早幾晚同老婆行街見肚餓想食雲吞麵，點知ｏ係門口見到牛腩／牛什檔ｏ的牛腩／牛什好似好好味咁就ＯＲＤＥＲｏ左牛腩麵同牛什麵ｏ黎食。　湯底好清，好夠鮮味，牛什好食，原來牛腩先係戲玉！Ｏｒｄｅｒ牛腩麵送來的竟然係坑腩！超正！入味，有咬口，不多肥！但環境就一般，　兩公婆連凍飲　六十幾蚊　經濟之選　

唉! 早之係openrice做定資料搜集才外遊shopping啦! 今早係TST shopping, 12:45pm 搵地方食野, 去邊度好呢? 就係因為平日無睇定openrice推介之選才...錯入源記! 後悔後悔....

驟眼望入店內都幾多人, 多數是大陸人據多, 心諗唔係咁多香港人都係不妙囉!! 但由於見咁多人就試下啦!

高高掛既餐牌上有套餐, 於是叫了燒肉鴨飯, 餐牌寫著送例湯, 還可加錢有咖啡奶茶, 當order時, 個男侍應說:"今天無套餐! 你要碟頭飯+ 飲品, 要全部單叫, 寫都明假期無套餐供應架啦! "

我接著說, 邊度寫住假日無套餐呀? 個男侍應立即回答, 寫度明, 自己睇, 不過, 如果你係都要套餐咁就比你囉! (最後佢都有比個套餐價錢我, 但沒有送例湯)

整餐我都在周圍望邊度寫明假日不供應套餐, 連同場的朋友都睇唔度有此句! 莫非我地六隻眼都睇過龍, 如果真係有此句說明的話, 個侍應就應該當時指出, 佢完全沒有指出, 仲大大聲!

講番個碟飯, 失敗! 白飯凍既... ... 還有兩條發育不良既菜心, 鴨肉質霉霉地, 燒肉好鹹兼大大舊肥肉!!!

係杯咖啡可以接受!

我地仲要係坐正個厠所, 衞生環境........ 唔講都feel都啦! 當場食唔落, 尤其是咁啱遇上一個大陸女人帶住個女孩子去"解決", 佢竟然唔關門, 完全睇住個女孩子"辦事", 為何她的母親會這樣做, 連該店職員都視而不理, 一邊做一邊睇!!!

全餐難頂度100% , 不會再光顧尖沙咀堪富利士道源記!

真的好耐好耐都無去幫親過啦~~~

對上一次係好幾年前

因為同媽媽睇演唱會路經此地醫肚餓

都有些許long time no see 的 感覺
(可能是掛住媽媽的關係所以就入去吃)
(註: 我媽媽 同爸爸e+去了放暑假旅行中)~=^.^=

仍然是一入門口就聞到熟識的味道"牛什"味~~~

我點了雙拚

牛什走腸+魚旦河~~~~

好味道~~~~味道依然

不過魚旦真的好一般~~~

不過不失~~~~有機會仍然會再來~~~~

行過尖沙咀突然想食湯粉 咁岩地鐵站附近見到呢間野 咁就入左去
入到去一睇餐牌 一大堆唔知幾錢既銀碼
諗住魚蛋粉唔會貴得去邊架姐 咁就叫左碗牛腩片頭河
落完單..27蚊....算數 當佢遊客區貴D同鬼叫自己唔識睇個銀碼咩
落單阿姐態度差唔在講 隔離檯大陸遊客 佢都係串串下咁
碗粉黎 牛腩還可以(27蚊碗好難難食) 片頭就呃人既
又係俾粒魚片形既炸魚蛋你
食完好口乾

間野係遊客區 佢餐牌用D連香港人都睇唔明既銀碼
遊客仲邊會睇得明? 簡直係影衰香港
我以後都唔會再黎

夜晚九點半,叫牛腩飯凍奶茶, waiter將張單對摺放喺玻璃下, 不妙! 打開嚟睇, $44, 明明見到餐牌寫住套餐凍飲加$2, 而牛腩飯係$33. 睇晒成張紙, 11am後供應, 假日照常, ....都冇其它條文, 唔理咁多, 美女廚房, 食咗先講.

一路食一路覺得唔掂. 牛腩好淋不過偏鹹; 地下好污穢, 當時四五個伙記, 得兩枱客, 都冇人清潔, 淨係大大聲叫水爆粗, 講波講無謂嘢. 典型港式老粗, 點解會喺遊客區到照伙遊客?

臨走細細聲問個伙記係咪計錯, 個伙記話夜晚冇套餐喎, 咁點解會擺個餐牌出黎同埋唔寫明11am-6pm, 而係11am後供應, 佢都係答番嗰句. 九丈遠有個伙記明明聽唔到我講咩但又好似慣晒咁又加把咀埋嚟話夜晚冇套餐架....

咁既舖頭喺遊客區營業, 真係淍香港既架!

PS:附訢最正既牛腩飯都應該係翠華

記不起那次到尖咀逛街，到了吃飯時間，想不到吃甚麼，記得曾經在這間茶餐廳吃過梅菜蒸魚飯，怎知來到時，發現這兒已沒有任何廚房菜式，只有燒味、茶水吧和魚蛋粉麵。與男友分別要了墨九魚蛋麵和牛丸魚蛋麵，因為見此茶餐廳的單拼粉麵與雙拼竟然是同價的，味道冇乜特別，丸類似來貨多，麵條冇鹼水味，幾好；不過吃完一碗麵後，十分口渴~~~~

星期六晚同bb去食個簡單既dinner,每人叫咗一碗粉(雲吞河,牛根米)+一碟付乳通菜

雲吞河,唔得, d河粉一陣味又唔滑,雲吞就一般,
牛根米,幾好,牛根入味幾香,米粉都爽口,唔錯
付乳通菜,一般嘢,無咩特別

侍應們惡型惡相,但服務幾好,比之前好咗,會主動走嚟問有無嘢未到,埋單仲識得講聲多謝,算係咁.

p/s:隔離台有個日本人嚟食嘢,侍應哥哥用流利日文同佢溝通,跟住又同後面台大陸同胞講普通話,真係嚇一跳,真係估佢唔到,一個字..."勁"

趕時間的情況下要盡快解決午餐，見堪富利士道有這間粉麵燒臘的食肆，就馬上跑來開餐。
其實在食肆門口已經有位伙計大佬，邊抽著煙說食飯埋便，都幾怪相，而幾位裡頭的伙計見沒有客人要招呼時又跑出來抽口煙，是對還是錯？另外幾個伙計望落可以用凶神兇剎來形容，但既來之則安之。
望落凶神兇剎的伙計，其實都幾有禮貌，需不能用斯斯文文來形容，但幾位伙計的招呼、落手速度都可以。

片頭河、牛肚麵及叉火肉飯，只嚐了片頭及叉火肉飯，片頭應是交來貨，有魚味但稍咸，叉火肉賣相好但食味普通，叉燒沒什香味及過韌，火肉以為會是脆皮但原來估錯，而應該是雪藏貨，沒舍肉味。
看到鄰座的食客的咖啡奶茶色水麻麻，都係信不過，要了支樽裝可樂吧了。

回來翻看這裡的食評都說這裡的招呼頗差，說實，看到伙計的貌相已經會打一折扣，可能言語之間的衝突吧，但怎說，這趟的招呼又不致要有喊臉食評。

昨早(年初7)諗住同親戚們快快食個早餐,之後就同佢地去玩,咁就非常求其咁入左li間茶餐廳……
主要有兩個男人(A:老侍應; B:煮麵男),服務態度十分十分之差!
1) -- 落單時,我諗住食3餸通粉,當我講:「要雪菜肉絲...」我都未講完, A 就覆:「雪菜肉絲通粉」,咁我咪問:「唔係可以叫3個餸ga咩?」, A 就用極差0既態度話:「咁你就講la!我咪聽梗law!」。我都係問下姐~使唔使咁晦氣ar?!
2) -- 我地仲叫左兩碗面(雲吞&牛腩), 我地等左好耐都未黎,問左幾次A 都好敷衍咁話煮梗。但隔離枱遲黎過我地而又係叫雲吞面0既男人都已經食梗喇!我地0個碗都仲未得!咁我地當中一位成員已經有D嬲,就同A 講:「人地遲黎過我地0既,碗面都黎左,問親你就話煮梗!」之後A 就用好冇禮貌,真係極之冇禮貌咁講:「面有早煮D,遲煮D,人都有早死同遲死la!」,我都忍唔住話佢:「你咩態度ar!」,真係好過份,邊可以咁冇禮貌咁同客人講野ga,我地等到嬲都冇咁同佢講野la,仲要0係新年同人講埋d咁0既野, A 既品格完全有問題!最衰帶住D親戚,唔係我一定走!
3) -- 到埋單時(收錢0既係B ),居然百幾蚊咁貴,我自己埋單前計過只係8十幾之嘛,望下張單(佢之前係冇俾單我地,到埋單A 先寫俾我地),我地發現A 寫多左一碗面錢, 就同B 講la, 點知仲慘過好似係我收多佢錢咁, B 好惡,冇禮貌咁講:「你唔好嘈住…咁你講俾我知你食過d咩先得ga!我同你計law!」, A 就即刻好大聲咁話:「係ar…佢地食左3碗面咋…」,如果我地事前冇計過幾多錢,咁咪俾佢地厄左?!找錢時仲要將d錢掟落枱度,真係冇禮貌到要死!
食物更加唔使講,又唔係好食,通粉得個咸字,餸又好少(幾粒雪菜肉絲、一塊細煙肉、兩塊超細3角形火腿)!真係唔抵! 服務態度真係負分,以後都唔會再去!

呢間野都唔知搞乜鬼...

叫佢過得落單, 佢地見到都唔過黎...唔大聲叫佢都唔過黎...d 伙計做野又唔小心...

再者仲要個餐牌用晒d 新一代香港年輕人唔會睇得明既數目字...

佢只得一樣好既...就係d 牛腩, 同雲吞都整得幾好食...幾入味...

以$19 一個牛腩麵黎講...真係整得幾好...

每人一個麵, 一個凍飲= $31

01/10/2006 晏晝同男友去食，叫左：

1) 牛丸牛腩面
2) 雲吞牛肚河
3) 油菜(生菜)

●牛丸有佢自家o既味道！好好味！

●牛腩就麻麻，太整齊切出黎~無D牛筋搭埋~
真係齋瘦腩，同埋唔係太淋、太入味~

●雲吞不過不失、牛肚都算係幾淋，幾好味！

●生菜都OK！油o既比例唔算真係好多~
幾好~~起碼我會食哂成碟~~

※不過呢間D野都算係幾細碟。

唔掂....0個肥佬侍應態度勁差.....
價錢牌又取巧....有欺騙之嫌
仲之貼錢買難受....28元食一碗四寶麵...掠水
總之呢世都唔會再去>o<

今日有d野去tst搞.
勁肚餓... 同男友黎左呢度食.
呢間源記裝潢比其他分店靚dd.

我地都要左中式茶餐A. 配火腿奄列+飲品.
男友: 豬扒公仔麵+熱奶茶
我: 雞扒米+熱奶茶
豬扒and雞扒係用碟上.
um... 我覺得個湯底幾油下..
我冇食豬扒, 唔知味道如何.
我d雞扒... 原來咖哩味的. 都ok肥膩.
個奄列男友話ok好食.
我覺得ok油, 同埋d火腿咸左d...
但份奄列都大大地, 如果少油就好喇.
熱奶茶, 普通味.

今晚大陸歸來就過o左尖咀接女友.諗住食埋o野先返歸.見都一排冇o黎食咪又試下囉~ 女友叫牛腩魚蛋米.自己就叫o左牛腩雲吞撈粗麵.再另叫o野飲.女友話D牛腩好食.呢樣我都有同感.不過雲吞就一般喇~麵質同湯都算係OK 啦~大致都算OK啦~除o左牛腩之外其他無太太驚喜...

放工同朋友一人一粉麵, 一個魚蛋河, 一個雲吞河, 兩個都唔掂.. 魚蛋得個咸字, 仲唔係唔係用魚造.. 雲吞熟過頭, 蝦好'鞋'...

雖然裝修過, 但唔會再食