午飯時分的海港城人山人海，唯獨是這間不擠人，直接進佔窗台雅座，享受周末的陽光扒餐．

兩人點了一份268+30的套餐+甜品，擔心不夠填肚，另加了白酒意粉．

一上台是套餐的前菜Roasted Shiitake Mushroom，橄欖油，生洋蔥，青椒生菜蘿蔔絲，伴菜就是伴菜，絕不爽口，很地道的歐陸風味沙律－－香菇四五粒，那真是烤的嗎？

餐包姍姍來遲，微波爐再加熱出品，暖暖的．味道值得一讚！若是新鮮出爐，可以當面包店招牌（法包也是一貫的外脆內軟，總算不是熬夜硬包～）

主菜登場－－八安士肉眼扒！

比起那些被蘇打粉弄至軟嫩嫩，或是一碟都是黑椒／蒜／燒汁作"點綴"，Dan這塊看似七成熟的牛扒，肥瘦分明，肉汁都鎖起來了，口感一流！

薯條實在可有可無，如此不修邊幅的牛扒，讚！

白酒煮意粉，OK．只可惜太飽，90%原裝打包走...==||

擾攘一番，甜品來了－－脆皮蘋果紅桑子餡餅～～熱果肉餡餅做底，香滑雪糕受熱慢慢溶化．加上甜甜紅桑子醬汁（味道與士多啤朵相若），雖然不知"脆皮"何在，YUMMY～只嫌甜品太小巧，意猶味盡

全市使用Ben & Jerry雪糕，creamy + milky，當然不錯．

細看才知道這是紀念廿周年的SP套餐，難怪餐具都有歲月的痕跡.....老牌餐廳，牛扒顯功架，但服務就要改善一下...人不多要找侍應也難，人客多時不就是連服務都沒有了？幸虧最後（疑似）老板娘出場， 我們終於可以順利埋單離開...

一家四口要左:

1. 牛扒套餐包括牛扒7成熟(好似是8oz, 好味!!) side dish有chips同一串燒蔬菜(番茄及洋蔥等), 前菜要左大蝦(有4大粒蝦球,味道不錯), 加$20 有mini-brownie with ice cream (超級甜)
2. 全份Ribs (中間部分有點腥)
3. Buffalo Chicken Wing (配西芹條) (雞翼good)
4. Potato Skins (good)
5. 有3塊法包及2個muffin送 (muffin 好味)

我地4個食到好飽,服務不錯,除左有個肥仔waiter多次假裝看不到我們叫他,其他waiter都幾nice.

要book位, 因爲幾Full.
有得抽獎,中左free drink coupon.

前些天已為母親節籌某買什麼樣的禮物，最終和女友選了一隻手錶給媽媽。現在又開始某劃到那裡和媽媽吃飯慶祝母親節。已計劃了和媽媽在荃灣吃中菜慶祝（因為對媽媽來說比較方便）怎料母親節前一天媽媽竟說想在到外區吃飯！（真頭痛呢！母親節當日大多食肆都訂滿了．．．．．．）訂枱時碰到一鼻子的灰，最後終於給我找到海運大廈的Dan Ryan’s Chicago Grill還有枱，於是立即訂了位（最少那天不用媽媽等候太長的時間）雖然Dan Ryan’s Chicago Grill並非是我心目的首選，不過媽媽沒吃過Dan Ryan，我自己也很多年沒吃過了，因此也抱著回味一下的心態試一下吧！

訂了七點的枱，我們都準時到達（生怕遲了一點，枱也沒有了）店內已經坐滿了人，侍應安排了路口的位置給我們（坐位真的有點兒擠迫，幸好我還不至於過度肥胖才能勉強坐下來）我們坐後，就開始看吃什麼了（原來這段期間Dan Ryan也在做信用卡優惠，有兩款Set Dinner任君選擇）我和女朋友也沒什麼心水，索性叫了個Set Dinner算了。Set Dinner如下：

前菜：洋蔥湯杯或什菜沙律

主菜：美國肉眼扒（8安士）及意大利幼麵配蒜茸蜆肉白酒汁

甜品：美國朱古力餅配雪糕，汽水、咖啡或茶

（2位起）

（Set Dinner的Setting頗為奇怪，照看餐牌，會以為這是一人的份量，但原來內裡的前菜是一人份，主菜則是二人份量，甜品也是二人份量，汽水、咖啡或茶又是一人份量，所謂一人份，二人份，即是洋蔥湯杯或什菜沙律，按人頭計，每人可以選一款，相反，主菜是二人份，即是二人份量才有美國肉眼扒（8安士）及意大利幼麵配蒜茸蜆肉白酒汁，而且不可以選兩份美國肉眼扒或意大利幼麵配蒜茸蜆肉白酒汁，甜品也只有一碟；而汽水咖啡或茶會有兩杯）坦白說，份量及價錢都是其次，但餐牌的確是容易令人混淆，為何不可以將美國肉眼扒（8安士）及意大利幼麵配蒜茸蜆肉白酒汁的所謂二人份量分成兩碟，那食客就清楚易懂了吧！

因為媽媽千叮萬囑說不要叫太多的食物（媽媽的作風呢）女朋友也說吃不了太多，因此我們只叫了上述Set Dinner（因為上述餐單的「奧妙」設計，是只可以偶數方式的叫法去叫！）於是我們決定先叫二人份的Set Dinner，如有需要則再單點其他的吧！

法包

法包頗大的一盤，法包外脆內軟，感覺不錯，不過就近期吃過的，比Pomodoro要遜色了一點（詳情請參閱食評---《我和今天有個一生一世的約會---大紅蕃茄高高掛》）

洋蔥湯杯

我們讓給了媽媽品嚐，媽媽應該比較少喝西湯，覺得不錯，媽媽也著我試了一口，，我覺得味道比較淡，感覺沒什麼味道似的。

什菜沙律

沙律份量不算多，我們三人每人也分了一點來吃。材料倒很新鮮，有蕃茄，紅蘿蔔，羅馬生菜，紫椰菜等，菜蔬新鮮爽脆，配上黑醋汁，開胃醒神。女朋友最喜歡吃沙律，媽媽也都覺得不錯。我自己也覺得不錯，不過就真的普通了一點。

意大利幼麵配蒜茸蜆肉白酒汁

賣相頗為奇特，兩條蒜茸包放在碟旁，像裝飾，又不像裝飾。說回食物吧！意粉看上去頗為乾身，汁好像有點少，蜆肉算多，不過不算大只就是了。食味其實不錯，所謂的意大利幼麵其實不太算幼（我覺得更像扁意粉多一點．．．．．．）唯意粉煮的時間控制得宜，軟中有硬，很有嚼勁，配合蒜香濃郁的白酒汁，食味頗佳。唯一差了一點真的是汁少了一點，汁多一點的會更好（我和女朋友都是奉行多汁主義的）另外，那個像裝飾又不太像的蒜茸包就真的是食之無肉，棄之有味的「雞肋」了，蒜茸包明顯不是新鮮焗出來的，包身軟腍，沒有一點香脆的感覺，不過基於環保的理由，我們也沒有將之棄之如敝屣，最終我們也吃掉了，但Dan Ryan竟出現如此質素的食物，實教人失望。

美國肉眼扒（8安士）

我們的美國肉眼扒（8安士）要了medium，牛扒賣相吸引，外表棕色帶烤綱的綱紋，切開牛扒時，由表面的棕色漸次變為粉紅達至鮮紅的中心，並帶有小量紅色肉汁，烤的火喉還是控制得相當不錯。牛扒有很濃厚的肉味，肉質細嫩，味道相當不錯。媽媽和女朋友都覺得很滿意。配菜亦見豐富，除了香脆的薯條外，另有一寸菜蔬的串燒，包括有蕃茄，青椒，洋蔥及白菌。各款都很新鮮，燒的時間掌握得恰到好處，不會太乾太焦，亦可中和吃過牛扒的油膩感。

美國朱古力餅配雪糕

女朋友在Chocolate Brownie未送來前就已說Brownie應該非常甜，不會合我的胃口云云（我心想不會如此甜吧！）Brownie送來時，賣相頗為吸引，Brownie上有一球白色的雪糕（應該是呍呢嗱雪糕吧！）雪糕的味道還不錯，但只能說是比較普通的貨色（不會是Movenpick或Haagen Dazs）來到Chocolate Brownie，我只吃了一口就呆住了，真的非常非常甜，是甜得令人覺得嗆喉那一種甜，坦白說對於一向奉行少甜主義的我真的沒辦法吃得下了。女朋友當然是吃過一口以後也就避之則吉了，媽媽年紀較大，本來食味方面都比較濃的，但她吃了幾口也沒再吃下去了（媽媽說，真的太甜了一點）我覺得這個Brownie甜的程度令朱古力味也被削弱了，基本上吃不到朱古力的味道（自命嗜甜的看官不妨試試，可能會合胃口的）

綜合來說，餐廳環境有點侷促，坐位與坐位之間太近，走廊位置太窄，我坐在近走廊的位置，侍應傳不時出現險象環生的情況（實在令食客坐得不太自在）食物方面，我覺得好壞參半，牛扒的確甚有水準，意粉味道也不差，唯甜品的Chocolate Brownie太甜，而且有些細節則做得頗差（蒜茸包不夠新鮮實在不能接受）餐牌混亂的設計亦是一大敗筆（菜式既有一人份量又有二人份量，混亂之餘，亦令人覺得有點小家子氣的感覺）坦白說，對Dan Ryan確實有點失望，誠然沒有去到老死不相住來的地步，但要說主動去光顧著實沒什麼動力了。

又是要一個人解決晚飯的某夜，趁機在辦公室把堆積的文件及電郵清理掉，定過神來已是八時多，到哪裡吃飯好呢？

想著想著，已在九龍塘下了車，腿不由自主向又一城走，最後想起 Dan Ryan's，對，可以吃漢堡！來這裡通常都是公務喝酒，吃東西還是首次。明明向侍應表明是一位，她卻帶我到一張四人桌，後來問清楚我是一個人，又要我轉去另一邊，本來打算拂袖而去，不過好不容易想到吃什麼，就不想再傷腦筋。
點了漢堡及可樂，侍應先送來麵包，居然有一個鬆餅，而且有合桃又夠鬆軟，比太平洋咖啡的鬆餅好吃。

等了好一會，可樂的汽都幾乎跑掉了，漢堡才上桌。我點的是最基本的牛肉漢堡，不過加了藍芝士（起司）。

點完菜才記起侍應沒問我牛肉要吃多熟，果然弄來全熟的漢堡扒，咬下去沒有肉汁，肉的質量亦不過爾爾，幸好藍芝士夠濃，基本上是整個漢堡唯一值得吃的部份。露比星期二的漢堡比它強得多。

小時候，經常會與兩位朋友一齊出來吃飯。但人大了，各自有自己的事業和家庭，三個人相聚的機會也少了，總了找些理由或藉口才能三人一齊吃飯。是晚，很罕有地在沒有藉口的情況下齊腳。

星期五晚的Dan Ryan's，人山人海，若然沒有訂檯的話，一定吃不成。細閱menu，決定要三個套餐大家share食。

先來麵包籃，有兩款，分別是小法包和朱古力muffin。麵包鬆軟，塗上牛油，幾夾；據報muffin比法包更勝一籌，但我總對此沒有興趣，還是留肚吃其他食物好了。

三款Appetizer，大蜆焗得香口，粒粒蜆肉配上芝士茸，美味；炸雞卷，炸得香脆不油，雞肉好吃，還有大量蔬菜和爽脆的蘿蔔青瓜條，也好；香菇沙律，除了香菇鮮美外，沙律感覺不太清新，有點失色。

主菜則不太令人滿意，雜錦海鮮拼盤，有串串帶子、串串魷魚、魚塊、蝦及炸軟殼蟹等，好大堆頭。可惜味道認真麻麻，帶子只得爽口，不鮮，魷魚亦然；魚塊並不嫩滑；最差的還是炸軟殼蟹，蟹是大隻，卻不肥美，也欠蟹羔，完全缺乏豐腴的口感。更甚的是蟹肉炸得乾乾的，毫不脆口，像已放了很耐的。

燒排骨配春雞又是不行，排骨太乾，肉不鬆化，外層不脆，非常不濟。很懷念Tony Roma’s的燒排骨；春雞不論是脾位、翼位或是雞胸，肉質均是偏韌及無厘味道，唯有點上BBQ醬去調味。反而薯條炸得香脆，大家吃得更多。

幾款之中，Carbonara相對似樣。煙肉香口，醬汁豐盈，可是意粉仍是不太滑，也差點蛋香，所以仍未算高水準。不過，比起以上兩味，這已經好得多。

吃完主菜，本已過了該還檯的時間，但大家仍想吃些甜品。不理了，問佢攞番個Menu，睇睇吃什麼甜品。朋友揀了Apple Cobbler，而我唔使問都係要心太軟了。

Apple Resberries Cobbler，又不似Crumble，總之肉桂和berries兩者含糊不清，口感久佳；心太軟當然好得多，Bownie香脆，切開時香濃朱古力漿湧出，感覺熱暖，配上雪糕吃，是全晚最滿意的食物。

服務不算到位，但也不像大家說的差吧！而價錢方面，比預期中貴了一點，相信短期內不會重來。

這是我第一次吃Dan Ryan,但且看標題已略猜到一二,這也會是最後一次,何解?先賣一賣關子.

從油麻地坐車到尖沙咀,在諾士佛台走了一會,最後走到海港城.記得同事說過這裏的漢堡味道甚佳,便提議來這裏試一趟. 九時半過後,餐廳依然旺場,無他,Happy Friday,最宜飲酒談天.

坐下不久便來了麵包籃,除法國長麵包外,少不了他們必備的合桃Muffin.肚子餓加上麵包烘得外脆內軟,縱只有牛油作伴,也沒有吃不完的理由.至於微暖Muffin,頂層焗得鬆脆,而軟綿的蛋糕內有著爽脆的合桃粒,輕而易舉的幹掉一個.

簡單的包點原來隱藏著惡夢,那就是速度.晚飯時間已過了大半,想也想不到為何一個芝士漢堡也要等上45分鐘.女侍應老推說就快就快,但卻交不出時間來.禁不住要多來一個麵包籃,否則恐怕我會昏倒在餐廳內.

點了一個20週年set,starter要了Baked Clams,剛焗好的大蜆,配上溶芝士,雜椒和忌簾汁.蜆肉份量其實很小,只一小口就吃完,感覺很不實在.

久候的芝士漢堡配瑞士芝士終於登場,一如估計,不是熱的.但那管得太多,拍照後已把薯條放口內.薯條不算熱,猶幸是脆的.漢堡用的包只是微暖,且軟綿綿的不夠脆.蕃茄,紅洋蔥,生菜等配料on-sided,自行加配.漢堡肉吃得出濃郁的炭燒味,但在沒有sauce的情況下,漢堡很乾,唯有靠mustard和茄醬的配合.

等得最耐的其實是set裡面的main course ~ Grilled Pork Chops .可惜時間是白浪費的.將栗子,薯角,粟米和 pork loin放在pan內然後焗.製成後卻又沒有任何sauce之類的東西,結果,豬扒是又乾又嚡又實,連切都有困難,實在不想再吃下去了.

服務欠佳,侍應不少但總是忙這忙那,不知在做甚麼.連加水這樣簡單的也沒有.整晚最滿意的只有麵包,吃得最多和最飽的也是麵包......總之,就是失望而回吧.

然在解釋了為何這是最後一回吧.

Onion soup 飲得過

必點的青口隻隻新鮮pop pop脆，另上的汁是精華

Ceasar Salad - ok la 淡左Ｄ

Blue Cheese Burger - Burger 本身幾dry，好彩有blue cheese

Typical 美国餐，少數可encore 的

Two of us ordered the few following things:

- cheese nacho
very disappointed as the nacho wasn't bake well and it's not chewy at all

- buffalo's wing
the wings were soggy but the taste was strange. we are okay to take the frozen wings but at least the sauce could be more tasteful

- house red wine
finished 1/3 of it and my head started to feel pain, bad quality wine. the wine wasn't corked

- service was good

朋友生日，選了期待已久的dan ryan。很多朋友都說呢間比outback 好食，無論服務，環境都有不少的好評，絕對令人十分期待。

可能因為遲訂位的關係，結果分配了一個不太好的位置，就在所和出口附近，那張是一張五人位，但坐得不太舒服，好迫，當然如果咁樣就認為他們的環境唔得就太主觀，我見其他的卡位和有海景的位也算幾舒適，怪就怪自己唔好彩吧。

餐前的muffin和麵包很軟熟，只不過個人唔太喜歡吃，所以唔覺得好值得講，但朋友很喜歡吃肉桂說極度好味，喜歡的話可以試試。

我地總共叫左四道菜，首先最正的是onion soup，佢有一層焗到好厚好厚的酥皮，雖然厚但很脆，而且襯埋onion soup好濃郁的味道，好正好正，加上有好多好多的洋蔥，份量十足，三十幾蚊都幾抵。最緊要的係隨著我們渴湯後，食左一個好fresh的cesar salad，一清一淡，個感覺幾有趣，比有名出名的applegreen的salad更清新，菜同醬的配合剛剛好。

另外，我地叫左個前菜雜錦拼盤，有雞翼、焗薯皮、和洋蔥圈，樣樣都冇特別，睇食評人人都認為焗薯皮必食，我就覺得普通，但樣樣都得幾舊，五個人每人都唔分到一舊就覺得唔太抵食。

main course方面，我地叫左千層闊麵，烤雞加肋骨with 燒烤醬，仲有海鮮湯飯。千層闊麵個蒜容包比餐前的麵包和muffin都好食，配合那個汁非常好，而千層麵又不太heavy，唔錯。烤雞同肋骨就真係麻麻，第一個醬好酸，雞又好難切，肋骨冇味冇道，薯條軟綿綿，個人最失望的一個main course。海鮮湯飯，都係麻麻，因為湯多過飯，海鮮選擇少，個碟又大，同美國菜大大碟食到滯的理念有點不同，所以幾失望。

飲品方面，我地叫左ice tea，呢個冇乜特別好唔好渴，但refill速度奇慢，你叫兩次才fill一次，這樣的service真係唔太好。仲有我地有個朋友生日，個waiter好求其咁問一句需唔需要唱生日歌？個感覺求其到我個friend都唔想佢唱，最後佢放低個生日蛋糕就即刻離去，快到離譜。

生日蛋糕，又係肉桂，救命，我個friend就認為好正，由於我唔吃得甜，真的不感恭維。食了幾淡就頂唔順。

每人差不多三百的價錢唔算平，理應該有唔錯的service同質素，食物我覺得可能係口味問題，你說差又唔係，但最重要的係個服務真係唔太好，通常美國餐每張table都會宣稱有一個waiter特別serve你地，但係呢間連呢樣都冇講你聽，唔fill ice tea都算，連水都少fill，服務都真係好差下。

總括來說，可以一試，好彩係好位置又有好的staff serve你，感覺應該會比較好。

(相太大，要adjust一下再後補)

其實去過依間dan ryan好多次, 野食ok, 次次都係為左個corn bread(muffin)而去食, 但係服務真係唔掂, 之前都諗住算啦, 但係今次真係忍唔住要講下!!
上個星期同家姐去食lunch, 叫左2個set lunch, -Chichen Caesar Salad同埋Carbonara, 另外加個Buffalo wings~
buffalo wings order唔夠5分鐘就到, 好明顯一早整定, 食落又凍又乾, 同之前dinner黎食真係差好多囉!!唔通lunch同dinner出品要有出入ga??我用a la cart price黎叫ga, d廚房有d職業道德啦!!!
salad 個dressing就keep得住, d菜唔夠凍, 而且有d黃黃地...
個cardonara就真係好一般囉, fat angelo都好食過佢...

講完野食講service...首先有個冇咩頭髮既server, 冇笑容, 態度差, 歧視local customers!!唔係外國人先係客ga, 咁鍾意鬼佬去外國做啦!!!
第二, 其他servers掛住傾計, 講野仲大聲過d客, 仲要係正我後面講, 想靜靜地咁食野都唔得, 大佬呀, 我俾$唔係要我聽返你地講陣間落場去邊度食野ga, (我都唔係有心聽都聽得咁清楚一可想而知佢地有幾過份!!)
experienced左d咁既services, 真係抵一毫子tips都唔俾!!!!

海港城嘅呢間Dan Ryan's，夜晚就去得多，日頭就真係第一次去，去到至見到原來餐廳嘅窗外有窗，係可以望到海景，但唔夠清楚。九龍區要搵食Brunch嘅地方唔多，要搵有得食pancakes嘅地方就更少，唔通又要去老麥??

睇見menu，記得全部都係American style portion，主打都係Eggs and Omelets，仲有Side dish叫，加埋幾款pancakes and french toasts，我地兩個就要小心叫了，order咗一杯果汁、一杯咖啡、一份full breakfast、一份pancakes。

1. Grapefruit juice - 好酸，又冇果肉，仲要似係用水開出嚟果啲。

2. Cappuccino - 啲泡打得屎，又唔夠濃味。

3. Ultimate Omelet 芝加哥奄列 broccoli, mushrooms, ham, cheese & onions - 呢道菜係其中一款推介，蛋煎得軟熟，最緊要係入面加有芝士，似足美式口味，芝士熱咗又軟又煙韌，入面嘅材料非常豐富，特別要提嘅係用上西蘭花，令到你唔會覺得又蛋又芝士會好膩，呢點值得一讚 ; 伴碟仲有一堆Fries，係連皮炸的 ; 多士就唔夠熱，變咗上枱後搽牛油唔溶，美中不足。

4. Buttermilk Pancakes 煎牛油薄餅 - menu顯示一客兩件，成隻碟咁大，牛油及Syrup冇問題，但係問題就係主角嘅pancakes本身，唔知係唔夠蛋定係唔夠奶，一來已經唔夠厚，好似唔係發得好起，口感欠奉，仲要唔夠香。睇怕我要食有水準嘅pancake，都係要留待返去美加至有機會品嚐了。

Comments: 又係一次貪方便，至喺九龍區食brunch，下次要多啲好吃嘅選擇，可能又要過海了。

同阿sir食飯..起初諗住去Fat Angelo's..最後黎佐呢到..美國菜..肥死lu..
是晚好多都係小朋友..難道小朋友愛食美國菜????

朱古力合桃muffin..
係Free既..係正wo..好香合桃味..好食過Mrs Fields..

凱撒沙津
So Fresh...新鮮菜..芝士加麵包..

小食拼盤
炸洋蔥圈,焗薯皮,雞翼
雞翼辣辣地，惹味
薯皮好多芝士Wo...
我個人最愛呢碟..三樣都係我最愛的食物...同佢三樣都整得好好味..正

半份Rib
D BBQ Sourse好味..加埋醬..Good
唔夠食..早知叫一份..

蜆肉意粉跟蒜蓉包
蜆肉唔多，個suace都唔錯。蒜蓉包焗得好入味..又香脆。

三個人食佐五百幾..唔錯..都幾滿意..
Service都唔係太差...Well Done

18 May 2009

平日放假食afternoon tea，諗咗好耐... 最終揀咗Dan Ryan - 一個平時比較少去嘅餐廳，難得悠閒，我很享受呢D時間，Dan Ryan沒有晚餐時間的多人，4pm左右去到，當時只有3-4枱客，我哋揀咗potato skins & chicken wings，份量真係唔多，唔係飽肚之選，但係味道就很不錯，十分惹味呢！

坐了一個小時左右，傾吓偈，時間過得很快，其實我還可以花上更多的時間在這裡呢... 我總覺得，有些時候，時間、地點、人物，都比食物來得更加重要呢！

原來諗過去半島CHESA食瑞士野，但岩岩行緊海港城經過DAN RYAN，費事行太遠就入左去。

一入門口，個 RECEIPTION 勁有問，因為唔係第一次去，次次都話無位，只會叫你等，再問就會同你講執緊檯，但有D新入黎既食客無BOOK 檯又好快可以有位，根本安排混亂。
再講個RECEIPTION 姐姐態度超差，敷衍了事，好似你黎食野阻住佢咁。

終於入座，叫左個「海陸大匯」，連加一都差唔多 $500，可能我單純，以為佢係SEAFOOD PLATTER 果類，因為我見佢有龍蝦又牛扒.......一上檯........只係一碟半隻龍蝦加一塊牛扒，點菜時同左佢講七成熟，上碟時係全熟，本來都算數，食完有個服務員黎問好唔好食，我即回應，好難食，佢問咩難食，我未見過七成既牛扒乾到柴皮囉。

佢仲同我講有分MEDIUM RARE 同MEDIUM RAW，仲係到狡辯，仲話我應該叫四成，我話乜有「四成」架咩? 唔係得「三、五、七」咩? 我話理得你RARE 定 RAW，而家我見到既就只係全熟......離晒譜。

最後佢 FREE 左我加一，但我覺得成晚食左八百幾，服務又差，野又難食，以後永不再黎。