自已係做飲食業，本應情人節冇假放，難得公司Call到散工返工，經理肯放我假同女朋友慶祝，多謝晒！六點鐘接月友收工後到新城市廣場行街(自已就係附近返工)，到七點九左右先開始搵野食，週圍都好多人，最後女友選了這裡，話想試下係西方情人節食中式野慶祝；等左約幾張飛就入到去，叫左個$248的中式二人餐，先來兩碗西洋菜湯，好似水咁冇咩味，跟住黎個蟹肉炒花菇伴小棠菜，味道尚可，小棠菜都算新鮮，跟住係西蘭花炒班球，炒得幾香，帶少許辣，幾惹味，可惜太細碟，最後黎埋個福建炒飯，幾好味，份量亦夠，可惜炒得較乾，冇咩汁；最後叫左熱檸茶及熱奶茶，成個餐最正的一環，茶味好香濃，熱度好夠，坐到約九點就埋單，連加一後273元，以情人節黎講都算幾抵，美中不足係女友半夜曾經嘔吐大作而睇醫生，搞到冇咩胃口食野，食剩了幾多，女友不停話唔好意思，浪費了我二佰幾元，我話等妳好番晒請番我食餐好就得啦！

昨日返工時從主任口中得知呢間只做到2月15日就因租約期滿而結束營業，收工時致電女友告知，原來我們係呢度食左一餐情人節的「最後晚餐」呢！

個日我同個fd係新城巿搵唔到岩食既店舖,之後我個fd就拉左我入去呢間"一世永遠難忘既餐廳",一入到去,見到客人不多都心知不妙(其他舖都迫爆人),之後我同我個fd坐低,d侍應水都冇杯,理都唔理下我地咁,叫左幾句,d侍應先慢慢咁行過黎幫我地落單,然後我同個fd係度吹水,d廚房佬同侍應當我地唔存在咁係度玩,好耐之後,我見我個fd碟炒飯都就食晒,我碟干炒牛河都仲未黎,叫左幾次侍應催催廚房,之後我先見到廚房d人行入去,過左一陣,我碟野先整好比我食,點知d手藝仲差過d新人學炒咁.....唸住佢地d奶茶會好d la(起碼自己出埋品牌),點知一飲,唔滑不突止,d味道仲怪怪地= =,之後我地終於都辛苦地食完呢餐,仲要收我地百幾蚊,心唸(唔怪得之佢地咁都唔"汁粒"啦,人地其他舖排晒長龍,唔想等位,又肚餓咪試下食佢lo,之後收人地勁貴黎為皮)

中秋節的前一晚，剛巧是星期六，吃飯時間，沙田新城市廣場內每一間餐廳酒樓都大排長龍，唯獨這一間叫「大排檔」的食店，居然有不少空桌子，偌大的地方，只得食客三數。都怪自己不好，為了不想妻兒久等，及抱著「好又一餐，唔好又一餐」的心態，我們就此渡過了一個難忘的迎月夜。

侍應的服務態度奇差，他們每人都似避開我們的目光，以求少做工夫。我們要求一杯熱開水為小朋友做食物，送來的卻是較室溫稍高的和暖水，我們要求更換時，那位穿粉藍色衫不用穿制服看似是經理的男人，把暖水往水盤一倒，便將其中一隻手指深深地插進杯內，遞給水吧加添熱水。

上樑不正下樑歪，其他侍應亦似從未接受有關的基本訓練。一位女侍應麻木不仁地將仍滾燙的煲仔菜放在小孩面前。菜到齊後，我們刻意不作要求，看看要等多久侍應才會將餐碗送上，多位侍應在桌旁來回穿梭，間中也會向我們的桌面瞧上一眼，但就總是沒人將碗送上，六、七分鐘過後我們唯有放棄沉默，開口要求餐具，結果侍應將兩隻碗著放在餐桌上，也沒有將它們分開擺放好。白飯應該隨菜自動送上，但偏偏就是要三催四請才有人送來。

食物清潔方面先不去說，三個男侍應中有兩個蓄著「油脂脂」的長髮，另外兩個女侍應蓄著的是更長更「油脂脂」的亂髮，更尤甚者，我們發覺他們有一共通點，就是都有愛用手擦眼擦臉的習慣，我想我不是吹毛求疵，但侍應們這樣的裝束行徑，不叫食客們倒胃才怪！

以這樣的管理質素，看官們覺得廚房的情況又會是如何？

食物質素乏善足陳，以這樣的食物質素，價錢可說是偏高。

整間食店唯一可取之處，是在環境及衛生方面，能做到「名符其實」，另人產生正確的聯想。

不說你不知，說了嚇一驚，這間食店原來被香港旅遊發展局評定為符合「優質旅遊服務計劃」的認可商戶。我們在一面用膳，一面滿肚子不滿的同時，可見到那位穿粉藍色衫不用穿制服看似是經理的男人的襟前，所釘著的一枚金色「優質」襟章正在閃閃發亮！

呢間野真係永世都唔會再去

我同個朋友來到呢度食完之後返工，相繼出現肚痛同頭暈感覺，懷疑係ｄ奶茶出問題。

好，就當呢樣野係其次，服務態度欠佳係一個大問題，一拎拎兩杯熱水來，我朋友話想要凍水，果個侍應勁唔好老脾眼神望住我地，勁快拎走ｄ水，求其掉兩舊冰落來就俾返我地。

我朋友個煎雙蛋，用勁大隻碟來擺，剩好多位，搞到賣相非常核突，連我朋友都呆左..

整體上，呢間野又貴服務態度又差，去唔過，就係咁多。

今晚同媽咪+auntie食飯, new town plaza其他餐廳, 包括仙踪林都大排長龍, 無choice之下, 唯有入幾年無入既大排檔... 因為只有佢無人等位... 結果係... 好嬲咁走

我地叫左個二人餐加一個dish, 三個人食. 有兩個湯, 問題出響一個叫"海皇鮮菇豆腐煲"... 上菜時... 我地三個都好suprise... 因為搵哂全煲, 都無一粒海鮮... 叫manager埋黎, 諗住佢係比錯左啦, 點知佢話"海皇"只係個gimmick, 好聽d咁wor... 唔講其他dish唔好食啦, 有無攪錯?! 又係咁?! 結果擾攘左一番, 我講到要去消委會告佢d野有誤導成份, 佢先比個8拆我...嘿

幾年前既年尾, 已經遇過一次咁既事, 激到我地幾年無去. 果次叫左個set dinner, 有一個叫"發財好事"既湯, 點知黎到係沙參玉竹, 一d名發菜同蠔"士"都無, 果時manager都係覺得無錯, 又係話係gimmick!!

真係好笑, 咁既餐廳都有既?! 仲可以有個"優"字既襟章?! 咁既service, 幾年都無進步, 我一定唔會再去. 唔怪得new town plaza其他餐廳做都做到手軟, 佢都可以咁少人

食o左碗牛展米加咖啡，午餐o黎既($42計埋加一)，個米粉超淡，好似用滾水咁，又細碗，個咖啡都係一般o者，咁o既價錢，真係唔底！！去普通茶餐廳都好過佢、正過佢、底過佢！

前日下午0係度食tea,我地要牛腩米,沙嗲牛米同雞翼米茶餐,包一杯飲品.

個牛腩米好一般,牛腩好韌,味道一般...米粉唔算特好食,我叫0左杯鴛鴦,味道就ok,但奶味遠重於咖啡同奶茶味,尚可改善.

食到一半,有個同事同我一樣叫牛腩米,佢就發現碗入面有蟑螂腿...好恐怖...

I had heard a lot of bad comments about it before I tried. It was almost X'mas and we could not find a place for dinner in TST but this one (already a bad sign...).
2 of us ordered 2 drinks, fried rice, squid stir-fry and sweet sour pork. The food was very average: no better than we could get in any oridnary 茶餐廳. But the highlight was the price. We paid 200+ including tips.
I like to use Maxim's as a benchmark for it. In terms of environment, it scores better, but not a whole lot better. In terms of food, Maxim's clearly beats it. In terms of price? We can get the same thing for probably half the price.
I have never returned since then. Neither have my friend.

同朋友o係度食早餐, 我order o左個火腿芝士奄列(配多士)同熱奶茶~ 奶茶唔夠滑, 多士好厚, 已經搽埋牛油, 算ok, 奄列幾大, 賣相幾靚, 味道都ok啦~ 不過咁就$28, 仲要加一, 好唔抵....
係個環境企理d咁囉~

話明大排檔<br />
點解d 炒粉麵無里鑊氣..奶茶又唔夠茶味.<br />
不論不類.<br />
咁我情願揀間無咁舒服,無冷氣的真正大排檔好過.<br />
又貴又唔食唔到真正的風味.咁我做咩要黎?

近日去食野時,i think is better than before wo!!
無錫骨is the best ！！
為何before no this think ??
玉樹麒麟班都好好食！！
這裡能吃到這些菜色真是不俗！！
比ｄ心機，我以後都會繼續支持　︿︿

很普通的廣東菜,但都幾好味,也不算太貴,過得去啦!套餐都幾低食!

一個燒味飯加凍級茶都要＄５０蚊，就係佢過特色？

唔知大家有無去過沙田，係大排檔附近有好多食肆，間間都要等半個幾鐘起碼，但唯獨是大排檔係唔駛等位都可以即刻入座既，點解?? 無他既... 自己諗下啦!!

75% No Good.