Happy Hour 過後黎到附近呢間韓燒，9點半後只係$98，仲要係任食，由於未食晚飯，所以好開心，點知入到去就有少少失望…

環境
買點係個烤爐小迷你，岩哂兩個人慢慢燒，不過呢度抽氣真係麻麻地，焗到暈…

食物
食物台唔係想像之中咁多野食，廿盆野入面有幾盆都係腸呀火腿呀咁，老婆係食左個超多油既前菜豆卜，老友M夾同我係愛羊之人，但佢地既羊真係買相麻麻，超多肥肓定根痴住咁，老友T不停燒尤魚同牛，話最OK，其他食物味道一般無特別…

服務
坐低好似勁食大賽咁，個waiter同係對錶話食一個鍾零九個字喎，態度真係麻麻，仲要只送一杯菊花茶，話再叫要錢，唔係話飲茶…

總結
如果抱住去一般任食場心態就唔好去喇。

呢晚一行四人來呢度食韓燒，由於夜晚9:30關係，$98一個人任食﹗

得兩三枱客，坐低已覺得唔多對路，就係熱到爆炸，大佬來燒野食喎，點會咁熱架？想殺人咩﹗

個爐少少幾的骰過癮，兩個人用慢慢燒都還可以﹗

出去睇有咩食，一望之下已經打個突，肉食只係得十盤八盤，豬牛羊雞是必然，海鮮就只係得魷魚、秋刀魚同0的霉霉爛爛既青口，蝦又無，連菜都無得燒，茄子青椒很基本吧？睇黎入錯黑店了﹗

已經熱架啦﹗飲完佢倒俾我地既菊米茶諗住再飲，佢竟然話每位客人只係送一杯，如再要要加錢或只係飲熱茶，我食咁多年韓燒都係任食任飲的，菊花茶、酸梅湯、汽水呢0的都唔貴得去邊吧，咁都無得俾人飲要人飲熱茶，真係有冇搞錯﹗

牛仔骨肥到可怕，青口真係霉霉地腍腍爛爛的﹗牛肉叫做做得最好的了﹗我就係咁燒0的魷魚鬚，因其他食物都麻麻地吧﹗

反而工友攞左0的炸鏝頭返來燒，自己燒下佢味道就變得不錯，死得啦，熟食用來燒先叫做最好食，攞命﹗

埋單一人百一﹗任食場百多元的香港大把，得咁少野揀又連飲野都無得任飲的，都是第一次見﹗

最衰係食完好似打完波咁，成身都係汗，仲要十點半就話出面食物枱要收，講到明任食一個鐘頭九個字，你一粒鐘就收哂0的野，想點？咁對客人邊有人會再幫趁？有病﹗

服務差勁 - 已訂位, 粗框眼鏡服務員 都安排一個門口位給我. 我要求改一個較靜位置給我 (當時入座率約二成) 佢竟然話其他位已給人訂了. 我同佢講我咪訂咗囉. 佢又話我地book 得遲. 跟本唔想做!!!

款式不多 - 幾盤熟食加生肉的面積加埋只有兩枱麻雀枱

環境令人不適 - 做得韓燒就要搞好抽氣架啦. 食個時好似係煙格咁

整體 - 好似一間緊縮開支既公司, 不過只會越縮越接

本人係一位學生哥,係一次好偶爾既機會下去左呢間餐廳一次,我林我唔會再去.

其實我係比D FRD TUM左我去,初初以為佢會好似好出名個D餐廳咁有好多野食選,野飲任拎...etc...
唔知係未因為STAFF們睇到我地D個樣好細個,對我地態度好差!!
我同學打電話去BOOK位時話係咩都包曬,時間無限.點知原來6個人先送2(定唔知4支)COKE,時間只係得兩個中.個爐就更加唔好提!!換版就只可換一次
比錢時用CREDIT CARD找數既目光呢....

如果間野唔想做到會呀可以講聲先,佢宜家好似真係只想我地比錢而比我地既服務又唔係多.

講多一次,我唔會再去!!!!

去過好幾次啦,一直知道呢度抵食;對服務態度都知無咩要求,但最近一次幫趁真係令人氣憤

...話說佢晚市自助餐九時後$108+10%, 門口寫11:30關門. 我嗰日9:40入座, 個waitress已經話可以食90分鐘,我心諗大把時間啫?... 點知,10:40時佢就話就快收自助餐桌上d食物,叫我有咩想攞快d攞;重要我埋咗單先.

ok, 我諗住無所謂,埋咗單先我都重可以食到11:25啦...哈,點知唔夠11:10, d員工開始不斷問我要唔要繼續燒...喂,我成檯嘢未食架...跟住催命符,唔夠一分鐘又催三分鐘又催!!!

率之,到11:20, 所有客人走剩我一檯,我見d員工(三人)重著定衫企係側邊! 我忍唔住同係櫃檯後面刨馬經嘅老闆講:"你咁趕就9:30後唔好俾人入啦", 點知佢重話番我,:"我而家無唔俾你食呀~你話90分鐘ok架"

...不過,我係9:40入座,但基本上佢地由11:00未夠就一直催我,好差囉!!!...所以雖然佢d泡菜係十分好味,$108亦唔貴,我都唔會再幫趁囉!

今時今日咁嘅服務態度令人好失望!!!

午餐茫無頭緒，看到這裡的燒烤set lunch不過三十多元，於是又試一試。

我倆分別點了牛舌和牛肉，都跟餐前小食、菊花茶、湯、白飯和甜品。

前菜有泡菜，味道一般，不酸不辣。而魚仔味道特別，是最愛歡迎的一項。

由於燒烤爐不大，每次只可燒數片肉，但我們卻喜歡這樣慢慢燒。牛肉腌得不錯，很入味，但口感就差了少許，有一點鞋口。而牛舌十分爽口，加上了一些黑椒，很好味。

菊花茶就有少少過甜，最後的甜品是啫喱，味道又不錯呀，可能太久沒食了。可是我看到侍應把別人沒食的啫喱收回給另一台客，就覺得有點嘔心。

店子環境比較舊，而且又有食物回收事件，所以應該不會再來了。

七月十日, 提早大半個月同安豬慶祝生日,
雖然安豬既正式生日為七月三十一日,
但因為 284 十六號就要生 BB, 所以必須喺呢日之前就同安豬食飯啦!

284 幫我哋決定咗嚟呢間《韓國燒烤屋》食韓燒 buffet,
今次冇影到相, 因為覺得影啲生肉唔係咁好.....
同埋呢度地方太細, 唔多方便影相。

我哋 book 咗七點半開始食, 佢係入座計食 1 小時 45 分鐘, 咁怪既...
同埋唔知係咪因為我哋坐近門口位, 好熱好焗呀!!

呢度既職員全部都係中年或以上, 所以唔會期望有劉華既 Service。

至於呢度既食物種類都算幾多幾足, 大部份都幾好食,
有少少熟食、沙律同熱糖水, 冷盤小食都幾多, 亦 refill 得幾快, 唔會見到畀人舀晒既情況,
一大班人嚟或者一對情侶嚟食都幾好,
但我哋七個人得兩個方形既燒爐就真係唔多夠位燒嘢食喎,
仲要限咗人哋唔夠兩個鐘, 咁燒法個爐唔多夠用喎!
又坐得迫, 背對背咁, 坐咗入去埋邊位, 想再出去拎食物都幾難囉...

如果行開尖咀又想食韓燒既呢度都係一個選擇, $108 足夠你食到好飽,
但如果叫我特登由第二個地方過嚟食就唔會喇.......

更詳細資料及圖片請看 : http://hk.myblog.yahoo.com/joycewai616/article?mid=9355

朋友話o黎呢度食~~

普普通通啦~~~
$98任食~

好ge係真係少油煙...
同埋D肉冇咩味精
但少d選擇....
味道.....一般.....
不過以呢個價錢都差唔多ge...

d魚就麻麻....食o左一啖冇食....
可能唔新鮮啦.......

今天是第2次去惠顧, 上次是平日, 每位HK$98, 今天是假期所以每位HK$108, 正如好多食家所講, 比較漢陽苑或漢和那類的自助餐來說, 種類可能是比較少(其實本人覺得足夠的), 並沒有魚生.......但光是韓式小食及泡菜就已經有7-8種, 肉類"YIP"得好好味, 不會太咸, 也不會覺得吃完好口乾, 蘿白湯好味, 甜品有涼粉及啫喱及椰汁膏 (我覺得椰汁膏不好食, 沒什麼味道, 有點像大菜膏), 還有蕃薯糖水或西米露(去過兩次, 一次是蕃薯糖水,另一次是西米露), 我覺得西米露好好味0.0 蕃薯糖水對我來說比較甜, 但還好薑味很重, 我吃了很多燒粟米及燒冬菇, 另外我覺得煙肉及魚柳最好味.

雖然飲品只包一杯菊花茶(p.s 比很多涼茶鋪好味, 沒那麼甜), 但待應會不時加茶和收碟.

我其實1直都好憎食韓燒..次次食左兩啖就喊住想走..
因為1坐低已經成身成面油煙..又成日痴底..個爐燶晒..
但男朋友就勁鍾意食..
見佢成日陪我食日本野我就陪佢食啦..

初初諗住食"壯陽苑"..但男朋友反對..
行過見到韓國燒烤屋..又唔貴就入左去na..
1去到..冇好大陣gei油煙味..好感動..
d野食冇咁急凍feel..個涼粉好好味..hahaaa..

佢有3個缺點:
1)個爐好細
2)食物種類少
3)佢會拉個抽煙機落黎..成程我都要同男朋友望住塊鏡先講到野..
因為拉左落黎真係望唔到對方的..

食完..冇成身味咁返返出黎..太開心na!!
我以前次次都"壯陽苑"..令我對韓燒有咁大誤會..
以後終於唔洗為食韓燒而嘈交na>3<

由於間鋪0係地牢, 一行落去就有好大陣up味, 而且d燒烤爐同個抽氣系統都係好舊式果隻. 所以成間鋪油煙都比較大, 而且燒果陣d油都彈到四圍都係, 就連自己d衫同手都會彈到. 食物種類唔多, 但味道都ok, 冇韓陽苑咁多味精. 個燒烤爐好細, 比一張A4紙仲要細, 所以每次唔可以擺太多食物, 擺4隻雞中亦已經冇晒位. d侍應個個都木口木面, 但佢地都唔會話冇禮貌, 而且收碟同加茶都好快手. 個環境比起韓陽苑冇咁嘈吵同冇咁多內地客, $98可以食1hr45min, 價錢都叫合理.

一行四人, 食dinner 燒烤
因為比較平, d 生野食同其他大鋪差不多...熟的就唔多
一開始知道有1:45 分鐘, 以為ok la
但個爐太小la...加上升起, 燒起來好累....
唔經唔覺, 發現剩番30 分鐘...於是出力食,
到最後好似唔飽... wowow...
只好食幾杯jelly...

但佢地ga 服務都ok,,,
好有禮貌地叫我地找算...
同埋真係冇咩煙味...
可惜好難傾到野...
wowow

加左價，兩個人食左$216，少左時間，得1hr45min，其實係夠時間食既，我地食到岩岩好夠鐘！不過佢都唔會好rude咁一夠鐘就遞張單俾你，已經好好架喇！

我地既至愛依然係牛肉！牛仔骨，肥牛，瘦牛，牛脷～羊都好好味！另外，老公鍾意魷魚及多春魚！我就鍾意粟米！炸饅頭依然保持到香脆，正！老公話：「保持一貫水準，好味！」

隔離個鬼佬食左起碼四碗飯，有個朋友又話覺得呢度ｄ飯特別好味，唔知真定假，我地就唔多覺喇，哈哈！

我覺得ｄ服務無咩問題喎，成日有人添茶，我老公都成日自己校大校細個火，都無人理既！老公話：「其實佢叫你細ｄ火係對你好者，唔係食死你呀！」

先談談食物- 生食物種類也算多,其中牛舌,魚和魷魚都不錯;相反熟食真的很少,不計前菜就只有湯,壽司,饅頭,沙律和糖水. 熟食之中饅頭最好吃.其他味道則只屬一般,賣相也不吸引. 一提,它的燒烤爐比較細,每次都不能放太多食物;而且也不夠油,我們嘗試燒多春魚但不用一會已經黐底...
在訂座時已聲明自助餐只能吃一小時四十五分鐘; 吃罷覺得其實時間亦算足夠. 總括來說這間自助餐也算OK. 最後要提提它的抽風系統,吃罷也沒有全身"燒烤味",值得一讚.

gathering with my dear friends
本身想去有骨氣$98任食, 但加埋雜費超唔抵
所以黎呢度, 不過比前幾個月都加到$108
都算平過有骨氣~

食物質素比漢陽園新鮮得多
味道都ok
不過choice唔多...

冇乜熟食, 得炸饅頭同卷物
朋友們都覺得炸饅頭好ok~
仲有jelly涼粉蕃薯糖水, 都幾好味

1hr45min其實都夠食
送菊花茶~
食得過!