用卡優惠套餐：
前菜：素雞及海節；各有粉絲，素雞味濃，海節爽口
1.魚羹：材料有魚肉、帶子、蝦、蛋白；上菜時好似碗仔翅，食當然好唔同，第一次食魚羹，以為會好煋，其實一啲都唔煋
2.煎大蝦： 每人一隻，但有蝦頭到蝦身都食得，汁料以甜酸為主，蝦身有高，但肉質太老；
3.松子魚：一條炸魚，又係甜酸汁雙伴，有青豆松子作配菜，但因本人唔食魚，故不能平價；
4.上湯煮豆苖：上湯味濃，但配青豆苖合到好處，加小許乾菌，味道更鮮；
5.菜肉包：外皮軟，內涵比較清淡
6.片皮鴨：鴨皮香，又足夠肉汁，包皮簿，味道甚佳，但可惜是因為場地冷氣太大，而令鴨肉很快乾，包皮很快涷；
7.桂花榚：由甜糯米榚做底加上桂花糖在面，第一次食這類型的桂花榚， 糯米榚不痴牙，桂花糖發出清新既氣味

好掛住紫玉蘭個黃金蝦, 約咗同事嚟食晏, 點知其中一個話佢敏感唔食得蝦, 無得食LU…

前菜: 美心的前菜, 辣辣地幾開胃
素鵝: 似乎已擺左一陣, 個皮已唔多脆, 要問佢至有喼汁, 到佢拎到黎我地已經因為太肚餓食得7788
小籠包: 水準不俗, 但當然唔及鼎泰豐嗰D啦
鎮江一字骨: 差! 又鞋又老! 桂魚薑米炒飯: 桂魚好嫩, 炒飯又乾身, 好味!雖然我都幾中意紫玉蘭坐得舒服, D食具又靚, 但由於食唔到黃金蝦, 今日叫D餸又只係一般水準, 只可以俾一個OK…

約左幾個女仔+大肚婆食飯, 搵左一間好座D, 價錢貴D無所謂啦, 一次半次
點知入左去, 裝修就唔錯, BUT我覺得SERVICE 一般...
一行5個女仔, 叫左個4人餐+百步香葱油饼
百步香葱油饼 -- 熱辣辣 好味
其他可能係"餐", so 差d
片皮鴨 - ok,
其他就一個字 -- 油, 真係好油

簡直油到入口, 真係完全唔掂

又来上海菜啦 紫玉兰 喜欢这家餐厅的名字 名字里的”紫” 无形间增添了一份高贵气质

紫玉兰是美心集团旗下的 主要是上海菜和苏杭菜 但不同于王家沙和鼎泰丰的开放式厨房 这里的风格装潢典雅 餐具精巧 印有中式的彩绘图案 整齐的摆放 看着就很喜爱红烧元蹄 ：又是胶原蛋白的丰盛一餐 元蹄皮弹肉厚 汤汁入味 有小小甜味吊起酱汁的鲜美
只是稍显咸身 拌饭就好多啦 配菜也是传统的小青菜 加了卤蛋 不过蛋白稍显紧 像是煮的过熟 不过不失

百步香葱油饼： 被图片所吸引 点来一试 果然一切还是以实物为准才是 没有吃过长条的葱油饼 像是用面皮把馅料裹住 卷起 再绕成圆形 炸起后分段 方便取食

葱油饼的口感介于春卷和萝卜丝饼的融合 酥酥脆脆 很松化多葱 馅料看得见用萝卜丝和韭黄混合 二虾锅塌豆腐： 听闻锅塌豆腐是一道很花功夫的菜，要将豆腐裹面粉炸过 然后加入高汤焖煮 这样吸收了汤汁的豆腐 外皮微微爽脆而保留汤汁的鲜味 内里的豆腐也会鲜美而更显滑嫩 或许又是因为图片过于精美的效果 抱着很高的期待等候 真实的菜式显得平淡 伴有虾子酱的锅塌豆腐 除了虾子酱带来的鲜味 豆腐本身也似未吸收过多汤水 没有期待中鲜美的滋味 二虾的装饰也没有菜单上的讨巧 躺在一堆虾子酱中间 肉质稍显过紧 有点失望

事后翻米其林指南 看到它也是推荐的餐厅之一 相信在装潢和服务方面 已经相当有水准 菜单设计也很别致 菜名很吸引 希望食物的品质能再做提高 为食客带来味觉的惊喜

我一入到去坐左一陣就覺得今次一定食唔飽啦 大大大件事 因為我個人唔太著重環境

一埋位D tableware 靚到痴左線 太靚 好開心
D waiter waitress都好好態度very imprest

今次我老豆發板 叫credit card set for four 好彩佢話另加野食
set 入面好食o既有
素鵝: 幾好食 有別於齊鋪果D 入面有D甜醬油 係慢浸o既效果
小籠包(fair): 點心皮好正 夠薄 肉餡唔得 一食就知係機打 醋唔得 酸度不足 零醋香
元蹄: 佢有第2個名 好正 入曬味 皮化不"利" 個汁做得唔錯 遍甜左少少
鍋貼: 讚呀!!! 雖然肉餡一樣唔得 都係皮夠薄 好少有鍋貼做薄皮 (因為易穿 同埋北方人傳統係食厚皮先飽) 好得意 好新奇 抵試!!!!
蔥油餅: Most Impressive 用左蘿蔔絲酥餅果隻皮 超鬆化餡 又多蔥油餡 都係咁話 係唔正統 好食咪得lol 唔係邊有新野食呀!!


唔好食黃魚 白痴先食 邊有成差唔多2斤重o既黃魚 o係個$588set度呀
唔想講佢 冇魚味 係咁多 重要浪費上面D冬菇 同金腿

唔好食擔擔麵 冇味冇味同冇味 waste of quota

重有一一般般o既片皮鴨 ($588 set包抵到爆)

地方好闊落, 燈光柔和, 裝修好精緻, 令人好精神

個茶壺好別緻, 花紋好好睇, 前菜係青瓜, 豆腐粒, 花生 ($25), 酸酸辣辣, 好大碟, 好醒胃小龍飽: $48 有6隻, 好巨型, 皮有點厚, 不過好多汁, 真係有好多湯係裡面! 係我食過最好味既小龍飽竹生上素$78, 有荷蘭豆, 竹生, 支竹, 雲耳, 紅蘿蔔,同3-4種唔同既姑組成, 清清地, 又爽口, 又健康古魯肉 $88, 一咬落去, 舊肉好林, 咬開望下, 肉紋好整齊, 好有紋理, 又多肉汁, 不過舊粉厚左少少; 個獻汁調校到剛剛好, 唔太酸排骨粗炒,$98: 排骨又林又入味, 肉紋亦都好靚, 炆到好香, 碟粗炒好大碟, 面條亦都入味, 有好多小堂菜, 好甜美!成個晚餐樣樣都好好味, 份量都好多, 唯一唔好既係服務員嚴重不足, 舉好耐手都未有人應, 但其實佢地好忙之餘都對客人好有禮貌, 我地唯有忍耐下啦....

今日和在中環工作的朋友在紫玉蘭吃晚飯, 這裡是美心集團主打淮揚菜 雖然地方不大, 但餐具很雅緻 素鵝 - 煎得很香, 脆 川辣大蝦带子 - 不是很辣, 大蝦很彈牙, 带子很鮮味, 好食 水煮牛肉 - 唔算好辣, 好惹味, 汁撈白飯都好好食, heee.. 担担面 - 細細的一碗, 味道尚可 小籠包 - 皮略厚 牛肉餡餅 - 其實呢個熱的話會好食, 可惜我地食到好飽, 攤到涼哂, 味道差少少 總括這裡食物水準不俗!

於二零零八年零九年度的港澳區米芝蓮名單之中，這一所位於金鐘與港島之間的新派上海館子，就取得了一星的榮譽，可是好景不常，這榮譽只維持了一年，而本人也在該年尚未有品嚐過，這粒星就沒了，時隔近兩年，終於找了個機會，拉隊來一嚐。

紫玉蘭為美心集團的一員，走的是比較高檔的路線吧，看它們那精緻的餐具，繪印了富有中國味道的彩畫，就連個茶杯，也非常有貴氣，加上環境雅致，如果食物不錯的話，奪取一星又何足為奇。坐下後大家先來喝口茶，要了龍井茶，喝起來起初是淡了一點，有茶味得來，但一點回甘也沒有，着店員加了茶葉之後，喝後有點點回甘又不苦，都算不錯的了，但跟陸羽比簡直就是無得比。

小吃 不是一般酒家供應的鹹菜花生，而是用上紅油，拌豆腐粒、青瓜粒、毛豆、木耳及花生，花生吃起來不是很脆，但咬起來至少不腍，青瓜粒及木耳都很爽口，毛豆軟硬度適中，豆腐粒軟腍又滑身，加上一點辛而不辣的紅油，真的又有點開胃的作用，真的不錯。是日點了三個頭盤，吩咐了先來頭盤，才上主菜，先來介紹的是燻魚，魚肉未有如一般的上海館子般，燻至勁乾勁焦，魚肉燻得不是太乾身，可是魚肉是濕得來有點散，而且那種醬油味只有死甜，甜度太重而沒有醬油香，這燻魚只能說是普通貨色吧。也常吃鎮江肴肉這一味涼盤，店家伴來的醋不是太好，不算太香，質感太薄身，而主角肴肉，都是主要分成高湯蹄筋部份，及另一邊廂的肉，那紅紅的肉如沒有刴過一樣，如原塊火腿，吃起來偏硬而不鬆化，蹄筋部份就很零碎，吃起來沒有那口高湯，所以可能就是因為如此，蹄筋部份就真的很純純的蹄筋，吃起來彈性及韌度都很高，而變得沒有一口高湯的感覺了。也要了份脆鱔，這份脆鱔的質感真的不錯，鱔肉雖不算太肥美，但炸得夠乾身又夠脆，可是店家調校上色的醬汁，其味道偏向於醬油，反之醋香只得薄薄的，可能如上段的鎮江肴肉所述，店家所採用的黑醋，質素實在爾爾，使得相關的菜式，都變得未能發揮得好，這一點，店家是是絕對有需要留意一下。光以涼盤的質素來說，也認為店家那年被奪回那粒星，其實也是正常不過，又繼續看看其他的食物又如何，大家在吃主菜之前，先來喝口魚湯，清一清味蕾吧，時至年尾，鰂魚也開始肥美了，就來了窩蘿蔔絲鰂魚湯，湯頭呈奶白色，入口都有很不錯的魚之甜香，其中滲出淡淡然的胡椒味，相信店家都要用上不少的胡椒來辟腥。

湯中有不少蘿蔔絲，其質感軟腍無比，入口一點也不澀，更吸收了不少魚湯的甜香，很好吃，另外試了點湯渣，看上去是原條的鰂魚，但其實那些魚肉都煲至散透，魚肉入口很多細骨但就仍帶有一點甜香，吃一點無妨，但個人認為不宜多吃，因為魚的精華，其實全已跑到了湯水之內。


接下來是吃主菜了，先來介紹是夜的重頭戲富貴雞，有別於鹿記或其他店子的做法，富貴雞用了麵包代替塘泥，以包住兩層的荷葉，再去焗，又不知其傳熱的曲線，會否影響了雞隻的口感了，但看見麵包焗得非常之乾，而第一層荷葉都同時有點乾，但拆至第三層之時，即最後一層的荷葉之時，那荷葉看來很濕，那相信雞隻的肉汁沒有被蒸發掉，看到此景，心內暗笑。拆好之後，大家都終於可以開動了，雞隻包住了的冬菇、豬肉、冬菜及筍等，雞肉的雞汁滋潤了那些材料，而那些材料的味道則豐富了雞肉的味道，好吃的富貴雞，雞肉一定要煮至鬆化如泥般，吸入香濃富菇香的雞汁，才會美味非常，不過可能店家隻雞都挺大，使雞胸肉的位置真的幾嚡，幸而其他部位的肉都散腍，吸去了雞汁及內部材料所散出的香味，入口都挺不錯，不過比起多件前在鹿記吃過的，那個香味及肉汁的濃度，還是有點分別。之後是吃宮保蝦球，以為它很辣嗎？但其實入口是甜中帶丁點辛香，加上蝦球又夠熱，外層的炸漿雖然有點散，但蘸得不算太厚，又來得脆口，蝦肉夠爽口，一點腥味雪味也沒有，其實也真的做得相當不錯。鍋塌豆腐其實是屬於魯菜系，不過既然被我見到這道功夫菜在餐牌上，當然想點來吃吃，鍋塌這個做法，其實就是對已經乾硬的食品加湯水，使之吸收水分及其味道，同時又能將它煮至回軟，而鍋塌豆腐就是按這個原理，先將豆腐蘸雞蛋及麵粉漿，炸過後再用高湯餵煮，使炸豆腐的皮吸了高湯的味美，所以入口有種很香的湯甜，而內部的豆腐就非常之細滑，是滑不溜口，這道菜可真的是賣功夫而不賣材料，而此店又真的做得不錯。最後一味主菜是松子桂花魚，其實店家可以讓客人選擇，加十元轉用黃魚，看似是抵吃的，可是因為大家想吃松子煮的方法，既然這已是炸過的魚，又何必要黃魚的細滑鮮美呢？到時候炸散了更弊，都是用口感較實的桂花魚好一點。

松子魚看來炸得很透徹，面層淋上點酸甜汁，加上青豆、松子及蝦仁等，其酸汁夠酸，但就久了一份醋香，加上另一主角松子，似乎是吝嗇了一點，使得吃起來沒有了那種常常咬破松子那陣油香的美妙感覺，然而這條魚確實炸得不錯，其外皮香酥脆口，魚肉滑得來又夠實，魚頭位置炸得夠透，可以用口咬開及吞下部份的骨頭，拉勻來說已是不錯。最後點了排骨炒年糕當作單尾吧，也知道上海人吃的年糕口感較實，但每次吃都至少還帶點彈性，不過今天的年糕就真的做得太實，幸而入口都夠滑，而且不油膩，大概就是它的好處吧，不過質感如何好的年糕，也要濃油赤醬來支援，不過很明顯的是此年糕在這方面的支援嚴重不足，赤醬不夠濃，但排骨反之幾好吃，夠肥美而煮得不算太熟，入口富有一點豬肉油脂的甘香。最後當然是歡呼慶生時，店家端出我們一早預定好的壽包，壽包夠熱，但稍嫌包身鬆而不軟，感覺是實心了一點，不過看來其豆沙餡夠細滑，可惜豆沙不算太香而已，所以此壽包的質素，其實也真的比較一般。

以上的菜式，供我們六人享用，真的是飽到反艇，此店的主菜，質素要比涼盤好，而服務也算到位，當然摘不摘到星？這可不是我說的就是，每人二百七十五，計及地點的便利，而且坐得非常舒服，這個價位其實都合理，希望店家努力改進涼盤的部份，重回星班吧。