:剛剛食完午餐，實在太激氣，一定要立即寫返個食評話俾d人聽有件咁既事先得
基於要趕住去supermarket買野, 所以就是旦去左食呢間雲吞麵到午餐.
雲吞一般好味,加左豬肉入去,蝦有點腥, 當食到得返兩粒雲吞同埋少許麵既時候,我發現有一隻甲 既全屍(比德國曱甴再細一d),o個刻,真係好想嘔, 咁都得!! 於是我就同個亞姐講,裡面有隻甲甴 , 佢見到之後一粒聲都冇講,就拎去俾個整麵既亞姐睇, 我心諗, 佢會點處理件事呢?
等左十幾秒之後, 個整麵既亞姐用左隻細碗,裝返兩粒既雲吞俾我, 又係唔講野咁,將兩粒雲吞放上黎, 當係還返我食剩o個兩粒!!! 我心諗, 原來佢地就係咁樣去處理
唔好話對唔住啦,一句唔好意思都冇,完全唔出聲,當冇事發生. 所以我亦決定唔食佢俾返o個兩粒雲吞我,俾錢走人. 樓面既亞姐見到,就問我: 唔食呀? 我就講: 我覺得你地既處理手法 .. . (未講完) 之後負責整麵既亞姐就好惡咁講: 我都倒走左啦, 換返兩粒俾你,你仲想點?
我聽到後,真係好激氣, 其實要發惡既,係咪應該係我呢? 點解仲可以鬧返人轉頭? 食左有曱甴, 俾錢之餘,仲俾人發爛渣, 真係咩人都有呀! 最後我既回應係, 「你自己做錯野先, 仲要話返我！」
我決定唔同佢嘈, 走人就算。不過好後悔冇立即影低佢地既罪証or搵食環署告佢地,真係食到一肚火。我同我既同事講,叫佢地唔好再幫襯佢地呀！

又係一個婚宴夜,今年好年,至少有四位朋友結婚,真係替佢地高興,之不過又要食 d 野頂下肚,唔係又有排等.

雖然位處橫街,都有唔少人光顧,大概賣點是抵食夾大件!

雲吞粗麵 : 雲吞一睇放面,都知係半途出家做法,個人不大理會,好食就得.呷一口湯,味清,用料不足,已經有點不高興,粗麵淥得過火,柔韌性不足,又死多一樣,雲吞大大粒,都係想轉移目光,雖則彈牙,但蝦味無乜,濫竽充數之作,無下次.

雲吞：以前個餡得蝦，依家添加了點豬肉，依然如常的大大粒，每碗三粒，雙拼則兩粒
墨丸：並非招牌貨，但味道還可，也彈牙
牛丸：都幾爽口，但牛味不足
牛肉：牛肉嫩度可接受
菜餃：ok
鯪魚球：好大粒，和雲吞一樣也是店內的招牌貨，必食
$6油菜生菜
$5豆漿
單拼$12
雙拼$17
三拼$22

某次 10 時左右來到，那晚他們已準備關門，但也招呼我們入去，還未坐下已叫鮮牛肉麵和菜肉雲吞麵，因為這兒只有四款選擇，所以不用考慮太久。鮮牛肉麵男友說味道挺好，但我要的菜肉雲吞麵就似乎失了水準，菜肉餡份量少得可憐，似食雲吞皮多啲。幸好這兒價錢便宜，份量頗大，吃一碗其實都夠飽肚。

對有選擇障礙症的人來說, 入到鍚記一定會倍感舒暢, 因這裡只得四種配搭, 它們分別是 (1) 大大粒超正雲吞, (2) 超鮮無幼骨的鯪魚球, (3) 有肉味無渣的鮮牛肉, 和 (4) 清新甜美的菜肉水餃. 若第一次到錫記, 可叫四寶米試試, 分量不會超多, 但可嘗嘗四種主食那個會合妳口味, 再下次幫襯可以集中火力. 別外它的麵沒有嗆喉的碱水味. 談到油溁, 鍚記還有韮菜花是不錯的選擇, 尤其是湯上. 叫個四寶米, 加一個韮菜花湯上, 要埋支Coke都係HK$35 + HK$15 + HK$7 = HK$ 57. 略嫌有點貴, 但吃過妳會覺得超值.

冇帶飯番工~特登上o黎睇下冇咩野食平平地~

發覺呢間幾平~一個人去試下~
環境一般~唔會話污糟~迫迫地咁~

一坐低想睇睇有咩食先~原來得o個幾樣揀~
叫o左碗雲吞河~
之後個阿伯問我:"食咩菜?"
佢問到咁~我心諗"係咪人人都會叫菜"~或者係叫麵加幾蚊有個菜~因為佢唔係問我要唔要or加唔加~
之後定一定神~周圍望下~發覺全場冇人叫菜~我就知發生咩事~

純粹係佢想我叫埋菜~特登咁問我~
我見牆上寫地菜要$15~即刻冇晒mood~有少少俾人搵笨o既感覺~
可能一睇知我係生客~所以揀我落手~因為佢唔係個個問的~

之後食個麵都冇留心係咩味~味道ok 既~又唔係好特別咁~但tst $17一碗麵算幾平~

最後收錢個菜收左我$10 only~唔知點解~亦冇興趣去深研~

大家唔係特別想食菜就記得say no~因為$10都唔平(相對$17一碗麵o黎講)~

傻家姐最愛屋企附近呢間牛腩粉~!!

今晚同老爹爹共膳，突然唸起家姐，所以就近近地提議到此回味…果然姐姐無介紹錯，亦無愛錯，難怪佢對呢度既牛腩河死心塌地、一心一意、永不變改啦~~嘩哈哈

平平地，又大碗

牛腩河：牛腩真的幾好，又夠入味，粉又滑

牛筋米：牛筋就一般啦，大大筋，但好像不太乾淨，還有好多不明黑野吊住，夠淋，但我略嫌唔夠'筋'囉…哈，un d好d對我來說

星期六因為要上班關係，晚上6:50 才到尖沙咀，急電友人問她們身在何方，可惜冇人接聽，離開始時間只有40 分鐘，打算求其食個麵算。
要了鯪魚球麵，鯪魚球的size 不算巨，口感較實，冇乜胡椒味，味道不錯；但麵條好似淥得唔夠熟。

又同小牛去錫記開餐,但係今次有個「奇遇」......
叫左個雲吞米粉,應該有四粒雲吞,點知黎到,其中一粒變左鯪魚球!問個阿姐,佢話岩岩賣晒雲吞,我地覺得唔得,因為一心黎食就係為左佢的雲吞,鯪魚球差好喎!點知個阿姐唔想換,仲話:「試下啦!鯪魚球仲好食啦!」邊可以咁架?!小牛本來想算,但係我堅持,最後個阿姐先至好唔心甘情願咁攞番走碗粉,拎走鯪魚球,但係得番三粒雲吞,佢話整緊,最後都有俾番果粒雲吞我地,咁就算囉!但係之前既態度,我覺得唔係咁應該啫......

我試呢間店係為左雜誌推介既乒乓大粒雲吞...
叫左雲吞牛肉米粉,22蚊,慕名而來,雲吞卻未見真係好大粒,一粒約三隻蝦,但係蝦唔大,我覺得名過其實...反而牛肉係一個驚喜,好少雲吞麵店會有牛肉食(一般只會係牛丸,但呢度剛剛相反,有牛肉無牛丸),佢既牛肉好淋,無筋,無肥膏,易入口,又能保留肉味,我同小牛都覺得高質素,抵讚!
另外,我平時好少見見樽裝既檸檬味可樂,呢度竟然有,6蚊支,梗係試下啦,好飲呀!
我見到隔離食淨菜肉餃,d餃好似勁大件,下次要試下咯!

呢間野既雲吞麵真係唔錯, 麵同雲吞夠爽口, 蝦肉夠鮮味, 又夠大粒, 其實都幾抵食!仲有牛肉麵都ok, 牛肉幾諗, 但牛肉唔係好夠牛味, 唔夠雲吞好味....
兩個人去食, 一人一碗麵再叫碟菜, 每人$28左右, 抵食!

很久沒來了﹐今日專程和男友來食”乒乓餛吞“。

星期一中午沒太多人，感覺舒服。

餛吞米粉：落單不夠兩分鐘就到﹐”嘩”了一聲開始食。餛吞果然不夠熱！！其中兩粒還有蝦”尾殼”．．都算了。味到其實好好﹐蝦算新鮮﹐豬肉幾滑﹐但不夠熱真的扣晒分數！米粉煮得淋度適中﹐幾滑．湯好清甜．

餛吞麵：這個比米粉遲來﹐所以餛吞夠熱。男友吃得津津有味﹐吃完再說﹐”真的好好吃！”

生菜：清甜﹐點了“走油”但沒有走蠔油。沒關係﹐我應該說明的。

後記：回家後開始肚痛．．還屙了幾次。男友亦不能幸勉。豬肉不夠熟累事嗎？我不敢說呀．．沒辦法不給咸臉呀﹐打這篇還有點不舒服。咸臉是給那些不夠熱的餛吞的。

好耐無黎，以前返學都不時會食下。今晚行過附近，好排住d爽蝦就同男友去食下。一去到，比以前多左人，有搭檯。

我叫左碗雲吞麵，男友叫左個牛肉麵。價錢無變，但雲吞由以前五粒變四粒，少左啦。不過d蝦依然好爽口彈牙，胡椒粉仍舊重手，無晒蝦的鮮甜味。麵多左d梘水味，係好爽好彈牙，味精太多都係米粉好d。

男友碗牛肉麵d牛肉嫩口滑夾香，好有牛肉味，唔似俾粉拿都無晒味。湯太重味精，食完碗麵好口渴。

佢\地仲有鯪魚球的，以前就好大粒唔腥好好味，今次無食，下次有機會再食過。

忙裡偷閒找麵食,黎到呢間見到招牌就一於試佢d雲吞,叫左碗雲吞河都係$15,份糧o岩o岩好,湯底幾差,冇鮮味. 但係d雲吞真係好正,好爽ge蝦,好鮮甜,好大粒. 好多舖頭ge鮮蝦雲吞都用埋d唔知咩蝦,有陣怪味我唔敢食,但呢間真係唔錯.

看見大叔辛勞工作,見到小強都算lu~

雲吞ok, d牛肉整得好腍,又有牛肉味
星期日下午去食, 所以好多位