今日有時間上黎打番, 講下我最近一次去呢間食野既感受同大家分享
星期日中午約了朋友, 時間急求其搵一間食飯, 我叫了一個午市特餐$35 (銅鑼灣唔算平唔算貴), 咸肉豆腐飯, 揀了羅菜湯唔要飲品

羅菜湯
唉! 我份人唔係好嘴刁, 但個湯真係好差
佢地比既根本唔係羅菜湯, 正確黎講應該叫做水煮雜菜蕃茄
湯係超白淡紅色, 白中只透少少紅, 可想而知會有幾差, 看到果陣都知自己賴野, 入落果然"合乎預期", 係像飲緊係白開水入面加咗幾大匙蕃茄汁咁, 我入緊滾水多過似飲湯
料就算做偏少, 雜菜浸到好淋, 蕃茄就係咁蕃茄一個, 沒有什麼特別

不過我知有開飯友影過羅菜湯幅圖, 佢果色深過我好多, 都唔知搞乜, 可能果日師傅失手我黑仔, 平時未至於咁難入

個湯雖然唔好味, 但我當飲水咁飲曬佢

評分: 10/100

咸肉豆腐飯
就算碟飯唔好食, 我通常都抱著"不浪費食物"既精神食埋佢, 除非我食到飽食唔落啦
但呢碟飯令我少有咁破戒

佢上既時候係分開兩個, 一碟飯同一碗餸, 呢個概念唔錯我鐘意, 食既時候才發覺好唔掂難食, 豆腐汁好淡無黎味道, 不過最差係豆腐, 煮到好老, 一d都唔滑, 咸肉本身無咩肉味可言, 當係有d肉地咁食下

雖然如此, 但我都係咁食 (要填飽嗎), 但係食下食下覺得豆腐愈來愈難食, 開始有點反胃, 最後放棄繼續食, 結果食剩約25%餸(但扒曬d飯)

評分: 20/100

-------------------------------------------
話時話, 我朋友叫了既炒米, 我自己本身唔鐘意睇太油既野所以無叫, 不過佢地比我試咗啖, 食落係ok得, 我就真係黑仔呀, 叫咗碟咁難食既午餐, 都係朋友仔醒目

聯威係開飯友心中笑臉係多過喊臉好多, 大約係6-7個笑臉對1個喊臉, 但咪以為間餐廳廚子了得, 或食物煮得真係好好食, 有時睇笑臉係唔夠, 你都要知道佢地點解比笑臉, 我見呢道最多人評既係晚市扒餐, 睇真d大部分比笑臉既都係話呢間扒餐大件夾抵食, 唔係話廚師煮功了得, 原來聯威就係靠扒餐攞分, 得到一班化學扒都照殺既食肉獸支持!

有無學精到呢? 有時睇完笑臉仲要睇內容!

繼續早餐團之旅.

連沒有打食評的餐廳在內,這間餐廳的早餐時段算是比較多人.

朋友點了:
又燒通粉 - 碟子好像細了一點,上層的通粉根本浸不到湯而比較乾身. 叉燒是瘦叉,味道只可維持生命.
另有炒蛋及包,但我沒有試到.

自己則點了:
沙嗲牛麵 - 一般餐廳都是煮了麵,才將沙嗲牛放上面,而這裡則是沙嗲般湯底,加上牛肉,頗為特別.個人亦較喜歡.

煎雙蛋拼腸仔 - 只是預先準備好的貨色.......

多士 - 還有點暖,烘過的當然比較咬口,和蛋一起吃也可.

熱奶茶 - 茶味偏重,頗滑,算是不錯的級數;不過熱奶茶真的不應太過常喝,否則對其觸覺會變弱.


侍應都沒怎麼特別,不過比較欣賞他們不會密密收你的東西,否則真的很煩,想和朋友傾計也被阻似的.
鐵板餐$3X,有點興趣試一下.

一入去, 好多空位, 但被安排同佢地d員工搭枱

佢話佢地d位要留俾d 唔知幾時會嚟 o既自由行同保險佬喎.........................

堅持之後, 可坐"Car"位

和朋友叫了下午茶餐, 餐飲凍0T 同 Hot Coffee.............問題來了..........

杯咖啡一放低就 smell 到一陣陣酸味....跟朋友說這咖啡應該會有d酸 早知叫朱古力安全d...
加糖一飲................. Wa................酸到...........心里想去飲24味都冇咁難飲..........
加多d糖... 再飲..........都係好難飲.....

朋友說, 不如叫佢地換個杯朱古力....

叫了Casual wear 待應(maybe boss) .........佢話...換就唔得, 最多加d奶俾你....

杯嘢返嚟........佢就話 你有冇落糖呀.....(有) 咁你唔好叫駌鴦呀..........(呢杯係咖啡嚟)
咁你唔好喺道叫咖啡..........然後轉身去走了..............

咁你即係乜嘢意思.... 係你d嘢好難飲定係你d野係咁嫁啦, 好出奇呀...唔好嚟law......

再飲都冇分別.... 又冇得換, 唯有走人.....

本身好少打食評, 有少少唔好食都唔想"side"時間打,但因今次覺得極之離譜

09年8月3日 星期一

下午茶時段點了一碗牛腩麵及熱奶茶 ($2x). 這碗牛腩麵煮得很入味, 牛味濃郁很惹味, 入口軟淋淋, 肉質肥美絕不會韌, 粗麵麵質彈牙, 湯底有濃濃的八角濃香味, 色香味都做到很不錯. 只可惜牛腩切得很細, 而且份量很少. 正因為牛腩份量少, 吃完一碗都未夠喉, 令人更覺這碗牛腩麵正.

來了好幾次，每次都是食TERIYAKI，雖說味道比不上真正扒房，但是價錢實在是「老少咸宜」。
有四個選擇：香草雞扒、雜扒、牛扒、夏威夷豬扒，沒有配飯/意粉的選擇，只能配薯菜加香腸（正宗的扒餐是沒有配飯/意粉的）
不能評味道，因為三十二元（飲品加五元）為求把肚皮填飽，扒類都經醃制過，已經不能吃到「鮮味」，但是生孰掌握得不錯。
侍應是「外冷內熱」，外表看下去有點兇，但對客人十分好，他們看見我倒不出番茄汁，就立刻在我手中把茄汁拿過來，幫我，而且他們都是冷面笑將。
值得一去，而且看見有很多內地遊客也專程到此餐廳一試他們的扒，去食這裡的扒餐並不是吃味道，只是為填飽肚
（扒餐於下午六點後才供應）

64過後朋友介紹我地黎哩度剧扒. 等左2分鐘就入得. 5個人坐迫d.
朋友話雜扒餐最抵食, 於是我地叫左5個雜扒, 加埋野飲$5, 共$38
5個雜扒餐炸炸聲, d 汁係咁彈, 彈到我成個袋都係.

先講檸茶. 我覺得細杯左d. 可能因為太口渴關係.
同埋成杯都係冰黎. 最底係一粒粒大舊既冰, 之後有4片檸檬, 再上面係細粒d既雪
可能佢杯檸茶甜左d, 所以放多d 冰去中和下掛. 等d 冰溶都ok既.

雜扒, 3塊扒都唔太大塊. 尤其係塊牛扒, 大概一張正方形既memo紙咁大啦. 厚度同bbq o個d 牛扒差唔多
仲有廚師腸同兩舊西蘭花
汁係蒜蓉汁. 最後佢地冇晒汁先聽到佢地有咖哩汁, 不過蒜蓉汁都ok
薯條不太脆, 可能因為d 汁既關係.
講真冇乜特別, 普通料, 不過幾抵食既都.
我食完哩個都夠飽了.

ps. 員工有d 澳牛feel

進入店內﹐第一感覺是全間店鋪都充斥著濃濃的鐵板油煙味。顧客十居其九來這裡也是吃鐵板餐﹐所以大部份的枱也是冒著大煙﹐連空氣也帶著一層白色的薄霧。這裡徐了出名的鐵板餐外﹐還有很多不同款式的炒焗粉麵飯﹐煲仔菜﹐小菜及小食﹐真是多選擇。

既然這裡的鐵板出名,叫了蒜蓉牛扒跟蒜容雜扒。另加$5要了羅宋湯。

羅宋湯 $5 - 湯雖然是稀稀﹐但有很多湯渣。味道比較酸和有蠻重的胡椒味。 建議叫餐飲可能會好一些。

蒜蓉牛扒 $32 - 牛扒肉質是預期之內的化學牛﹐沒有什麼咬口。但份量都算大件和上枱時很有鐵板的特式﹐就是蒜蓉汁在熱騰騰的鐵板上滋滋炸炸地噴上噴下。薯條與以下食評所說一樣﹐硬硬不好吃。

蒜蓉雜扒 $32 - 一共三片肉 (雞﹐牛﹐豬)和一條腸仔。但每件扒都比單一的扒餐薄一點﹐每款肉類的味道亦差不多。

因這裡的鐵板沒有跟飯或意粉﹐所以最後加了份餐蛋治來填飽肚子。

餐蛋治 $16 - 午餐肉和雞蛋剛剛煎好﹐麵包亦很軟熟。 來做下午茶亦不錯。

食完之後出到店外聞到身體由頭到腳都是油煙味。 以這價錢當然不可以拿這裡扒餐的肉質跟某些靚扒相提並論。如以蘋果對蘋果的相對下﹐這裡的鐵板餐質素算是不錯。希望他們能改善抽風系統的問題。

和媽來食早餐才去沙灘.
叫了28蚊的早餐.
有包有炒蛋有粉.

超快有得食, o岩呀, 我少許遲呢....

包都好熱好淋, 幾啖食左!
炒蛋好滑, 一讚.
係o岩9成熟的, 中間少許水的, 正!

塊火腿則只係普通貨式.

茄湯粉都好大碗, d 湯茄味濃, 幾咸.
螺絲粉好正, 生熟都ok, 唔太淋.

太趕冇飲到野了.

都咁多年啦, 老牌茶餐廳係一定ok 的!

今天出左銅鑼灣,咪順便睇下有咩好食
見網上寫$35咪試下
叫左個什扒餐,唔駛5分鐘就到
睇到好多煙升起,應該唔會差
點知薯條凍到硬(都唔知整左幾耐)
點汁就多啦但一點味都無囉
三塊扒都係一般......
都唔明咁多人叫扒食(眼看有10人中8人叫扒扒)

年二十八在銅鑼灣比較平常時熱鬧,不少人趕住維園遊年宵,對於自己來說找個晚餐地方也較有難度.不想花那麼多錢唯有食點平價一點,今次來了這間店鋪,在外面看到內部,看到不少人正在食鐵板餐,可能是這裏的特色,不妨一試吧.

剛好有個位置坐下,食個簡單一點的牛扒鐵板餐,另叫一杯雜果冰,這裏的鐵板餐售四十元,不計連鎖式的快餐店來說,這裏也可以接受.但不有任何期望,此終平價.不稍一會也遞上來,擺放得有點求其,先說薯條,是早已炸起的貨式.凍而硬的薯條有點令人食不消.牛扒是主角,當然比配角出色一點,切得不辛苦,但已經全熟了,有鐵板和沒有鐵板分別也不大了,食下去和快餐店質素差不多,雖說不出好,但份量也算大.我也明白會來這裏食的原因,快快地食完也要趕上課

埋單五十元.論銅鑼灣算便宜,但要選擇和朋友晚餐的地點,還有其他更好,可以選擇.

3次都係食鐵板, 價錢份量味道依舊,
但不知是否金融風暴的關係, 人流似不復以往!?

其實35大元(飲品加$5)一個不包括餐湯餐包甜品和飯不是說十分抵,
但多一個選擇給中等胃量的人吧了

星期日的銅鑼灣真是好多人, 中午食lunch行到渣甸街, 見這茶餐廳幾企理下就入去啦, 叫了碗炸菜牛肉湯意粉+凍檸茶的餐,

等了一會才到的意粉, 原來是新鮮即炒的炸菜牛肉, 放在湯意中, 真估不到是如此做法, 即炒的牛肉特別香濃好味, 令平凡的湯意加添特色及美味, 抵讚!

豬扒醃得入味，煎得香口，雖然不是什麽厚身肉扒，
但決不會薄如紙片，吃來啖啖肉，非常好味！
米粉幼細，吸收了湯中精華，加上新鮮蔥粒，很是不錯！
餐牌上寫的是豬扒米，但來的時候，碗内居然多了條香腸！
不論什麽原因，多個餸，總是好的！
跟餐還有熱檸茶，檸檬片有三大厚片，最重要是沒有苦澀茶味，
如此這般，收貨了！

早一排放飯時間, 師傅一條友向住銅鑼灣方向行, 坦白講真係漫無目的咁行, 只不過係想搵個地方食飯, 行下行下終於行到黎呢度, 師傅見從來都冇食過, 就黎呢度食個晏, 順便睇下水準如何啦!

一坐底就見到個特餐幾對辦, 於是就柯打左B餐; B餐係黑椒牛扒香腸飯, 而例湯或餐飲任揀其一, 師傅最後揀左後者, 要左杯凍檸檬茶!

等左一陣就有得食, 先講下個賣相, 黑椒牛扒香腸飯賣相一般, 睇落去唔吸引, 特別以佢個黑椒汁感覺最唔好, 再試下個汁, 黑椒汁唔香唔辣, 味道普通唔吸引, 呢個汁真係扣唔少分; 再試下牛扒, 牛扒有兩塊, 肉質幾鬆身, 有牛肉味加上冇咩鬆肉粉, 口感唔錯; 而香腸都有兩條, 味道不過不失, 合格啦; 而凍檸茶都幾夠茶味, 入口清甜, 可以啦!

總括而言食物質素合格, 服務都算幾好, 而環境光猛舒服, 價錢就貴少少啦, 三十五蚊個餐, 但喺呢區黎講絕對可以接受; 師傅食完上黎見到咁多笑臉, 覺得有少少出奇, 可能佢嘅鐵板餐真係好好啦, 但師傅今次嘅食物水準就唔算咁好, 所以笑臉絕對比唔到, 莫非鐵板真係比其他好, 有機會一定要黎試下個鐵板呀!

諗住黎食扒餐,
黎到先知原來6:00後先供應 >_<
就食左個豬扒蛋飯, 普通的碟頭飯, 豬排幾香口